Month: ६ वर्ष अगाडि

पूर्णपुष्टि, असोज १९ कोरोना भाइरसको संक्रमणबाट रुपन्देहीमा थप एक जनाको मृत्यु भएको छ । लुम्बिनी प्रादेशिक अस्पतालमा मृत्यु भएकी बुटवल उपहानगरपालिका–१३ की ६५ वर्षीया महिलामा संक्रमण पुष्टि भएको हो । ज्वरो, श्वासप्रश्वासको समस्या लिएर आइतबार बिहान अस्पतालको फिभर क्लिनिकमा भर्ना भएकी उनको उपचारका क्रममा साँझ मृत्यु भएको थियो । आज आएको उनको पीसीआर रिपोर्टमा पोजेटिभ रहेको अस्पतालले जनाएको छ ।...

पूर्णपुष्टि, असोज १९ चितवनको नारायणी नदीमा मिनी पानीजहाज (क्रुज सिप) छिटै सञ्चालन हुने भएको छ । सरकारले सार्वजनिक कार्यक्रम गर्न अनुमति दिएको एक महिनामै सञ्चालनमा ल्याउने तयारी भएको हो । मिनी पानीजहाज सञ्चालनको आन्तरिक तयारी सकिएको क्रुज निर्माण गरिरहेको राइनो वाटर इन्टरटेन्मेन्ट प्रालिले जनाएको छ । तर कोरोना कहरका कारण नदीमा सञ्चालनमा ल्याउन नसकेको जनाईएको छ । यसअघि यसको परीक्षण भइसकेको छ । जहाज चलाउने क्याप्टेनसहित मुख्य कर्मचारीहरु समेत छनौट गरिसकेको प्रालिले जनाएको छ । भरतपुर महानगरपालिका–१६ ज्ञानेश्वर सामुदायिक वनको काप्रेघाटमा बनेर बसेको ‘क्रुज सिप’ (मिनी पानीजहाज)को नारायणी नदीमा ‘टेष्ट ड्राइभ’ समेत सफल रुपमा सम्पन्न भइसकेको थियो । क्रुज बनाउन तयार गरिएको पोर्टबाट झण्डै एक किलोमिटरसम्म ‘टेष्ट ड्राइभ’ भएसँगै विशिष्ट व्यक्ति पुग्दा बेलाबेला यसलाई चलाउने पनि गरिएको छ । ...

पूर्णपुष्टि, असोज १९ बीपी कोइराला स्वास्थ्य विज्ञान प्रतिष्ठान धरानमा उपचाररत एक जना कोरोना संक्रमितको मृत्यु भएको छ । सुनसरीको धरान–१५ घर भएका ५५ वर्षीय पुरुषको आज बिहान पौने ७ बजे मृत्यु भएको प्रतिष्ठानले जनाएको छ । यही असोज १६ गते प्रतिष्ठानमै गरिएको परीक्षणमा उनमा कोरोना संक्रमण पुष्टि भएको थियो । ती पुरुषमा पहिलेदेखि नै मिर्गौलाको र हाइपरटेन्सनको समस्या रहेको प्रतिष्ठानले जनाएको छ ।...

पूर्णपुष्टि, असोज १९ कोरोना भाइरस सङ्क्रमित अमेरिकी राष्ट्रपति डोनाल्ड ट्रम्प अस्पतालबाट बाहिर निस्केर समर्थकलाई अभिवादन गरेपछि फेरि एक पटक विवादित बन्नुभएको छ । राष्ट्रपति ट्रम्पलाई कोरोना सङ्क्रमित भएपछि वाल्टर रीड मिलिटरी मेडिकल सेन्टरमा उपचाररत ट्रम्प गाडीमा अस्पताल बाहिर आएर समर्थकलाई अभिवादन गरेकाले विवादित बन्नुभएको हो । सङ्क्रमित भएर स्वास्थ्यमा समस्या देखिएपछि रेमडेसिभिरसहितका औषधि दिइएका तथा अक्सिजन लेभल पनि कम भएका ट्रम्पले गुप्तचर सेवाको गाडीमा अस्पताल बाहिर आएर समर्थकलाई अभिवादन गर्नुभएको अन्तराष्ट्र्रिय संचारमाध्यमले जनाएको छ । गाडीमा रहेका उहाँले मास्क लगाउनुभएको थियो । गाडी चलाउनेहरुको सुरक्षा तथा कोरोना भाइरसबाट सङ्क्रमित भएको व्यक्तिले बाहिर यसरी आउनु उपयुक्त नहुने भन्दै आलोचना भएको छ । ह्वाइट हाउसले भने डाक्टरहरुको स्वीकृतिमा राष्ट्रपति ट्रम्प केहीबेरका लागि गा...

पूर्णपुष्टि, असोज १९  मनसुन विस्तारै कमजोर बन्दै गएको छ । अहिले देशका केही ठाउँको मौसम बद्ली भएको छ । आज दिउँसो प्रदेश १, प्रदेश २ र वाग्मती प्रदेशमा सामान्य पानी पर्ने सम्भावना रहेको मौसम पूर्वानुममान महाशाखाले जनाएको छ । देशका अरु ठाउँको मौसम आंशिकदेखि सामान्य बद्ली हुने तर पानी पर्ने सम्भावना भने नरहेको महाशाखाले जनाएको छ । आज राति प्रदेश १, प्रदेश २, वाग्मती र गण्डकी प्रदेशमा सामान्य बद्ली भएर बाँकी प्रदेशहरुमा आंशिक बद्ली रहने जनाएको छ । मनसुन बिस्तारै कमजोर बन्दै गएको छ । पानी पर्ने क्रम घट्दै गएको र पश्चिमी वायु पूर्वतिर सर्दै गएकाले मनसुन कमजोर बन्दै गएको हो । अब केही दिनमा देशभरिबाटै मनसुन बाहिरिने महाशाखाले जनाएको छ । जलवाष्पयुक्त हावाको सामान्य प्रभाव कायम नै रहेकाले १/२ दिन अझै मनसुन बाहिरिने सम्भावना नभएको जनाएको छ ।...

पूर्णपुष्टि, असोज १९ आजदेखि वैदेशिक रोजगार कार्यालय ताहाचलबाट श्रम स्वीकृति दिने काम पुनः सुरु हुने भएको छ । कार्यालयमा कार्यरत एक जना कर्मचारीमा कोरोना संक्रमण पुष्टि भएपछि गत बुधबारदेखि सेवा बन्द भएको थियो । वैदेशिक रोजगार विभागकाले प्रवेशाज्ञाको अवधि सकिन लागेका तथा तत्काल गन्तव्य मुलुकमा पुग्न नसकी बेरोजगारी गुम्ने जोखिम भएका सेवाग्राहीको समस्यालाई ध्यानमा राखी सावधानीपूर्वक सीमित सेवा प्रदान गर्न लागेको विभागले जनाएको छ । कर्मचारी संक्रमित भएपछि यसअघि कार्यालय खुल्ला राखिए पनि सेवा भने बन्द गरिएको थियो । निषेधाज्ञापछि ताहाचलबाट वैदेशिक रोजगारीका लागि नियमित श्रम स्वीकृति जारी हुँदै आएको छ ।...

पूर्णपुष्टि, असोज १८ चिनियाँ मालवाहक गाडीले आजदेखि नेपालसम्म नै सामान ढुवानी गर्न थालेका छन् । चिनियाँ गाडीले चीनको स्वशासित क्षेत्र तिब्बतको पाङसिङबाट सिधै नेपालसम्म सामग्री आयात गर्न थालेका हुन् । कोरोनाले यसअघि चिनियाँ गाडीले मितेरी पुल पर नै सामान झारेर फर्कने गरेका थिए । जसका कारण सामान लोड–अनलोड गर्न झन्झट हुने, लामो समय लाग्ने र सामान पनि कम आयात हुँदै आएको थियो । आज पाँच वटा चिनियाँ गाडीले नेपालको भूभागमै सामान ल्याएर अनलोड गरेको रसुवा भन्सारले जनाएको छ । यसले सामान आयातमा वृद्धि हुने आशा गरिएको छ । यसअघि दैनिक चार वटा गाडी आउने गरेकोमा आज पाँच वटा आएको हो । अब निरन्तर रूपमा आयात बढ्ने जनाईएको छ । रसुवागढी नाकामा कार्यरत नेपाली कामदारको चिनियाँ पक्षले पीसीआर परीक्षण सुरु गरेको छ । कोरोनाको जोखिमलाई मध्यनजर गर्दै चिनियाँ पक्षले नाकामा कार्यरत कामदार तथा चालकको सात/सात दिनम...

पूर्णपुष्टि, असोज १८ नेपालमा साइबर अपराध तथा ठगी गर्ने एक जना पक्राउ परको । भारतको दार्जीलिङ्मा बसेर नेपालमा साईबर अपराध गरेको अभियोगमा जुम्लाका २४ वर्षीय पसल रोकाया पक्राउ परेको हो । रोकायालाई पक्राउ गरेर काठमाडौंतर्फ ल्याइँदै गरिएको प्रहरीले जनाएको छ । प्रहरीका अनुसार रोकायाका विभिन्न साइबर अपराधका घटनामा मुछिएका छन् । रोकाया पछिल्लो समय भारतको दार्जिलिङमा बसिरहेको थियो । त्यहीँबाट नेपालमा साइबर अपराध गरेको अभियोग उनीमाथि लागेको प्रहरीले जनाएको छ । उनले कसैलाई नर्स बनाउने भन्दै यौन दुर्व्यवहार गर्ने गरेको पनि आरोप छ । उनले भिडियो बनाएर ब्ल्याकमेल गर्ने गरेको पनि पाईएको प्रहरीले जनाएको छ । काठमाडौं ल्याएर थप अनुसन्धान थाल्ने तयारी गरिएको प्रहरीले जनाएको छ ।...

पूर्णपुष्टि, असोज १८  भक्तपुरमा एक युवतीलाई बसमा सामूहिक बलात्कार गरेको आरोपमा दुई जना पक्राउ परेका छन् । १७ वर्षीया युवतीलाई लठ्याउने औषधि खुवाएर बलात्कार गरेको आरोपमा सिन्धुपाल्चोकको चौतारा साँगाचोगढीका नीरकुमार खड्का र जुगलका सूर्य श्रेष्ठलाई पक्राउ गरेको प्रहरीले जनाएको छ । यहि १६ गते बिहान ११ बजे युवतीलाई रत्नपार्कमा लठ्याउने औषधि खुवाएर बसमा चढाएर सूर्यविनायक पु¥याएको र पार्किङ गरेर राखेको बसमा सामूहिक बलात्कार गरेको प्रहरीले जनाएको छ । शुक्रबारदेखि शनिबार बिहान ११ बजेसम्म बसभित्रै बलात्कार गरेका उनीहरुले त्यसपछि फेरि लिवालीमा रहेको तिवियाखुसी खोलाको किनारमा पार्किङ गरेको बसभित्र लगेर पनि बलात्कार गरेको भक्तपुर प्रहरीले जनाएको छ । युवतीलाई बलात्कार गर्ने अन्यको खोजी भइरहेको प्रहरीले जनाएको छ ।...

पूर्णपुष्टि, असोज १८ नेपालमा आज थप २ हजार २ सय ५३ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या ८६ हजार आठ सय २३ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा थप एक हजार तीन सय २९ जना निको भएर फर्किएसँगै डिस्चार्ज हुनेको सङ्ख्या ६४ हजार ६९ पुगेको छ । अव नेपालमा २२ हजार दुई सय १९ जना सक्रिय सङ्क्रमित आइसोलेशनमा रहेका छन् । यस्तै चार हजार दुई सय तीन जना क्वरेण्टीनमा रहेको मन्त्रालयले जनाएको छ । त्यस्तै गएको २४ घण्टामा सात जनाको मृत्यु भएसँगै कोरोना सङ्क्रमणबाट मृत्यु हुनेको  सङ्ख्या पाँच सय ५३ पुगेको मन्त्रालयले जनाएको छ ।...