Month: ६ वर्ष अगाडि

पूर्णपुष्टि, असोज १८ सुनसरीमा लागुऔषधसहित तीन जना पक्राउ परेका छन् । ईनरुवा–३ राजमार्ग एरियाबाट दुहवी–१० का २६ वर्षीय दिपककुमार यादव र हरीनगर–६ का ३४ वर्षीय सहिद मिया लागुऔषधसहित पक्राउ परेको प्रहरीले जनाएको छ । दुवै जनाले राजमार्ग छेउको झाँडीमा लुकाई छिपाई राखिएको भन्ने सुचनाका आधारमा तत्काल जिल्ला प्रहरी कार्यालय सुनसरीबाट खटिएको प्रहरी टोलीले विहान ९ बजे डाईलेक्स डिसी १ सय ४० बोतल, स्पामो प्रोक्सीभोन ३ हजार ९ सय ६० क्याप्सुल र निट्रा भेट १ हजार तीन सय ५० ट्याब्लेट बरामद गरेको प्रहरीले जनाएको छ । त्यसैगरी विशेष सुचनाको आधारमा कोशी गाउँपालिका–३ नहर चोकबाट २८ वर्षीय कमरुदिन मिया हिजो साढे १० बजे पक्राउ परेको प्रहरीले जनाएको छ । उनले बोकेको झोला चेकजाँच गर्दा डाईलेक्स डिसी ४५ बोतल र स्पास्मोल प्रोक्सीभोन प्लस ३ सय २८ बरामद गरेको प्रहरीले जनाएको छ । लागुऔषधसहित पक्राउ परेकाहरुमाथी ...

पूर्णपुष्टि, असोज १८ भारतको महाराष्ट्रमा एक नेपालीलाई हत्यामा संलग्न भएको आशंकामा चार जना पक्राउ परेका छन् । महाराष्ट्रको कल्याण शहरमा एक हप्ता अघि नेपाली नागरिक भरत थापाको हत्यामा संलग्न भएको आशंकामा त्यहाँको प्रहरीले ४ जनालाई आइतबार गिरफ्तार गरेको हो । थापा कल्याण शहरमा मृत अवस्थामा फेला परेको थियो । थापा मोटरसाइकल चोरीमा संलग्न भएको शंका गरिएको थियो । हत्यामा संलग्न भएको आशंका गरिएका अन्य ८ जनाको खोजी भइरहेको स्थानीय प्रहरीले बताएको अन्तराष्ट्रिय संचारमाध्यमले जनाएको छ । प्रहरीका अनुसार १२ जनाले भरतलाई उनको कार्यालयबाट लगेर हत्या गरेको जनाएको छ ।...

पूर्णपुष्टि, असोज १८ आज शेयर बजार परिसूचक नेप्से करीब १५ अङ्कले बढेको छ । नेप्से १४.७१ अङ्कले बढेर १५ सय ८५.७६ अङ्कमा पुगेको छ । जलविद्युत् र सामूहिक लगानी कोषबाहेक अरु सबैजसो समूहको शेयर उकालो लागेको छ । उत्पादन समूहको शेयर एक सय ४५ अङ्कले, जीवन बीमा समूहको ४५, निर्जीवन बीमा समूहको २४, विकास बैंकको २३ तथा बैंक र व्यापार समूहको शेयर १५ अङ्कका दरले बढेको छ । एक सय ९३ कम्पनीका एक करोड दुई लाख ७४ हजार कित्ता शेयर तीन अर्ब चार करोड ४१ लाख रुपैयाँमा किनबेच भएका छन् । सबैभन्दा धेरै शिवम् सिमेन्टको २६ करोड १७ लाख रुपैयाँको शेयर कारोबार भएको छ । कर्पोरेट विकास बैंक, शिवम् सिमेन्ट र प्रोग्रेसिभ फाइनान्सका शेयरधनीले नौ प्रतिशतभन्दा धेरैले कमाएका छन् । तर समग्र शेयर बजार बढे पनि युनियन, दिव्येश्वरी र खानीखोला जलविद्युत् कम्पनीका शेयरधनीले नौ प्रतिशत भन्दा धेरैका दरले गुमाएका छन् ।...

पूर्णपुष्टि, असोज १८ अब ओमान जानको लागि नो अब्जेक्सन लेटर (एनओसी) आवश्यक नपर्ने भएको छ । यसअघि बिदामा नेपालमा रहेका श्रमिकलाई ओमान प्रवेशका लागि एनओसी अनिवार्य गरे पनि अब नचाहिने ओमानमा रहेको नेपाली दूतावासले जनाएको छ । ओमान सरकारको पछिल्लो निर्णय अनुसार अब एनओसी लिनु नपर्ने व्यवस्था गरिएको दूतावासले जनाएको छ । बिदामा आएकाहरु अब ६ महिनाभन्दा बढी अबधि भए पनि एनओसी बिनै जान पाउनेछन् । तर स्वास्थ्य मापदण्ड भने पालना गर्नु पर्नेछ ।...

पूर्णपुष्टि, असोज १८ काँग्रेसको सात जना केन्द्रीय सदस्यसहित १९ जनालाई कोरोना संक्रमण पुष्टि भएपछि नेपाली कांग्रेसको केन्द्रीय कार्यसमिति बैठक स्थगित भएको छ । पार्टीका केन्द्रीय सदस्यहरु र अन्य केही व्यक्तिमा कोरोना संक्रमण पुष्टि भएकोले तत्कालका लागि बैठक स्थगित गरिएको जनाएको छ । स्थगित बैठक २४ गते बस्नेछ । यही असोज १५ गते पीसीआर जाँचका लागि पार्टी कार्यालयबाटै नेताहरुले स्वाब दिएका थिए । त्यसमध्ये केन्द्रीय सदस्यसहितका नेताहरुको रिपोर्ट पोजेटिभ आएको हो । कोरोना संक्रमणका कारण कांग्रेसले केन्द्रीय कार्यालय पनि आज आइतबारदेखि २२ गतेसम्मका लागि बन्द गरेको छ । आज आइतबार बस्ने भनिएको पदाधिकारी र पूर्वपदाधिकारीहरुको बैठक पनि स्थगित भएको जनाएको छ ।...

पूर्णपुष्टि, असोज १८ नेपाल कम्युनिस्ट पार्टी (नेकपा)को सचिवालय बैठक स्थगित भएको छ । प्रधानमन्त्री एवं पार्टी अध्यक्ष केपी शर्मा ओलीको सचिवालयका चार सदस्य र ७६ सुरक्षाकर्मीमा कोरोना संक्रमण पुष्टि भएपछि बैठक स्थगित गरिएको हो । पछिल्लो समय सरकारले गरेको राजनीतिक नियुक्तबारे पार्टीमा प्रश्न उठेपछि बैठक बोलाइएको थियो । अर्को बैठकको मिति तोकिएको छैन ।...

पूर्णपुष्टि, असोज १८ महानगरीय प्रहरी वृत्त कालीमाटीले म्याद सकिएको सामग्रीमा नयाँ मिति टाँसेर वितरण गर्दै आएको एक समूहलाई पक्राउ गरेको छ । कलंकीस्थित एक घरबाट म्याद गुज्रिएका चक्लेट, बेकरी बनाउने पिठो, चक्लेट र बेकरी आइटमममा प्रयोग गरिने रंगलगायतका सामग्रीसहित उनीहरुलाई बृत्तले नियन्त्रणमा लिएको हो । दुई तलाको घरमा ठूलो परिमाणमा यस्ता सामान रहेको प्रहरीले जनाएको छ । अकाउन्टेन्ट अनिलकुमार, प्रविनकुमार, आनन्द अवस्थी, सुमित अग्रवाल, किरणदेवी अग्रवाललगायत पाँच जनालाई पक्राउ गरेको प्रहरीले जनाएको छ । उनीहरूबाट म्याद गुज्रेको तेल पनि बरामद गरिएको प्रहरीले जनाएको छ ।...

मोरङ, असोज १८ मोरङमा मोटरसाईकलको ठक्करबाट एक जना पैदलयात्रीको मृत्यु भएको छ । बुढिगंगा–१ स्थितमा निबासी ४२ बर्षीय कमलप्रसाद तावाहाङको मोटरसाईकलको ठक्करबाट मृत्यु भएको हो । हिजो राती सवाँ ९ बजे बुढिगंगा–१ राजमार्ग साईटमा पैदल हिडिरहेका तावाहाङलाई लु ६१ प २५०२ नम्बरको मोटरसाईकलले ठक्कर दिदा उनी उम्भिर घाईते भएका थियो । घाईते तावाहाङको बिराट मेडिकल कलेज टिचिङ अस्पताल गंगाचोकमा उपचारको क्रममा आज विहानको राती १ बजे मृत्यु भएको जिल्ला प्रहरी कार्यालय मोरङले जनाएको छ । मृतक तावाहाङ सशस्त्र प्रहरी सहायक निरिक्षक रहेको खुल्न आएको छ । उनि सशस्त्र प्रहरी बल पाँचथरमा कार्यरत रहेको र हाल विदामा घर आएको थियो । यता ठक्कर दिने मोटरसाईकल नियन्त्रणमा लिईएको छ भने चालक तत्काल फरार रहेकोले उनको खोजी भईरहेको प्रहरीले जनाएको छ ।...

पूर्णपुष्टि, असोज १८ विश्वका विभिन्न देशमा रहेका साढे ३९ हजार नेपालीमा कोरोना संक्रमण पुष्टि भएको छ । नेपाल बाहेकका विभिन्न देशमा ३९ हजार ५ सय २८ जना नेपालीमा कोरोना संक्रमण पुष्टि भएको हो । नेपाल बाहेक विभिन्न देशमा रहेका ३९ हजार ५ सय २८ नेपाली सङ्क्रमित भएका मधये ९२ प्रतिशत निको भएको गैरआवासीय नेपाली संघ (एनआरएनए)ले जनाएको छ । नेपाल बाहेक ४२ देशमा ३५ हजार ९ सय १६ जना निको भएको जनाएको छ । गत साता साउथ अफ्रिकामा रहेका १ जना नेपालीको मृत्यु भएको छ । कोरोना सङ्क्रमणका कारण अहिलेसम्म विदेशमा १८ देशका २ सय ६६ जना नेपालीको मृत्यु भएको छ । गत साता स्पेन, भारत, कतार, कुवेत, साउदी अरबमा रहेका नेपालीहरुमा नयाँ कोरोना भाइरसको सङ्क्रमण देखिएको छ ।...

पूर्णपुष्टि, असोज १८ आज सुनचाँदीको भाउ बढेको छ । सुनको भाउ तोलामा २ सय रुपैयाँ बढेर तोलाको ९४ हजार ५ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ । यस्तै चाँदी आज तोलामा ५ रुपैयाँ बढेर तोलाको एक हजार एक सय ८० रुपैयाँमा कारोबार भइरहेको महासंघले जनाएको छ ।