Month: ५ वर्ष अगाडि

पूर्णपुष्टि, चैत्र १५ लागुऔषध ब्राउन सुगर सहित उदयपुरको गाईघाट बाट २ जना पक्राउ परेका छन् । त्रियुगा नगरपालिका ११ बाबारानी मार्ग स्थित लागु औषध ब्राउन सुगर कारोबार भईरहेको भन्ने बिषेश सूचनाको आधारमा जिल्ला प्रहरी कार्यालय उदयपुरबाट खटिएको टोलीले ब्राउन सुगर सहित २ व्यक्तिलाई पक्राउ गरेको हो ।पक्राउ पर्नेमा त्रियुगा नगरपालिका ११ का ३२ बर्षिय दशरथ शाह र सोहि ठाउँका २९ बर्षिय विवश राईलाई ४ ग्राम ब्राउन सुगर सहित शनिवार प्रहरीले पक्रउ गरेको जिल्ला प्रहरी कार्यालय उदयपुरका प्रहरी प्रमुख एसपी भिमबहादुर दाहालले बताउनुभयो । अबैध लागुऔषध नियन्त्रण गर्ने अभियान अन्तर्गत उनिहरुलाई पक्राउ गरी थप अनुसन्धान भईरहेको एसपी दाहालले बताउनुभयो ।  ...

पूर्णपुष्टि,चैत १५ सोलुखुम्बुका एक महिलाले ऋण तिर्न नसक्दा चार वर्षदेखि यौन तथा श्रम शोषणमा परेको घटना बाहिरिएको छ । छिमेकी ६८ वर्षीय खड्गबहादुर राईले रु छ हजार ऋण दिएपछि बारम्बार श्रमसँगै यौन शोषण गर्ने गरेको थुलुङ दुधकोशी गाउँपालिका–९ की ४१ वर्षीया महिलाको भनाइ छ । शनिबार सल्लेरीमा पत्रकार सँगको भेटमा ती महिलाले आफू अन्यायमा परेकाले न्याय माग्न सदरमुकाम आइपुगेको बताइन् । आर्थिक अवस्था कमजोर भएकाले २०७३ साल असार २ गते खड्गबहादुरबाट ऋण लिएको पीडित महिलाको भनाइ छ । घरायसी कामसँगै तीन–चार दिनको अन्तरमा उहाँमाथि जबरजस्ती शारीरिक सम्पर्क राख्ने गरेको उनको भनाइ छ । आफूले शारीरिक सम्पर्क राख्ने इच्छा छैन भन्दा ज्यान मार्नेसम्मको धम्की दिएपछि स्वीकार गर्नुको विकल्प नभएको पीडितको भनाइ छ । गाउँघरमा जो कोहीलाई धाकधम्की दिएर खड्गबहादुरले श्रम शोषण गर्ने गरेको पीडित महिलाको आरोप छ । साम...

पूर्णपुष्टि, चैत १५  पर्सामा गुडिरहेको अटोमाथी बाघले आक्रमण गरेको छ । वीरगञ्ज–ठोरी हुलाकी सडकखण्ड अन्तर्गत ठोरीको शिकारीबासमा गुडीरहेको अटोमाथि शनिबार साँझ करिब साढे ७ बजे बाघले आक्रमण गरेको हो । ठोरी गाउँपालिका–२ चोकबजारबाट बिजयबस्तीतर्फ जाँदै गरेको ना २ ह ६२९० नम्बरको अटोमाथि बाघले आक्रमण गरेको इलाका प्रहरी कार्यालय ठोरीले जनाएको छ । चालकसहित तीन जना सवार अटोमाथि बाघले एक्कासी आक्रमण गर्दा अटो अनियन्त्रित भई पल्टिएको प्रहरीले जनाएको छ । अटो पल्टिए पछि बाघ भारतको जंगलतर्फ गएकाले कुनै मानवीय क्षति भने हुन नपाएको प्रहरीले जनाएको छ । दुर्घटनाबाट अटोरिक्साको अगाडिको भागको सिसा फुटेको, छत कुच्चिएको प्रहरीले जनाएको छ । सोही क्रममा पूर्वतर्फबाट आइरहेको प्रहरी गस्ती टोलीले दुर्घटनामा परेका व्यक्तिहरुको उद्दार गरेको प्रहरीले जनाएको छ । बाघले आक्रमण गरेको उक्त स्थान जंगली हात्ती, बाघ...

पूर्णपुष्टि, चैत १५ भारतमा एकैदिन ६२ हजार भन्दा धेरै कोरोना संक्रमित थपिएका छन् । पछिल्लो २४ घण्टामा ६२ हजारभन्दा धेरैलाई सङ्क्रमण  भएको छ भने ३ सय १२ जनाको मृत्यु भएको छ । सङ्क्रमण तिब्र गतीले बढ्दै गएपछि महाराष्ट्र र दिल्लीमा थप कडाइ गरिएको छ । फागु पर्वमा सङ्क्रमण फैलिन सक्ने भन्दै कडाइ गएको भारतीय सञ्चारमाध्यमले जनाएका छन् । महाराष्ट्रमा अहिले रात्रिकालीन कर्फ्यू छ भने दिल्लीमा मिनी लकडाउन छ । भारतमा अहिले ४ लाख ८६ हजारभन्दा धेरै सक्रिय सङ्क्रमित छन् । ६ करोड दुई लाखभन्दा धेरैले कोरोनाविरुद्धको खोप लगाएका छन् । भारतमा अहिलेसम्म एक करोड १९ लाखभन्दा धेरैलाई सङ्क्रमण भएको छ भने एक लाख ६१ हजारभन्दा धेरैको मृत्यु भईसकेको छ ।...

पूर्णपुष्टि,चैत १५ चितवनमा बस र स्कुटर दुर्घटना हुँदा तीन जनाको ज्यान गएको छ । शनिबार साँझ भरतपुर महानगरपालिका–२२ पकौडी बजारमा जगतपुरबाट भरतपुरतर्फ आउँदै गरेको बस र विपरीत दिशाबाट जाँदै गरेको स्कुटर ठक्कीदा स्कुटरमा सवार तीन जनाको मृत्यु भएको हो । ना५ख २१५० नं को बस र ना४०प ७०८२ नं को स्कुटर एकआपसमा ठक्कीएर दुर्घटना भएको  जिल्ला प्रहरी कार्यालयले जनाएको छ । दुर्घटनामा परी स्कुटरमा सवार भरतपुर–६ गीतानगर बस्ने ४० वर्षीय स्कुटर चालक मोहन अधिकारी, स्कुटरमा सवार सोही स्थान बस्ने मोहनकी छोरी १७ वर्षीया विनिसा अधिकारी र सोही स्थान निवासी चालकको दाइकी छोरी १७ वर्षीया दिविसा अधिकारीको मृत्यु भएको प्रहरीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि,चैत १५ पछिल्लो समयमा छिमेकी मुलुक भारतमा कोरोना संक्रमीत बढ्न थालेको छ । भारतमा सन् २०२१ मा पहिलो पटक एकैदिन कोरोना भाइरस कोभिड–१९ को संक्रमण भएका ३ सय १२ जनाको मृत्यु भएको छ । टाइम्स अफ इन्डियाका अनुसार गत वर्षको डिसेम्बर २४ यता पहिलो पटक  यति धेरै कोरोना  संक्रमीतको मृत्यु भएको हो । पछिल्लो समय कोरोनाभाइरसको दोस्रो लहर तीव्र रूपमा फैलिरहेको छ ।  शनिबार मात्रै त्यहाँ ६२ हजार  ५ सयजनामा संक्रमण पुष्टि भएको छ । अहिले भारतमा सक्रिय संक्रमितको संख्या ४ लाख ८५ हजार रहेको छ । भारतमा अहिलेसम्म १ करोड १९ लाख मानिस कोरोना संक्रमित भएका छन् भने  १ लाख ६१ हजार जनाको मृत्यु भएको छ ।...

पूर्णपुष्टि,चैत १५ झापाको बिर्तामोड नगरपालिका–५ बाट लागुऔषध ब्राउनसुगर सहित दुईजना पक्राउ परेका छन् । बिर्तामोड नगरपालिका–५ का २५ बर्षीय दिपु चौधरी र बिर्तामोड नगरपालिका–३ का २५ बर्षीय सुवास ताजपुरिया पक्राउ परेको हो । ईलाका प्रहरी कार्यालय अनारमनीबाट खटिएको प्रहरी टोलीले उनीहरुको साथबाट १ ग्राम ८ सय मिलिग्राम लागुऔषध ब्राउनसुगर सहित शनिवार अपरान्ह ५ बजे पक्राउ गरेको हो । लागुऔषध सहित पक्राउ परेका दुबैजनाको सम्बन्धमा थप अनुसन्धसान भईरहेको ईलाका प्रहरी कार्यालय अनारमनीले जनाएको छ ।...

पूर्णपुष्टि, चैत १५  आजदेखि मेलम्चीको पानी काठमाण्डौ उपत्यकामा वितरण हुने भएको छ । गत फागुन २२ गते सुन्दरीजलको प्रशोधन केन्द्रमा हालिएको पानी अस्ति शुक्रवारदेखि विभिन्न ठाउँमा बनाइएका वितरण केन्द्रमा पठाइएको थियो । तिनै वितरण केन्द्रमा सङ्कलन गरिएको पानी आजदेखि उपभोक्ताको घरमा पठाइने मेलम्ची खानेपानी आयोजनाले जनाएको छ । काठमाण्डौ उपत्यका खानेपानी लिमिटेड (केयूकेएल)को पुरानै प्रणालीबाट पानी वितरण गरिने छ । परीक्षणकाल भएकाले आज उपत्यकामा ४ करोड लिटर पानी मात्रै वितरण गर्ने तयारी रहको केयूकेएलले जनाएको छ । उपभोक्ताको घरसम्म जोडिएको पाइपको परीक्षण गर्न झण्डै एक हप्ता लाग्नेछ । आज वितरण हुने पानी  पाइपको परीक्षणका लागि मात्र भएकाले पिउन मिल्दैन । परीक्षणपछि प्रशोधन गरेर पठाएपछि मात्रै पानी पिउन मिल्ने जनाएको छ  । गत फागुन १० गते परीक्षणका लागि मुहानबाट सुरुङमा छाडिएको पानी झन्डै ...

पूर्णपुष्टि, चैत १५  म्यानमारमा सुरक्षाकर्मीको गोली लागेर एकैदिन ९० जनाभन्दा धेरै प्रदर्शनकारीको मृत्यु भएको छ । नेतृ आङ सान सुकीसहितका नेताहरुको रिहाइको माग गर्दै प्रदर्शनमा उत्रेका प्रदर्शनकारीलाई त्यहाँको सेनाले गोली प्रहार गर्दा ९० जनाको ज्यान गएको अन्तराष्ट्रिय संचारमाध्यमले जनाएका छन् । हिजो सेना दिवसकै दिन सेनाले चलाएको गोली लागेर मारिनेमा बच्चासहित ९० जनाभन्दा धेरैको मृत्यु भएको जनाएका छन् । म्यानमारको सेनाको यो कदमप्रति अमेरिका, बेलायत र युरोपियन युनियनका  अधिकारीहरुले निन्दा गरेका छन् । बेलायतका राजदूत डान चगले विज्ञप्ति निकालेर निर्दोष नागरिकमाथि गोली चलाएर म्यानमारको सेनाले आफ्नो प्रतिष्ठा गुमाएको भन्दै विरोध गर्नुभएको छ । प्रदर्शनकारीहरुमाथि सुरक्षाकर्मीले नै गोली चलाएको जनाइएको छ । म्यानमारमा सेना विरोधी प्रदर्शनका क्रममा अहिलेसम्म ४ सयभन्दा धेरै प्रदर्शनकारीहर...

पूर्णपुष्टि, चैत १५  उदयपुरको चौदण्डिगढी नगरपालिका–४ बर्खेडाँडामा ट्याक्टर दुर्घटना हुदा एक जनाको मृत्यु भएको छ । शनिबार राती करिब ९ः४० बजे स्वर्गीय मद भण्डारी स्मृतिलोक राजमार्गमा पूर्वबाट पश्चिमतर्फ आउदै गरेको स १ त ७६२० नम्बरको ट्याक्टरमा सवार चौनपा–२ गगटे निबासी २८ वर्षीय रुपेश लामगादेको मृत्यु भएको हो । ट्याक्टरबाट झरी सोही ट्याक्टरको पछाडीको टायरले छातिमा किचेपछि गम्भिर घाईते भएका लामगादेको उपचारको लागी बेल्टार अस्पताल ल्याउने क्रममा बाटोमै मृत्यु भएको प्रहरीले जनाएको छ । ट्याक्टर र ट्याक्टर चालक ईलाका प्रहरी कार्यालय बेल्टारको नियन्त्रणमा रहेको थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।...