Month: ६ वर्ष अगाडि

पूर्णपुष्टि, भदौ ७ भारतबाट भन्सार छलेर सामान ल्याएको आरोपमा राजस्व अनुसन्धान विभागले तीन करोड १९ लाख रुपैयाँ बिगोसहित ६ जनाविरुद्ध मुद्दा दायर गरेको छ । क्याबिन कोठा बनाएर भारतबाट भन्सार छलेर लत्ता कपडालगायत सामान ल्याउने वीरगञ्जका रजनीश कुमार र चितवनका राजु भनिने राजेन्द्र थापासहित ६ जनालाई पाटन उच्च अदालतमा तीन करोड १९ लाख ७७ हजार रुपैयाँ बिगो र कैद माग गरेर मुद्दा दायर गरेको विभागले जनाएको छ । मालसामान ढुवानीकर्ता नेपाल लजिस्टिकका सञ्चालक राजेन्द्रकुमार गुप्ता, ट्रक चालक सुनिल कुमार, काठमाण्डौमा व्यवसाय गर्ने बाराको कलैयाका रञ्जित गुप्ता र भारत दिल्लीका रञ्जितकुमार गुप्ताविरुद्ध पनि विभागले मुद्दा दायर गरेको जनाएको छ ।...

पूर्णपुष्टि, भदौ ७ आज दुबईमा अलपत्र परेका २ सय ६४ जना नेपाली काठमाण्डौँ आईपुगेका छन् । नेपाल फर्किन भनेर दुबई विमानस्थल पुगेका तर सरकारको निर्णय भन्दै यात्रुलाई नलिएरै जहाज रित्तै फर्किएपछि गत सोमबार दुबईमा अलपत्र परेकाहरुलाई आज नेपाल एअरलाइन्सको वाइड बडी ए ३३० जहाजमार्फत नेपाल ल्याईएको हो । आजको उडान पनि तोकिएको समय भन्दा सवा दुई घण्टा ढिला भएको थियो । यो उडानमा नेपाल जानका लागि २ सय ७० जनाले टिकट काटेका थिए । टिकट लिएकामध्ये ६ जना कागजात नमिलेका कारण नेपाल फर्किन नपाएको नेपाल एअरलाइन्सले जनाएको छ । यूएईमा मृत्यु भएका लुकबहादुर कुँवर र करेन्ट लागेर मृत्यु भएका रुपन्देही मझुवाका कृष्णबहादुर खड्काको शव पनि यसै उडानमार्फत नेपाल ल्याईएको छ ।...

पूर्णपुष्टि, भदौ ७ नेपालमा आज थप आठ सय १८ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ३१ हजार नौ सय ३५ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा थप दुई सय ८१ जना उपचारपछि निको भएर डिस्चार्ज भएका छन् । योसँगै निको हुनेको सख्या  १८ हजार ६ सय ३१  पुगेको मन्त्रालयले जनाएको छ । त्यस्तै गत २४ घण्टामा थप तीन जनाको कोरोना संक्रमणबाट मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या एक सय ४९ पुगेको मन्त्रालयले जनाएको छ ।...

पूर्णपुष्टि, भदौ ७ खाडी र मलेसियासहित विश्वका ३८ देशमा कार्यरत ३४ हजारभन्दा बढी नेपालीमा कोरोना सङ्क्रमण पुष्टि भएको छ । शनिबार साँझसम्म विश्वका ३८ देशमा कार्यरत ३४ हजार तीन सय एक जना नेपालीमा कोरोना सङ्क्रमण पुष्टि भएको गैरआवासीय नेपाली संघ एनआरएनएको स्वास्थ्य समितिले जनाएको छ । सङ्क्रमितमध्ये ३२ हजार दुई सय ५३ जना नेपाली उपचारपछि निको भएको समितिले जनाएको छ । विदेशका १६ देशमा १ सय ९२ जना नेपालीको कोरोना संक्रमणबाट मृत्यु भएको जनाईएको छ । गत साता लग्जम्र्वमा एक जनाको कोरोना संक्रमणबाट मृत्यु भएको छ । अहिलेसम्म विश्वका विभिन्न देशमा एक सय ९२ जना नेपालीको कोरोना संक्रमणबाट मृत्यु भईसकेको जनाईएको छ । अहिलेसम्म कोरोना भाइरसबाट बेलायत, यूएई, साउदी अरब, बहराइन, कुवेत, कतार, आयरल्याण्ड, जापान, टर्की नेदरल्याण्ड, स्वीडेन, भारत, साउथअफ्रिका लगायत १६ देशमा रहेका नेपालीहरुको मृत्यु भएक...

पूर्णपुष्टि, भदौ ७ उदयपुरमा मोवाईल चोरी गर्ने एक समूह पक्राउ परेका छन् । जिल्ला प्रहरी कार्यालय उदयपुरले मोवाईल चोरी गर्ने तीन जनाको समूहलाई पक्राउ गरेका हुन् । विभिन्न समयमा हराएका तथा चोरी भएका मोवाईल खोजतलास गर्न जिप्रका उदयपुरबाट विशेष प्रहरीको टोलीले अनुसन्धान गरी फेला पारी मोवाईल चोरलाई पक्राउ गरेको प्रहरीले जनाएको छ । त्रियुगा नगरपालिका–१० का २३ वर्षीय विशाल परियार, २३ वर्षीय अंचल भुजेल र १९ वर्षीय सन्देश भुजेलको समूहले मोवाईल चोरी गरेको खुलेको प्रहरीले जनाएको छ । पक्राउ परेका तीनै जनालाई जिप्रका उदयपुरमा ल्याई आवश्यक अनुसन्धान भईरहेको प्रहरीले जनाएको छ । विभिन्न समयमा हराएका तथा चोरी भएका छ थान एन्ड्रोईड मोवाईल फेला पारी मोवाईल धनीलाई जिम्मा लगाएको प्रहरीले जनाएको छ ।...

पूर्णपुष्टि, भदौ ७ अछाममा चट्याङ लागेर चार जना घाइते भएका छन् । कमलबजार नगरपालिका–१ मुलिमा चट्याङ लागेर चार जना घाइते भएका हुन् । स्थानीय ३५ वर्षीय पूर्णबहादुर भण्डारी, उनकी श्रीमती ३३ वर्षीया मोतीकला भण्डारी, १८ वर्षीया तुल्क्षा बजगाईं र १५ वर्षीया डिग्रा बजगाईं घाईते भएको प्रहरीले जनाएको छ । घाइतेहरुको कमलबजार प्राथमिक स्वास्थ्य केन्द्रमा उपचार भइरहेको छ । चट्याङ लागेर पूर्णबहादुर भण्डारीका दुई वटा भैँसी र जक्तीराम बजगाईंका दुई वटा बाख्रा मरेको प्रहरीले जनाएको छ । चट्याङले पूर्णबहादुर भण्डारीको घरमा समेत क्षेति भएको प्रहरीले जनाएको छ ।...

पूर्णपुष्टि, भदौ ७ उदयपुरमा बुवा र पाहुनालाई खुकुरी प्रहार गर्ने नविन पक्राउ परेको छ । खुकुरी पक्राउ गर्ने रौतामाई गाउँपालिका–७ पाखा टोलका खम्बे भन्ने नविन परियार पक्राउ परेको हो । गत शुक्रबार राति खुकुरी प्रहारबाट बुवा गंगाबहादुर परियार र त्रियुगा नगरपालिका १५ कुभिण्डेका पाहुना ५५ वर्षिय जुद्ध काजी खपाङ्गी मगरलाई घाइते भएको थियो । विशेष सूचनाका आधारमा खुकुरी प्रहार गर्ने नविनलाई घरबाटै खुकुरी सहित पक्राउ गरिएको जिल्ला प्रहरी कार्यालय उदयपुरले जनाएको छ । छोरोको खुकुरी प्रहारबाट बाबु गंगाबहादुरको अवस्था गम्भिर रहेको प्रहरीले जनाएको छ । उनीहरुको विराटनगरको गोल्डेन हस्पिटलमा उपचार भईरहेको प्रहरीले जनाएको छ ।...

पूर्णपुष्टि, भदौ ७ अमेरिकामा टिकटकलाई प्रतिबन्ध लगाउने निर्णयको विरोधमा कम्पनीले अमेरिकी राष्ट्रपति डोनाल्ड ट्रम्पविरुद्ध मुद्दा दर्ता गर्ने भएको छ । टिकटकको मुख्य कम्पनी बाइटडान्ससँगको कारोबारमा रोक लगाउने र टिकटकलाई प्रतिबन्ध लगाउने अमेरिकी सरकारको कार्यकारी आदेशविरुद्ध अदालतमा मुद्दा दायर गर्ने तयारी भैरहेको अन्तराष्ट्रिय संचारमाध्यमले जनाएको छ । टिकटकले कुन अदालतमा मुद्दा हाल्न लागेको हो भन्ने प्रष्ट भएको छैन । टिकटकले यसै हप्ता नै अदालतमा अपिल दर्ता गर्ने जनाईएको छ । गत अगष्ट ११ मा अमेरिकी राष्ट्रपति ट्रम्पले कार्यकारी आदेश जारी गर्दै चिनियाँ कम्पनी बाइट डान्सलाई उसको टिकटक एपको अमेरिकामा रहेको व्यवसाय अमेरिकी कम्पनीलाई बिक्री गर्न ९० दिनको समयसीमा दिएका थिए । यो आदेशसँगै बाइट डान्सले अमेरिकामा टिकटक बिक्रीका लागि माइक्रोसफ्ट तथा ओरेकल लगायतका कम्पनीहरुसँग छलफल अगाडि बढ...

पूर्णपुष्टि, भदौ ७ महोत्तरीमा बोक्सिको आरोपमा महिलालाई कुटपिट गर्ने एक युवा पक्राउ परेको छ । सम्सी गाउँपालिका–७ जावद टोलमा बोक्सीको आरोपमा महिलालाई कुटपिट गर्ने कृष्ण यादव पक्राउ परेको हो । गतराति स्थानीय २४ वर्षीय यादवलाई महिलालाई बोक्सिको आरोप लगाई कुटपिट गरेको आरोपमा पक्राउ गरेको  जिल्ला प्रहरी कार्यालय महोत्तरीले जनाएको छ । घटनाको विषयमा अनुसन्धान भइरहेको र दोषी पाइए कानुनअनुसार कारबाही हुने प्रहरीले जनाएको छ । युवाको कुटपिटबाट घाइते भएकी महिलालाई जनकपुरमा उपचार भइरहेको प्रहरीले जनाएको छ ।...

पूर्णपुष्टि, भदौ ७ वीरगञ्जमा कोरोना संक्रमणबाट थप एक जनाको मृत्यु भएको छ । वीरगञ्ज महानगरपालिका–११ निबासी  ५६ वर्षीया महिलाको मृत्यु भएको हो । नारायणी अस्थायी कोभिड अस्पताल वीरगञ्ज हेल्थ केयरमा उपचारको क्रममा हिजो बेलुकी साढे ७ बजे उनको निधन भएको अस्पतालले जनाएको छ । गत साउन २२ गते स्वाब संकलन गरी पीसीआर परीक्षण गर्दा साउन २४ गते उनीमा संक्रमण पोजेटिभ भएको थियो । उनी थाइराइडको विरामी थिईन् । उनमा ज्वरो, खोकी र श्वासप्रश्वासको समस्या देखिएको थियो । स्वास्थ्य अवस्था गम्भिर बन्दै गएपछि उनलाई साउन २४ गतेदेखि नै आईसीयूमा राखेर उपचार भइरहेको थियो । योसँगै वीरगञ्जमा कोरोना संक्रममणबाट मृत्यु हुनेको संख्या ३७ पुगेको छ ।...