Month: ६ वर्ष अगाडि

मोरङ, असोज २५ मोरङको करिया खोलामा डुबेर एक जनाको मृत्यु भएको छ । कानेपोखरी–४ त्रिबेणी चोकका ३३ बर्षीय रेशम माझीको खोलामा डुबेर मृत्यु भएको हो । हिजो राती साढे १० बजे स्थानीय करिया खोलामा माझीलाई आफन्त सहित स्थानीयहरुले डुबेर वेहोस भएको अवस्थामा फेला पारी प्रहरीमा खबर गरेको थियो । पानीमा डुबेर वेहोस भएका माझीको विपि कोईराला स्वास्थ्य विज्ञान प्रतिष्ठन घोपा धरानमा उपचारको क्रममा आज विहानको राती साढे १ बजे मृत्यु भएको जिल्ला प्रहरी कार्यालय मोरङले जनाएको छ ।...

पूर्णपुष्टि, असोज २५ पोल्याण्डकी इगा स्विटेकले फ्रेन्च ओपन टेनिसको महिलातर्फको उपाधि हात पारेकी छिन् । पेरिसमा भएको फाइनलमा अमेरिकी खेलाडी सोफिया केनिनलाई ६–४ र ६–१ को सेटमा पछि पार्दै स्विटेकले पहिलो पटक उपाधि जितेकी हुन् । १९ वर्षीया स्विटेक ग्राण्डस्लामको फाइनलमा पहिलो पटक पुगेकी हुन् । उनले चौंथो वरियताकी केनिनलाई हराएर उपाधि हात पारेकी जनाईएको छ । ५४ औं वरीयताकी स्विटेक सन् १९७५ पछि महिलातर्फ फाइनल पुग्ने तल्लो वरीयताकी पहिलो खेलाडी हुन् ।...

पूर्णपुष्टि, असोज २५ सरकार र डाक्टर गोविन्द केसीबीच सहमति भएपछि आवासीय चिकित्सक सङ्घले आन्दोलन फिर्ता लिएको छ । हिजो अबेरसम्म पनि डाक्टर केसीको मागमा सरकार गम्भीर नभएको भन्दै आजदेखि आकस्मिक र कोभिड–१९ बाहेकका सबै सेवा बहिष्कार गर्ने निर्णय गरेको थियो । तर राति सहमति भएसँगै संघले आन्दोलन फिर्ताको घोषणा गरेको हो । हिजो बेलुकी अबेरसम्म पनि डाक्टर केसीको मागमा सुनुवाइ हुने छाँट नदेखेपछि संघले आन्दोलनको कार्यक्रम घोषणा गरेको थियो । जस अन्तर्गत त्रिवि शिक्षण अस्पताल, वीर अस्पताल र वीपी कोइराला विज्ञान प्रतिष्ठानमा आजदेखि आकस्मिक र कोभिड–१९ बाहेकका सबै उपचार बहिष्कार गर्ने संघले चेतावनी दिएको थियो ।...

पूर्णपुष्टि, असोज २५  नवलपरासीबाट साढे एक लाख नगदसहित चार जना जुवाडे पक्राउ परेका छन् । जिल्ला प्रहरी कार्यालय नवलपरासी (बर्दघाट सुस्तापूर्व) नवलपुरले मध्यबिन्दु नगरपालिका–२, कोल्हुवाको एक होटलबाट एक लाख ५८ हजार नगदसति पक्राउ गरेको हो । जुवा खालबाट हेमकान्त चौधरी, बबरजंग चौधरी, विवेक थनेत र अरुण भण्डारी पक्राउ परेको जिल्ला प्रहरी कार्यालय नवलपुरले जनाएको छ ।...

पूर्णपुष्टि, असोज २५ ब्राजिलमा कोरोना संक्रमणबाट मृत्यु हुनेको संख्या डेढ लाख नाघेको छ । अहिलेसम्म ब्राजिलमा कोरोना संक्रमणबाट १ लाख ५० हजार १ सय ९८ जनाको मृत्यु भएको त्यहाँको स्वास्थ्य मन्त्रालयले पुष्टि गरेको जनाएको छ । ब्राजिलमा ५० लाख ८२ हजार ६ सय ३७ जनामा कोरोना पुष्टि भईसकेको जनाईसकेको छ । अमेरिकामा ७९ लाख ४५ हजारमा कोरोना पुष्टि हुँदा २ लाख १९ हजारको मृत्यु भएको छ । त्यस्तै ७० लाख ५१ हजारमा कोरोना पुष्टि भएको भारतमा १ लाख ८ हजारको मृत्यु भईसकेका छन् । विश्वभर ३ करोड ७४ लाख ५० हजारमा कोरोना पुष्टि भइसकेको छ । जसमध्ये २ करोड ८१ लाख निको भएका छन् भने १० लाख ७७ हजारको भने मृत्यु भएको वल्ड्रोमिटरले जनाएको छ ।...

पूर्णपुष्टि, असोज २५ भक्तपुरमा रोकिराखेको टिप्परमा मोटरसाइकल ठोक्किँदा एक जनाको मृत्यु भएको छ । सूर्यविनायक नगरपालिका–५ चुनदेवीमा रोकिराखेको बा ३ ख ८८०३ नम्बरको टिप्परमा बा ३० प ९६११ नम्बरको मोटरसाइकल ठोक्किँदा चालक लक्ष्मण ट्वाटीको मृत्यु भएको हो । दुर्घटनामा घाइते भएका चालक भक्तपुर नगरपालिका–४ दरबार स्क्वायरका ३८ वर्षीय लक्ष्मण ट्वाटीको डाक्टर इवामुरा अस्पतालमा मृत्यु भएको प्रहरीले जनाएको छ । मोटरसाइकल पछाडि बसेकी ७ वर्षकी प्रमिला लामाको डाक्टर इवामुरा अस्पतालमा उपचार भइरहेको प्रहरीले जनाएको छ ।...

पूर्णपुष्टि, असोज २५ कोरोना संक्रमणबाट बाँकेमा थप दुई जनाको मृत्यु भएको छ । बाँकेको नेपालगञ्ज स्थित भेरी अस्पतालमा उपचाररत दुई जनाको मृत्यु भएको हो । नेपालगञ्ज उपमहानगरपालिका–१० ट्राफिक चोक निवासी ८४ वर्षीय पुरुष र कोहलपुर नगरपालिका–८ का  ७१ वर्षीया महिलाको गतराति मृत्यु भएको अस्पतालले जनाएको छ । अस्पतालको कोरोना आइसोलेसन वार्डमा उपचाररत पुरुषको राति ९ः५५ बजे मृत्यु र १० बजे महिलाको मृत्यु भएको अस्पतालले जनाएको छ । श्वासप्रश्वासमा समस्या देखिएपछि पिसीआर परीक्षण गर्दा पुरुषमा गत असोज ६ गते र महिलामा १४ गते कोरोना संक्रमण देखिएको थियो । दुवै जनालाई भेरी अस्पतालको कोरोना आइसोलेसन वार्डमा भर्ना गरेर रोगको प्रकृतिअनुसार सबै प्रकारको आवश्यक उपचार गरिए पनि स्वास्थ्य अवस्थामा सुधार नआई मृत्यु भएको जनाईएको छ । योसँगै बाँकेमा कोरोना संक्रमणबाट मृत्यु हुनेको संया २६ पुगेको छ ।...

पूर्णपुष्टि, असोज २५ ४० औँ विश्व खाद्य दिवस सप्ताहव्यापी रुपमा मनाईने भएको छ । ‘हाम्रो पहल ः दिगो कृषि, पोसिलो आहार’ नाराका साथ आजदेखि दिवस सप्ताहव्यापी रुपमा मनाइने भएको हो । कृषि तथा पशुपंक्षी विकास मन्त्रालय अन्तर्गतको कृषि विभाग र कृषिका लागि खाद्य अभियानको सहकार्यमा कार्यक्रम गरिने कृषी विभागले जनाएको छ । आज कृषि प्रविधि र प्रयोग, रैथाने खाना, पर्यटन लगायतका विषयमा अन्तर्क्रिरया हुनेछ । त्यस्तै भोलि कोरोना, खाना र खेतीबालीको विषयमा छलफल हुने भएको जनाईएको छ । खाना र खेतीबाली : ग्रामिण महिला किसानको योगदान र जैविक विविधता, पोषण तथा रैथाने बालीहरुको विषयमा छलफल र अन्तर्क्रिरया हुने जनाईएको छ । रैथाने खाना र खेतीबाली जोगाउनु अहिलेको मुख्य चुनौती रहेको विभागले जनाएको छ । सन् २०१५ मा भएको संयुक्त राष्ट्र संघको दिगो विकास सम्मेलनमा १ सय ९३ देशले आउँदो १५ वर्षभित्र भोकमरी अन्त्य गर्न ...

पूर्णपुष्टि, असोज २५ सरकारले अनशनरत डाक्टर गोविन्द केसीसँग ८ बुँदे सहमति गरेको छ । गत भदौ २९ गतेदेखि अनशन बस्नुभएको डाक्टर केसीसँग गतराती सहमति भएको हो । चिकित्सा शिक्षा सुधारलगायत ६ बुँदे माग राखेर अनशन बस्नुभएको डाक्टर केसीसँग सहमति भएसँगै डाक्टर केसीले आज बिहान साढे ९ बजे अनशन तोड्ने तयारी रहेको जनाईएको छ । बुधबार सरकार र डाक्टर केसी पक्षले वार्ता टोली गठन गरे लगत्तै बिहीबार र शुक्रबार भएको वार्ता असफल भएपछि सरकारी वार्ता टोलीले शनिबार प्रधानमन्त्री केपी शर्मा ओली र शिक्षा मन्त्री गिरिराजमणि पोखरेलसँग छलफल गरेपछि सहमति जुटेको हो ।...

पूर्णपुष्टि, असोज २४ उदयपुरको भोर्लेमा गोर्खा वयल फेयर ट्रष्ट धरानले भोर्ले खानेपानी योजना निर्माण कार्य सम्पन्न गरेर समुदायलाई हस्तान्तरण गरेको छ । त्रियुगा नगरपालिका–१६ भोर्लेमा फेयर ट्रष्ट धरानको आर्थिक तथा प्राविधिक सहयोगमा भोर्ले खानेपानी योजना निर्माण सम्पन्न गरी समुदायलाई हस्तान्तरण गरेको हो । घर घरमा सुरक्षित शुद्ध पानी पुगेपछी खुसी भोर्लेबासी खुसी भएका छन् । शनिबार एक कार्यक्रमको साथ प्रदेश सांसद अम्बिका थापाले आयोजनाको उद्घाट गर्नुभयो भने गोर्खा वयल फेयरको प्रोजेक्ट मेनेजर कृष्णबहादुर सुब्बाले समुदायमा हस्तान्तरण गर्नुभएको हो । आयोजनाको उत्घाटन गर्नुहुदै सांसद थापाले सफा पानी पिउनु ,स्वस्थ्य रहनु, आफू सफा हुनु, घर वरिपरि पनि सफा राख्नु महत्वपूर्ण कुरा भएको बताउनुभयो । आगामी दिनहरूमा पानी बचत गर्दै कृषिजन्य वस्तु उत्पादन बढाउनमा जोड दिनु भयो । साथै आफ्नो तर्फबाट गर्नुपर्ने...