Month: ६ वर्ष अगाडि

पूर्णपुष्टि, माघ २२ शान्तिपुर्ण रुपमा उदयपुरमा नेकपा प्रचण्ड–माधव समूहको आन्दोलन सकिएको छ । बिहिबार देशव्यापी रुपमा गरेको आमहड्ताल उदयपुरमा पनि गरिएको थियो । दिनभरी गरेको बन्दलाई सम्पन्न गर्न साँझ पिपलचोकमा कोणसभा गरी गरिएको थियो । दिनभर गाईघाटका मुख्य चोकहरुमा बन्दकर्ताहरुले आफ्नो बन्द सफल पार्न सक्रियताका साथ लागि परेका थिए । गाईघाट लगायत अन्य ठाउँ काटारी, रामपुर र बेल्टारमा पनि कुनै खालको तोडफोड, झडप जस्ता घटनाहरु नभएको जिल्ला प्रहरी कार्यालय उदयपुरका डिएसपी  बेद प्रसाद गौतमले बताउनुभयो । जिल्लाका कुनै पनि ठाउँबाट हाल सम्म अप्रिय घटनाहरुको रिपोर्ट नआएको डिएसपी गौतमले पूर्णपुष्टिलाई जानकारी गराउनुभयो । कोणसभामा कार्यक्रममा बोल्दै नेकपा नेता इश्वरमणी राउतले बन्दलाई उदयपुरवासीहरुले सकरात्मक तवरले  सहयोग गरेको बताउनुभयो । ब्यापारी, व्यवसायी, कर्मचारी, विद्यार्थी, सर्वसाधरण, सुरक्षा...

पूर्णपुष्टि, माघ २२ उदयपुरमा आगलागी बाट ४ घर जलेर नष्ट भएको छ । उदयपुरको चौदण्डीगढी नगरपालिका ५ सिवाईमा अन्दाजी २ः३० बजे भएको आगलागमी ४ घर खरानी भएको छ । आगलागीमा बाट ट भोला चौधरी ,रामेश्वर चौधरी ,अशोक चौधरी र धर्मेन्द्र चौधरीको घर पूर्णरूपमा जलेको स्थानीय युवा बौवा लाल चौधरीले जानकारी दिनुभभयो ।आगलागि हँुदा घरमा रहेको अन्न ,लत्ताकपडा ,गर गहना ,सुन चादी,नगद  र महत्वपूर्ण कागजातहरु समेत जल्दा लाखौँ बढीको क्षती भएको छ । आगलागी बाट एक हप्ता अगाडी मात्र सुत्केरी भएकी  एक महिला सुरक्षित रहेकी छिन् । आगोले कुनै पनि मानबिय क्षति भने  नभएको  वडा अध्यक्ष देव नारायण चौधरीले  बताउनुभयो ।आगलागी भएको कुनै  कारण खुल्न नआए पनि गोठमा रहेको कुखुरा खोरमा प्रयोग गरेको भुसमा सुलि डढाउन आगो बालेको र सोही आगो सल्केर आगलागी भएको हुन सक्ने स्थानीयलाई उदृत गर्दै  प्रारम्भिक अनुमान गरिएको अध्यक्ष चौधरीले ...

पूर्णपुुष्टि,माघ २२ बन्दको बेला चिया पसल खोलेको भन्दै विराटनगर महानगरपालिका–२ स्थित चिया पसलमा आज दिउँसो साढे १२ बजे तोडफोड भएको छ । बन्दको उल्लंघन गरेको भन्दै नेकपा प्रचण्ड माधव समूहका कार्यकर्ताले चिया पसलमा तोडफोड गरेको हो । पसल सञ्चालक प्रमोद सहनीकी श्रीमती ४० वर्षीया बसन्ती सहनी र उनकी छोरी २२ वर्षीया बबिता सहनी सामान्य घाइते भएका छन् । तोडफोडका क्रममा समोसा पकाउन तयारी अवस्थामा राखिएको तेलको कराही घोप्टिँदा तातो तेलको छिट्टाले उनीहरु घाइते भएको जिल्ला प्रहरी कार्यालय मोरङले जनाएको छ । प्रहरीका अनुुसार तोडफोडबाट पसलमा रहेको सोकेसको सिसा फुटेका छन् । बनिसकेको खानेकुरा भुइँमा फ्यालिएको छ भने  बनाउन तयारी अवस्थामा राखिएका सामान पनि बन्दकर्ताको समूहले फ्यालेर नष्ट गरिदिएको प्रहरीले जनाएको छ । प्रहरीले घटनामा संलग्नलाई कारबाहीको दायरामा जनाएको छ ।...

पूर्णपुष्टि,माघ २२ आन्दोलनकारीबाट बच्न तीब्र गतिमा चलाएको मोटरसाईकले ठक्कर दिंदा बालक घाइते भएको छ । देश व्यापीरुपमा माधव–प्रचण्ड समूहले घोषणा गरेको बन्द हड्तालको क्रममा सुर्खेतको वीरेन्द्रनगर स्थित सत्कार होटल अगाडि मोटरसाइकलको ठक्करबाट बालक घाइते भएको हो । बन्दको अवज्ञा गरि मोटरसाइकल चलाएका व्यक्ति आन्दोलनकारीबाट भाग्न खोज्दा बालकलाई ठक्कर दिएको प्रहरीले जनाएको छ । प्रदेश नम्बर ०३–०२–११ प ७७८५ नम्बर मोटरसाइकलले अन्दाजी १० वर्षको बालकलाई ठक्कर दिएको हो । बालकको नाम, ठेगाना खुल्न नसकेको प्रहरीले जनाएको छ । प्रहरीका अनुसार बालकको प्रदेश अस्पताल काला गाउँमा उपचार भैरहेको छ ।...

पूर्णपुष्टि,माघ २२ नेपाल कम्युनिस्ट पार्टी (नेकपा) को प्रचण्ड–माधव पक्षले घोषणा गरेको आजको बन्द हड्ताल गर्ने क्रममा जनकपुरमा प्रदर्शनकारी र प्रहरी बीच झडप भएको छ । झडपका क्रममा दाहाल–नेकपा पक्षका केन्द्रीय सदस्य रामचन्द्र झा घाइते भएका छन् । प्रदर्शनका क्रममा जनकपुरको शिव चोकमा प्रहरी र आन्दोलनकारीबीच झडप भएको हो । नेता झाको टाउकोमा चोट लागेको प्रहरीले जनाएको छ । प्रहरीका अनुसार झडपका क्रममा केही गाडीमा समेत तोडफोडसमेत भएको छ । प्रहरीले केही प्रदर्शनकारीलाई नियन्त्रणमा लिएको समेत जनाएको छ ।...

पूर्णपुष्टि, माघ २२ आजको आमहड्ताल सफल पार्न कार्यकर्ताहरुलाई उत्साह बनाउँदै प्रचण्ड सडकमा उत्रिएका छन् । प्रचण्ड सडकमा उत्रिन साथ बन्दकर्ताहरुले उत्साहित हुँदै नाराजुलुस गर्दै आन्दोलत थप क्रियासिल बनाएका छन् । बिरलै रुपमा ठुला नेताहरु आन्दोलनमा सडक उत्रिन्छ । तर प्रचण्ड भने आफै सडकमा आएर कार्यकर्ताहरुलाई थप उत्साहित दिएको छ । बिहानै देखि प्रचण्ड–माधव समूहले देश व्यापी रुपमा बन्द गर्दै हिडेका छन् । दाहाल प्रचण्ड स्वयम आमहड्तालको स्थिति बुझ्न सडकमा निस्किएका हुन् । सातदोबाटो हुँदै लगनखेल पुगेका प्रचण्डसहितका नेताहरु नाराजुलुस लगाउँदै अघि बढेका छन् । साथमा सातदोबाटोका कमाण्डर देव गुरुङ पनि साथमै छन् । सुरक्षाकर्मीहरुका साथमा प्रचण्ड सातदोबाटो आइपुगेपछि जुलुस सुरु भएको हो । प्रचण्ड नै सडकमा देखिएपछि कार्यकर्ता थप उत्साहित देखिए । प्रचण्ड ललितपुरस्थित सातदोबाटो चोकमा निस्किएका थि...

पूर्णपुष्टि,माघ २२  खेतमा गाडिएको अवस्थामा मोरङको उर्लाबारी नगरपालिका–१ लक्ष्मीझारमा १८५ राउण्ड गोली भेटिएको छ । स्थानीय दलबहादुर लिम्बूको घरनजिक खेतमा कालो प्लास्टिकमा गाडेको अवस्थामा एसएलआर राइफलमा प्रयोग हुने ७.६२ एमएम गोली भेटिएको हो । स्थानीय ५३ वर्षीय भक्तबहादुर सुवेदीले खेत खन्ने क्रममा कालो रंगको प्लाष्टिकभित्र पोको पारेर माटो मुनि गाडेको अवस्थामा गोली भेटाएको जिल्ला प्रहरी कार्यालय मोरङले जनाएको छ । गोली द्वन्द्वका समयमा माओवादीका कार्यकर्ताले गाडेको हुनसक्ने प्रहरीले जनाएको छ ।...

पूर्णपुष्टि, माघ २२ बन्द अवज्ञा गरेको भन्दै भरतपुरमा ४ ओटा ट्रक तोडफोड भएको छ । नेकपा माधव–प्रचण्ड समूहले आज गरेको देशव्यापी आमहडतालको अवज्ञा गरेको जनाउँदै बन्दकर्ताहरुले ट्रक तोडफोड गरेको प्रहरीले जनाएको छ । प्रहरीका अनुसार नारायणगढतर्फ आउँदै गरेका दुई र वीरगञ्जबाट पोखरातर्फ जाँदै गरेको एउटा ट्रक तोडफोड गरेका हुन् । बन्दकर्ताले ना३ख ३९३, ना१क १४३५ र ना८ख ४४८० नम्बरको ट्रक तोडफोड गरेको प्रहरीले जनाएको छ । मोटरसाइकलमा आएका बन्द कर्ताले भरतपुर महानगरपालिका(१ भतेरीमा ट्रक तोडफोड गरेका हुन् । यस्तै टाँडीबाट नारायणगढतर्फ आउँदै गरेको ना४ख ८८५५ नम्बरको मालबाहक ट्रकलाई भरतपुर महानगरपालिका(१२ मिलनचोकमा तोडफोड गरेको प्रहरीले जनाएको छ । असंवैधानिक कदमको चर्को विरोध गर्दै माधव प्रचण्ड समूहले देशका सबै जिल्ला र स्थानहरुमा बन्दको आह्वान गरी बिहिबार नेपाल बन्द गरेको छ । बिहानै देखि कार्यकर...

पूर्णपुष्टि,माघ २२ नेपाल कम्युनिस्ट पार्टी (नेकपा) को प्रचण्ड–माधव पक्षले आज देश ब्यापीरुपमा बन्द हड्ताल गरेको छ । बन्दको प्रभाव धरानमा पनि परेको छ । आज भानु चोकमा बन्द गराउँदै हिँडेका प्रदर्शनकारी र मजदुरबीच सामान्य झडप भएको प्रहरीले जनाएको छ । केही समय विवाद भए पनि पछिल्लो समयमा अवस्था सामान्य भएको जिल्ला प्रहरी कार्यालय सुनसरीले जनाएको छ । प्रहरीले धरानमा नै सवारी साधनमाथि ढुङ्गा प्रहार गरेको आरोपमा एक जनालाई पक्राउ गरेको छ । धरानमा अहिले सार्वजनिक सवारी साधन सञ्चालनमा नरहेको प्रहरीले जनाएको छ ।...

पूर्णपुष्टि, माघ २२ नेकपाले देशव्यापी रुपमा गरेको  आमहट्तालको असर उदयपुरमा पनि देखिएको छ । नेपाल कम्युनिष्ट पार्टी (नेकपा) माधप–प्रचण्ड समूहले बिहानै बाट बजार, पसल, यातायात, खाद्यन्न लगाएत पूर्ण रुपले ठप्प पारेको छ । बन्दका कारण लामो तथा छोटो दुरीको सवारीहरु ठप्प छ । बिहानै बाट माधप–प्रचण्ड समूहको कार्यकर्ताहरु रोडमा परिचालित भएको छ । बन्दमा मोटर साईकल बाहेकका सवारीहरु ठप्प पारिएको जनाएको छ । अत्यावश्यक सवारी बाहेक अन्यलाई भने पुरै ठप्प पारिएको जनाएको छ । उदयपुरको मुख्य सहर सदरमुकाम समेत रहेको गाईघाट बजार कटारी, बेल्टार र रामपुर लगायत बजारहरु बन्द रहेको छ । गाईघाट बजार आसपास, जलजले, देउरी, चुहाडे, राजावास, बगाहा, मोतीगडा एरियाहरुलाई पनि पूर्ण निगरानीमा राखिएको छ । यसैगरी विद्यालय, सरकारी कार्यालय, संघसंस्था र बैँकहरु पनि ठप्प पारिएको छ । औषधी पसल, चिया पसल र फाट्फुट्ट रुपमा होटलहर...