Month: ५ वर्ष अगाडि

पूर्णपुष्टि,फागुन १६ धनुषामा आज एक युवा मृत फेला परेको छ । जनकपुरधाम–ढल्केबर सडकखण्ड अन्तर्गत लक्ष्मिनियाँ गाउँपालिका–७ स्थित सडक छेउको नालामा युवक मृत फेला परेका हो । स्थानीय गर्भु महराजका २५ बर्षीय छोरा ललन महरा मृत फेला परेको स्थानीयले बताएको छ । उनको शवलाई पोष्टमार्टमका लागि प्रादेशिक अस्पताल जनकपुरधाम ल्याउने तयारी भइरहेको तथा अन्य अनुसन्धान भइरहेको जिल्ला प्रहरी कार्यालय धनुषाले जनाएको छ ।...

पूर्णपुष्टि, फागुन १६  आज सुनचाँदीको भाउ घटेको छ । सुनको भाउ तोलामा पाँच सय रुपैयाँले घटेर तोलामा ८८ हजार तीन सय रुपैयाँमा झरेको नेपाल सुनचाँदी व्यवसायी महासङ्घले जनाएको छ । यसअघि अस्ति शुक्रवार पनि सुन तोलामा पाँच सय रुपैयाँले घटेको थियो । अमेरिकामा सुनमा लगानी गर्ने कम्पनीहरुले धमाधम सुन बिक्री गर्न थालेकाले सुनको भाउ घट्न थालेको महासंघले जनाएको छ । यस्तै, आज चाँदीको भाउ पनि आज घटेको छ । तोलामा १० रुपैयाँले घटेर १३ सय २५ रुपैयाँमा झरेको महासङ्घले जनाएको छ ।...

पूर्णपुष्टि, फागुन १६ चितवनमा भूमिहीन तथा सुकुम्बासीलाई जग्गाधनी पूर्जा दिने प्रक्रिया अघि बढेको छ । जिल्लाको सातवटै पालिकाले आफ्नो निकायभित्र रहेको भूमिहीन तथा सुकुम्बासीलाई जग्गाधनी पुर्जा उपलब्ध गराउने गरी प्रक्रिया अघि बढाइएको हो । पालिकाले आफ्नो निकायभित्र रहेका भूमिहीन तथा सकुम्बासीको लगत सङ्कलन गर्ने काम शुरु गरेका छन् । वडा तहबाटै काम शुरु भएको जनाएको छ । भरतपुर महानगरपालिकाले अहिले भूमिहीनको लगत लिने काम गरिरहेको छ । महानगरपाकिलामा १५ हजार ७ सय भूमिहीन तथा सुकुम्बासी छन् । भूमिहीनलाई जग्गाधनी पुर्जा वितरणको प्रक्रिया शुरु भइसकेको भरतपुर महानगरपालिकाले जनाएको छ । प्रमुख राजनीतिक दलसँग समन्वय गरेर नगरस्तरीय र वडास्तरीय सहजीकरण समिति बनाएर महानगरपालिकाले काम अघि बढाएको जनाएको छ । महानगरले १५ कर्मचारी नियुक्त गरेर काम अघि बढाएको छ । वडावाट प्रमाणित गराएर नापनक्शा निकाल्ने ...

पूर्णपुष्टि, फागुन १६  सेनाको विरोधमा अभिब्यक्ति दिएको भन्दै म्यानमारका लागि संयुक्त राष्ट्र सङ्घका राजदूत क्योउ मोइ टन बर्खास्त हुनुभएको छ । त्यहाँको सरकारले राजदूत टनलाई बर्खास्त गरेको हो । राजदूत टनले प्रजातान्त्रिक तवरले निर्वाचित सरकारलाई सत्ता फिर्ता गर्नुपर्ने र सेनाले गलत काम गरिरहेको भनेर अभिव्यक्ति दिनुभएको थियो । चुनावमा धाँधली भएको भन्दै म्यानमारको सेनाले नेतृ आङ सान सुकीसहितका शीर्ष नेताहरुलाई हिरासतमा लिएर सैन्य शासन लागू गरेको छ । म्यानमारमा एक वर्षको लागि सङ्कटकालको घोषणा गरिएको छ । नेतृ सुकीसहितका नेताहरुलाई रिहाइको माग गर्दै म्यानमारमा विरोध प्रदर्शनहरु भइरहेका छन् । हिजोमात्रै त्यहाँको सरकारले दर्जनभन्दा धेरै व्यक्तिलाई पक्राउ गरेको छ ।...

पुर्णपुष्टि, फागुन १६ पृथ्वीराजमार्गमार्गअन्तर्गत तनहुको व्यास नगरपालिका–२ बुल्दि पुल नजिक गतराति मोटरसाईकल दुर्घटना हुँदा मोटरसाईकलमा सवार एक पुरुषको मृत्यु भएको छ भने एक महिला घाईते भएका छन् । दुर्घटनामा व्यास मालेबगर निबासी २२ बर्षीय विवेक थापामगरको मृत्यु भएको हो भने स्थानीय २० वषीया रजनि गुरुङ घाईते अवस्थामा रहेको जिल्ला प्रहरी कार्यालयले जनाएको छ । शनिबार साझँदेखी पानी परेकोले सडक चिप्लो भएको कारण दुर्घना भएको प्रारम्भिक अनुमान गरिएको छ । दमैलीबाट घाँसीकुवातिर जाँदै गरेको मोटरसाईकल अनियन्त्रीत भई दुर्घटना भएको प्रहरीले जनाएको छ । विवेकको टाउकोमा गम्भिर चोट लागेको थियो । उनको उपचारको क्रममा दमौली अस्पतालमा मृत्यु भएको प्रहरीले जनाएको छ ।  ...

पूर्णपुष्टि, फागुन १६ म्यग्दीको बेनी नगरपालिका–९ को गलेश्वरको शिवालय मन्दिरको छाना पित्तलले छाईने भएको छ । गलेश्वर शिवालय क्षेत्र विकास कोषको १५औँ कार्यकारी सभाले मन्दिरको छानालाई पित्तलले छाउने निर्णय गरेको हो । मन्दिरको छाना छाउन कोषका आजीवन सदस्य रमेश शर्माले साधारणसभामा पाँच लाख ५५ हजार ५ सय ५५ आर्थिक सहयोग गर्ने घोषणा गरेको जनाएको छ । मन्दिरको छाना अहिले सिमेन्टको छ । बाँकी कोषको आन्तिरक स्रोतबाट मन्दिरको छाना परिवर्तन गरिने कोषले जनाएको छ । शर्माका बुवा राधाकृष्ण पराजुलीले विसं २०५५ मा नगद २० लाख खर्चेर मन्दिर निर्माण गरेका थिए । पित्तलको छाना राख्न २५ लाख लागत अनुमान गरिएको छ । हिन्दू तथा बौद्ध धर्मावलम्बीको साझा तीर्थस्थल मुक्तिनाथ प्रवेशद्धारका रूपमा परिचित गलेश्वर म्याग्दीको प्रमुख धार्मिकस्थल हो । कालीगण्डकी नदी किनारमा नौ रोपनी क्षेत्रफलमा फैलिएको एउटै चट्टानमाथि अव...

पूर्णपुष्टि, फागुन १६ सुदूरपश्चिम प्रदेश सरकारले कन्चनपुरको लालझाडी गाउँपालिकाका उखु कृषकलाई आधुनिक कृषीयन्त्र तथा उपकरण वितरण गरेको छ । सुदूरपश्चिम प्रदेश सरकारको मुख्यमन्त्री एकीकृत कृषि तथा पशुपक्षी विकास कार्यक्रमअन्र्तगत सञ्चालित मुख्यमन्त्री नमूना कृषिगाउँमा आवद्ध कृषकलार्ई कृषियन्त्र तथा उपकरण अनुदानमा वितरण गरिएको हो । कृषिमा लाग्ने श्रमको लागत घटाएर उत्पादकत्व वृद्धि गर्ने उद्देश्यले कृषकलाई  कृषियन्त्र र उपकरण अनुदानमा वितरण गरिएको कृषि ज्ञान केन्द्रले जनाएको छ । कृषकलार्ई पावर टिलर, मिनी टिलर, रेजर, रोटाभेटर, सिँचाइका लागि पम्पसेटलगायत उपलब्ध गराइएको छ । यसका अतिरिक्त बीउबिजन, विषादी, रासायनिक मलसमेत कृषकलार्ई उपलब्ध गराइएको जनाएको छ ।...

पूर्णपुष्टि, फागुन १६  अमेरिकाको औषधि नियामक संस्था एफडीएले जोन्सन एण्ड जोन्सनले उत्पादन गरेको कोरोना भाइरसविरुद्धको खोपलाई स्वीकृति दिएको छ । जोन्सन एण्ड जोन्सनले उत्पादन गरेको कोरोना भ्याक्सिनलाई स्वीकृति दिने अमेरिका विश्वकै पहिलो देश हो । फाइजर र मोर्डनको खोपपछि तेस्रो भ्याक्सिनको रुपमा जोन्सन एण्ड जोन्सनले उत्पादन गरेको भ्याक्सिनले अमेरिकामा स्वीकृति पाएको हो । यो खोप एकपटक मात्रै लगाए हुने र जुनसुकै रेफ्रिजेरेटरमा भण्डारण गरेर राख्न सकिनेछ । फाइजर र मोर्डनको भ्याक्सिनलाई भने डिफ्रिजको आवश्यकता पर्छ । अरु खोपभन्दा जोन्सन एण्ड जोन्सनको कोरोना भ्याक्सिन सस्तो रहेको भनिएको छ तर अहिलेसम्म कोरोना खोपको मूल्यबारे भने जानकारी गराइएको छैन । अमेरिकाले यो खोपको १० करोड डोज खरिद गर्ने जनाएको छ । बेलायतलगायत देशहरुले पनि यो खोप किन्नका लागि प्रक्रिया सुरु गरिसकेको छ ।...

झापा, फागुन–१६ झापा मेचीनगर नगरपालिका –८ का ३० बर्षीय लिप्सु राजबंशीलाई लागुऔषध ब्राउन सुगर सहित पक्राउ परेकोे छ । शुक्रबार दिउसो साढे ३ बजे लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले झापा मेचिनगर नगरपालि–८ स्थितबाट डब्ल्यू वी ७४ आर १२१५ नम्बरको मोटरसाईकलमा सवार लिप्सु राजबंशीलाई चेकजाँच गर्दा उनको साथबाट लागुऔषध ब्राउनसुगर १५ ग्राम, तौल गर्ने डिजिटल तराजु थान –१ र मोटरसाईकल सहित नियन्त्रणमा लिएको ईलाका प्रहरी कार्यालय  काँकडभिट्टाले जनाएको छ । त्यस्तै प्रहरी चौकी चारआली झापाबाट खटिएको प्रहरी टोलीले मेचिनगर नगरपालिका–११ हडिया खोलाबाट शुक्रबार साझ ६ बजे चेकजाँचको क्रममा सोही स्थान बस्ने ३४ बर्षीय सन्जुकुमार कामीलाई लागुऔषध ब्राउनसुगर ३ सय ५० मिलिग्राम सहित फेला पारी नियन्त्रणमा लिएको ईलाका प्रहरी कार्यालय धुलाबारी झापाले जनाएको छ ।...

सुनसरी, फागुन–१६ सुनसरीमा करेन्ट लागेर एक जनाको मृत्यु भएको छ । रामधुनी नगरपालिका–१ का ३० बर्षीय हिरण चौधरीको शुक्रबार दिउँसो करिब १२ बजे करेन्ट लागेर मृत्यु भएको हो । आफ्नै घरको अगाडी रहेको पानीको मोटर चलाउने क्रममा करेन्ट लागी घाईते भएका चौधरीको  नोवेल अस्पताल विराटनरमा उपचारको क्रममा राती साढे १ बजे मृत्यु भएको जिल्ला प्रहरी कार्यालय सुनसरीले जनाएको छ ।...