Month: ६ वर्ष अगाडि

पूर्णपुष्टि, असार २७  चितवनको भरतपुर अस्पतालमा काम गर्ने एक चिकित्सकले आपत्तिजनक अभिव्यक्ति दिएको भिडियो सार्वजनिक भएपछि प्रहरीले छानविन थालेको छ । अस्पतालको मेडिसिन विभागमा कार्यरत डा. ऋतुराज तिवारीले नेपालमा भारतीय समाचार च्यानल बन्द भएपछि एक आपत्तिजनक भिडियो रेकर्ड गराएका थिए । उनले अश्लील शव्द प्रयोग गर्दै हिन्दी भाषामा ‘भारतले सीमा बन्द गरिदिए ‘ खान्छौ नेपाली ? तिमीहरुलाई चीनले ‘ दिन्छ की, जापानले दिन्छ ?’ भनेका छन् । सो भिडियो सामाजिक सञ्जालमा समेत सार्वजनिक भएको छ । आपत्तिजनक अभिव्यक्ति दिएकाले डा. तिवारीलाई चितवन प्रहरीले सोधपुछका लागि बोलाएको छ । प्रहरीले  तिवारीमाथि सोधपुछ गरिने जनाएको छ । अभिव्यक्तिमाथि साइबर क्राइमको मुद्दा चल्न सक्छ । त्यो भन्दा पनि अर्को राज्य विरुद्धको अपराध हो । विवादास्पद छविका डा. तिवारी गत असार १ गतेबाट दैनिक ज्यालादारीमा काम गर्ने गरी भरतपुर...

पूर्णपुष्टि, असार २७ ३३ किलो सुन तस्करी प्रकरणका एक आरोपितलाई यूएईमा पक्राउ गरेर नेपाल ल्याइएको छ । इन्टरपोलमा रेडकर्नर नोटिस जारी भएपछि यूएईमा समातिएका हरिशरण खड्कालाई आवश्यक कानूनी प्रक्रिया पुरा गरेर शनिबार काठमाडौं ल्याइएको हो । उनलाई गौशाला प्रहरी बृतको जिम्मा लगाइएको प्रहरीले जनाएको छ । उनी २०७५ माघमा यूएईमा समातिएका थिए । खड्कासहित प्रकरणमा संलग्न १२ जनाविरुद्ध अन्तर्राष्ट्रिय प्रहरी संगठन (इन्टरपोल) मा रेड नोटिस जारी भएको थियो । काभ्रे घर भएका ४२ वर्षीय खड्का एक दशकयता यूएईमै बस्दै आएका थिए । वैदेशिक रोजगारीका लागि गएका उनी पछिल्ला वर्षहरुमा जागिर छाडेर सुन तस्करीमा लागेको अनुसन्धानकर्ताहरु बताउँछन् । यसअघि केन्द्रीय अनुसन्धान ब्यूरो (सीआईबी) ले २०७३ पुसमा बरामद गरेको साढे ३३ किलो सुन प्रकरणमा पनि उनी मुछिएका थिए । नेपालमा रहेका सुन व्यवसायीसँग मिलेर उनले दुबईबाट सुन पठ...

पूर्णपुष्टि, असार २७ सर्प घिस्रेर हिड्ने जिव हो । तर हावामा उड्छ भन्दा कतिपयलाई विश्वास नलाग्न पनि सक्छ । खासगरी दक्षिण एसिया र दक्षिणपूर्वी एसियाली क्षेत्रमा यस्ता सर्प भेटिन्छन् । भर्जिनिया टेकका वैज्ञानिकहरुले यसबारे अनुसन्धान सार्वजनिक गर्नु अघि मानिसलाई सर्प कसरी उड्न सक्छन् भन्ने थाहा थिएन । अनुसन्धान टोलीका प्रमुख आइज्याक यटोनका अनुसार सर्पहरुले हावामा एक आवृत्ति बनाएर तिव्र गतिमा उड्छन् । र उनीहरु यही कुरा पत्ता लगाउन उत्सुक थिए । उनीहरुलाई यसबारे आधारभुत जानकारी थियो । तर २० वर्षदेखि सर्पबारे अध्ययनरत जेक सोकाको सहायताबाट यो कसरी उड्छ भन्ने ज्ञान भएको यटोनले बताएका छन् । वैज्ञानिकहरुले अध्ययनबाट सर्प तल र माथि गर्दै हावामा तैरिएर उड्ने तथ्य भेटाएका थिए । एक किसिमको आकार बनाएर सर्पले हावामा गति निकाल्ने उनीहरुको निष्कर्ष छ । वैज्ञानिकहरुको एक पूर्वानुमान के थियो भने,...

पूर्णपुष्टि असार २७ सरकारले विदेशी महंगा मदिराको आयात रोक्दा ३ महिनामै करिब ५० करोड रुपैयाँ जोगिएको छ । कोरोनाका कारण अर्थतन्त्र संकटमा परेका बेला विलासी वस्तुको आयात घटाउने रणनीति अन्तर्गत सरकारले गत चैत १६ गतेदेखि विदेशबाट हुने मदिरा आयात रोक्ने निर्णय हो । नेपालले वार्षिक २ अर्बभन्दा बढीको विदेशी मदिराको आयात गर्ने गरेको छ । यस हिसाबले ३ महिना मदिरा आयात रोकिदा करिब ५० करोड रुपैयाँ बराबर स्वदेशी मुद्रा विदेशिनबाट जोगिएको भन्सार विभागले जनाएको छ । नेपालमा स्कटिस ह्वीस्कीको बजार ठूलो रहेको मदिरा आयातकर्ताहरुको दाबी छ । स्कटिस ह्वीस्की, जोनी वाकर तथा सिवास रिगल र अमेरिकी जेडी ह्वीस्की नेपालमा प्रख्यात ब्राण्डका मदिरा हुन् । नेपालमा वाइन, भोड्का, जिनजस्ता अल्कोहलिक पदार्थको आयात उच्च हुने गरेको भन्सार विभागले जनाएको छ । नेपालमा भारत, जर्मनी, फ्रान्स, स्कटल्याण्ड, इटाली, अमेरिका,...

पूर्णपुष्टि, असार २७ मनसुन सक्रिय भएसँगै यस वर्ष पनि बाढी, पहिरो र डुबान जस्ता प्राकृतिक प्रकोप सुरु भइसकेको छ । यस्ता विपत्तिपछि विभिन्न रोगको जोखिम हुने भएकाले सावधानी अपनाउन डाक्टरले सुझाव दिएका छन् । विपत्तिसँगै तत्कालीन रुपमा शरीरमा चोटपटक लाग्ने, अंगभंग हुने, पानीमा डुबेको छ भने फोक्सोमा समस्या हुने जस्ता स्वास्थ्य समस्या देखिन्छ । यस्ता समस्याको तत्कालै उपचार गर्नुपर्ने हुन्छ । यस्तै दोस्रो चरणमा पानी, खाना वा हावाबाट सर्ने रोगको जोखिम हुन्छ । यस अन्तर्गत झाडापखाला, छालामा हुने इन्फेक्सन, जण्डिस, टाइफाइड, श्वासप्रश्वास सम्बन्धी लगायतका समस्याहरु हुन सक्ने भएकाले जनरल फिजिसियन डाक्टर युवराज शर्माले सावधानी अपनाउन सुझाव दिएका हुन् । अहिले कोरोना महामारीको बेलामा त झनै यी कुराहरुमा ध्यान दिन आवश्यक रहेको उहाँको भनाई छ । यस्तै विपत्तिमा परेकाहरुको परिवारका सदस्य गुमेका हुन सक्छ...

पूर्णपुष्टि, असार २७ नवलपरासी पूर्व गैंडाकोटमा निर्माण गरिएको डाइभर्सन बाढीले बगाएपछि पूर्व–पश्चिम राजमार्ग अवरुद्ध भएको छ । नारायणगढ –बुटवल सडक खण्ड विस्तारको आयोजना अन्तर्गत गैंडाकोट–९, थुम्सीमा पुल निर्माणको क्रममा डाइभर्सन निर्माण गरिएको थियो । डाइभर्सन आज बिहान करिब ४ बजे बाढीले बगाउँदा राजमार्ग पूर्ण रुपमा अवरुद्ध भएको जिल्ला प्रहरी कार्यालय नवलपरासी पूर्वले जनाएको छ । बाढीले डाइभर्सन बगाएपछि आवतजावत पूर्ण रुपमा बन्द भएको छ । खाद्यान्न लगायतका अन्य सामाग्री ढुवानी गर्ने गाडी बिहानदेखि नै रोकिएका छन् । अन्य अत्यावश्यक कामले गुडेका निजी गाडी समेत रोकिएका छन् । बगाएको डाइभर्सन बनाउने काम सुरु गरिएको प्रहरीले जनाएको छ ।...

पूणर्पुष्टि, असार, २७ पूणर्पुष्टि, असार, २७ बर्खाको लगतार पानीले गाईघाट बजार लगाएत आसपासको क्षेत्रहरुमा ढुवान भएको छ । शनिवारको ठुलो झरी बर्षाका कारण शनिवारको पानीले भने ठुलो ढुवान र क्षेति पुराएको छ । असारी लाईनको बाटोमा पानी जम्दा आवत जावतमै समस्या भएको छ । सडक निर्माणका कारण पानी व्यवस्थी नहुदा घर पसलमा पानी छिरेको छ । असारी जाने बाटो पुरानो सब्जी बजारका केही पसल, घर र होटलहरु पूर्णरुपले ढुवानमा परेको छ । पुरानो सब्जी बजारमा पानी जमेपछि आवत जावतमा समेत समस्या भएको छ । त्यस क्षेत्रको पसल तथा घरको कोठाकोठमै पनी छिरेको छ । सब्जी बजार अगाडीको रुबी मेडिकलमा पानीले ठुृलो क्षती पुराएको छ । करिब ५ लाख बराबरको औषधी पानीले ढुवाएर क्षेती पुराएको रुबी मेडिकलका संञ्चालक जय कुमार भगतले बताए । बिभिन्न खाले गोदाममा राखिएका औषधीहरु पानीले ढुवाएर नष्ट बनाएको उनले बताए । मेनचोकको नाली...

पूर्णपुष्टि,  असार २७ बाढी पहिरोमा परेर बेपत्ता भएकाहरुको खोजी र उद्धार कार्यमा समस्या भएको छ । निरन्तर पानी परिरहेकोले खोजी र उद्धार कार्यमा समस्या आएको गृह मन्त्रालयको विपद् व्यवस्थापन महाशाखाले जनाएको छ । जाजरकोट र म्याग्दीमा हिजो नै हेलिकोप्टरमार्फत उद्धारको काम अघि बढाउने भनिए पनि मौसमले साथ नदिएकोले काम गर्न नसकिएको महाशाखाले जनाएको छ । प्रभावित क्षेत्रमा मान्छे हिँड्ने बाटो समेत पहिरोले बगाएको र जनशक्ति थप गरिए पनि जान समस्या भएको महाशाखाले जनाएको छ । अहिलेसम्म बाढी पहिरोमा परी २५ जनाको मृत्यु भएको छ । २५ जना घाइते भएका छन् भने ३७ जना बेपत्ता भएका छन् । म्याग्दीमा मात्रै ३१ जना बेपत्ता भएका छन् । सिन्धुपाल्चोकमा गत बिहीबार हराएका २१ जना पनि अझै फेला परेका छैनन् । बाढी पहिरोका कारण विभिन्न ११ जिल्ला प्रभावित भएको गृह मन्त्रालयले जनाएको छ ।...

पूर्णपुष्टि, असार २७ स्याङ्जामा कोरोना सङक्रमित उपचारपछि निको हुनेको संख्या १ सय २८ पुगेको छ । ६ महिला सहित १ सय ८८ जना सङक्रमितमध्ये २ जनाको मृत्यु भएको छ । केही दिनयता, जिल्लामा नयाँ कोरोना सङ्क्रमित भेटिएका छैनन् । विभिन्न आइसोलेसनमा बस्नेहरुको संख्या पनि घट्दो क्रममा छ । भारतबाट नेपालीहरु आउने क्रम घटेसँगै सङक्रमितको दर पनि घटेको जनाईएको छ । जिल्लामा ४ जना स्थानीय व्यक्तिमा सङ्क्रमण भेटिएको भए पनि कन्ट्रयाक ट्रेसिङ गर्दा उनीहरुको सम्पर्कमा आएका कसैमा पनि सङ्क्रमण नपाइएको स्वास्थ्य कार्यालय स्याङजाले जनाएको छ ।...

पूर्णपुष्टि, असार २७ आज शनिबार पनि बैंक तथा वित्तीय संस्था खुल्ने भएको छ । नेपाल राष्ट्र बैंकले सबै बैंक तथा वित्तीय संस्थाको शाखा खोलेर कारोबार गर्न निर्देशन दिएको हो । राजश्व सङ्कलन गर्ने शाखा तथा काउण्टर एवं बैंकका क्लियरिङ सम्बन्धी काम गर्ने काउन्टरलगायत नेपाल क्लियरिङ हाउस पूर्णकालीन रुपमा खुला गर्ने व्यवस्था मिलाउन राष्ट्र बैंकको निर्देशन छ । चालू आर्थिक वर्ष सकिन केही दिन बाँकी रहेकाले राजश्व जम्मा गर्ने प्रयोजनका लागि बैंक तथा वित्तीय संस्थाको शाखा अनिवार्य रुपमा खोल्न राष्ट्र बैंकले निर्देशन दिएको छ ।...