Month: २ वर्ष अगाडि

पूर्णपुष्टि, जेठ ११ । उदयपुर ए डिभिजन लिग फुटबल प्रतियोगिताको सेमिफाईनलमा नव प्रभात नेपाल पोर्ताहा पुगेको छ । शुक्रबार भएको समुह चरणको अन्तिम खेलमा नव प्रभात नेपाल पोर्ताहाले आदर्श युवा क्लब उदयपुरगढीलाई ३–० गोलले हराउँदै सेमिफाईनलमा प्रवेश गरेको हो । खेलको ७९ औं मिनेटमा जर्सि नं २ का डेविट चौधरीले फ्रिकिक मार्फत गोल गर्दै पोर्ताहालाई आग्रता दिलाएका थिए । खेलको ८८ औं मिनेटमा जर्सि नं १५ का आशिष थारुले गोल गर्दै पोर्ताहाको आग्रता दोब्बर बनाए भने अतिरिक्त समयको ९४ औं मिनेटमा जर्सि नं ६ का सम्बिधान राईले डि बक्स बाहिरबाट फ्रिकिक मार्फत पोर्ताहाका लागी तेस्रो गोल गरे । यस जितसँगै ४ अंक सहित समुह ख को उपविजेता बन्दै पोर्ताहा सेमिफाईनल पुगेको हो । यसअघि समुह क बाट गाईघाट समुह विजेता र बेल्टार उपविजेता बन्दै सेमिफाईनलमा पुगेको छ भने समुह ख बाट फ्युजन फुटबल क्लब बोक्से समुह विजेता बन्दै सेमि...

पूर्णपुष्टि, ११ बशाख । बैशाख १६ गते त्रियुगा नगरपालिका वडा नं ११ मित्र टोल स्थित १० बर्षिया बालिका निशा खड्कालाई बिद्युत प्राधिकरणको लापर्वाहीले करेन्ट लागेको भन्दै पिडित परिवारले क्षतीपूर्तिको माग गरिरहेको छ । बैशाख १६ गते करिब ६ बजेको समयमा छिमेकी हरी नारायण शाहको घरको छतमा खेल्दै गरेको अवस्थामा घरको छत नजिकै रहेको नाँगो तार हावाले लतारेर ल्याई करेन्ट लागेको पिडित परिवारले जनाएको छ । करेन्ट लागेर गम्भीर घाईते भएकी निशाको जिल्ला अस्पताल उदयपुर, नोवेल बिराटनगर हुँदै हाल काठमाण्डौँ स्थित कृतिपुर हस्पिटलमा उपचार भैरहेको घाईतेकी बाजे भिम बहादुर खड्काले जनाए । प्राधिकरणले तारलाई सुरक्षित स्थानमा व्यवस्थापन गर्न नसक्दा घटना घटेको स्थानीयहरुको आरोप छ । मित्र टोल स्थित छिमेकी शाहको घरको छत नजिकै नाँगो तार अव्यवस्थित अवस्थामा रहेको छ । स्वयम शाह आफैले बाराम्वार प्राधिकणलाई पोल सार्न मौख...

पूर्णपुष्टि, ११ जेष्ठ । चुहाडेमा साकेला थान व्यवस्थित गर्न बजेट आवश्यक देखिएको छ । प्रदेश सांसद हिमाल कार्कीले छुटाएको १० लाख बजेट सरकार परिवर्तनले असर पारेको छ । कांग्रेस गुटका कारण सेर बहादुर पक्षका कार्कीले छुट्टाएको बजेट शेखर पक्षको मुख्यमन्त्री केदार कार्की आए सँगै बजेट काट्ने काम भएको स्थानीयहरुले जनाएको छ । स्थानीय दिल वहादुर राईका अनुसार संस्कृतिलाई राजनितिकरण गरिएको जनाए । भोट हालेर जिताएको सांसद मेयरहरुको राजनितिकरण कारणनै साकेला थानको लागि छुटिएको रकम काटिएको राईको भनाई छ । बहु सांस्कृति बहुपहिचान भएको देशमा संस्कार सस्कृति बचाउन नेताहरुको राजनितिकरणले असर पारेको जनाए । नेपाललाई संस्कृतिकरण गर्न जोड गर्नु पर्नेमा उल्टै बजेट कटाएर निरुत्साह गर्ने राजनितिले दुखि बनाएको चुहाडेका किरात समुदायहरुले गुणासो गरेको छ । उनिहरुले यस स्थानलाई बजेट बिनियोजन गरि व्यवस्थि ठाउँ बनाउन नेताहरुमा...

पूर्णपुष्टि, ११ जेष्ठ । उदयपुरमा साकेला उभौली सुरु भएको छ । जिल्लाको सदरमुकाम गाईघाट साकेला थान लगायत बिभिन्न स्थानमा सिकारी पुजा सहित साकेलाको औपचारिक सुभारम्भ भएको हो । यो पर्व बिषेश गरी किरात समुदायहरुले मनाउने गर्छ । बिषेशगरी पूर्वमा वसोवास भएको किरात समुदायहरुले भुमि पुर्खाको पुजाआजा सहित साकेला मनाउँने गर्छ । उदयपुरको गाईघट, कटारी, बेलका रामपु र चौदण्डीगढी बेल्टारमा बिहिबार सिकार पुजा गर्दै उभौली साकेलाको स्वागत गरेको हो । गाईघाट स्थित त्रियुगा नगरपालिकामा यो पटक पनि साकेला उभौलीलाई भव्य र सभ्य रुपमा मनाईने आयोजकले जनाएको छ । ११, १२ र १३ वडा कमिटी अध्यक्ष सर्वधन राईका अनुसार सबै प्रारम्भीक कमिटीहरुलाई तालिका बनाएर साकेला नाचबारे जानकारी गराईसकेको जनाए । बिहिबार आआफ्नै थानमा सिकारी पुजा आजा गरी साकेलाको सुभारम्भ गरिएको अध्यक्ष राईको भनाई छ । यस्तै चुहाडेमा पनि सिकारी पुजाको साथमा ...

पूर्णपुष्टि, जेठ ११ । उदयपुर ए डिभिजन लिग फुटबल प्रतियोगितामा फुटबल क्लब बगाहामाथि फुटबल क्लब गाईघाट विजयी भएको छ । शुक्रबार बिहान भएको समुह चरणको अन्तिम खेलमा फुटबल क्लब बगाहालाई फुटबल क्लब गाईघाटले १ गोलको विरुद्ध ९ गोल गरेको हो । गाईघाटका लागी जर्सि नं ११ का प्रविन राईले ५ गोल गरे । उनले खेलको ९, २३, ५५, ७० र ८५ औं मिनेटमा गोल गरे । जर्सि नं १२ का सन्दिप लिम्बुले २ गोल गरे । उनले खेलको ५० र ८५ औं मिनेटमा गोल गरे भने संजय घर्ती र सुब राज थापाले १–१ गोल गरे । त्यस्तै बगाहाका लागी जर्सि नं ९ का भोजराज बस्नेतले सान्त्वना गोल गरे । यस जित सँगै फुटबल क्लब गाईघाटले एकता युवा क्लब बेल्टारलाई पछि पार्दै समुह क को शिर्ष स्थानमा उक्लिएको छ । बेल्टार र गाईघाटको समान ७–७ अंक र समान ९–९ गोल छ भने समुह चरणको खेलमा एउटा पनि कार्ड नखाएको गाईघाट शिर्ष स्थानमा उक्लिएको हो । यस अघि बेल्टारले एउटा रात...

पूर्णपुष्टि, जेठ १० । उदयपुर ए डिभिजन लिगको सेमिफाइनलमा समुह क बाट एकता युवा क्लब बेल्टार र फुटबल क्लब गाईघाट पुगेको छ । बुधबार बिहान भएको समुह चरणको अन्तिम खेलमा साथी समुह कटारीलाई एकता युवा क्लब बेल्टारले १–७ गोलको फराकिलो अन्तरले हराउँदै सेमिफाइनलमा स्थान बनाएको हो । बेल्टारका लागी जर्सि नं २३ का जस बहादुर राईले ह्याट्रिक गोल गरे । उनले खेलको ४०, ४५ र ८१ औं मिनेटमा गोल गरे । त्यस्तै जर्सि नं १० का सचिन खड्काले दुई गोल गरे । उनले खेलको ३७ र ६१ औं मिनेटमा गोल गरे । जर्सि नं १३ का मिलन राईले ५८ औं र जर्सि नं ११ का अनिस बस्नेतले खेलको ५९ औं मिनेटमा एक–एक गोल गरे भने साथी समुह कटारीका लागी जर्सि नं ९ का अमर थापा मगरले सान्त्वना गोल गरे । यस जितसँगै बेल्टार समुह क मा ७ अंक सहित शिर्ष स्थानमा रहँदै सेमिफाईनल पुगेको छ । समुह चरणको दुई खेलमा हार र एक खेल जितेको साथी समुह कटारी ३ अंक सहित त...

पूर्णपुष्टि, जेठ १० । भक्तपुरस्थित एक स्कुलका शिक्षकलाई विद्यार्थीको नक्कली अश्लील तस्वीर बनाएर सामाजिक सञ्जालमा राखेको आरोपमा प्रहरीले पक्राउ गरेको छ । पक्राउ पर्नेमा विज्ञान विषयका शिक्षक अतुल प्रजापती रहेका छन् । विद्यालयकी पूर्वविद्यार्थी अतिरिक्त क्रियाकलापमा सहभागी हुने बेलाका फोटोलाई प्रयोग गरेर उनले अश्लील तस्वीर बनाएको भन्दै पीडितका अभिभावकले साइबर ब्यूरोमा जाहेरी दिएका थिए । पीडितको तस्वीर राख्दै उनले अश्लील स्ट्याटस समेत लेखेको जाहेरीमा उल्लेख छ । यसरी पीडितलाई बदनाम गर्ने, मानसिक तनाव र दुःख दिएर बेइज्जती गरेको भन्दै प्रजापतिविरुद्ध विद्युतीय कारोबार ऐन, २०६३ अनुसारको कसुरमा कारबाही गर्न माग गरिएको थियो । उक्त जाहेरी पश्चात प्रहरीको साइबर ब्यूरोले प्रजापतीलाई पक्राउ गरेको हो । ब्यूरोका एसपी दीपकराज अवस्थीका अनुसार पक्राउ परेपछि उनले आर्टिफिसियल इन्टेलिजेन्स (एआई) बाट साधा...

पूर्णपुष्टि, जेठ १० । उदयपुरमा आजदेखी भुमिपुजक किराँत राई समुदायको उभौली पर्व मनाउँदै छ । जिल्लाको विभिन्न पालिकाभित्र बसोबास गर्दै आएका किराँत राई समुदायले आज (बैशाख शुक्ल पूर्णीमा) मा आ–आफ्नो भूमेस्थानमा सिकारी पुजा गरी उभौली पर्व मनाउने र चण्डी नाच नाच्न सुरु गरेको छ । जिल्लाको त्रियुगा नगरपालिका, बेलका नगरपालिका, चौदण्डीगढी नगरपालिका लगायतका किराँत राई समुदायले साकेला नाच्दै उभौली पर्व मनाउन सुरु गरेको हो । विभिन्न नगरपालिका भित्रका किराँत राई समुदायले विभिन्न वडामा साकेला नाच्दै उभौली पर्व मनाउन सुरु गरेका छन् । बाली लगाउनुअघि राम्रोसँग काम होस् भनी भूमेस्थानमा प्रकृतिको पूजा आराधना गर्ने परम्परा छ । गर्मी बढ्ने भएकाले यो समुदायका मानिस बेँसीबाट लेकतिर उँभो लाग्ने भएकाले पनि यसको नाम उँभौली रहेको बताइन्छ । वैशाख शुक्ल पूर्णिमादेखि चराचुरुङ्गीलगायत जङ्गली जनावर पनि उँभो लाग्ने कि...

पूर्णपुष्टि, जेठ ९ ।  उदयपुर ए डिभिजन लिग फुटबल प्रतियोगितामा एक खेल अगावै फ्युजन फुटबल क्लब बोक्से सेमिफाईनलमा पुगेको छ । बुधबार भएको समुह चरणको दोस्रो खेलमा फ्युजन फुटबल क्लब बोक्सेले नव प्रभात नेपाल पोर्ताहालाई २–० गोल अन्तरले हराएसँगै समुह ख बाट सेमिफाईनल पुग्ने पहिलो टोली बनेको हो। खेलको ६४ औं मिनेटमा जर्सि नं ९ का रोहन राईले गोल गर्दै फ्युजनलाई आग्रता दिलाएका थिए भने एक गोल उपहार पाएको थियो । खेलको ८२ औं मिनेटमा पोर्ताहाका जर्सि नं ४ का योगेश कार्कीले आत्मघाती गोल गरे । यस प्रतियोगिताको म्यान अफ द म्याच जर्सि नं ९ का रोहन राई बने । समुह चरणको पहिलो र दोस्रो खेलमा जित निकालेको फ्युजन ६ अंक सहित शिर्ष स्थानमा रहँदै सेमिफाईनलमा पुगेको हो । फ्युजनले समुह चरणको अन्तिम खेल भोली लालिगुराँस नव युवा क्लब भागलपुरसँग खेल्नेछ । त्यस्तै एक खेलमा हार र एक खेलमा बराबरी खेलेको आदर्श युवा क्लब ...

पूर्णपुष्टि, ९ जेष्ठ । त्रियुगा नगरपालिका वडा नं १६ मा दुई सिँचाई योजनाको उद्घाटन भएको छ । वडामा रहेको बगरखेत सिचाई कुलो मर्मत र जाँते सिँचाई कुलो मर्मत योजना सम्पन्न सँगै उद्घाटन भएको हो । एकै पटक उद्घाटन गरिएको सिँचाई योजना संञ्चालनमा समेत आईसकेको छ । बुधबार बिहान त्रियुगा नगरपालिकाकी उपमेयर महेश्वरी राईले मर्मत सम्मन्न योजनाको उद्घाटन गरेको हो । वडा अध्यक्ष मान वहादुर राईले सिँचाई योजना मर्मत पछि स्थानीय कृषकहरुलाई ठुलो राहत मिलेको जनाए । राईका अनुसार उक्त सिँचाई मर्मत बाट २२५ घर परिवार लाभान्वीत बनेको छ । करिब ५० बिगाहा जमिनलाई उत्पादनमुखी बनाउन यस सिँचाई योजनाले मदत गरेको अध्यक्ष राईको भनाई छ । उद्घाटन कार्यक्रममा जिल्ला समन्वय समितिका सदस्य तथा वडा सदस्य गोमा कार्की, कुन्ता परियार, घमान सिंह राई, रामनारायण श्रेष्ठ, वडा सचिव महेश खनाल, स्थानीय शिक्षक कुमार राई लगायत बुद्धिजिवी...