Month: ५ वर्ष अगाडि

पूर्णपुष्टि, असार २५ बलात्कार, अपहरण र चोरीमा संलग्न भएका दुई युवालाई दाङ प्रहरीले पक्राउ गरेको छ । लमही नगरपालिका–७ कमानपुरका १८ वर्षका किरण बुढा र वडा नं ६ देउपुर बस्ने २१ वर्षका अरविन्द चौधरीलाई प्रहरीले पक्राउ गरेको हो । असार ६ गते रोल्पाको हेलेरीस्थित चुनढुंगा खानीबाट टिपरमा दाङको लमहीतर्फ आउँदै गर्दा कमानपुरस्थित करी सामुदायिक वनको जंगलमा टिपर चालक र सहचालकको अपहरण भएको थियो । उनीहरुलाई सालको रुपमा बाँधेर चालकको श्रीमती र सालीको गहना, मोवाइल, सुनका गहना लुटपाट गरी बलात्कार भएको प्रहरीले जनाएको छ । त्यस्तै कमानपुरका २१ वर्षका प्रेमबहादुर दमाइ भने फरार रहेको जिल्ला प्रहरी कार्यालय दाङका डीएसपी मुकुन्दप्रसाद रिजालले जानकारी दिनुभयो । प्रहरीले फरार अभियुक्तको फोटोसहितको विवरण सार्वजनिक गरेको छ । फरार अभियुक्तको खोजीकार्य भइरहेको प्रहरीले जनाएकोे छ ।...

पूर्णपुष्टि, असार २५ रौतटहको गौर नगरपालिका–५ को वडा कार्यालय नजिकै एक व्यक्तिको शव भटिएको छ । वडा कार्यालयको अगाडीको नालामा स्थानीय ५५ वर्षीय मुसलिया धुनियाको शव फेला परेको हो । नालामा शव देखेपछि स्थानीयले प्रहरीलाई खबर गरेका थिए । ढलको पानीमा घोप्टो परेको अवस्थामा धनियाको शव भटिएको थियो । मृतकको शवलाई पोष्टमार्टमका लागि जिल्ला अस्पताल पठाइएको र घटनाबारे थप अनुसन्धान भइरहेको जिल्ला प्रहरी कार्यालय रौतहटले जनाएको छ ।...

पूर्णपुष्टि, असार २५ लागूऔषध कारोबारमा संलग्न एक महिलासहित चाँरजनालाई सिरहा प्रहरीले पक्राउ गरेको छ । जिल्लाको धनगढीमाई नगरपालिका–११ नैनपुरस्थित पवन महतोको घरमा इलाका प्रहरी कार्यालय लहान र धनगढीको संयुक्त टोलीले गोप्य सूचनाको आधारमा खानतलासी गर्दा लागूऔषध बरामद भएको छ । ६ किलो ५ सय ग्राम गाँजा र स्पामो नामक ६ सय थान ट्याब्लेट बरामद भएपछि महतोको श्रीमती निला महतोलाई नियन्त्रणमा लिएको प्रहरीले जनाएको छ । प्रहरीले गोलबजार नगरपालिका–६ गुम्बाचोकबाट स्थानीय कुमार लामालाई २ सय मिलीग्राम ब्राउन सुगरसहित नियन्त्रणमा लिएको छ । गोलबजार नगरपालिका–६ बाटै लागूऔषधसहित एक जनालाई पक्राउ गरिएको छ । सप्तरीको बलान बिहुल गाउँपालिका घर भई सिरहाको धनगढीमाई नगरपालिका–१० बस्ने २५ वर्षीय प्रविण शार्मालाई नाइट्रोभेट ट्याब्लेट १ सय थानसहित पक्राउ गरिएको छ । यस्तै, भगवानपुर गाउँपालिका–४ बलान खोलाबाट एक जन...

https://youtu.be/UCPpB6F7fFE पूर्णपुष्टि, असार २५ । कोरोनाले विश्वको कुनै देश अछुतो रहेन । यसै प्रकार देशको ७७ वटा जिल्ला मध्ये उदयपुर पनि अछुतो रहेन । कोरोना महामारीसंग ठूलै युद्ध लड्नु पर्यो । चार नगरपालिका र चार गाउँपालिका गरी आठ पालिका रहेको उदयपुरले ठुलै क्षती ब्यहोर्नु पर्यो । यो खबर तयार हुँदासम्म अर्थात २०७८ असार २० गतेसम्ममा कोरोनाका कारण उदयपुरमा ४९ जनाको मृत्यु भयो भने जिल्लामा २ हजार ४०१ ज्ना संक्रमित भए । त्यसमध्ये १ हजार ९५३ जना निको भइसकेका छन् भने ३९९ जना संक्रिय संक्रमित रहेका छन् । उदयपुरमा दोस्रो लहरको कोरोना संक्रमित चैत २४ देखि फेला परेको थियो । संक्रमण फैलिदै जाँदा त्यसको एकमहिना पछि वैसाख २५ गतेदेखि स्थानीय प्रशासनले निशेधाज्ञ जारी गर्यो । पटक पटक थप्दै जाँदा निकै लामो निशेधाज्ञ भएको जिल्ला अहिले खुकुलो पारिएको छ । यसबीच मानिसहरुले थुप्रै सास्ती, कष्ट, अभ...

पूर्णपुष्टि, असार २५ इलाममा कोरोना संक्रमित श्रीमान श्रीमतीको एकैदिन ज्यान गएको छ । माङसेबुङ गाउँपालिका–५ का ७९ वर्षीय टेकबहादुर लावती र उनकी श्रीमती ७३ वर्षीया लक्षीहाङमा लावतीको कारोनाले विहिबार ज्यान गएको हो । श्रीमान् टेकबहादुरको हिजो बिहान र श्रीमती लक्षीहाङमाको अपरान्ह साढे ३ बजे ज्यान गएको थियो । लावती परिवारका सात जनामा कोरोना संक्रमण पुष्टि भएकामा २ जनाको ज्यान गएको हो । एकै परिवारका २ संक्रमितको ज्यान गएसँगै गाउँमा निकै त्रास फैलिएको छ । स्थानीय रेडियो माङ्सेबुङका स्टेशन मेनेजर रहेका छोरा सुमन लावतीसमेत भाइरस संक्रमणका कारण होमआइसोलेशनमा छन् । छ दिनअघि उनीहरुलाई संक्रमण पुष्टि भएको थियो । संक्रमित सबै होमआइसोलेशनमा थिए । मृतक दम्पतीका दुई छोरा, एक बुहारी र दुई नाती कोरोना संक्रमित रहेको बताइएको छ । स्थानीयहरुका अनुसार परिवारका अन्य सदस्यको अवस्था भने सामान्य रहेको छ ।...

पूर्णपुष्टि, असार २५ मोरङको बेलवारी नगरपालिका १ गाँईघाट टोल स्थितबाट लागूऔषध ब्राउन सुगर सहित ३ जनालाई प्रहरीले पक्राउ गरेको छ । पक्राउ पर्नेमा सोही स्थानका ४६ बर्षीय बुद्धीमान तामाङ र धनकुटा हिलेका दुई जना महिला रहेका छन् । हिजो बेलुका साढे ५ बजे लागूऔषध ब्राउन सुगरको कारोबार भईरहेको भन्ने गोप्य सुचनाको आधारमा १ नम्बर प्रदेश प्रहरी कार्यालय विराटनगर र ईलाका प्रहरी कार्यालय बेलबारीबाट खटिएको प्रहरी टोलीले तामाङकै घरबाट तामाङ सहित ३ जनालाई लागूऔषध ब्राउन सुगर सेवन गरिरहेको अबस्थामा पक्राउ गरेको थियो । प्रहरीले तामाङको घरमा खानतालासी गर्दा धानको भकारी भित्र लुकाई राखेको लागूऔषध ब्राउन सुगर १३ ग्राम ५४० मिलिग्राम फेला पारेको छ । पक्राउ परेका तिनै जनालाई उपर ईलाका प्रहरी कार्यालय बेलबारीले थप अनुसन्धान गरिरहेको छ...

पूर्णपुष्टि, असार २५ रौतहटको चन्द्रपुरमा दुई समूह बीच झडप भएको छ । जग्गा सम्बन्धी पुरानो विवादका कारण चन्द्रपुर नगरपालिका–८ बस्तिपुरमा गएराति करिब १० बजेतिर दुई पक्षबीच झडप भएको हो । झडपमा १० जना घाइते भएका छन्, भने केही घर र आठ वटा मोटरसाइकलमा आगजनी भएको छ । झडपमा विनेक चौधरी, आकाश चौधरी, मुथुन कुमार चौधरी, बच्चु चौधरी लगायत घाइते भएका छन् । उनीहरुको चन्द्रनिगाहपुरस्थित अस्पतालमा उपचार भइरहेको इलाका प्रहरी कार्यालय चन्द्रनिगाहपुरले जनाएको छ । सो घटनामा जगनारायण चौधरी, श्रीराम चौधरी र लक्ष्मी चौधरीको घर तोडफोड भएको छ । आठ वटा मोटरसाइकलमा आगजनी पनि भएको छ । झडपको क्रममा आफन्तको घर तोडफोड भएको देखेर स्थानीय ७० वर्षीय जगरनाथ चौधरीको हृदयाघातबाट ज्यान गएको प्रहरीले जनाएको छ । सो स्थानमा रातिदेखि नै सशस्त्र प्रहरी र नेपाल प्रहरीको टोली खटाइएको छ ।...

पूर्णपुष्टि, असार २४ प्रहरीले काठमाडौंको ठमेलस्थित एक होटलमा जुवा खेलिरहेका पाँच जना चिनियाँ नागरिकलाई पक्राउ गरेको छ । महानगरीय प्रहरी वृत्त लैनचौरको टोलीले चिनियाँ नागरिक हे सिआओलङले सञ्चालन गरेको होटल सिआओ सियाङ होटलबाट चिनियाँ नागरिकलाई पक्राउ गरेको हो । हिजो राति कबि १० बजेको समयमा प्रहरी टोली ठमेलको जेपी मोडस्थित होटलमा पुगेका थिए । प्रहरीले जुवा खेलिरहेको बेला सञ्चालकसहितलाई  पक्राउ गरेको हो । प्रहरीका अनुसार पक्राउ पर्नेमा हे सिआओलङ, पी च्वाङछी, हु वाङबिन, हे फुयु र लि सिआओ टङ रहेका छन् । उनीहरूको साथबाट एक लाख २३ हजार रूपैयाँ नगद, जुवातास खेल्न प्रयोग हुने विद्युतीय टेबुल, तास, प्लाष्टिकको गोटी लगायत बरामद भएको छ । उनीहरूलाई जुवा ऐन अन्तर्गत कारबाही थालिएको प्रहरीले जनाएको छ ।...

पूर्णपुष्टि, असार २४ त्रियुगा नगरपालिका १३ नं वडाले वडा भित्र रहेको ४ विद्यालयको ३६ विद्यार्थीहरुलाई छात्रवृति वितरण गरेको छ । वडाले जेहेन्दार र इमान्दार विद्यार्थीहरुलाई १२ सयको दरले छात्रवृति वितरण गरेको हो । शैक्षिक क्षेत्रलाई समेत प्राथामिकतामा राखेर विद्यार्थीलाई पढ्न र आर्थिक सहयोगमा टेवा पुराउने भन्दै वडाले विद्यार्थीहरुलाई छात्रवृति वितरण गरेको वडा अध्यक्ष पशुपति चौधरीले बताउनुभयो ।वडाभित्र रहेको लक्ष्मीपुर मावि, आधारभूत विद्यालय असारी, आधारभूत विद्यालय बहेडुवा, र जनप्रेमी माविका विद्यार्थीहरुलाई छात्रवृति वितरण गरिएको चौधरीले बताउनुभयो । छात्रवृति वितरण सँगै वडामा रहेका आठ वाल समूहलाई कार्य संञ्चालनका लागि ८ ओटा बाकस र अन्य आवश्यक सामाग्रीहरु पनि वितरण गरिएको छ । यता विद्यालयहरुलाई पनि खेलकुदको सामाग्रीहरु वितरण गरिएको छ ।  ...

पूर्णपुष्टि, असार २४ सडक छेउमा जमेको पानीमा डुबेर झापामो एकजना वृद्धको ज्यान गएको छ । शिवसताक्षी नगरपालिका–३ का ७५ वर्षीय नराध्वज लिम्बुको पानीमा डुबेर ज्यान गएको हो । इलाका प्रहरी कार्यालय झिलझिलेका अनुसार सडक किनारमा जमेको पानीमा डुबेर बुधबार बेलुकी लिम्बुको ज्यान गएको हो । लिम्बु हिँडिरहेको बेला चिप्लेर पानीमा डुबेका थिए । उनी छिमेकी एक व्यक्तिको दाहसंकारमा गएर फर्कदै गर्दा लडेका थिए । उनले मादक पदार्थ सेवन गरेको प्रहरीको भनाइ छ । उक्त लिम्बुको टाउको पानीमा डुबेको थियो । घटना सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।...