Month: ५ वर्ष अगाडि

बैशाख १०  नेकपा एमालेका वरिष्ठ नेता माधवकुमार नेपालले पार्टीमा एकताको सम्भावना क्षीण बन्दै गएको बताउनुभएको छ । धनुषामा एमालेको खनाल–नेपाल पक्षको जिल्ला कार्यसमितिले आयोजना गरेको पत्रकार सम्मेलनमा नेता नेपालले पार्टी अध्यक्ष केपी शर्मा ओलीकै दम्भका कारण एकता क्षीण बन्दै गएकोे आरोप समेत लगाउनु भएको छ । पार्टी गम्भीर सङ्कटको चरणबाट गुज्रिरहेको र सङ्कट निम्त्याउनमा पार्टी अध्यक्ष जिम्मेवार रहेको उहाँको आरोप छ । आफुले समाधानको बाटो अपनाउन आग्रह गरेको भएपनि अध्यक्ष ओलीले एकता सुन्नै नचाहेकाले पार्टी, लोकतन्त्र, संविधान, सङ्घीयता, विधि र प्रक्रिया धरापमा परेको नेता नेपालले बताउनुभयो । २७ जना प्रतिनिधिसभा सदस्यसँग माग गरिएको स्पष्टीकरण पनि औचित्यहीन रहेको उहाँले बताउनुभयो । कुनै व्यक्ति विशेषको मुख हेरेर नभइ लोकतन्त्र र संविधानको मर्म तथा नागरिकको हित हेरेर आन्दोलनमा रहेको नेता नेपालले...

बैशाख १०  नेकपा एमालेको १० औँ महाधिवेशन आयोजक समितिको बैठक सुरु भएको छ । आजको बैठकमा नेताहरुको कार्यविभाजन, स्पष्टीकरण सोधिएका खनाल–नेपाल समूहका नेताहरुले दिएका जवाफलगायत विषयमा छलफल हुने जनाएको छ । त्यस्तै आजको बैठक वैशाख ६ गतेकै निरन्तरता भएको जनाईएको छ । ६ गतेको बैठकले खनाल–नेपाल समूहका प्रतिनिधिसभाका २७ सांसद र कर्णाली प्रदेशका ५ जनालाई स्पष्टीकरण सोध्ने निर्णय गरेको थियो । सबै नेताहरुले स्पष्टीकरण बुझाइसकेका छन् । चित्तबुझ्दो जवाफ नआए कारबाही गर्ने अध्यक्ष ओलीको तयारी छ । आफूहरुमाथि कारबाही गरेर सांसद पद खोस्न खोजेको भन्दै खनाल–नेपाल समूहले हिजो सर्वोच्च अदालतमा रिट निवेदनसमेत दर्ता गराईसकेको छ ।...

पूर्णपुष्टि,वैशाख १० मामाको घरमा बस्दै आएका १२ वर्षीय एक बालक आज बिहान झुण्डिएको अवस्थामा फेला परेको छ । दाङ दंगिशरण गाउँपालिका–२ घर भई विगत पाँच वर्षदेखि तुलसीपुर उपमहानगरपालिका–१३ गिधनियास्थित मामाको घरमा बस्दै आएका विपिन चौधरी झुण्डिएको अवस्थामा फेला परेको हो । मामाको घर नजिकै बाख्राको लागि  घाँस टंगाउन बनाइएको बलोमा झुण्डिएर आत्महत्या गरेको अवस्थामा बालक फेला परेको इलाका प्रहरी कार्यालय तुलसीपुरले जनाएको छ । घटनाबारे प्रहरीलाई आज बिहान ६ बजे खबर प्राप्त भएको र त्यसपछि इप्रकाबाट प्रहरी घटना स्थल पुगेका थिए । घटनास्थल पुगेका प्रहरीकाअनुसार विपिन विगत पाँच वर्षदेखि मामाको घरमा बस्दै आएका थिए।, उनी स्थानीय सरकारी विद्यालयमा पढ्दै आएका थिए । बिहान ६ बजे नै झुण्डिएको अवस्थामा फेला परेको हुँदा उनको मृत्यु राति नै भएको हुनसक्ने  आशंका प्रहरीले गरेको छ । घटनाबारे थप अनुसन्धान अगा...

पूर्णपुष्टि,वैशाख १० गोरखामा सुनमा गहनासहित नगद चोरी गरी फरार भएका एक युवकलाई प्रहरीले पक्राउ गरेको छ । सिरानचोक गाउँपालिका–१ घर भएको २१ वर्षीय सुकबहादुर कुँवरलाई पक्राउ गरिएको हो । गोरखा नगरपालिका–५ बजार क्षेत्रस्थित मार्गदर्शन टोलका अमृतबहादुर घर्तीको कोठाबाट नगद रु एक लाख र करिब एक तोला सुन चोरी गरी भागेका कुँवरलाई पक्राउ गरिएको जिल्ला प्रहरी कार्यालय गोरखाले जनाएको छ । कुँवरले गत बुधबार घर्तीको कोठमा पसी दराज फोडेर नगद र गरगहना चोरी गरी भागेका थिए । घटनाको जानकारी पाएलगत्तै अनुसन्धान अघि बढाएको प्रहरीले कुँवरलाई घरबाट नै पक्राउ गरेको थियो । उनबाट चोरी गरेका नगद रु ४७ हजार तीन सय १० रुपैयाँ समेत बरामद गरेको प्रहरीले जनाएको छ ।...

पूर्णपुष्टि,वैशाख १० आज सुनको भाउमा गिरावट भएको छ । आज सुन तोलामा पाँच सय रुपैयाँले घटेको हो । हिजो तोलामा ९२ हजार दुई सय रुपैयाँ रहेको सुनको भाउ आज पाँच सय रुपैयाँले घटेर ९१ हजार सात रुपैयाँमा झरेको नेपाल सुनचाँदी व्यवसायी महासंघले जनाएको छ । त्यसैगरी आज चाँदीको भाउमा पनि गिरावट आएको छ । आज चाँदी तोलामा १५ रुपैयाँले घटेको महासंघले जनाएको छ । हिजो तोलामा १३ सय ३५ रुपैयाँ रहेको चाँदी आज १३ सय २० रुपैयाँमा कारोबार भइरहेको महासंघले जनाएको छ ।...

पूर्णपुष्टि,वैशाख १० ताप्लेजुङमा गोली हानी एकजनाको हत्या भएको छ । मेरिङदेन गाउँपालिका–२ जिदिमा का २९ वर्षीय प्रताप भन्ने आकाश लिम्बुले भरुवा बन्दुकले हानी सोही स्थानका ५० वर्षीय खडक बहादुर लिम्बुको हत्या गरेको हो । बिहीबार बेलुका साढे ५ बजे खडक बहादुर आफ्नै घरमा बसिरहेको अबस्थामा आकाशले एक्कासी बन्दुकले हानी हत्या गरेका थिए । उनलाई प्रहरी चौकी सान्थाक्राबाट खटिएको प्रहरी टोलीले नियन्त्रणमा लिएको छ । आकाशले प्रयोग गरेको भरुवा बन्दुक घटनास्थल देखी अन्दाजी ७० मिटर टाढा बारीमा फेला परेको जिल्ला प्रहरी कार्यालय ताप्लेजुङले जनाएको छ । हत्या गरेको कारण भने तत्काल नखुलेको र घटनाबारे थप अनुसन्धान अगाडी बढाइएको प्रहरीले जनकाएको छ ।  ...

बैशाख १०  सेतो मच्छिन्द्रनाथको रथ यात्रा आज रथलाई लगन टोलमा रहेको सेतो मच्छिन्द्रनाथको आमाको मन्दिरमा तीन पटक परिक्रमा गराइँदै छ । हिजो रथलाई हनुमानढोकाबाट तानेर लगन पुर्याइएको हो । यसरी लगनमा रथ पुर्याएपछि मच्छिन्द्रनाथको आमाको मन्दिरमा तीन पटक परिक्रमा गरिने चलन अनुसार आज दिउँसो परिक्रमा गराइने जनाएको छ । भोलि मूर्तिलाई खटमा राखेर केलटोलमा रहेको मन्दिरमा फर्काएपछि यो वर्षको सेतो मच्छिन्द्रनाथको रथजात्रा सकिनेछ । हरेक वर्ष चैत्र शुक्ल अष्टमीका दिन तीनधारा पाठशालाबाट रथयात्रा सुरु गरिन्छ भने रथयात्राको पहिलो दिन असन र दोश्रो दिन हनुमानढोकामा राखिने परम्परा छ । यसवर्ष गत वैशाख ७ गतेबाट रथयात्रा सुरु भएको हो । सेतो मच्छिन्द्रनाथको विधिपूर्वक पूजाआजा गरे देशमा सहकाल आउँछ भन्ने मान्यता रहिआएको छ ।...

वैशाख १० भारतका मुम्बईको एक कोरोना विशेष अस्पतालमा आगलागी हुँदा १२ जनाको मृत्यु भएको छ । मुम्बईको विरारस्थित विजय वल्लभ अस्पतालको आईसीयू वार्डमा आगलागी भएको भारतीय सञ्चार माध्यमहरुले जनाएका छन् । आगलागीबाट अस्पतालमा उपचाररत १२ जनाको मृत्यु भएको जनाईएको छ । शुक्रबार बिहान करिब साढे ३ बजेतिर आगलागी भएको हो । अग्नि नियन्त्रक र प्रहरीको टोली घटनास्थलमा पुगेका छन् । आगलागीको कारण खुलेको छैन । यसअघि महाराष्ट्रको नासिकमा अक्सिजन लीक हुँदा २४ जना कोरोना संक्रमितको मृत्यु भएको जनाईएको छ ।...

बैशाख १०  आज विश्व पुस्तक दिवस मनाईदै छ । पुस्तक किनेर, वाचन गरेर, पुस्तकमाथि अन्तक्रिया वा चर्चा परिचर्चा गरेर तथा साथीभाइ, आफन्तलाई पुस्तक उपहार दिएर आज विश्व पुस्तक दिवस मनाइँदैछ । पुस्तक पढ्ने बानीको विकास गर्ने उद्देश्यले सन् १९९५ को अप्रिल २३ तारिखदेखि हरेक वर्ष विश्वमा विभिन्न कार्यक्रमहरु गरेर विश्व पुस्तक दिवस मनाउने गरिन्छ । विशेष गरी युवा पुस्तामा पढ्ने बानीको विकास गर्न यो दिवस मनाइन्छ । त्यस्तै, लेखन तथा प्रकाशन क्षेत्रमा प्रतिलिपि अधिकार ठूलो मुद्दा भएकाले आजको दिन प्रतिलिपि अधिकार दिवस पनि मनाइन्छ । नेपालमा केही वर्षयता पढ्ने बानीको विकास भएसँगै साथीभाइलाई पुस्तक उपहार दिने चलन बढ्दै पाईन्छ ।...

बैशाख १०  अहिले काठमाण्डौसहित देशका धेरैजसो ठाउँको मौसम सफा रहेको छ । पश्चिमका केही पहाडी क्षेत्रमा मौसम आंशिक बद्ली भएको मौसम पूर्वानुमान महाशाखाले जनाएको छ । त्यस्तै आज दिउँसोपछि सुदूरपश्चिम, कर्णाली तथा गण्डकी प्रदेशका पहाडी क्षेत्रका थोरै ठाउँमा मेघगर्जन, चट्याङ्ग र हावाहुरीसहित पानी पर्ने सम्भावना रहेको जनाएको छ । स्थानीय र पश्चिमी वायुको प्रभावका कारण पश्चिमी क्षेत्रमा  मेघगर्जन, चट्याङ्ग र हावाहुरीसहित पानी पर्ने सम्भावना रहेको जनाईएको छ ।...