Month: ६ वर्ष अगाडि

पूर्णपुष्टि, असोज २० रामेछापमा ट्र्याक्टर दुर्घटना हुँदा दुई जनाको मृत्यु भएको छ । दोरम्बाको सानो शैलुङ्गमा ट्र्याक्टर दुर्घटना हुँदा चालक एक यात्रुको मृत्यु भएको हो । ट्याक्टर चालक दोरम्बा गाउँपालिका–७ निबासी २७ वर्षीय पेमा लामा र ५५ वर्षीय फुर्वा दोर्जे तामाङको घटनास्थलमै मृत्यु भएको जिल्ला प्रहरी कार्यालय रामेछापले जनाएको छ । काभ्रेको जिरोकिलोबाट डिजेल लिएर रामेछापको दोरम्बा गाउँपालिकाको सानो शैलुङ्गका लागि हिडेको ना ७ त ८७३ नम्बरको ट्र्याक्टर दुर्घटना भएको प्रहरीले जनाएको छ । दुर्घटनाको कारण खुल्न बाँकी रहेको प्रहरीले जनाएको छ ।...

पूर्णपुष्टि, असोज २०  आज देशका केही ठाउँमा हल्का पानी पर्ने सम्भावना रहेको मौसम पूर्वानुमान महाशाखाले जनाएको छ । बंगालको खाडीमा बनेको न्यूनचापीय क्षेत्रको प्रभावले प्रदेश १ का थोरै तथा प्रदेश २, वाग्मती प्रदेश र गण्डकी प्रदेशका एक÷दुई ठाउँमा हल्का पानी पर्ने सम्भावना रहेको महाशाखाले जनाएको छ । यो प्रणाली कमजोर हुँदै गएकाले नजिकै पानी परे पनि नजिकै अर्को ठाउँमा नपर्न पनि सक्छ । प्रदेश १, प्रदेश २, वाग्मती प्रदेश र गण्डकी प्रदेशको मौसम भने आंशिकदेखि सामान्य बद्ली हुने र बाँकी प्रदेशहरुमा घाम लाग्दै बादल लाग्ने जनाएको छ ।...

पूर्णपुष्टि, असोज २०  अस्पतालबाट अमेरिकी राष्ट्रपति डोनाल्ड ट्रम्प डिस्चार्ज हुनुभएको छ । कोरोना संक्रमण पुष्टि भएपछि तीन दिनअघि अस्पताल भर्ना भएका ट्रम्प डिस्चार्ज हुनुभएको हो । ट्रम्प पूर्ण रुपमा निको नभए पनि घर लैजानु सुरक्षित भएकाले अस्पतालबाट डिस्चार्ज गरिएको अस्पतालले जनाएको छ । राष्ट्रपति ट्रम्पले अब ह्वाइट हाउसबाट नै आफ्ना सबै काम गर्ने तय भएको अन्तराष्ट्रिय संचारमाध्यमले जनाएको छ । उपचार ह्वाइट हाउसमै हुनेछ । ३ नोभेम्बरमा हुने राष्ट्रपतिय चुनावमा डेमोक्रेटिक उम्मेदवार जो बाइडनसँग ट्रम्प प्रतिस्पर्धा गर्दै हुनुहुन्छ । अमेरिकी राष्ट्रपतिको चुनाव  हुन लगभग १ महिना  बाँकी हुँदा ट्रम्प कोरोना भाइरस सङ्क्रमित हुनुभएको हो ।...

झापा, असोज १९ झापाबाट लागुऔषध ब्राउनसुगरसहित एक जना पक्राउ परेको छ । दमक–९ दिपज्योती उराउ टोल निबासी ३० बर्षीया रुपा चौधरी भण्डारी लागुऔषध ब्राउनसुगर सहित पक्राउ परेकी हुन् । उनलाई आज विहान साढे ११ बजे ईलाका प्रहरी कार्यालय दमकबाट खटिएको प्रहरी टोलीले पक्राउ गरेको हो । रुपाले आफ्नै घरबाट ब्राउनसुगरको किनबेच गर्ने गरेको विशेष सुराकका आधारमा  खटिएको प्रहरी टोलीले उनको घरमा खानतलासी गर्दा पलङमुनि लुकाईछिपाई छुट्टाछुटै ५ वटा प्लाष्टिकको पोका बनाई राखेको अवस्थामा ३५ ग्राम खैरोहिरोईन ब्राउनसुगर र नगद ७४ हजार ६ सय १५ रुपैया बरामद गरिएको जिल्ला प्रहरी कार्यालय झापाले जनाएको छ । यसरी लागुऔषध सहित पक्राउ परेकी रुपामाथी ईलाका प्रहरी कार्यालय दमकबाट थप अनुसन्धान भईरहेको प्रहरीले जनाएको छ ।...

धनकुटा, असोज १९ धनकुटा पाख्रिबास–५ दियाले निबासी १७ बर्षीय अनिल थापाको करेन्ट लागेर मृत्यु भएको छ । आज विहान १० बजे बारीमा टाँकीको रुखमा घाँस काट्ने क्रममा अचानक प्रशारण विधुतको लाइन छुन पुग्दा थापालाई करेन्ट लालेर उनको घटनास्थलमानै मृत्यु भएको जिल्ला प्रहरी कार्यालय धनकुटाले जनाएको छ ।

पुर्णपुष्टि,असोज १९ नेपालमा आज मात्रै २ हजार ४ सय ४० जनामा कोरोना संक्रमण पुष्टि भएको छ । जस मध्ये काठमाडौं उपत्यकामा मात्रै एक हजार पाँच सय संक्रमित पुष्टि भएको छ । पछिल्लो समय उपत्यका लगाएत देशैभरी संक्रमितको संङख्या बढ्दो अवस्थामा छ । स्वास्थ्य तथा जनसंख्या मन्त्रालयका अनुसार सोमवार मात्रै उपत्यका लगाएत देशको बिभिन्न जिल्लाहरुमा गरी २ हजार ४ सय ४० जनामा कोरोना संक्रमण देखिएको जनाएको छ । त्यसैगरी देशभर सकृय संक्रमितको संख्या २३ हजार ५ सय ७ जना रहेको छ । मन्त्रालयको नियमित प्रेस ब्रिफिङका क्रममा सोमबार प्रवक्ता डा जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ८९ हजार २ सय ६३ पुगेको जनाएको छ । त्यस्तै पछिल्लो २४ घन्टामा नेपालमा थप १९ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोर...

पुर्णपुष्टि,असोज १९  आइतबार स्थगीत भएको नेपाल सत्तारुढ दल नेपाल कम्युनिस्ट पार्टीको सचिवाल बैठक भोली बोलाइएको छ । अध्यक्ष प्रचण्ड प्रधानमन्त्री ओलीलाई भेट्न बालुवाटार पुगेका थिए । दुई अध्यक्ष बीच भएको भेटपछि नेकपाले सचिवालय बैठक बोलाइएको हो । (नेकपा)का अध्यक्षद्वय केपी शर्मा ओली र पुष्पकमल दाहाल बीच भेट घाट कार्यक्रममा बैठक भोली बोलाइने जनाएको छ । नेकपाले सचिवालय बैठक शनिबार नै बोलाइएको भए पनि तयारी नपुगेको भन्दै आइतबारका लागि सारिएको थियो । तर, शनिबार दिउँसो प्रधानमन्त्रीका सचिवालय सदस्यहरु सहित सुरक्षार्थ खटिएका सुरक्षाकर्मीहरुमा संक्रमण पुष्टि भएपछि आइतबारको सचिवालय बैठक पनि स्थगित भएको थियो । आइतबार स्थगित भएको सचिवालय बैठक भोलि (मंगलबार) दिउँसो चार बजे बोलाइएको प्रचण्डका प्रेस संयोजक बिष्णु सापकोटा जुगलले जानकारी दिए । उनका अनुसार दुई अध्यक्षबीच बैठकको एजेण्डाबारे समे...

पुर्णपुष्टि,असोज १९  बुटुवलको एक मृत महिलामा कोरोना संक्रमण पुष्टि भएको छ । बुटवल उपमहानगरपालिका–१३ की ६५ वर्षीया महिलाको उपचारको क्रममा आइतबार राति ८ बजे मृत्यु भएको हो बुटवलस्थित लुम्बिनी प्रादेशिक अस्पतालको फिवर क्लिनिकमा आइतबार बिहान ९ बजे भर्ना भएकी महिलाको उपचारको क्रममा मृत्यु भएको अस्पतालले जनाएको छ । उनको पीसीआर परीक्षणका लागि आइतबार स्वाब संकलन गरिएकामा आज रिपोर्ट पोजेटिभ आएको अस्पतालले जनाएको छ । योसँगै रुपन्देहीमा २६ जना कोरोना संक्रमितको मृत्यु भएको छ ।...

पुर्णपुष्टि,असोज १९  गुल्मीमा हिजो छोराको कुटपिटबाट ६० वर्षीय बुवाको मृत्यु भएको छ । इस्मा गाउँपालिका–४ का २६ वर्षीय अनिल बस्नेतले आफ्नै बुवा दिलबहादुरको कुटपिट गरी हत्या गरेका हो । गम्भीर घाइते भएका दिलबहादुरलाई गुल्मी अस्पताल हुँदै पाल्पा प्रवास अस्पतालमा पु¥याइएको थियो । त्यहाँ उपचार हुन नसकेपछि थप उपचारको लागि बुटवलस्थित प्रादेशिक अस्पतालमा लैजाने क्रममा मृत्यु भएको जिल्ला प्रहरीका कार्यालय गुल्मीले जनाएको छ । हिजो राति अनिलले घरमै कुटपिट गरी गम्भीर घाइते बनाएका दिलबहादुरको थप उपचारको लागि बुटवल लैजादै गर्दा बाटोमै मृत्यु भएको प्रहरीले जनाएको छ । कुटपिटको कारण अझै खुल्न सकेको छैन । कुटपिटमा संलग्न छोरा अनिल भने फरार भएका छन् । उनको खोजी कार्य भैरहेको प्रहरीले जनाएको छ ।...

पुर्णपुष्टि,असोज १९  नुहाउन जाने क्रममा बाजुरामा ४ दिनदेखि एकै परिवारका ५ जना बेपत्ता  भएका छन् । हिमाली गाउँपालिका ५ स्थित कवाडीका ३० वर्षीया सत्ता नेपाली, ५ वर्षीया छोरी आरती नेपाली, ४ वर्षकी सन्तोषी नेपाली, २ वर्षका छोरा सम्मान नेपाली र १ वर्षीया छोरी किस्मती नेपाली सहित शुक्रबार साँझ उनिहरु बेपत्ता भएका हुन् । नेपाली छोराछोरीसहित कवाडी नदीमा नुहाउन गएकी उनी नुहाउने क्रममा बेपत्ता भएको जिल्ला प्रहरी कार्यालय बाजुराले जनाएको छ । घटनाको सुचना पाएलगतै प्रहरी टोलीले खोजी कार्य गरी रहेको छ । नेपाल प्रहरी, नेपाली सेना र स्थानीयले खोजी गरिरहेका छन् । चार दिनसम्म खोजी कार्यलाई निरन्तर्ता दिदा पनि कुनै जानकारी फेला नपरेको प्रहरीले जनाएको छ ।...