Month: ५ वर्ष अगाडि

खोटाङ, चैत्र २ खोटाङमा रुखबाट लडेर एक जनाको मृत्यु भएको छ । दिक्तेल रुपाकोट मझुवागढी नगरपालिका –३ बाम्राङ बस्ने ४२ बर्षीया उर्मिला थापाको रुखबाट लडेर मृत्यु भएको हो । आईतबार बेलुका ४ बजे घर नजिकै आफ्नै बारीमा रहेको दुधिलोको रुखको घाँस झार्ने क्रममा रूखबाट लडी घाईते भएकी थापाको जिल्ला अस्पताल खोटाङमा उपचारको क्रममा बेलुका पौने ६ बजे मृत्यु भएको जिल्ला प्रहरी कार्यालय खोटाङले जनाएको छ ।...

पूर्णपुष्टि, चैत २ भारतमा केही दिनयता कोरोना भाइरसको सङ्क्रमण बढ्दै गएको छ । गत २४ घण्टामा भारतमा २६ हजार ५ सय १४ जनालाई कोरोना भाइरसको सङ्क्रमण भएको पुष्टि भएको अन्तराष्ट्रिय संचारमाध्यमले जनाएका छन् । यो पछिल्लो तीन महिनायताकै दैनिक सङ्क्रमित सङ्ख्याभन्दा सबैभन्दा धेरै भएको जनाएका छन् । यसअघि गत डिसेम्बरमा २६ हजार ६ सय २४ जनालाई सङ्क्रमण भएको पाइएको थियो । भारतमा अहिलेसम्म कोरोना सङ्क्रमितको सङ्ख्या एक करोड १३ लाख नाघेको छ । भारतमा कोरोनाका कारण एक लाख ५८ हजार भन्दा बढीको मृत्यु भएको छ । एक करोड १० लाख भन्दा धेरैले कोरोनालाई जितेका छन् । त्यस्तै अहिलेसम्म दुई करोड ९७  लाख  ३८ हजार ४ सय ९ जनाले कोरोनाविरुद्धको खोप लगाएका छन् । भारतको महाराष्ट्र, कर्नाटक, केरला, पञ्जाब, गुजरातलगायतका विभिन्न ठाउँमा सङ्क्रमण बढ्दै गएको जनाएको छ । यी राज्यका विभिन्न ठाउँमा लकडाउन र रात्रिका...

पूर्णपुष्टि, चैत २ आज देशका केही पहाडी भेगको मौसम आंशिकदेखि सामान्य बद्ली हुने सम्भावना रहेको छ । केही पहाडी क्षेत्रमा बेलुकीपख मेघगर्जनसहित पानी पर्ने सम्भावना रहेको मौसम पूर्वानुमान महाशाखाले जनाएको छ । प्रि–मनसुनको सिजन भएकाले बिहानीको समयमा घाम लागेर मौसम सफा भए पनि बेलुकीपख पहाडी क्षेत्रमा चट्याङसहित पानी पर्ने गरेको छ । आज कर्णाली प्रदेश, गण्डकी प्रदेश र प्रदेश नं १ को पहाडी क्षेत्रका केही ठाउँमा मेघगर्जनसहित हल्का पानी पर्ने जनाएको छ । पश्चिमीसँगै स्थानीय वायुको प्रभाव पनि रहेको छ ।...

पूर्णपुष्टि, चैत २  इङ्ग्लिस प्रिमियर लिग फुटबलमा लेस्टर सिटीले जित हात पारेको छ । लेस्टरले शेफिल्ड युनाइटेडलाई ५–० गोललेपछि पार्दै जित हात पारेको छ । खेलको ३९ औँ, ६९ औँ र ७८ औँ मिनेटमा गोल गरे । त्यस्तै, आयोजे पेरेजले एक गोल गरे । शेफिल्ड युनाइटेडले आत्मघाती गोल गर्दै लेस्टर सिटीलाई एक गोल उपहार दियो । जितसँगै लेस्टरको २९ खेलबाट ५६ अङ्क भएको छ । दोस्रो स्थानमा रहेको म्यानचेस्टर युनाइटेडको २९ खेलमा ५७ अङ्क छ । त्यस्तै गतराति नै भएका अरु खेलमा आर्सनलले टोटनह्याम र साउथह्याम्टनले ब्राइटनलाई समान २–१ गोल अन्तरले पराजित गरेका छन् ।...

पूर्णपुष्टि, चैत २ म्यानमारमा सेनाको ’कू’ को विरोधमा भइरहेको विरोध प्रदर्शनमा एकैदिन ३८ जनाको मृत्यु भएको छ । म्यानमारको मुख्य सहर यङ्गुनमा हिंसात्मक झडप हुँदा २१ जना प्रदर्शनकारीको मृत्यु भएको पुष्टि गरिएको छ । तर अभियान्ताले भने अन्य ठाउँमा समेत गरी झडपमा ३८ जना प्रदर्शनकारीको मृत्यु भएको अन्तराष्ट्रिय संचारमाध्यमले जनाएका छन् । सुरक्षा फौजले  प्रदर्शनकारीमाथि  गोली चलाएको र प्रदर्शनकारीले पनि चक्कु र लाठी प्रहार गरेका जनाईएको छ । गत फेब्रुअरी एक तारिखमा प्रजातन्त्रवादी नेतृ आङ सान सुकीलगायतका नेताहरुलाई हिरासतमा लिँदै सेनाले सत्ता हातमा लिएपछि म्यानमारमा विरोध प्रदर्शन भइरहेको छ । विरोध प्रदर्शनका क्रममा अहिलेसम्म १ सय २० जनाभन्दा धेरैको मृत्यु भएको छ ।...

पूर्णपुष्टि, चैत २ ललितपुरमा कन्टेनरले मोटरसाईकललाई ठक्कर दिदा एक जनाको मृत्यु भएको छ । नख्खुदोबाटोमा गतराति भएको दुर्घटनामा एक जनाको भएको छ भने एक जना घाइते भएका छन् । गत साढे ९ बजे ना २ ख ७५८३ नम्बरको कन्टेनरले प्रदेश नम्बर ३–०२–०१८ प ८३६९ नम्बरको मोटरसाइकललाई ठक्कर दिँदा मोटरसाइकल चालक कास्की घर भएर ललितपुरको बागडोल बस्ने ३७ वर्षका गणेशप्रसाद अधिकारीको मृत्यु भएको प्रहरीले जनाएको छ । मोटरसाइकलको पछाडि बसेका  ललितपुर शोभाहिटीका ३२ वर्षका रवि श्रेष्ठ घाइते भएको प्रहरीले जनाएको छ । उनको नर्भिक अस्पतालमा उपचार भइरहेको छ । कन्टेनर चालकलाई प्रहरीले पक्राउ गरेको छ ।...

पूर्णपुष्टि, चैत्र १ त्रियुगा खेलकुद महोत्सव समापनको अघिल्लो दिन आज थारुहट रंगशालामा भएको दुई मैत्रिपूर्ण फुटवल खेलमा कर्मचारी र आयोजकको तर्फबाट खेलेका भुपु खेलाडीको समूह बिजयी भए । पत्रकार र कर्मचारीबीचको खेलमा २–० को अन्तरले पत्रकारलाई पछि पार्दै कर्मचारी बिजेता बनेको हो । ४५ मिनेट लामो खेलमा कर्मचारीले पहिलो हाफमा १ र दोस्रो हाफमा थप १ गोल गरेको थियो । पत्रकारको तर्फबाट अन्तिम सम्म प्रयास गरेपनि गोल हुन नसकेपछि सुन्यमै चित्त बुझाउनु परेको थियो । पत्रकारको तर्फबाट प्रतिस्पर्धात्मक खेल प्रस्तुत हुदा धेरै गोल खानबाट समुहलाई जोगाएको थियो । कर्मचारी तर्फबाट आक्रमक खेल प्रस्तुत भएको थियो । त्यसलाई धेरै हदसम्म रोक्न सफल भएको थियो । पत्रकार र कर्मचारीबीचको खेल प्रतिस्पर्धात्मक भएकोले रोचक बनेको थियो । त्यसैगरी पत्रकार र कर्मचारीबीचको खेल लगत्तै भएको बैँकर्स र भुपु खेलाडीबीचको मैत्रिपूर्ण खेल...

पूर्णपुष्टि, चैत्र १ प्रथम त्रियुगा नगर खेलकुद महोत्सवको भलिवल तर्फको उपाधी पुरुष र महिला दुवै तर्फ वडा नं १५ ले जितेको छ । आईतबार भएको भलिवल प्रतियोगिताको फाइनल खेलमा पुरुष तर्फ त्रियुगा नगरपालिका १० लाई सोजो ३ सेटमै हराएर उपाधी १५ नं वडाले हात पारेको हो । शनिवार सेमिफाइनलको खेलमा १० नं वडाले वडा नं ७ को बि टिमलाई हराएउँदै फाइनलको यात्रा प्रवेश गरेको थियो । फाइनल खेलमा १५ सँग पराजित भएपछि १० नं वडा उपबिजेतामा सिमत रह्यो । यसैगरी भलिवलको महिला तर्फबाट पनि १५ नं वडाले नै उपाधी हात पारेको छ । सेमि फाइनलको खेलमा वडा नं ३ लाई सोजो सेटमा हराउँदै १५ नं वडा फाइनलमा उक्लिएको थियो । आईतबार  बोक्सेमा भएको फाइनल खेलमा ११ नं वडालाई हराउँदै १५ नं वडाले आफ्नो जित सुरक्षित गरेको हो । फाइनल खेलमा १५ नं वडाले ४ सेट जितेको थियो भने ११ नं वडाले १ सेट मात्रै जितेको थियो । सेमि फाइनलको खेलमा ११ नं वडा...

पूर्णपुष्टि, चैत १ नेपालमा आज थप ५३ जनामा कोरोना भाइरसको सङ्क्रमण पुष्टि भएको छ । योसँगै नेपालमा कोरोना सङ्क्रमण पुष्टि हुनेको सङ्ख्या दुई लाख ७५ हजार दुई सय ३१ जना पुगेको स्वास्थ्य तथा जनसङ्ख्या मन्त्रालयले जनाएको छ । त्यस्तै पछिल्लो २४ घण्टामा ७७ जना कोरोना सङ्क्रमित निको भएसँगै सङ्क्रमणमुक्त हुनेको सङ्ख्या दुई लाख ७१ हजार तीन सय २६ पुगेको छ । अहिले नेपालमा आठ सय ९१ जना सक्रिय सङ्क्रमित छन् । सक्रिय सङ्क्रमितमध्ये ३४ जनाको आईसीयूमा उपचार भइरहेको छ । नेपालमा अहिलेसम्म कोरोना सङ्क्रमणबाट तीन हजार १४ जनाको मृत्यु भएको छ ।...

पूर्णपुष्टि, चैत १ चालु आर्थिक वर्ष २०७७/७८ को आठ महिनामा सरकारले पुँजीगत विकास खर्च न्युन भएको देखिएको छ । आठ महिनाको अन्त्यसम्म विनियोजनको २२.५८ प्रतिशत मात्र विकास खर्च भएको महालेखा नियन्त्रक कार्यालयको तथ्यांकले देखाएको छ । यस वर्ष पनि गत वर्षहरु झैँ असारमा नै ठूलो रकम विकासका लागि भन्दै खर्च हुने दोहोरिने सम्भावना बढेको छ । कोरोना भाइरसको महामारी साम्य भएर आर्थिक गतिविधि बढेको र निर्वाचनबारेको अन्यौल हटेपछि पनि सरकार पुँजीगत खर्चको दर बढ्न नसकेको देखिएको छ । यो वर्ष सरकारले कुल ३ खर्ब ५२ अर्ब २९ करोड रुपैयाँ विकास खर्च गर्ने लक्ष्य राखेको छ । यो लक्ष्यलाई बजेटको मध्यावधि समीक्षाबाट व्यापक कटौती गरिएको छ । आठ महिनाको अन्त्यसम्म ७९ अर्ब ६९ करोड रुपैयाँ मात्रै कुल विकास खर्च भएको देखिएको छ । सरकारले हरेक महिना औसत १० अर्ब रुपैयाँ मात्र विकास खर्च गरेको तथ्याङ्कले देखाएको छ...