Month: ६ वर्ष अगाडि

पूर्णपुष्टि, भदौ २२ सेवाबाट अवकास प्राप्त सरकारी कर्मचारीको सेवा सुविधा भुक्तानी अव कोष तथा लेखा नियन्त्रक कार्यालयब (कोलेनिका) बाट हुने भएको छ । यअअघि भुक्तानी सम्बन्धित कार्यालयबाटै हुने गरेको सरकारी निजामती, प्रहरी तथा जंगीलगायत कर्मचारीको अवकासपछिको सेवा सुविधा भुक्तानी अब कोलेनिकाहरुबाट हुने भएको हो । चालु आर्थिक वर्ष २०७७/७८ देखि सेवाबाट अवकाश भएका सरकारी कर्मचारीको अवकाशपछिको भुक्तानी हुने उपदान, सञ्चित बिदा तथा औषधि उपचारतर्फको रकम कोष तथा लेखा नियन्त्रक कार्यालयहरुबाट हुने गरी अख्तियारी प्राप्त भएको कोलेनिकाले जनाएको छ । खर्चमा एकरुपता ल्याउने तथा लेखा राख्न सहज हुने भन्दै यस वर्षबाट कोलेनिकाले यस्तो अख्तियारी पाएको हो । अर्को व्यवस्थाप नभएसम्म कोलेनिकाहरुबाटै अवकास प्राप्त कर्मचारीले अवकाशपछिको भुक्तानी लिनु पर्ने भएको छ । नेपालका सबै जिल्लामा कोष तथा लेखा नियन्त्रक ...

पूर्णपुष्टि, भदौ २२ आज कतारबाट एक सय ४१ जना नेपाली स्वदेश फर्किएका छन् । ३४ औं उडानमार्फत कतारको दोहाबाट काठमाण्डौका लागि हिमालय एयरलाइन्सको एच ९५६३२ को उडानमार्फत नेपाल फर्किएका हुन् । कोरोना महामारीले असहज परिस्थितिमा परेका र तत्काल नेपाल फर्कनै पर्ने अवस्थाका नेपालीहरु स्वदेश फर्किएको कतारमा रहेको नेपाली दूतावासले जनाएको छ । त्यहाँ समस्यामा परेका नेपालीहरुले दूतावासको नेपाल फर्कने फारम भरेर तथा विभिन्न माध्यमबाट आफ्नो विवरण उपलब्ध गराएका थिए । तिनैमध्येबाट प्राथमिकताको आधारमा नेपाल पठाइएको दूतावासले जनाएको छ ।...

ताप्लेजुङ, भाद्र २२  ताप्लेजुङ सिरिजंघामा पहिराले पुरिएर दुई जनाको मृत्यु भएको छ । सिरिजंघा गाउँपालिका–४ का ३० बर्षीय राजु लिम्बु र ५५ बर्षीय विष्णुदास थेवेको मृत्यु भएको हो । गएराती परेको अविरल वर्षापछि माथीबाट झरेको पहिरोले निर्माणधिन नागदेवा लघु जलविधुत आयोजनाको पावर हाउस भवन समेत बगाएको जिल्ला प्रहरी कार्यालय ताप्लेजुङले जनाएको छ । सोही आयोजनाको पावर हाउसमा लिम्बु र थेवे अप्रेटरको काम गर्दै आएका थिए । पावर हाउसमै रहेको अवस्थामा पहिरोले पावर हाउस बगाउदा उनिहरुको पनि पुरिएर मृत्यु भएको प्रहरीले जनाएको छ । घटनास्थलमा प्रहरी टोली खटि गई लाशको उद्धार गरी कानुनी कारबाही भईरहेको जनाएको छ ।...

पूर्णपुष्टि, भदौ २२ बझाङमा पाटे बाघको छाला र हड्डीसहित दुई जना पक्राउ परेका छन् । दुई वटा पाटेबाघको छाला र हड्डीसहित गतराति बुङ्गल नगरपालिका–३ बाट बुङ्गल–६ का हरजित बोहरा र वीरेन्द्र बोहोरालाई पक्राउ गरेको प्रहरीले जनाएको छ । उनीहरुको साथबाट पाटेबाघको दुई थान छाला र नौ किलो हड्डी बरामद भएको प्रहरीले जनाएको छ । पक्राउ परेकाहरुको सम्बन्धमा थप अनुसन्धन भईरहेको प्रहरीले जनाएको छ ।...

पूर्णपुष्टि, भदौ २२ गण्डकी प्रदेशमा थप ६७ जनामा कारोना संक्रमण पुष्टि भएको छ । पोखरा औद्योगिक क्षेत्रका कामदार र स्वास्थ्य कर्मचारीसहित गण्डकी प्रदेशमा ६७ जना कोरोना संक्रमण पुष्टि भएको हो । पोखरा औद्योगिक क्षेत्रको पोखरा फुड्स प्रालिका २५ जना कामदारमा संक्रमण पुष्टि भएको प्रदेश स्वास्थ्य निर्देशनालयले जनाएको छ । त्यस्तै पश्चिमाञ्चल सामुदायिक अस्पतालका २ जना स्टाफ नर्ससहित ४ जनामा कोरोना सङ्क्रमण पुष्टि भएको जनाईएको छ । नवलपुरको देउचुली नगरपालिकामा एक स्वास्थ्यकर्मीसहित १५ जनामा सङ्क्रमण पुष्टि भएको निर्देशनालयले जनाएको छ । त्यसैगरी गोरखा र पालुङटार नगरपालिकामा थप १८ जना कोरोना सङ्क्रमित थपिएका छन् । तनहुँको व्यास नगरपालिकामा पनि थप ३ जनामा सङ्क्रमण पुष्टि भएको जनाईएको छ । योसँगै आज बिहानसम्म गण्डकी प्रदेशमा कोरोना सङ्क्रमितको संख्या दुई हजार पाँच सय ९८ जना पुगेको छ ।...

पूर्णपुष्टि, भदौ २२ कोरोना सङ्क्रमितको उपचारका लागि आयुर्वेदिक औषधिको परीक्षण प्रक्रिया सुरु भएको छ । ५ न. प्रदेशका करिब एक सय जनामा आयुर्वेदिक औषधिको परीक्षणका लागि प्रक्रिया सुरु गरेको नेपाल स्वास्थ्य अनुसन्धान परिषद्ले जनाएको छ । परीक्षणका लागि सरकारले अनुमति दिइसकेको छ । यो औषधि सामान्य लक्षण देखिएकालाई दिने र त्यसपछि लक्षण र अस्पताल बसाइ कति घट्यो भन्ने हेर्नुको साथै रगतमा केही परिवर्तन आए नआएको जाँच गर्ने जनाईएको छ । जेठीमधु र त्रिकटुको मिश्रण बनाएर तयार गरिएको यस आयुर्वेदिक औषधि बिरामीलाई खाना खानुअघि खुवाउने जनाईएको छ । मरीच, पिप्ली र सुकेको अदुवा बराबर मात्रामा मिलाएर त्रिकटु बनाइने परिषद्ले जनाएको छ । तर त्यो औषधि गम्भीर समस्या देखिएकाहरुलाई नदिइने जनाईएको छ । यो औषधिको कुनै पनि साइडइफेक्ट नरहेको परिषद्ले जनाएको छ ।...

पूर्णपुष्टि, भदौ २२ आज देशको केही ठाउँमा ठूलो पानी पर्ने सम्भावना रहेको छ । दिउँसो देशैभरकै मौसम बदली हुने र प्रदेश १, २, वाग्मती, गण्डकी र प्रदेश पाँचका केही ठाउँमा मेघ गर्जनसहित ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ । कर्णाली र सुदूरपश्चिम प्रदेशमा भने आज ठूलो पानी पर्ने सम्भावना छैन । राति पनि देशका केही ठाउँमा पानी पर्ने महाशाखाले जनाएको छ । मनसुनको अन्तिमतिर आइपुगेकाले केही ठाउँमा अचानक ठूलो पानी पर्ने, मेघगर्जन र चट्याङ पर्ने क्रम बढेको जनाएको छ ।...

पूर्णपुष्टि, भदौ २२ अष्ट्रेलियासँगको टी–२० क्रिकेट श्रृङ्खलामा इंग्ल्याण्डले जित हात पारेको छ । गतराति भएको दोस्रो खेलमा ६ विकेटले जित हात पारेको हो । साउथह्याम्टनमा पहिले ब्याटिङ गरेको अष्ट्रेलियाले २० ओभरमा ७ विकेट बनाएर एक सय ५७ रन बनाएको थियो । ३ रन बनाउँदा २ विकेट गुमाएको अष्ट्रेलियाले निकै खराब सुरुवात गरेको थियो । तर एरोन फिन्चको ४० र मार्कुस स्टोनिसको ३५ रन मद्दतमा एक सय ५७ रनको मध्यम स्कोर बनाएको थियो । तर एक सय ५८ रनको लक्ष्य इंल्याण्डले चार विकेट गुमाएर ७ बल अघि नै भेटायो । जोस बटलरले नटआउट ७७ रन बनाए । पहिलो खेल इंल्याण्डले दुई रनले जितेको थियो ।...

पूर्णपुष्टि, भदौ २१ सरकारले वीर अस्पताललाई कोरोना विशेष अस्पताल बनाउने निर्णय गरेको छ । स्वास्थ्य मन्त्रालयको इन्सिडेन्ट कमान्ड सिस्टमको बैठकले वीर अस्पताललाई कोरोना विशेष अस्पताल बनाउने निर्णय गरेको हो । वीर अस्पतालको नियमित स्वास्थ्य सेवा अब राष्ट्रिय ट्रमा सेन्टरबाट सञ्चालन गर्ने निर्णय भएको मन्त्रालयका प्रवक्ता डा.जागेश्वर गौतमले आजको बिफ्रिङमा जानकारी दिनुभएको हो । नेपालकै पुरानो वीर अस्पताल देशभरमा धेरै बिरामीको उपचार गर्ने अस्पतालमा पर्छ । कम खर्चमा सबैजसो रोगको उपचार हुने भएकाले सर्वसाधारणको चाप यहाँ बढी हुने गर्दछ । पछिल्लो समय कोरोना भाइरस महामारीको समयमा पनि वीर अस्पतालबाट सर्वसाधारण बिरामीले उपचार लिइरहेका थिए ।...

पूर्णपुष्टि, भदौ २१ रुकुम पश्चिममा लागुऔषध अफिम सहित तीन जना पक्राउ परेका छन् । जाजरकोटको नलगाड नगरपालिका–९ का ३७ वर्षीय प्रेमबहादुर सिंह, ४० वर्षीय मानबहादुर सिंह र ३२ वर्षीय तपबहादुर सिंह १६ केजी अफिमसहित पक्राउ परेका हुन् । रुकुम पश्चिमको आठबीसकोट नगरपालिकामा लागुऔषध कारोबार भैरहेको छ भन्ने सूचनाको आधारमा कर्णाली प्रदेश प्रहरी कार्यालय सुर्खेत र जिल्ला प्रहरी कार्यालय रुकुम पश्चिमबाट खटेका संयुक्त टोलीले अफिमसहित उनीहरुलाई पक्राउ गरेको प्रहरीले जनाएको छ । लागुऔषधसहित पक्राउ परेकाहरुमाथी थप अनुसन्धान भैरहेको प्रहरीले जनाएको छ ।...