राजनीति

पूर्णपुष्टि, जेठ १० गते । उदयपुरको त्रियुगा नगरपालिकामा स्थगित भएको मत गणना आज ‐मंगलवार) बाट गरिने छ । त्रियुगाको १२ नं. वडामा भएको विवादका कारण त्रियुगामा स्थगित भएको गणना आज १०ः३० बाट सुरु गरिने मुख्य निर्वाचन अधिकृतको कार्यालय उदयपुरले जनाएको छ । निर्वाचन आयोगको जेठ ९ गतेको निर्णय अनुसार स्थानीय तहको निर्वाचन वैशाख ३० गतेमा भएको मतदानको मतगणना आजबाट गरिने छ ।...

पूर्णपुष्टि, जेठ १० । दलहरुकाे व्यापक असहमतिकाबीच त्रियुगाकाे मतगणना आज सुरु गर्ने भएकाे छ । मुख्य निर्वाचन अधिकृत उत्तम  सिलुवालले आजबाट मतगणना सुरु गर्ने बताउनुभयाे । "निर्वाचन आयाेगबाट मतगणना गर्ने निर्णय आएकाे छ" सिलुवालले भन्नुभयाे -"मतगणनाकाे तयारी गर्दैछाैं" त्रियुगा-१२ काे मतदान विवादित भएसंगै स्थगित भएकाे थियाे । मतदानटाेली पुन: मतदान गर्ने भन्दै सुचना टासेर हिडेकाे थियाे । तर, लामाे समय निर्णय नआउदा त्रिनपा १२ मा पुन:मतदान हुने वा सिधै मतगणना हुने भन्ने अन्याैलता छाएकाे थियाे । नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी, राप्रपा लगायतले पुन मतदानकाे माग राखेका छन् । नेकपा एमाले र नेपादरली काङ्ग्रेसले भने मत गणनाका लागि दवाव दिदैआएकाे थियाे ।...

पूर्णपुष्टि, जेठ ९ । धरान उपमहानगरपालिकामा सायद कसैले पनि सोचेका थिएनन् होला कि यो पटक हर्क साम्पाङले चुनाव जित्लान भनेर । सर्बसाधारण मतदाताहरुमा केही आशा र भरोसा रहेछ । भित्रभित्रै मतदान दिएर जिताए । तर, ठूला दलहरु र तिनका नेता र उम्मेदवारहरुले कसैले पनि सोचेका थिएनन् एक स्वतन्त्र ब्यक्तिले सिङ्गो दलबललाई पराजय भोगाउला भनेर । तर, यो परिणाम मै देखि सकियो । विना दलबल जनताको घर आगनमा पुगेर मलाई एक भोट भन्दै हिड्ने स्वतन्त्र मेयरका उम्मेदवार साम्पाङ अन्ततः विजयी बने । उनको विजयले अव दलहरु र तिनका ठूला नेता भनाउदाहरुलाई निकै सोच्न बाध्य बनाएको छ । पैसा र पहुँचको भरमा पनि हर्क साम्पाङ जस्ता ब्यक्तिलाई हराउन नसकिने रहेछ भन्ने शिक्षा पनि भएको छ । जनता अव आफैमा सचेत र सजग पनि हुन थालेको आभाष यसपटक धरानको चुनावले देखाएको छ । हर्कलाई दलबल, भिडभाडमा रमाउनेहरुले चिनेका थिएनन् तर, मतदाताले कत्ति मजाल...

पूर्णपुष्टि, जेठ ९ । उदयपुरको कटारी नगरपालिकाको पछिल्लो मतगणनाको परिणाममा प्रमुखमा गठबन्धनतर्फको प्रमुख पदका उम्मेदवार नेपाली काङ्ग्रेसको राजेशचन्द्र श्रेष्ठको अग्रता छ भने उपप्रमुखमा नेकपा एमालेकी गिता खड्काको अग्रता छ । प्रमुखमा ३१६ मतको अन्तरले काङ्ग्रेसको श्रेष्ठको अग्रता छ । ४६९५ मत रहेको श्रेष्ठको निकटतम् प्रतिद्वन्द्वि नेकपा एमालेका ज्ञानेन्द्र श्रेष्ठको मत ४३७९ रहेको छ । उपप्रमुखमा फराकिलो मत अन्तर रहेको छ । १७८२ मतअन्तरले एमालेकी खड्का अगाडी छिन् । उनको ४६५२ मत प्राप्त हुँदा निकटतम् प्रतिद्वन्द्वि गठबन्धनतर्फका उपप्रमुख उम्मेदवार नेकपा (माओवादी केन्द्र) का विनोद कटुवालको २८७१ मत रहेको छ । प्रमुखमा एमाले र काङ्ग्रेसको अग्रता आलोपालो आउने गरेको छ । तर, उपप्रमुखमा भने सुरुदेखि नै एमालेले अग्रता कायम गरेको छ ।...

पूर्णपुष्टि, जेठ ९ । उदयपुरको कटारी नगरपालिकाको वडा नं. ४ मा झिनो मतले वडाध्यक्षका स्वतन्त्र उम्मेदवार विजयी बनेका छन् । मात्र ३ मतले भुपेन्द्रसिंह तामाङ वडाध्यक्षमा विजयी बनेका हुन् । ४० वर्षिय तामाङको चुनाव चिन्ह मुढा रहेको थियो । तामाङले ६६८ मत प्राप्त भएको छ । ६६५ मत प्राप्त गरेको निकटतम् प्रतिद्वन्द्वि नेकपा एमालेका चिनबिर दनुवार ३ मतले पराजित बन्न पुगे । सो पालिकाको वडा नं. ८ मा पनि मुढा छापका स्वतन्त्र उम्मेदवार नविन्द्रकुमार तामाङले जीत हात पारेका छन् । उनी पनि झिनो मतले विजयी बनेका हुन् । उनले ५५३ मत पाउदा निकटतम् प्रतिद्वन्द्वि नेकपा (माओवादी केन्द्र) का कमलबहादुर श्रेष्ठले ५४१ मत पाएका छन् । १२ मतअन्तरले स्वतन्त्र उम्मेदवार तामाङ विजयी बनेका हुन् ।...

पूर्णपुष्टि, जेठ ८ गते । देशभर नेपाली काँग्रेसले ३ सय ३१ स्थानीय तहमा मेयर पदमा विजयी गरेको छ, भने उप–प्रमुखमा २ सय ८८ स्थानमा जीत हासिल गरेको छ । यता नेकपा एमालेले देशभर १ सय ९२ स्थानीय तहमा आफुलाई स्थापित गरेको छ । एमालेमा उपमेयर पदमा २ सय १९ स्थानीय तहमा जीत हासिल गरेको छ । माओवादी केन्द्र १ सय २० प्रमुखमा विजयी भएको छ । माओवादीबाट उपमेयरमा १ सय २६ सिट आएको छ । जनता समाजवादी पार्टी नेपालले पनि २९ स्थानमा प्रमुख पदमा जीतेका छन् । यता उपमेयरमा ३१ स्थानमा जसपा आएको छ । एककिकृत समाजवादी पार्टीले १७ स्थानमा प्रमुख तथा २० स्थानमा उपप्रमुख पदमा विजयी भएका छन् । लोकतान्त्रीक समाजवादी पार्टीले देशभरमा १३ स्थानमा प्रमुख तथा ९ स्थानमा उपप्रमुखमा जीत हासिल गरेको छ ।...

पूर्णपुष्टि, जेठ ८ गते । उदयपुरको कटारी नगरपालिका–१० मा मतदान पश्चात गोली चल्दा १९ वर्षीय नवीन कटुवालको मृत्यु भएको थियो भने १३ वर्षीय मोहन श्रेष्ठ घाइते भएका हुन् । सोही घटनाले कटरीको मत गणना केही समयको लागि स्थगित गरिएको थियो । अहिले निरन्तर मत गणनाको कार्य भईरहदा एमालेबाट मेयर पदका उम्मेदवार ज्ञानेन्द्र श्रेष्ठ ३३०० मतका साथ अगाडी रहेका छन् । श्रेष्ठलाई ३१३३ मतका साथ गठबन्धका उम्मेवाद राजेश चन्द्र श्रेष्ठले पछ्याइरहेको छ । यता, उपमेयर पदमा एमालेकै उम्मेदवार गिता खड्का ३४३७ मतका साथ अगाडी रहेका छन् । खड्कालाई गठबन्धनबाट विनोद कटुवालले २५२३ मतका साथ पछ्याइरहेको छ । अहिले सम्म कटारीको ९ वटा वडामा गणना सकिएको छ । वडा १४ मा अम्बरबहादुर मगर, १३ मा शम्भु श्रेष्ठ, १२ मा यम्बरबहादुर कटुवाल, ११ मा अनन्त हायु, १० मा क्षेत्रबहादुर खड्का, ९ मा वेग बहादुर आलेमगर, ८ मा नविन्द्रकुमार तामाङ, ७ मा सुव...

पूर्णपुष्टि, जेठ ८ गते । उदयपुरको कटारी नगरपालिका–६ बाट नेकपा एमाले विजयी भएको छ । एमालेबाट वडा नं. ६ का वडा अध्यक्ष पदमा उम्मेदवारी दिएको प्रेमबहादुर मगर ४ सय २५ मतका साथ विजयी भएको छन् । मगरले आफ्नो प्रतिस्पर्धी स्वतन्त्र उम्मेदवार कृषणबहादुर मगरलाई ६० मतान्तरले पराजित गर्दै उनी विजयी भएका हुन् । यता एमालेबाटै महिला सदस्य मेलिना श्रेष्ठ, दलित महिला सदस्य अम्वीकाकुमारी नेपाली र खुल्ला सदस्यमा रामकुमार धिमाल विजयी भएका छन् । त्यस्तै, नेपाली काँग्रेसबाट एक जना खुल्ला सदस्य अम्बरबहादुर जर्घा मगरले जितेका छन् ।...

पूर्णपुष्टि, ८ गते । नेकपा एमाले नेता तथा निर्वाचन परिचालन कमिटी सह–संयोजक हिमाल सुवेदीमाथि कुटपिट भएको छ । इटहरीमा उपमेयर पदका पराजित उम्मेदवार केशव कुमार विष्टका छोरा कैलाश विष्टसहित तीनजनाले आज आईतवार विहान आफूलाई कुटपिट गरेको सुवेदीले बताएका छन् । मतगणना सकेपश्चात इटहरी उपमहानगरपालिकाको कार्यालयबाट निस्किएपछि कुटपिट भएको सुवेदीले भएका छन् । घटनाको विरोधमा एमालेले पूर्व–पश्चिमा राजमार्ग बन्द गरेर विरोध प्रदर्शनमा उत्रिएको छ । बिहान ७ बजे आक्रमण भएको उनको आरोप छ । सुबेदीका अनुसार आक्रमण हुनुभन्दा १५ मिनेट अघि फेसबुकमा ज्यान मार्ने धम्कीसहित म्यासेज समेत आएको थियो । सुवेदीमाथि आक्रमण भएपछि अहिले इटहरीको पूर्व–पश्चिम राजमार्गमा एमालेका कार्यकर्ताहरूले नाराबाजीसहित प्रदर्शन गरिरहेका छन् । प्रदर्शनका कारण अहिले पूर्व–पश्चिम राजमार्गमा सवारीसाधन आवतजावत अवरुद्ध भएको छ । बाक्लो सङ्ख्यामा ने...

पूर्णपुष्टि, जेठ ६ गते । उदयपुरको त्रियुगा नगरपालिका–१२ नं. वडाका सयौँ मतदाता मतदान गर्नबाट वञ्चित भएका छन् । वैशाख ३० गते भएको स्थानीय तहको चुनावमा मतदानको क्रमममा जनप्रेमी विद्यालयमा भएको विवादका कारण मतदान स्थगित भएको थियो । सूचनामा उल्लेख भए अनुसार वर्षाको कारण वडा नम्बर १२ को मतदान स्थगित भएको र अर्को सूचना टास गरि पुन: मतदान गरिने सूचनामा उल्लेख रहेको थियो । मतदान स्थगित भएको ८ दिन भइसक्दा पनि पुन ः निर्वाचन नहुदा स्थानीय मतदान गर्नबाट बञ्चित भएका हुन् । वडाबासीहरु आज (शुक्रवार) निर्वाचन कार्यालयमा गएर नवनियुक्त निर्वाचन अधिकृत उत्तम सिलवाललाई आफ्नो मत हालेर जनप्रतिनिधी छान्ने अधिकार हनन् भएको भन्दै ज्ञापन पत्र बुझाएका छन् । वडाका करिब २ सय भन्दा बढी मतदाताहरुले आफ्नो नामसहित लिखित रुपमै मतदानबाट बञ्चित भएको ज्ञापन पत्रमा उल्लेखित निर्वाचन कार्यालयलाई जानकारी गराएको छ । उनीहरुले पु...