Month: ६ वर्ष अगाडि

पूर्णपुष्टि, भदौ ७  अब विद्यालयले कक्षा–११ मा विद्यार्थी भर्ना गराउँदा सङ्कायका आधारमा भर्ना गर्न नपाइने भएको छ । पहिला जस्तो विज्ञान, शिक्षा शास्त्र, मानविकी र व्यवस्थापन सङ्कायका रूपमा यस पटकबाट भर्ना लिन नपाइने भएको हो । यस पटकबाट विद्यालयले पहिला जस्तो सङ्काय छुट्याएर विद्यार्थी भर्ना गर्न नपाइने पाठ्यक्रम विकास केन्द्रले जनाएको छ । अब एकलपथीय हिसाबले मात्रै विद्यार्थी भर्ना गर्न पाइने भएको जनाईएको छ । यसमा भर्ना हुँदा विद्यार्थीलाई ऐच्छिक विषय छनोट गर्न दिइन्छ तर सङ्कायका आधारमा त्यसलाई मान्यता दिइँदैन । यसपटक कक्षा–११ मा तीनवटा अनिवार्य विषय र तीनवटा समूहबाट एक÷एक विषय ऐच्छिक गरी छ वटा विषय अध्यापन गराईने भएको छ । विद्यार्थीले चाहेमा सातौँ विषयका रूपमा पनि अध्ययन गर्न पाउने व्यवस्था छ । कक्षा–११ पनि अब विद्यालय मातहतमै सञ्चालन हुने भएकाले विद्यार्थी भर्ना प्रक्रिया कक्षा–...

पूर्णपुष्टि, भदौ ७ विश्व स्वास्थ्य संगठन (डब्ल्युएचओ)ले १२ वर्षमाथिका बालबालिकाबाट कोरोना भाइरस फैलन सक्ने भन्दै मास्क लगाउनुपर्ने नियम जारी गरेको छ । १२ वर्षभन्दा माथिका बालबालिका तथा किशोरकिशोरीले वयस्क व्यक्तिले जस्तै मास्क लगाउनु पर्ने डब्ल्यूएचओले जनाएको छ । यसअघि किशोर अवस्थाका व्यक्ति कोरोना भाइरसको संक्रमण कम फैलने देखिए पनि अहिले किशोर अवस्थाका व्यक्तिबाट वयस्कबाट जस्तै संक्रमण फैलने पाइएकाले मास्क अनिवार्य लगाउन गर्न डब्ल्युएचओले सुझाव दिएको अन्तराष्ट्रिय संचारमाध्यमहरुले जनाएको छ । डब्ल्यूएचओले ५ वर्षभन्दा कम उमेरका बालबालिकालाई मास्क नलगाउन र ६ वर्षदेखि ११ वर्षसम्मका बालबालिकालाई मास्क लगाउन भनेको छ । कोरोना भाइरसका कारण विश्वमा दुई करोड ३३ लाख ८० हजारभन्दा धेरै मानिस संक्रमित भएका छन् भने आठ लाख नौ हजार जनाको मृत्यु भईसकेको छ ।...

पूर्णपुष्टि, भदौ ७ सिन्धुपाल्चोकको लिदीका पहिरो विस्थापितहरुलाई स्थानान्तरण गर्ने काम सुरु भएको छ । पहिरो विस्थापितहरुलाई जुगल गाउँपालिका–१ सेलाङको बाँसखर्कमा सार्ने गरी काम सुरु भएको हो । आजबाट सुरक्षाकर्मीले टेन्ट जोड्ने र सुरक्षाको प्रबन्ध मिलाउने काम सुरु भएको जनाईएको छ । पहिलो चरणमा १ सय २१ परिवारलाई टेन्टमा राख्ने गाउँपालिकाले जनाएको छ । १ सय ७२ घरपरिवारमध्ये अहिलेसम्म सार्नुपर्ने पहिचान भएका १ सय २१ परिवारलाई टेन्टमा राख्ने गरी आवश्यक सामाग्री ढुवानी गरिएको जनाईएको छ । बस्ती स्थानान्तरणका लागि विभिन्न जिम्मेवारी छुट्याइएको छ । जिल्ला विपद् व्यवस्थापन समितिले आवश्यक टेन्ट उपलब्ध गराउने निर्णय अनुसार हिजो ९८ थान टेन्ट गाउँपालिकालाई हस्तान्तरण गरेको छ । गाउँपालिकाले बाँसखर्कमा रहेको खुल्ला क्षेत्रमा जग्गा सम्याउने, शिविर व्यवस्थापन गर्ने तथा सडक पूर्वाधारको व्यवस्थापन गर...

पूर्णपुष्टि, भदौ ७ आज दिनभरि ठूलो पानी पर्ने सम्भावना कम रहेको छ । गण्डकी प्रदेशका एक÷दुई ठाउँमा चट्याङसहित ठूलो पानी पर्ने सम्भावना रहेको जल तथा मौसम विज्ञान विभागले जनाएको छ । साँझदेखि  देशका  धेरै ठाउँमा पानी पर्ने जनाईएको छ । प्रदेश एक, कर्णाली र सुदूरपश्चिमका केही ठाउँमा राति ठूलो पानी पर्ने सम्भावना रहेको विभागले जनाएको छ । न्यूनचापीय मौसमी प्रणाली आजदेखि थप सक्रिय हुने भएकाले रातिदेखि पानी पर्ने क्रम बढ्ने विभागको जनाईएको छ ।...

पूर्णपुष्टि, भदौ ६ नेपालमा आज कोरोना संक्रमणबाट थप नौ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या एक सय ४६ जनाको मृत्यु भईसकेको स्वास्थ्य तथा जनसंख्या मन्त्रालयले जनाएको छ । सुनसरीमा ६ वर्षीया बालिका र ६७ वर्षीय पुरुषको मृत्यु भएको छ । त्यस्तै, पर्सामा ६१, ५८ र ४८ वर्षीय पुरुषहरुको मृत्यु भएको जनाईएको छ । त्यसैगरी, बारामा ५८ वर्षीय पुरुष, सिरहामा ६८ वर्षीय परुष, मकवानपुरमा ५६ वर्षीय पुरुष र भक्तपुर ७३ वर्षीय पुरुषको मृत्यु भएको जनाईएको छ ।...

पूर्णपुष्टि, भदौ ६ नेपालमा आज थप छ सय ३४ जनामा कोरोना सङ्क्रमण पुष्टि भएको छ । योसँगै नेपालमा संक्रमितको संख्या ३१ हजार १ सय १७ पुगेको स्वास्थ्य तथा जनसंख्या मन्त्रालयले जनाएको छ । आज काठमाण्डौँका १६० जना, ललितपुरका ६, भक्तपुरका ५०, पर्साका ५९ जना, मोरङका ५२, सिराहाका ३५, मकवानपुरका ३२, सुनसरीका ३१, बाँकेका २८, चितवनका २७, रुपन्देहीका २३, झापाका १७, कास्कीका १६, कपिलवस्तुका १५, कैलालीका १४ र बाराका १० जनामा संक्रमण देखिएको छ । त्यस्तै बर्दियाका ७, सल्यानका ६, दोलखाका ४, भोजपुर, धनुषा, रौतहट, सप्तरी, काभ्रे, नवलपुर र नवलपरासीका ३/३ जना, धादिङ, नुवाकोट, तनहुँ, जुम्ला र सुर्खेतका २/२ तथा इलाम, संखुवासभा, महोत्तरी, सर्लाही, सिन्धुली, बाग्लुङ, स्याङ्जा, पाल्पा, प्युठान, रोल्पा, डडेलधुरा र डोटीका १/१ जनामा संक्रमण देखिएको मन्त्रालयले जनाएको छ । त्यस्तै गत २४ घण्टामा थप १ सय ३६ जना उप...

पूर्णपुष्टि, भदौ ६ सिराहामा तीन दिनअघि मृत्यु भएका एक बृद्धमा कोरोना सङ्क्रमण पुष्टि भएको छ । गत बुधबार मृत्यु भएका मिर्चैया नगरपालिका–४ का ६८ वर्षीय वृद्धमा आज कोरोना सङ्क्रमण पुष्टि भएको जिल्ला स्वास्थ्य कार्यालय सिरहाले जनाएको छ । उनी लामो समयदेखि मधुमेह र उच्च रक्तचापबाट पीडित थिए । उनको गत मंगलबार गाउँमै स्वाब सङ्कलन गरिएको थियो । स्वाब सङ्कलन गरेर प्रादेशिक प्रयोगशाला पठाइएको र रिपोर्ट नआउँदै उनको बिहीबार मृत्यु भएको जनाईएको छ ।...

 पूर्णपुष्टि,  भदौ ६ विश्वमा कोरोना संक्रमणबाट मृत्यु हुनेको संख्या आठ लाख नाघेको छ । विश्वका २ सय १३ देशमा फैलिएको कोरोना भाइरसको सङ्क्रमणबाट अहिलेसम्म ८ लाख ३ हजार ३ सय ७४ जनाको मृत्यु भएको वल्डोमिटरले जनाएको छ । विश्वमा अहिलेसम्म २ करोड ३१ लाख ३० हजार ४ सय भन्दा धेरै मानिस संक्रमित भएका छन् । उक्त सङ्क्रमितमध्ये १ करोड ५७ लाख २२ हजार ७ सय भन्दा धेरै उपचारपछि निको भएको जनाईएको छ । कोरोनाको सबैभन्दा धेरै सङ्क्रमण फैलिएको अमेरिकामा अहिलेसम्म ५७ लाख ९६ हजार भन्दा धेरैमा संक्रमण पुष्टि हुदा एक लाख ७९ हजार २ सय जनाको मृत्यु भएको जनाईएको छ । त्यस्तै, ब्राजिलमा ३५ लाख ३६ हजार ४ सय भन्दा धेरै सङ्क्रमित छन् भने भारतमा अहिलेसम्म २९ लाख ७९ हजार भन्दा धेरै सङ्क्रमित भएका छन् । भारतमा कोरोना संक्रमणबाटा ५५ हजार ९ सय भन्दा बढी मानिसको मृत्यु भएको जनाईएको छ ।...

पूर्णपुष्टि, भदौ ६ उदयपुरको रौतामाईमा पाहुना गएका मगरसहित दुई जना खुकुरी प्रहारबाट घाईते भएका छन् । रौतामाई गाउँपालिका–७ पाखा टोलमा पाहुना गएका जुद्ध काजी खपाङ्गी मगर र गंगबहादुर परियार घाईते भएका हुन् । गतराती करिब साढे १० बजे खम्ब भन्ने नविन परियारले खुकुरी प्रहार गरी बुवा र पाहुना त्रियुगा नगरपालिका–१५ कुभिण्डेका ५५ वर्षीय मगरलाई घाईते बनाएको प्रहरीले जनाएको छ । नविनले खुकुरी प्रहार गर्दा बाबुको टाउको, घाँटीमा चोट लागेको छ भने पाहुना मगरको गद्र्धनमा चोट लागेको प्रहरीले जनाएको छ । खुकुरी प्रहारबाट घाईते भएका दुवै जनालाई विराटनगरको गोल्डेन हस्पिटलमा उपचार भईरहेको जिल्ला प्रहरी कार्यालय उदयपुरले जनाएको छ । बाबु र पाहुनालाई खुकुरी प्रहार गर्ने नविन फरार भएकाले खोजी कार्य भईरहेको प्रहरीले जनाएको छ ।...

पूर्णपुष्टि, भदौ ६ नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालको सुरक्षामा खटिएका सुरक्षा गाडमा कोरोना संक्रमण पुष्टि भएको छ । ३५ जनाको स्वाब संकलन गरिएकोमा नेता नेपालका पीएसओसहित ९ जनामा सङ्क्रमण पुष्टि भएको निजी सचिवालयले जनाएको छ । नेता नेपाल र उहाँको परिवारका अरु सदस्यको कोरोना रिपोर्ट नेगेटिभ आएको जनाईएको छ । अस्ति बिहीबार नेता नेपाल, उनको परिवार, उहाँको सुरक्षामा खटिएका सुरक्षकर्मीसहित निवासमा रहेका ३५ जनाको स्वाब संकलन गरिएको थियो । सङ्क्रमण देखिएका सबैलाई गतराति नै आइसोलेशनमा पठाइसकिएको जनाएको छ ।...