Month: ६ वर्ष अगाडि

मोरङ, असोज १३ मोरङाम लागुऔषधसहित एक जना पक्राउ परेको छ । विराटनगर–१६ दरैया निबासी ६१ बर्षीय रामु मण्डल लागुऔषध खैरो ब्राउनसुगर सहित पक्राउ परेको हो । विशेष सुराकका आधरामा खटिएको प्रहरी टोलीले साईकलमा आईरहेका मण्डललाइ विराटनगर–१२ स्थित कलेज रोडबाट हिजो दिउँसो ४ बजे नियन्त्रण लिई चेकजाँच गर्ने क्रममा लाष्टिकमा पोका पारेर राखिएको अवस्थामा  ५ ग्राम ७० मिलीग्राम ब्राउनसुगर बरामद गरेको जिल्ला प्रहरी कार्यालय मोरङले जनाएको छ । ब्राउनसुगर सहित पक्राउ परेका मण्डललाई थप अनुसन्धान भईरहेको प्रहरीले जनाएको छ ।...

पूर्णपुष्टि, असोज १३  अर्घाखाँचीको शितगंगामा जमिन भासिँदा तीन सय घर जोखिममा परेको छ । शितगंगा नगरपालिकाका–११ को ढुंगेशेरा र १२ नम्बर वडाको कोठिया मैदान क्षेत्रमा जमिन भासिँदा करिब तीन सय घर जोखिममा परेको हो । जनप्रतिनिधि र  सुरक्षा निकायले स्थलगत अध्ययन गरेपछि बसेको जिल्ला विपद व्यवस्थापन समितिको बैठकले २ वटा वडाका तीन सय घर पहिरोको जोखिममा परेको जिल्ला विपद व्यवस्थापन समितिले ठहर गरेको छ । बैठकले जोखिममा परेका परिवारको सुरक्षित स्थानमा व्यवस्थापन गर्ने निर्णय पनि गरेको छ । शुक्रबार दिउँसो जमिन भासिएर पहिरो जाँदा १२ का जोख्ले गैरा, बतासे र पहरेपानीका २६ घर तथा ११ को ढुंगेशेराका ५ घर गरी ३१ घर भत्किएका थिए । भिरालो पाखोको वस्तीमा जमिन भासिँदा कोठिया मैदानमा ४६ घर पहिरोको उच्च जोखिममा र झण्डै १ सय घर जोखिममा परेको जनाईएको छ । त्यस्तै  ढुंगेशेरा क्षेत्रमा जमिन भासिँदा ११ घर पहिरोको ...

पूर्णपुष्टि, असोज १३ यस वर्षको पद्मश्री पुरस्कार रद्द भएको छ । सञ्जीव उप्रेती र मोदनाथ प्रश्रितलाई पुरस्कार दिने निर्णय विवादास्पद भएपछि यस वर्षको पद्मश्री पुरस्कार रद्द भएको खेमलाल–हरिकला लामिछाने प्रतिष्ठानले जनाएको छ । गत आइतबार यस वर्षको पद्मश्री साहित्य पुरस्कार सञ्जीव उप्रेतीको उपन्यास ‘हंस’ र पद्मश्री साधना सम्मान मोदनाथ प्रश्रितलाई प्रदान गर्ने निर्णय गरेको थियो । पुरस्कार दिने निर्णय भएकै दिन मोदनाथ प्रश्रितमाथि यौन उत्पीडनको आरोप रहेकाले उनीसँगै बसेर पुरस्कार नलिने उप्रेतीले बताउनुभएको थियो । त्यस्तै गलत आरोप लगाएर विवादमा तान्न खोजिएको भन्दै प्रश्रितले समेत पुरस्कार नलिने बताएपछि प्रतिष्ठानले यो वर्षको पुरस्कार रद्द गर्ने निर्णय गरी विज्ञप्ति जारी गरेर जानकारी गराएको छ । पुरस्कारका लागि छनोट भएका दुवै प्रतिभाले पुरस्कार अस्वीकार गर्ने घोषणा गरेपछि उनीहरुको इच्छालाई कदर ग...

पूर्णपुष्टि, असोज १३ ललितपुरको ललितपुर महानगरपालिकामा जाँडरक्सीको विज्ञापन बोर्डमा कालो पोतिएको छ । नगर क्षेत्र भित्र विभिन्न ठाउँमा राखिएका जाँडरक्सिको विज्ञापन बोर्डमा कालो पोतिएको हो । महानगरलाई स्वस्थ्य, सफा बनाउन मदिराका बोर्डहरु हटाउने अभियान सुरु गरेको ललितपुर महानगरपालिकाका नगर प्रहरीले जनाएको छ । महानगरपालिकाका विभिन्न ठाउँमा फुटपाथ पसल पनि राख्न नपाइने भएको छ । पुल्चोक, कुपण्डोल, जावलाखेल र कुमारीपाटीमा फुटपाथ पसल राख्न निषेध गरिएको हो । फुटपाथमा तरकारी व्यापार, निर्माण सामग्री थुपार्न, गाडी पार्क गर्न र वर्कसपको काम गर्न समेत रोक लगाएको जनाईएको छ । महानगरपालिकाका विभिन्न ठाउँलाई चरणबद्ध रुपमा व्यवस्थित बनाउँदै लैजाने योजना रहेको प्रहरीले जनाएको छ ।...

पूर्णपुष्टि, १२ असोज । कटारी /आज १४ औं विश्व रेविज दिवश उदयपुरको कटारीमा पनि मनाईएको छ । प्राणघातक रेविजलाई बुझौं , आ आप्mना घरपालुवा कुकुर विरालोलाई रेविज विरुद्धको खोप लगाऔं , र यसलाई परास्त पारौं भन्ने नाराका साथ कटारी नगरपालिकाको पशु विकास शाखाको आयोजनामा कटारीमा पनि दिवश मनाईएको हो । दिवशको अवसरमा शाखाले कटारीमा निशुल्क रेविज विरुद्धको एकदिने खोप शिविर सञ्चालन गरेको थियो । शिविरमा ८१ वटा कुकुरलाई निशुल्क खोप लगाईएको शाखाले जनाएको छ । कार्यक्रमको नगरपालिकाका उपमेयर भिमकुमारी राउतले उदघाटन गर्नुभएको थियो ।कार्यक्रम उदघाटन गर्दै उपमेयर राउतले प्राणघातक रोगबाट बच्न सवैले रेविज विरुद्धको खोप घरपालुवा कुकुर विरालोलाई लाउनु पर्ने बताउनुभयो । त्यसैगरी वडा सदस्य हृदय तामाङ्गले यसबाट वच्न जनचेतना पैmलाउनु पर्ने बताउनुभएको थियो ।...

जयराम पूर्वछाने मगर बेलका, असोज १२  उदयपुरको बेलकामा फोहर व्यावस्थापन तथा प्रांगारिक मल निर्माण उद्योगको उद्घाटन भएको छ । बेलका नगरपालिका–९ को धौरी खैरेनीमा स्थापना भएको उद्योगको भुमि आयोगका केन्द्रिय सदस्य तथा मदन भण्डारी फाउण्डेसन प्रदेश नम्बर १ का अध्यक्ष गोपाल गुरागाईले उद्धाटन गर्नु भएको हो । नेपाल सरकारको विशेष अनुदानमा  रिसोर्स एण्ड चेन्ज आर. सि. एम. प्रालिको प्राविधिक सहयोगमा उद्योग निर्माण भएको हो । उद्योगको उद्घाटन पश्चात फोहोर ब्यवस्थापन तथा प्रांगारिक मल उत्पादनको परिक्षण समेत भएको थियो । बेलकामा वितरण हुन लागेको ऐलानी जग्गालाई नम्बरी बनाएर धनी पुर्जा वितरण हुन लागेको अध्यक्ष गुरागाईले बताउनुभयो । समृद्ध बेलका निमार्णमा नगरले ठुलो फड्को मारेको छ । बेलका नगरपालिकामा गौरवको योजना सञ्चालन भए संगै स्थानीय रोजगार प्राप्त भएको उहाँले बताउनुभयो । स्थानीय निर्वाचनको घोषणा पत्र...

मिलन परियार गाईघाट, असोज १२ जाल्पा एकीकृत बिकास समाज उदयपुरको बार्षिक समिक्षा कार्यक्रम सम्पन्न भएको छ । सन् २०२० मा जाल्पा एकीकृत बिकास समाज उदयपुरले गरेका बार्षिक कार्यक्रमको उपलब्धि  सिकाई चुनौती र आगामी बर्षका लागी सल्लाहा सुझावहरुसहितको समिक्षा भएको थियो । वर्ल्ड भिजन ईन्टरनेसनल नेपालसंग साझेदारी गर्ने १५ वटा जिल्लाका ३० वटा संस्थामध्ये जाल्पा एकीकृत बिकास समाज उदयपुरले राष्ट्रिय सर्बोउत्कृष्ट सस्थाको अवार्ड हात पारेको  छ । वल्र्ड भिजनको बार्षीक मूल्याङ्कनमा भाग लिएका १७ वटा संस्था मध्ये जाल्पाले अवार्ड जितेको जाल्पाका अध्यक्ष पुष्पराज पोखरेलले बताए । अवार्ड जितेकामा खुसी व्यक्त गर्दै अध्यक्ष पोखरेलले आगामी दिनहरुमा यसलाई बचाई राख्न थप चुनौती थपिएको बताए । आगामी दिनमा जिल्ला बाहिर पनि परियोजाना कार्यक्रम सन्चालन गर्न आबस्यक तयारी गर्ने र संस्थाले सन्चालन गरेको बिभिन्न कार्यहरु ए...

पूर्णपुष्टि, असोज १२ नेपालमा आज थप एक हजार तीन सय ५१ जनामा कोरोना संक्रमण पुष्टि भएको छ । योसँगै नेपालमा संक्रमितको सङ्ख्या ७४ हजार सात सय ४५ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा १० हजार ८० जनाको पीसीआर परीक्षण गर्दा एक हजार तीन सय ५१ जनामा सङ्क्रमण देखिएको हो । गत २४ घण्टामा सात सय ४२ जना निको भएर फर्किएसँगै डिस्चार्ज हुनेको सङ्ख्या ५४ हजार ६ सय ४० जना पुगेको छ । अब नेपालमा १९ हजार ६ सय २४ जना सक्रिय सङ्क्रमित आइसोलेशनमा रहेका छन् । यस्तै ६ हजार तीन सय १० जना क्वरेण्टीनमा रहेको मन्त्रालयले जनाएको छ । त्यस्तै गएको २४ घण्टामा चार जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या चार सय ८१ पुगेको मन्त्रालयले जनाएको छ ।...

पूर्णपुष्टि, असोज १२ तेजाब तथा अन्य घातक रासायनिक पदार्थ नियमन अध्यादेश २०७७ जारी भएको छ । एसिड आक्रमण गर्नेमाथि कडा कारबाहीको व्यवस्थासहित सरकारले ल्याएको अध्यादेश राष्ट्रपति विद्यादेवी भण्डारीले जारी गर्नुभएको हो । नेपालको संविधानको धारा ११४ को उपधारा १ अनुसार राष्ट्रपति भण्डारीले अध्यादेश जारी गर्नुभएको राष्ट्रपति कार्यालयले जनाएको छ । सरकारले अध्यादेशमार्फत कानुन संशोधन गरी एसिड आक्रमण गर्नेमाथि २० वर्षसम्म कैद र १० लाख रुपैयाँसम्म जरिबानाको व्यवस्था गरेको हो । गत बिहीबार बसेको मन्त्रिपरिषद् बैठकले एसिड आक्रमण गर्नेमाथि सजाय बढाउने गरी अध्यादेश ल्याएको थियो । अध्यादेशमा आँखा, कान, मुख, छाती र यौनाङ्गमा एसिड लागेमा २० वर्ष कैद र दश लाख रुपैयाँ जरिबाना हुने व्यवस्था गरिएको छ । यस्तै शरीरको कुनै अङ्ग भङ्ग वा शारीरिक क्षति भएमा कसुरको प्रकृतिअनुसार पाँच वर्षदेखि १० वर्षसम्म कैद र ए...

पूर्णपुष्टि, असोज १२ चालु आर्थिक वर्षको दुई महिनामै करिब १४ अर्ब रुपैयाँ बराबरको खाद्यान्न आयात भएको छ । साउन र भदौ महिनामा १३ अर्ब ७५ करोड ६६ लाख रुपैयाँ बराबरको खाद्यान्न आयात भएको भन्सार विभागले जनाएको छ । साउन र भदौमा सात अर्ब ७२ करोड रुपैयाँको धान चामल आयात भएको विभागले जनाएको छ । यसमध्ये झण्डै पाँच अर्ब रुपैयाँको धान चामल भारतबाट मात्रै आयात भएको छ । त्यस्तै दुई महिनामा छ अर्ब आठ करोड ५४ लाख रुपैयाँ बराबरको हरियो तरकारी र फलफूल आयात भएको छ । त्यस्तै एक अर्ब ७२ करोड १८ लाख रुपैयाँ बराबरको चिया र कफी आयात भएको जनाईएको छ ।...