Month: ४ वर्ष अगाडि

पूर्णपुष्टि, वैशाख ३० गते । मतदानस्थलमा तोडफोड तथा मतदान अधिकृतमाथि आक्रमण भएपछि सप्तरीको डोक्नेश्वर नगरपालिका–२ जनता माविमा मतदान केन्द्रमा निर्वाचन स्थगित भएको छ । मतदान स्थलमै मतदान अधिकृतमाथि हातपात भएकाले आजको लागि निर्वाचन स्थगित गरिएको सप्तरीका मुख्य निर्वाचन अधिकृत रमेश कुमार जोशीले जानकारी दिए । त्यहाँ जेठ १ गते चुनाव गराउने निर्णय भएको उनले बताए । दिउँसो सवा ११ बजेतिर एक जना वृद्धा मतदाताले भनेको चिन्हमा भोट नखसालेर अर्कैमा भोट हालिदिएको भन्दै एक समूहले मतदान अधिकृत विपिन यादवमाथि आक्रमणसँगै मतदानस्थलमा तोडफोड गरेको थियो । ती समूहले मतपेटिका फोड्नुका साथै मतपत्र पनि छरपष्ट पारिदिएका थिए । घाइते भएका निर्वाचन अधिकृत यादवको अवस्था समान्य रहेको सप्तरीका एसपी आदिनारायण काफ्लेले जानकारी दिए । भारतीय सीमावर्ती क्षेत्रमा पर्ने यो मतदान केन्द्रमा घटनाअघि २ हजारभन्दा बढी मत खसिसकेपछि...

पूर्णपुष्टि, बैशाख ३० त्रियुगा नगरपालिका १५ नं वडामा १७६५ मत खसेको छ । वडाको दुई ओटा मतदान स्थलमा सो मत खसेको हो । रानीवास र खाँवुमा रहेको दुई मतदान स्थल गरी जम्मा चार ओटा केन्द्रहरु रहेका थिए । रानीवासमा रहेको तिन केन्द्रमा १४४० मत खसेको छ भने खाँवुमा रहेको एक केन्द्रमा ३२५ मत खसेको हो । बिहानै ७ बजेबाट सुरु भएको मतदान ५ बजे सम्म सो मत खसेको हो । २१४५ मतदाता संख्या रहेको सो वडामा नेपाली कांग्रेस बाट पूर्व वडाअध्यक्ष निर बहादुर मगर र गठबन्धन बाट गणेश तिमिल्सिनाको मुख्य प्रतिस्पर्धा रहेको छ ।...

पूर्णपुष्टि, बैशाख ३० करिब मतदान गर्न १ घण्टाको समय रहँदा उदयपुरको त्रियुगा नगरपालिकामा पनि बर्षाले असर गरेको छ । ७ बजे बाट सुरु भएको त्रियुगाको मतदान निरन्तर चलिरहेको बेलामा करिब ४ बजेर १८ मिलेट तिर परेको बर्षाले मतदान प्रभावित बनाएको छ । त्रियुगा लगायत बिभिन्न मतदान स्थलहरुमा बर्षाले असर गरेको छ । त्रियुगाको उच्च मावि, वालमन्दिर मावि, रातमाटे आधारभूत लगायतको मतदान केन्द्रहरुमा पानीको ठुलो असर परेको छ । मतदान गर्ने समय देशैभर बिहान ७ बजे बाट बेलुका ५ बजे सम्म लागु गरिएको छ । उदयपुरमा बिभिन्न पालिकाहरुमा बर्षाले असर गरेको छ । कटारी, उदयपुरगढी, लिम्चुङबुङमा दिउँदै बर्षाले असर गरेका थिए भने बेलुका ४ बजेको समयमा सबै पालिकाहरुमा पानीले असर गरेको हो । त्रियुगा लगायत तल्लो भेगहरुमा भने मतदानको अन्तिम समय तिर बर्षाले असर गरेको छ । जिल्लामा १ बजे सम्म करिब ५० प्रतिशत मत खसिसकेको अवस्था थियो । ...

पूर्णपुष्टि, वैशाख ३० । लिम्चुङबुङ गाउँपालिकामा पालिका उपाध्यक्षको उम्मेदवार रमिला राईले बाँसबोटे केन्द्रबाट मतदान गरेका छन् । उनले लिम्चुङबुङ–१ बाँसबोटे स्थित बरभन्ज्याङ, आधारभुत विद्यालय केन्द्रबाट ७ः ४५ बजेको समयमा मतदान गरेका हुन् ।

पूर्णपुष्टि, वैशाख ३० । लिम्चुङबुङ गाउँपालिकामा पालिका अध्यक्षको स्वतन्त्र उम्मेदवार होम किराँतीले बलम्ता केन्द्रबाट मतदान गरेका छन् । उनले लिम्चुङबुङ–४ बलम्ता मावि बलम्ता केन्द्रबाट ७ : ३० बजेको समयमा मतदान गरेका हुन् ।

पूर्णपुष्टि, वैशाख ३० । लिम्चुङबुङ गाउँपालिकामा नेकपा एमाले तर्फको पालिका अध्यक्ष उम्मेदवार राजकुमार राईले बाँसबोटे केन्द्रबाट मतदान गरेका छन् । उनले विहान ७ : ४५ बजेको समयमा मतदान गरेका हुन् । उनले लिम्चुङबुङ–१ बाँसबोटे स्थित बरभन्ज्याङ, आधारभुत विद्यालय केन्द्रबाट मतदान गरेका हुन् ।

पूर्णपुष्टि, बैशाख ३० उदयपुरमा १ बजे सम्म ५० प्रतिशत मत खसेको छ । ७ बजे देखी सुरु भएको मतदान कार्य ६ घण्टाको अबधिमा करिब ५० प्रतिशत मत खसेको मुख्य निर्वाचन अधिकृतको कार्यालयका प्रमुख दिपक खनालले जानकारी दिनुभयो । खनालका अनुसार सो अबधिमा ५० प्रतिशतले मतदान गरेको छ । यस्तै जिल्लाको कटारी नगरपालिका, उदयपुरगढी गाउँपालिका र लिम्चुङबुङ गाउँपालिकामा भने बर्षातले समस्या बनाएको छ । बर्षाकै समयमा पनि मतदाताहरुले उत्साहपूर्ण तरिकाले मतदान गरिरहेको अवस्था छ । पानीबाट छल्ने कोठाहरुमा मतदान व्यवस्था गरेर पनि मतदान भने रोकिएको छैन् । उदयपुरका आठ पालिकाको ९८ मतदान केन्द्रमा शान्तिपूर्वक मतदान भैरहेको छ । मुख्य निर्वाचन अधिकृत खनालले जिल्लाभरी नै सौहाद्र्धपूर्ण वातावरणले मतदान भैरहेको जनाउनुभयो ।...

पूर्णपुष्टि, वैशाख ३० । लिम्चुङबुङ गाउँपालिकामा गठबन्धनतर्फको पालिका अध्यक्ष उम्मेदवार मेजरकुमार राईले विहान ११ः१५ बजे मतदान गरेका छन् । उनले लिम्चुङबुङ–१ बाँसबोटे स्थित बरभन्ज्याङ, आधारभुत विद्यालय केन्द्रबाट मतदान गरेका हुन् । गठबन्धनका उपाध्यक्ष उम्मेदवार पुष्पलाल राईले १२ : ०० बजे मतदान गरेका छन् । उनले वडा नं. ४ स्थित बलम्ता मावि केन्द्रबाट मतदान गरेका हुन् ।...

पूर्णपुष्टि, बैशाख ३० लिम्चुङबुङ गाउँपालिकामा उदयपुरको लिम्चुङबुङ गाउँपालिकामा बर्षातका कारण मतदानमा असहजता भएको छ । बिहान सात बजेदेखी नै मतदान कार्य सुरु भएृपनि पानी परेको कारण मतदाताहरुलाई असहज बनाएको छ । बर्षाकै समयमा पनि मतदाताहरुले उत्साहपूर्ण सहभागीता जनाएको छ । लिम्चुङबुङमा एमाले सँग कांग्रेस र माओवादीको संयुक्त गठबन्धन विच प्रतिस्पर्धा रहेको छ । उदयपुरकै कम मतदाताहरु ८४९४ रहेको यषे गाउँपालिकामा सात मतदान स्थलहरु रहेको छ ।...

पूर्णपुष्टि, बैशाख ३० कटारी नगरपालिकाको माथिल्लो भेगहरुमा बर्षातले मतदानलाई असर पारेको छ । कटारीको केहि स्थानहरु बेतेनी र सिरिशे लगायतका ठाउँहरुमा बर्षाका कारण मतदाताहरुलाई असहजता भएको हो । बिहान ७ बजे बाट सुरु भएको मतदानमा १० बजे बाट पानी परेर असहजता गरेको हो । पानीका कारण मतदाताहरुलाई असर पारेपनि मतपत्र र मत पेटिकाहरुलाई भने सुरक्षित राखिएको छ । स्थानीय, राजनितिक दलबिचको सहमतीमा कोठा भित्र मतदानलाई निरन्तरता दिएको निर्वाचन अधिकृत राज कुमार राउतले जनाए ।...