Month: ६ वर्ष अगाडि

पूर्णपुष्टि, बैशाख २१ गते । आज विश्व प्रेस स्वतन्त्रता दिवस मनाइंदैछ । सन् १९९३ मा संयुक्त राष्ट्रसंघको साधारणसभाले घोषणा गरेपछि युनेस्कोको आह्वानमा मे ३ का दिन विश्वभर विश्व प्रेस स्वतन्त्रता दिवस मनाउन थालिएको हो । रिपोर्टर विउट बोर्डर्सले प्रकाशित गरेको प्रेस स्वतन्त्रता सूचकंक २०२० मा नेपालको स्थान गत वर्षको तुलनामा ६ स्थान खस्किएर १ सय ८० देशमध्ये १ सय १२ औं स्थानमा पुगेको छ । २०७६ सालमा प्रेस स्वतन्त्रता हननका ६० वटा घटना भएको छ । यी घटनामा ९४ पत्रकार तथा तीनवटा सञ्चार संस्था पीडित भएको नेपाल पत्रकार महासंघले जनाएको छ । पत्रकार गिरफ्तारका ८ वटा, स्वतन्त्र पत्रकारितामा अवरोध तथा कब्जाका ३ वटा, पत्रकारमाथि आक्रमणका १३ वटा, दुवर््यवहार तथा धम्कीका ३२ वटा, पत्रकार पेशाबाट विस्थापनको एउटा र पेशागत असुरक्षाका तीनवटा घटना भएको महासंघको सञ्चार अनुगमन इकाईको अभिलेखले देखाएको छ । ...

पूर्णपुष्टि, बैशाख २१ गते । आज विश्व प्रेस स्वतन्त्रता दिवस हो । ‘भय र पक्षधरता मुक्त पत्रकारिता’ भन्ने नाराका साथ दिवस मनाइंदैछ । सन् १९९३ मा संयुक्त राष्ट्रसंघको साधारणसभाले घोषणा गरेपछि युनेस्कोको आह्वानमा मे ३ का दिन विश्वभर विश्व प्रेस स्वतन्त्रता दिवस मनाउन थालिएको हो । कोरोना भाईरसको प्रभावका कारण औपचारिक कार्यक्रम नगरेपनि डिजिटल संवाद, छलफल तथा सञ्चारमाध्यम मार्फत विभिन्न कार्यक्रमको साथ दिवस मनाइँदैछ ।...

पूर्णपुष्टि, बैशाख २१ गते । आज देशको धेरै ठाउँमा मेघगर्जन, चट्याङ, हुरीबताससहित पानी पर्ने सम्भावना रहेको मौसम पूर्वानुमान महाशाखाले जनाएको छ । विभिन्न प्रणाली सक्रिय भएकाले मंगलबारसम्म देशैभरका मौसम कम खुल्ने सम्भावना रहेको महाशाखाले जनाएको छ । यसैगरी राति पनि केही ठाउँमा पानी पर्ने अनुमान गरिएको छ । आजको भन्दा सोमबार र मंगलबार धेरै बदली हुने संभावना रहेको महाशाखाले जनाएको छ ।...

पूर्णपुष्टि, वैशाख २० । उदयपुरको रौतामाई गाउँपालिका ७ मुर्कुची (राजाबास) स्थित क्वारेन्टाइनमा रहेका १६ जनाको आज भएको आरडिटी टेस्टमा सबैको नेगेटिभ रिपोर्ट आएको छ । जिल्ला जनस्वास्थ्य प्रमुख मोहन सुवेदी नेतृत्वको स्वास्थ्यकर्मी टोलीले गरेको आरडिटी परिक्षणबाट उनीहरुको रिपोर्ट नेगेटिभ आएको पालिकका अध्यक्ष गजेन्द्रबहादुर खड्काले बताउनुभयो । सोही क्वारेन्टाइनमा एक युवाले विहिबार राती झुण्डिएर आत्महत्या गरेका थिए । उनीहरुले क्वारेन्टाइनमा बस्ने अवधि पुरा गरेपछि आरडीटी परिक्षण गरिएकोमा सबैको रिपोर्ट नेगेटिभ आएपछि सबैलाई घर पठाइएको अध्यक्ष खड्काले बताउनुभयो । उनीहरु सबै वडा नं. ७ कै रहेका थिए । अव मुर्कुचीको क्वारेन्टाइनमा ३४ जना बाँकी रहेका छन् । उनीहरु पोखराको धान्द्रुकमा मजदुरी काममा गएर गाउँ फर्केकाहरु हुन् । जनस्वास्थ्य प्रमुख मोहन सुवेदीले उदयपुरगढी गाउँपालिकामा विदेशबाट आएका प...

पूर्णपुष्टि, वैशाख २० । उदयपुरको भुल्केमा कोरोना संक्रमितको संख्या २८ जनामा थप अरु नबढेपछि त्रसित जनजीवन केही सामान्य बन्दै गएको छ । भुल्केमा २८ जना संक्रमित पुष्टि भएपछि त्रसित बनेको उदयपुरको जनजीवन आज दशौंदिनसम्ममा नथपिएपछि त्रसित जनजीवन सामान्य बन्दै गएको हो । भुल्केमा पहिलोपटक वैशाख ५ गते एकैसाथ १२ जनामा कोरोना संक्रमण पुष्टि भएको थियो । त्यसको भोलीपल्ट थप एकजनामा पुष्टि भएको थियो । त्यसपछि त्रसित बनेको जनजीवन वैशाख ९ गते थप त्रसित बनेका थिए । ९ गते थप ११ जनामा कोरोना संक्रमण पुष्टि भएको थियो । त्यसको भोलीपल्ट वैशाख १० गते थप ४ जनामा कोरोना संक्रमण पुष्टि भएपछि संक्रमितको संख्या २८ पुगेको थियो । यसले जनजीवन त्रसित बनेको थियो । २८ जना संक्रमित फेला पर्दासम्ममा भुल्केमा ३ सय ३७ जनाको स्वाव परिक्षण भएको थियो । त्यसपछि संक्रमितहरुको ट्रेसिङ एड्रेसको आधारमा अर्थात संक्रमितहरुको ...

पूर्णपुष्टि, बैशाख २० गते ।  कोरोना भाइरस (कोभिड १९) को संक्रमणका गम्भिर प्रकृतिका विरामीको संख्या घट्न थालेको छ । उपचार गराइरहेका मध्ये ३ प्रतिशतको स्वास्थ्य अवस्था गम्भीर रहँदै आएकोमा अहिले २ प्रतिशतभन्दा केही बढी मात्र गम्भीर रहेको वल्डोमिटरले जनाएको छ । अहिले २० लाख ३७ हजारभन्दा बढी संक्रमितले उपचार गराईरहेको छ । उक्त संख्यामध्ये ५१ हजारभन्दा बढीको अवस्था गम्भीर रहेको वल्डोमिटरले जनाएको छ । विश्वभर कोरोना संक्रमितको संखया ३४ लाख २२ हजारभन्दा बढी छ । उनीहरुमध्ये १० लाख ९३ हजारभन्दा बढी उपचारपछि निको भएका छन् भने दुई लाख ४० हजारभन्दा बढीको मृत्यु भएको  छ ।...

पूर्णपुष्टि, वैशाख २० । क्वारेन्टाइनमा बसेका उदयपुरका एक युवाले आत्महत्या गरेपछि क्वारेन्टाइनमा बस्नेहरुका लागि मनोपरामर्शको खाँचो देखिएको छ । रौतामाई गाउँपालिकाको वडा नं. ७ राजाबास (मुर्कुची) स्थित क्वारेन्टाइनमा एक युवाले हिजो झण्डिएर आत्महत्या गरेका थिए । श्रीमतीसंगै छुट्टै कोठामा बसेका युवाले राती आत्महत्या गरेका थिए । युवाले आत्महत्या गर्नुको कारण थाहा हुन सकेको छैन । प्रहरीले अनुसन्धान गरिरहेको छ । तथापी अहिलेको अवस्थामा क्वारेन्टाइनमा बस्नेहरुका लागि मनोपरामर्शको जरुरी देखिएको छ । क्वारेन्टाइनमा बसिरहदा एकाग्र हुने, बाहिरको गतिविधि, खबर, सञ्चारहरु प्राप्त नहुने, दैनिक जसो कोरोनाको संक्रमण बढ्दो र फैलदो सुनिने जस्ता कुराले आत्मबलमा ह्रास आउन सक्ने भन्दै उनीहरुलाई मनोविमर्शको आवश्यकता देखिएको हो । मुर्कुचीमा युवाको आत्महत्याबारे एकातर्फ अनुसन्धान भइरहेको छ भने अर्कोतर्फ क्...

पूर्णपुष्टि, बैशाख २० गते ।  कैलालीका भजनीको कान्द्रा नदीमा डुबेर एक युवाको मृत्यु भएको छ । भजनी नगरपालिका–४ झलझलीया निबासी १६ वर्षीय केशब पोखरेलको मृत्यु भएको हो । स्थानीय कान्द्रा नदीमा नुहाउने क्रममा एक्कासी डुबेर मृत्यु भएको प्रहरीले जनाएको छ । घटनाको जानकारी पाउना साथ तत्काल इलाका प्रहरी कार्यालय भजनीबाट खटेका प्रहरीले स्थानीय बासिन्दाको सहयोगमा पोखरेलको शव नदीबाट निकालेको प्रहरीले जनाएको छ । घटनाको सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि, बैशाख २० गते ।  काठमाण्डौबाट हुण्डी कारोबारमा संलग्न रहेको आरोपमा दुई जनालाई पक्राउ गरेका छन् । भारत मोतिहारी घर भई ललितपुरको सानेपा बस्ने ३९ वर्षीय रुपेशकुमार गुप्ता र बागलुङ घरभई काठमाडौं नयाँबानेश्वर बस्ने ३५ वर्षीय सागर श्रेष्ठलाई प्रहरीले पक्राउ गरेको हो । विशेष सूचनाको आधारमा महानगरीय प्रहरी वृत्त कालिमाटीबाट खटेको प्रहरी टोलीले काठमाण्डौं महानगरपालिका–१३ टंकेश्वर र काठमाडौं महानगरपालिका–१२ स्थित कनक पेट्रोल पम्प नजिकबाट आज पक्राउ गरको प्रहरीले जनाएको छ । गुप्ताको साथबाट छ लाख २१ हजार रुपैयाँ र श्रेष्ठको साथबाट १८ लाख रुपैयाँ गरी जम्मा २४ लाख २१ हजार रुपैयाँ बरामद गरेको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको जनाईएको छ ।...

पूर्णपुष्टि, बैशाख २० गते ।  कोरोना भाईरस (कोभिड–१९) संक्रमणले महामारी निम्त्याएको बेला ह्वाट्सएप लगायतका सामाजिक सञ्जालमार्फत विभिन्न प्रलोभ देखाए जोगिन आबुधावी प्रहरीले आग्रह गरेको छ । यूएईमा हुनेलाई ह्वाट्सएप लगायतका सामाजिक सञ्जालमार्फत विभिन्न प्रलोभन देखाएर म्यासेज आएमा त्यसबाट जोगिन प्रहरीले आग्रह गरेको हो । कुनै आपराधिक समूहले ह्वाट्स्एप लगायतका माध्यमबाट उपहार परेको, जागिरको अफर दिने, किनेमेलमा छुट हुने लगायत विभिन्न प्रलोभन देखाउँदै म्यासेज गर्ने गरेकाले जोगीन प्रहरीले आग्रह गरेको छ । विभिन्न प्रलोभन देखाई म्यासेज गर्ने र त्यसमा क्लिक गरे उसले भने अनुसार गरेमा व्यक्तिगत विवरणदेखि विभिन्न डाटाहरु ह्याक गर्ने भएकाले यस्तो म्यासेजबाट जोगिन प्रहरीको आग्रह गरेको छ । कुनै माध्यमबाट यस्तो म्यासेज आएमा प्रहरीलाई ९९९ मा अथवा ८००२६२६ मा फोन गरेर रिपोर्ट गर्न र २८२८ मा म्यासे...