Month: ६ वर्ष अगाडि

पूर्णपुष्टि, भदौ ५ भारतमा एकै दिन ६८ हजार भन्दा बढीमा कोरोना संक्रमण पुष्टि भएको छ । पछिल्लो २४ घण्टामा ६८ हजार पाँच सय भन्दा बढीमा कोरोना सङ्क्रमण पुष्टि भएको संचारमाध्यमहरुले जनाएको छ । त्यस्तै भारतमा गत २४ घण्टामा कोरोना संक्रमणबाट नौ सय ८१ जनाको मृत्यु भएको जनाईएको छ । भारतमा अहिलेसम्म २९ लाख चार हजार भन्दा धेरैमा सङ्क्रमण पुष्टि भईसकेको छ भने ५४ हजार नौ सय ७५ जनाको मृत्यु भईसकेको छ ।...

पूर्णपुष्टि, भदौ ४ खोटाङको बाहुनीडाँडामा कालाजार संक्रमण देखा परेको छ । हलेसी तुवाचुङ नगरपालिका–१ बाहुनीडाँडाका पाँच जनामा कालाजारको सङ्क्रमण देखा परेको हो । विभिन्न सयममा उपचारबाट फर्किएपछि मात्र कालाजार लागेको बारे जानकारी पाएकोे स्वास्थ्यचौकीले जनाएको छ । आर्थिक वर्ष २०७६÷०७७ मा चार जनालाई र चालू आर्थिक वर्षमा एक जनालाई कालाजार भएको जनाईएको छ । कालाजारबाट बिरामी हुनेमा १२ वर्षदेखि ५९ वर्षसम्मका व्यक्ति रहेका छन् । सङ्क्रमित पाँच जनामध्ये चार जनाको ओखलढुंगामा र एक जना महिलाको विपी कोइराला स्वास्थ्य विज्ञान प्रतिष्ठान धरानमा गरिएको स्वास्थ्य परीक्षणमा कालाजार पुष्टि भएको जनाइएको छ ।...

पूर्णपुष्टि, भदौ ४ भारतले कश्मिरबाट १० हजार सैनिक फिर्ता बोलाउने निर्णय गरेको छ । गत वर्ष भारत प्रशासित प्रशासित कश्मीरको विशेष अधिकार दिने अनुच्छेद ३७० हटाएको भारतले त्यहाँ रहेका १० हजार सैनिक फिर्ता बोलाउने निर्णय गरेको भारतीय सञ्चार माध्यमले जनाएका छन् । अनुच्छेद ३७० हटाएपछि केन्द्र शासित प्रदेश जम्मू कश्मीरमा कानुनी व्यवस्था बनाइराख्न हजारौं सुरक्षाकर्मी तैनाथ छन् । उनीहरुलाई जम्मू कश्मीरबाट फिर्ता बोलाएर सम्बन्धीत ठाउँमा पठाउन केन्द्रिय गृह मन्त्रालयले आदेश दिएको जनाईएको छ । कश्मीरमा लगातार चरमपन्थी हमला, इन्काउन्टर र राजनीतिक कार्यकर्ताको हत्या भैरहेका बेला यो आदेश आएको हो ।...

पूणर्पुष्टि, भदौ ४ । उदयपुरमा नेपाल प्रहरीको एक जवानमा पनि कोरोना देखिएको छ । जिल्ला प्रहरी कार्यालय उदयपुरमा सुनसरीबाट सरुवा भई आएका एक प्रहरी जवानमा आज कोरोना पोजेटिभ पुष्टि भएको हो । जिल्ला प्रहरी प्रमुख एसपी भिमबहादुर दाहालका अनुसार सुनसरीबाट हालै सरुवा भई आएका प्रहरी जवानलाई छट्टै क्वारेन्टाइनमा राखी पीसिआर परिक्षण गर्दा पोजेटिभ देखिएको हो । उनीसंगै मोरङबाट आएको अर्की एक प्रहरी जवानमा भने नेगेटिभ देखिएको छ । जवान आएपछि अरुसंग सम्पर्कमा नगई छुट्टै क्वारेन्टाइनमा बसेकाले अरुमा सर्ने अवस्था नरहेको एसपी दाहालले बताउनुभयो । जिल्ला प्रहरी कार्यायलमै सरुवा भई आउने र संकास्पद क्षेत्रहरुमा खटि आएका प्रहरीलाई राख्ने क्वारेन्टाइृन बनाइएको उहाँले बताउनुभयो । जिल्लामा रहेर कोरोना विरुद्ध पहिलो पंतीमा खटिने र सम्पर्कमा हुने सबैलाई ृपरिक्षणको क्रम निरन्तर रहेकोमा अरुलाई भने पोजेटिभ नदेखि...

पूणर्पुष्टि, भदौ ४ । निषेधाज्ञको समयमा विरामीलाई सवारी आवागमन सिफारिसका लागि सहजता तुल्याउने उदेश्यले उदयपुरको लिम्चुङबुङ गाउँपालिकाले म्यासेन्जर सेवा सञ्चालनमा ल्याउने भएको छ । भोलीदेखि नै यो सेवा सञ्चालनमा आउने पालिकाका प्रमुख प्रशासकीय अधिकृत टार्जन लिम्बुले बताउनुभयो । उहाँका अनुसार पालिकाको वडाहरुबाट विरामीलाई बाहिर उपचार लैजान सवारी आवागमनका लागि आवश्यक पर्ने पालिकाको सिफारिस म्यासेन्जरबाटै उपलब्ध गराउने ब्यवस्था मिलाएको हो । पहाडी भुभाग, वर्षातको मौसम त्यसमाथी यातायात सेवा बन्द रहेकाले वडाहरुबाट पालिकाको कार्यालयसम्म आएर सिफारिस लिन लामो समय खर्च र कष्ट हुने कुरालाई मध्येनजर गर्दै म्यासेन्सर सेवा थालेको उहाँले बताउनुभयो । म्यासेन्जर सेवाका लागि सेवाग्राहीले पालिकाको आधिकारिक फेसबुक पेज ''Limchungbung Rural Municipality / लिम्चुङबुङ  गाउँपालिका”को म्यासेन्जरमा  निवेदन र सम्ब...

पूर्णपुष्टि, भदौ ४ नेपालमा आज थप सात सय सात जनामा कोरोना सङ्क्रमण पुष्टि भएको छ । योसँगै नेपालमा कोरोना सङ्क्रमितको सङ्ख्या २९ हजार ६ सय ४५ पुगेको स्वास्थ्य तथा जनसङ्ख्या मन्त्रालयले जनाएको छ । त्यस्तै पछिल्लो २४ घण्टामा दुई सय ६३ जना उपचारपछि निको भएर डिस्चार्ज भएको छ । योसँगे निको हुनेको सङ्ख्या १७ हजार नौ सय ६४ पुगेको मन्त्रालयले जनाएको छ । गत २४ घण्टामा कोरोना संक्रमणबाट ६ जनाको मृत्यु भएको छ । योसँगै कोरोना सङ्क्रमणबाट मृत्यु हुनेको संख्या एक सय २६ पुगेको मन्त्रालयले जनाएको छ ।...

पूर्णपुष्टि, भदौ ४ दाङमा गुडिरहेको एम्बुलेन्सबाट खसेर एक महिलाको मृत्यु भएको छ । लमही नगरपालिका–७ बनघुस्री (स्थायी घर राजपुर गाउँपालिका ७ भैँसाहीनाका) की ३५ वर्षीया कमला विकको एम्बुलेन्सबाट खसेर मृत्यु भएको हो । एम्बुलेन्सबाट खसेर टाउकोमा गहिरो चोट लागेकी विकको बुधबार राति कोहलपुर मेडिकल कलेज शिक्षण अस्पतालमा उपचारका क्रममा मृत्यु भएको प्रहरीले जनाएको छ । नेपालगञ्जबाट उपचार गरेर घर फर्किँदै गर्दा भे १ च १६४५ नम्बरको एम्बुलेन्सबाट खसेको जनाईएको छ । ढोका खुलेर नलागेको अवस्थामा त्यही ढोकामा कमला अडिएको हुन सक्ने प्रहरीको अनुमान छ । एम्बुलेन्स र चालक प्रहरीको नियन्त्रमा रहेको प्रहरीले जनाएको छ ।...

पूर्णपुष्टि, भदौ ४ चितवनमा कोरोना संक्रमणबाट थप एक जनाको मृत्यु भएको छ । भरतपुर अस्पतालमा उपचाररत रत्ननगर नगरपालिका–१३ का ६५ वर्षीय पुरुषको मृत्यु भएको अस्पतालले जनाएको छ । गत ६ दिनदेखि कोभिड १९ सङ्क्रमण भइ अस्पतालको कोभिड सघन उपचार कक्षमा उपचाररत ती पुरुषको दिउँसो २ बजे मृत्यु भएको जनाईएको छ । मृतक पुरुष दीर्घरोगी रहेको र उनमा फोक्सोमा क्षयरोग, मेरुदण्डसम्बन्धी समस्याले खुट्टा नचल्ने, मृगौलामा समस्या लगायतका समस्या रहेको थियो ।...

पूर्णपुष्टि, भदौ ४ सिन्धुपाल्चोकका लिदीको पहिरोमा बेपत्ता भएका मध्ये २९ जनाको शव भेटिएको छ । जुगल गाउँपालिका–२ को लिदीमा गएको पहिरोमा पुरिएर बेपत्ता भएकामध्ये २९ जनाको शव भेटिएको हो । आज १८ वर्षीया ललिता दोङ, ४२ वर्षीया बिबीरानी दोङ, पाँच वषीय सानुकान्छा दोङ र ४४ वर्षीय हिराबहादुर दोङको शव भेटिएको प्रहरीले जनाएको छ । पहिरोमा अझै १० जना हराइरहेका छन् र उनीहरुको नेपाली सेना, नेपाल प्रहरी र सशस्त्र प्रहरीले खोजी गरिरहेको जनाईएको छ । लिदीमा गत शुक्रबार पहिरो जाँदा ३७ वटा घरमा क्षति पुगेको छ भने १३ वटा घरमा पूर्ण रुपले क्षती भएको छ ।...

पूर्णपुष्टि, भदौ ४ काठमाण्डौ उपत्यकामा निषेधाज्ञा उल्लङ्घन गर्ने साढे ११ सय कारबाहीमा परेका छन् । निषेधाज्ञा उल्लघंन गरेर घर बाहिर निस्किएका ११ सय ७० जनालाई प्रहरीले केहिबेर होल्ड गरेर छाडेको हो । गतराति १२ बजेदेखि नै निषेधाज्ञा लागू भएकाले अति आवश्यक नपरी निस्किएकाहरुलाई केहीबेर होल्ड गरेर छाडिएको प्रहरीले जनाएको छ । ललितपुरमा ४ सय ९८ जना, काठमाण्डौमा ४ सय ३७ जना र भक्तपुरमा २ सय ३५ जनालाई होल्ड गरेर छाडिएको प्रहरीले जनाएको छ । आज निषेधाज्ञाको पहिलो दिन भएकाले उनीहरुलाई केहिबेर होल्ड गरेर छाडिएको जनाईएको छ ।...