Month: ६ वर्ष अगाडि

मिलन परियार  लिम्चुङ्बुङ /चैत २६ लकडाउनका कारण दाना नपाउने र ढुवानी नहुने भएपछि कुखुरा फर्महरुमा असर पर्नुका साथै कुखुरा व्यवसायीहरुको विचल्ली भएको छ । दानाकै कारण फस्टाउने ब्रोइलर दाना ढुवानी नभएपछि व्यवसायी कुखुरा फर्मका किसानहरु यतिवेला चिन्तामा छ । उदयपुरको लिम्चुङ्बुङ गाउँपालिकाका कुखुरा व्यवसायीहरुलाई बिश्व माहामारीको रुपमा फैलिएको नोबेल कोरोना भाईरस कोबिड १९ ले व्यवसायमा प्रत्यक्ष असर पारेको कृषकहरु बताउँछन् । व्यवसायीहरुले यतिवेला घाटा व्यहोर्नु परेको गुनासो सुनाउँदै आफहरुमा यसले ठुलो चिन्ता बनाएको समेत बताएका छन् । पालिकाको बिभिन्न ठाउँहरु जाँते, बास्बोटे , बाराहा , बलम्ता , ताम्लिछा, हिम्मा , टोडके , चौलाने , ढुकुरथुम , खोस्टुङ लगएतका स्थानहरुमा व्यवसायीक रुपमा ब्रोइलर तथा गिरिराज कुखुरा पालन गरिदै आएका छन् । तर अहिले ढवानीका लागि साधन नपाउँदा कुखुराहरुको बिजोग भएको छ ।...

  पूर्णपुष्टि/चैत्र,२६ नेपाल पनि कोरोना भाईरसको माहामाहरीको संक्रमणमा छ । यहिवेला भने प्रदेश नं ५ लुम्विनी अञ्चल अस्पतालका डाक्डरहरु सेवामा नखटिएको भन्दै सामाजिक विकास मन्त्रालयले ५ जना डाक्टरलाई बर्खास्त गरेको छ । प्रदेश नं ५ सामाजिक विकास मन्त्रालयले बिनासूचना अनुपस्थित भएका ५ डाक्टरहरुलाई सेवा बाट वन्चित गरेको हो ।  अस्पतालका मेडिकल सुपरिटेन्डेन्ट डा. राजेन्द्रप्रसाद खनालका अनुसार रेडियोलोजी विभागमा कार्यरत ताराप्रसाद शर्मा र बरदान वली, ईएनटी विभागका प्रकाश न्यौपाने, यूरोसर्जन सुवासचन्द्र चौधरी र आकस्मिक विभागमा कार्यरत प्रकृति कार्कीलाई सेवाबाट हटाइएको हो । अस्पतालका मेडिकल सुपरिटेन्डेन्ट (मेसु)डा. राजेन्द्र खनालले ‘सामाजिक विकास मन्त्री सुदर्शन बरालले सेवामा नखटिने डाक्टरहरुलाइ तत्काल बर्खास्त गर्न निर्देशन दिएको बताए ।’ सामाजिक विकास मन्त्री सुदर्शन बरालले सिंगो म...

पूर्णपुष्टि/चैत्र,२६ हङकङको ओसन पार्क चिडियाखानामा रहेको एक पाण्डा जोडिले १० बर्ष पछि सम्भोग गरेको छ । विश्वमै जोखिमपूर्ण सुचिमा राखिएको जनवारको रुपमा पर्ने पाण्डा जोडिले लामो समयपछि सम्भोग गरेको भन्दै ओसान पार्क तथा हङकङबासी नै खुसी भएका छन् । कोरोना भाइरसको कारण हङकङमा रहेको ओसन पार्क अहिले सुनसानमय अवस्थामा छ । यहि अवसरले यो जोडिलाई सम्भोग गर्ने वातावरण मिलाइदियो । विश्वमा कम संख्यामा रहेको कारण जोखिमपूर्ण सुचिमा राखिएको यस जनवारले सदस्य थप्ने कुरामा हङकङबासीहरु उत्साहित बनेका छन् । सम्भोग बढाउनु भनेको खुसीको कुरा रहेको भन्दै हङकङको ओसन पार्कका भेटनरी डाक्टर तथा जनवार विज्ञहरु यसको हरेक क्रियाकलापको पछि लाग्न थालेको छ । ती पाण्डा जोडिकोे नाम यिङयिङ र लेले हो । पार्कका अनुसार सोमबार बिहान ९ बजेतिर यिङयिङ र लेलेले शारिरिक सम्पर्क गरेको जनाइएको छ । पार्कको एक विज्ञाप्तीमा यिङयि...

पूर्णपुष्टि, चैत २५ । कोरोना भाइरसको संक्रमणबाट देशलाई बचाउनु पर्ने अवस्थामा मिडिया क्षेत्रले आफ्नै भूमिका निर्वाह गरिरहेको बेला खोटाङमा एक पत्रकारलाई एक जिम्मेवार व्यक्तिले धम्क्याएकोप्रति नेपाल पत्रकार महासंघ, शाखा खोटाङको गम्भिर ध्यानाकर्षण भएको छ । प्रभाव न्यूज डडकमका पत्रकार उत्तम चौलागाईलाई नेपाली कांग्रेसका खोटाङ जिल्ला सभापति नरेशकुमार श्रेष्ठले धम्क्याएको भन्दै महासंघ शाखाले आज विज्ञप्ती जारी गरी गम्भिर ध्यानाकर्षण जनाएको हो । महासंघ खोटाङ शाखाका सचिवसमेत रहेका चौलागाईलाई खोटाङको दुर्छिमस्थित खानीडाँडामा क्वारेन्टाइन राख्न सभापति श्रेष्ठको अवरोध भन्ने खबर लेखेको भन्दै धम्क्याएको विज्ञप्तीमा उल्लेख छ । श्रेष्ठले “भेटघाटमा राम्रै चिनजान हुन्छ, पैसामा विकेर समाचार लेखेको, यसले ज्यान पनि जानसक्छ” भन्दै धम्क्याएको पत्रकार चौलागाईले बताएका छन् । एक जिम्मेवार व्यक्तिबाटै आ...

पूर्णपुष्टि, चैत २५ । कोरोना भाइरस संक्रमणको आशंकामा हालसम्म स्वाव परिक्षण गरिएका उदयपुरका १३ जना सबैमा रिपोर्ट नेगेटिभ देखिएको छ । बेलका नगरपालिकाबाट धरान लगि धरानबाट परिक्षणका लागि काठमाडौं पठाएको एकजनाको स्वाव नमुना र जिल्ला अस्पताल उदयपुरले स्वाब नमुना संकलन गरी धरान स्थित विपी कोइराला स्वस्थ्य विज्ञान प्रतिष्ठानमा पठाएको १२ वटा स्वावको रिपोर्ट नेगेटिभ आएको हो । पछिल्लो समय धरानमै परिक्षण थालिए पछि १२ जनाको पठाएको हो भने त्यसअघि १ जनाको पठाइएको थियो । धरानमै परिक्षण हुन थालेपछि रिपोर्ट छिटो आउन थालेको हो । १३ जनामा ८ जना त्रियुगा नगरपालिका, ४ जना लिम्चुङबुङ गाउँपालिका र १ जना बेलका नगरपालिकाका हुन् । अहिलेसम्म उदयपुरमा संक्रमित भेटिएका छैनन् । जिल्ला जनस्वस्थ्यले आज नमुना संकलन गर्ने सामग्री विराटनगरबाट ल्याएको जनाएको छ ।...

पूर्णपुष्टि, चैत्र २५ प्रदेश १ मा वेड संख्यासंगै क्वारेन्टाइनमा बस्ने सर्वसाधारणको संख्या पनि बढ्दै गएको छ । मंगलबार क्वारेन्टाइन बेड संख्या थपिएर ४ हजार १ सय १५ पुगेको मुख्यमन्त्री तथा मन्त्रिपरिषद् कार्यालय प्रदेश १ कोरोना सूचना डेस्कले जनाएको छ । सोमबारसम्म क्वारेन्टाइन स्थल संख्या २ सय ५१ रहेकोमा मंगलबार तीनवटा थप भई २ सय ५४ पुगेको छ । क्वारेन्टाइनमा बस्नेको संख्या पनि थप भएर मंगलबारसम्म जम्मा २ हजार ८ सय ८५ जना क्वारेनटाइनमा बसेका छन् । सोमबार यो संख्या २ हजार ८ सय ४७ जना थियो । मंगलबार २ महिला र ३८ पुरुष क्वारेन्टाइनमा थप भएका हुन । आइसोलेसनमा बसेका २१ जना डिस्चार्ज भएका छन् । सोमबार डिस्चार्ज हुने संख्या ११ थियो । सरकारले विभिन्न अस्पतालहरुमा आईसोलेसन वार्ड नै तयार गरेर उपचार प्रबन्ध गरेको छ । प्रदेश १ मा हालसम्म ९० जनाको ‘थ्रोट स्वाब’ संकलन गरी परीक्षणका लागि बीपी कोइरा...

पूर्णपुष्टि, चैत २५ । सेभ द चिल्ड्रेनको स्थानीय साझेदार संस्था वाल विकास समाज नेपाल उदयपुरको सहकार्यमा विभिन्न स्वास्थ्य सामाग्रिहरु उदयपुरका स्थानीय सरकारहरुलाई हिजो हस्तान्तरण गरिएको छ । सेभ द चिल्ड्रेनका कार्यक्रम संयोजक दिपक वुढाथोकीका अनुसार सेनिटाइजर १४ लिटर, सर्जिकल मास्क १५०० थान,  ग्लोव १२२० जोडी, वुुट १५ जोर, सावन २०० थान, युुटिलिटी ग्लोव १५ जोर लगायतका करिव १ लाख ५० हाजार भन्दा वढीका स्वास्थ्य सामाग्रीहरु वितरण गरिएको हो । जिल्लाका ताप्लि, उदयपुर गढी गाउँपालिका, त्रियुुगा र कटारी नगरपालिकामा  सामाग्री हस्तान्तरण गरिएको संयोजक बुढाथोकीले बताउनुभयो । कोरोना भाइरस रोग कोभिड –१९ को महामारीमा स्वास्थ्य संस्था, क्वारेन्टाइन स्थल, हेल्प डेक्स, आइसोलेसन वार्ड, विरामी ल्याउन प्रयोग हुने एम्वुलेन्स लगायतका अवस्थामा अत्यावश्यक स्वास्थ्य सामाग्रीहरुको माग भइ रहेको छ । नेपालमा कोभिड...

पूर्णपुष्टि, चैत्र २५ । हिजाेसम्म कूल रु. ११ करोड ६५ लाख ११ हजार ८ सय ३१ रुपैया प्रदेश १ को कोरोना जनसुरक्षा कोषमा जम्मा भएको छ । कोषमा सोमबार थप रु. ५ लाख ९२ हजार ७ सय ४२ रुपैयाँ प्राप्त भएको हो । कोषमा आइतबारसम्म रु. ११ करोड ५९ लाख १९ हजार ८९ रुपैयाँ जम्मा भएको थियो । कोरोना भाइरसको रोकथाम, प्रतिरक्षा र उपचारका लागि प्रदेश सरकारले कोषको स्थापना गरेको हो । राष्ट्रिय बाणिज्य बैङ्क विराटनगर शाखाको कोरोना जनसुरक्षा कोष खाता नं २१२०००५८८१०१ मा जम्मा गर्न तथा फोन पेबाट पनि रकम जम्मा गर्न सकिने मुख्यमन्त्री कार्यालयले जनाएको छ । कोषमा बैंक, संघसंस्था, उद्योगी, व्यवसायी तथा विभिन्न क्षेत्रका दाताबाट सहयोग जुट्ने क्रम जारी रहेको छ ।...

पूर्णपुष्टि, चैत्र २५ प्रदेश १ मा आइसोलेसनमा बसेका पाँच मिहला र छ पुरूष गरी ११ जना हिजाे डिस्चार्ज भएका छन् ।  सरकारले विभिन्न अस्पतालहरुमा आईसोलेसन वार्ड नै तयार गरेर उपचार प्रबन्ध गरेको छ । मुख्यमन्त्री तथा मन्त्रिपरिषद् कार्यालय प्रदेश १ का अनुसार आइसोलेसनमा सोमबारसम्म १५ जनालाई राखिएको छ । सरकारले प्रदेश १ मा ४ सय ३८ आईसोलेसन बेड तयार गरेको छ । यसैगरी ४ हजार ३७ वटा क्वारेन्टाइन बेड तयार गरेको छ । यसैगरी संक्रमित उपचार गर्न ४४ आईसियू बेड तयारी अवस्थामा छन् । प्रदेश १ मा हालसम्म ८५ जनाको ‘थ्रोट स्वाब’ संकलन गरी परीक्षण गरिएको छ । तीमध्ये ६९ जनालाई कोरोना नभएको पुष्टि भएको छ । बाँकीको रिर्पोट आउन बाँकी रहेको छ । स्वाब परीक्षण गरिएकामा १८ महिला र ५१ पुरुषको रिर्पोट आएको हो । परीक्षणका लागि १९ महिला र ६६ पुरुषको स्वाब नमूना धरान पठाइएको छ । प्रदेश १ मा बीपी कोइराला स्वास्थ्य विज्ञा...