Author: पूर्णपुष्टि खबर

पूर्णपुष्टि, असार ३१ । अर्जेन्टिनाले कोपा अमेरिका फुटबल प्रतियोगिताको ४८औं संस्करणमा कीर्तिमानी १६औं उपाधि जितेको छ। सोमबार बिहान अमेरिकाको फ्लोरिडास्थित हार्ड रक स्टेडियममा भएको फाइनल खेलमा अर्जेन्टिनाले कोलम्बियालाई १–० गोल अन्तरले हराउँदै उपाधि हात पारेको हो । खेलको निर्णायक गोल अतिरिक्त समयमा आयो। अर्जेन्टिनाका लागि लाउटारो मार्टिनेजले ११२औं मिनेटमा जिओभानी लो सेल्सोको पासमा गोल गरे। यो लाउटारोको प्रतियोगितामा पाँचौं गोल थियो, जसले उनलाई टूर्नामेन्टको सर्वाधिक गोलकर्ता बनायो। अर्जेन्टिनाका कप्तान लिओनल मेसी चोटका कारण ६६औं मिनेटमा मैदान छोड्न बाध्य भए। तर टोलीले उनको अनुपस्थितिमा पनि जित हासिल गर्न सफल भयो। यो जितसँगै अर्जेन्टिनाले कोपा अमेरिकाको इतिहासमा सबैभन्दा बढी १६ पटक उपाधि जित्ने टोलीको रेकर्ड कायम गरेको छ। यसअघि अर्जेन्टिना र उरुग्वे दुवैले १५–१५ पटक उपाधि जितेका थिए।...

पूर्णपुष्टि, असार ३१ । स्पेनले आफ्नो युरोकप इतिहासमा नयाँ कीर्तिमान स्थापित गरेको छ। जर्मनीको बर्लिनमा आइतबार भएको रोमाञ्चक फाइनलमा इंग्ल्याण्डलाई 2-1 ले पराजित गर्दै स्पेनले चौथो पटक युरोपियन च्याम्पियनसिपको उपाधि हात पारेको छ। यो जितसँगै स्पेन युरोकपको सर्वाधिक सफल राष्ट्र बनेको छ। खेलमा स्पेनका निको विलियम्स र मिकेल ओयाजाबालले गोल गरे भने इंग्ल्याण्डका कोल पाल्मरले एक गोल फर्काए। पहिलो हाफ गोलरहित बराबरीमा सकिए पनि दोस्रो हाफमा तीनवटै गोल भए। स्पेनले युरो 2024 मा खेलेका सबै सात खेल जितेको छ, जसमा समूह चरणदेखि फाइनलसम्म प्रभावशाली प्रदर्शन गर्‍यो। यो जितले स्पेनको युरोकपमा लामो र सफल इतिहासलाई थप उचाइमा पुर्‍याएको छ। उनीहरूले पहिले 1964, 2008 र 2012 मा उपाधि जितेका थिए। अर्कोतर्फ, इंग्ल्याण्ड लगातार दोस्रो पटक उपविजेतामा सीमित हुन पुग्यो ।...

पूर्णपुष्टि, ३० असार । कटारी नगरपालिका ११ हर्देनीमा शिक्षकहरुलाई बाल बिकास सम्बन्धि क्षमता अभिबृद्धि तालिम दिईएको छ । कटारी नगरपालिका वडा नम्बर ११ हर्देनिको सहयोगमा सरस्वती माध्यामिक बिद्यालयमा ५ दिने क्षमता बिकास तालिम सम्पन्न भएको हो । मन्टेस्वरी तथा प्रारम्भिक बाल बिकास सम्बन्धि शिक्षकहरुलाई तालिम प्रदान गरिएको हो । उक्त तालिममा विभिन्न चारवटा बिद्यालयका १६ जना शिक्षक शिक्षिकाहरु सहभागी रहेको प्रशिक्षक तुलाराज अधिकारीले जनाए । लामो समय देखि सामाजिक तथा शिक्षाको क्षेत्रमा काम गरि रहेका अधिकारीले एकीकृत पाठ्यक्रम लगाएत बिषेशगरी Arts Bassed teaching ,Montessori Based learning बिषयमा छलफल तथा सिकाइ सामग्री निर्माण गरिएको जनाए । तालिमले बिद्यालयका शिक्षकहुरुको सिकाउने शैलीमा सुधार हुने र नयाँ बिधिहरुबाट सिकाईने सिकाई ब्यबहारिक परिवर्तन हुने आश्वासन गरिएको वडा अध्यक्ष अनन्त हायुले जनाए । ...

पूर्णपुष्टि, ३० असार । नेकपा माओवादी केन्द्र त्रियुगा नगरपालिकाले पहिरो पिडितहरुलाई राहत सामाग्री सहयोग गरेका छन् । त्रियुगा नगरपालिका १५ स्थित तोरीबारीका २० घर परिवारलाई राहत सहयोग गरेको हो । २५ गते अविरल बर्षाले पहिरो गएपछि बस्तीनै जोखिममा छ । यस अवस्थालाई मध्यनजर गरी जोखिम परिवारलाई रानिवास मावि विद्यालयमा स्थान्तरण गरिएको वडा अध्यक्ष गणेश तिमिल्सिनाले जानकारी दिए । पार्टीले ७० हजार बराबरको राहत सामाग्री पिडितहरु रहेकै स्थलमा पुगेर हस्तान्तरण गरेको हो । १५ बोरा चामल, २ बोरा दाल, १५ बोरा भुजा, ५ काटुन खाने तेल, १ बोरो नुन, १५ काटुन चाउचाउ, २ काटनु बिस्कुट, नुहाउने र लुगा धुने ३० ओटा सावु गरी ७० हजार बराबरको सामाग्री प्रदान गरिएको हो । उक्त सामाग्री प्रदेश सांसद सम्झना तामाङले वडा अध्यक्ष गणेश तिमिल्सिनालाई हस्तान्तरण गरेको छ । पिडितहरुले भने उचित व्यवस्थापनको लागि दिर्घकालिन बास ...

पूर्णपुष्टि, २० असार । बेलका नगरपालिकामा भएको प्रदेश स्तरीय किरात राई बिषयक हाजिरि जवाफ प्रतियोगितामा किरात राई चाम्लिङ् खाम्बात्तिम सुनसरी प्रथम बनेको छ । सनिवार किरात राई सांस्कृतिक कलाकार संघको १९ औं स्थापना दिवसको अवसरमा किरात राई सांस्कृतिक कलाकार संघ जिल्ला कार्य समिति उदयपुरले हाजिरि जवाफ प्रतियोगिता आयोजना गरेका थिए । त्यसैगरी प्रतियोगितामा किरात राई यायोक्खा बेलका नगर कार्य समिति दोस्रो र साल्पा सिलिचुङ केन्द्र अन्तराष्ट्रिय समिति तेस्रो बनेको छ । प्रतियोगिताका प्रथम हुने टिमलाई पोमि सिलिमी एक थान र एक जोर झ्याम्टा प्रदान गरिएको छ भने दोस्रो हुेने टिमलाई पोमि र सिलिमी एक थान र तेस्रोलाई झ्याम्टा एक जोर प्रदान गरिएको छ । किरात राई सांस्कृतिक कलाकार संघ केन्द्रीय कार्य समिति काठमाडौंको संयोजनमा किरात राई सांस्कृतिक कलाकार संघ तथा किरात राई यायोक्खा , बेलका नगर कार्य समितिको व्...

पूर्णपुष्टि, २६ असार । त्रियुगा नगरपालिका ९ राजावास स्थित हायसले ठक्कर दिँदा पैदल यात्री गम्भीर घाईते भएको छ । बुधबार बिहान ९ बजेको समयमा मदन भण्डारी लोक मार्ग स्थित गाईघाट बाट कटारी जाँदै गरेको बा ५ ख २२९८ नं को हायसले ठक्कर दिँदा गम्भीर घाईते भएको हो । त्रियुगा नगरपालिका ९ राजावासकै ८४ बर्षिया मन माया राउतलाई बाटो काट्दै गरेको अवस्थामा हायसले ठक्कर दिएका थिए । घाईते बृद्धाको सिटि अस्पताल बिराटनगरमा उपचारको लागि पठाईएको ट्राफिक प्रहरी उदयपुरले जनाएको छ । उनको टाउको र खुट्टामा चोट लागेको छ । ठक्कर दिने हायस चालक तेह्रथुम जिल्ला लालिगुरास नगरपालिका ९ का खड्ग बहादुर मगरलाइृ जिल्ला प्रहरी कार्यालय उदयपुरले नियन्त्रणमा लिएर अनुसन्धान गरिरहेको छ ।...

पूर्णपुष्टि, असार २६ । राष्ट्रिय स्वतन्त्र पार्टी (रास्वपा) मा ठूलो उथलपुथल मच्चिएको छ। पार्टीका महामन्त्री तथा प्रवक्ता डा. मुकुल ढकाललाई सबै पदबाट हटाइएको छ। मंगलबार बसेको केन्द्रीय समितिको बैठकले ढकाललाई महामन्त्री, प्रवक्ता र केन्द्रीय सदस्य पदबाट बर्खास्त गर्दै साधारण सदस्यमा सीमित गर्ने निर्णय गरेको हो। पार्टीका कार्यवाहक प्रवक्ता मनीष झाका अनुसार ढकालमाथि पार्टी सञ्चालन गर्न अक्षम, अनुशासनहीन, अराजनीतिक र अभद्र व्यवहार गरेको आरोप लगाइएको छ। यसअघि असार १९ मा उनलाई एक साताका लागि निलम्बन गरिएको थियो। यो कारबाहीको पृष्ठभूमिमा ढकालले सभापति रवि लामिछानेलाई बुझाएको समीक्षा यात्रा प्रतिवेदन रहेको देखिन्छ। उक्त प्रतिवेदनमा पार्टी र सभापतिको कार्यशैलीप्रति कडा आलोचना गरिएको थियो। ३८ जिल्लाको भ्रमणपछि तयार पारिएको यो प्रतिवेदनमा सभापति लामिछानेको व्यवहार, पार्टी सञ्चालन र विभिन्न मुद्दाहरूम...

पूर्णपुष्टि, असार २६ । वैदेशिक रोजगारीको बहानामा महिलालाई विदेश पठाएर बेचबिखन गर्ने एक जनालाई प्रहरीले पक्राउ गरेको छ। मानव बेचबिखन अनुसन्धान ब्युरोले सिन्धुपाल्चोकका ३२ वर्षीय ङेमा लामालाई पक्राउ गरी अनुसन्धान गरिरहेको छ। ब्युरोका प्रवक्ता एसपी गौतम मिश्रका अनुसार ङेमाले आफ्नी श्रीमतीसँग मिलेर महिलालाई कतार पठाउने र त्यहाँ बेच्ने गरेको खुलासा भएको छ। उनीहरूले नक्कली कागजात बनाई महिलालाई प्रलोभनमा पारेर कतार पठाउने गरेको पाइएको छ। एक पीडित महिलाको उदाहरण दिँदै मिश्रले भने, ‘गत कात्तिकमा एक महिलालाई ९५ हजार रुपैयाँ लिएर कतार पठाइएको थियो। त्यहाँ ङेमाकी श्रीमतीले ती महिलालाई ५ लाख रुपैयाँमा एक कुवेती नागरिकलाई बेचिन्।’ पीडित महिला तीन महिनापछि भागेर नेपाली दूतावास पुगेकी थिइन्। त्यहाँबाट उद्धार गरी स्वदेश फर्काइएपछि दिइएको उजुरीका आधारमा ङेमालाई पक्राउ गरिएको हो। ब्युरोले ङेमालाई मा...

पूर्णपुष्टि, असार २६ । कोशी प्रदेशका मुख्यमन्त्री हिक्मतकुमार कार्कीलाई तेह्रथुममा पहिचान पक्षधरले कालो झण्डा देखाएका छन्। बुधबार बिहान बसन्तपुरबाट म्यालुङतर्फ जाँदै गर्दा जिरिखिम्तीमा यो घटना भएको हो। प्रदेशको नाम पहिचानको आधारमा राख्न माग गर्दै आन्दोलनरत समूहले यसअघि सरकारसँग सहमति गरी आन्दोलनको स्वरूप परिवर्तन गरेको थियो। तर आज फेरि मुख्यमन्त्रीविरुद्ध प्रदर्शन गरेका छन्। जिल्ला प्रहरी कार्यालय तेह्रथुमका प्रमुख डीएसपी रञ्जनकुमार दाहालका अनुसार करिब १० देखि १२ जनाको समूहले कालो झण्डा देखाउन खोजेको थियो। प्रहरीले हस्तक्षेप गरेपछि प्रदर्शनकारी र प्रहरीबीच सामान्य धकेलाधकेल भएको थियो। गत वर्ष फागुन १७ मा कोशी प्रदेशको नामाकरण गरिएको थियो। तर पहिचान पक्षधर यस निर्णयप्रति असन्तुष्ट रहेको र पहिचानमा आधारित नामको माग गरिरहेका छन् ।...

पूर्णपुष्टि, असार २६ । साविक विजेता अर्जेन्टिना कोपा अमेरिका २०२४ को फाईनलमा प्रवेश गरेको छ । मेटलाइफ स्टेडियममा बुधबार बिहान भएको खेलमा अर्जेन्टिनाले क्यानडालाई २–० गोलले हराउँदै फाईनलमा स्थान बनाएको हो । अर्जेन्टिनाका लागी अल्भारेजले २१औं मिनेटमा रोड्रिगो डे पउलको पासमा गोल गर्दै अर्जेन्टिनालाई अग्रता दिलाएका थिए । त्यसपछि मेसीले ५१औं मिनेटमा एन्जो फर्नान्डेजको पासमा यस संस्करणको आफ्नो पहिलो गोल गरे। अर्जेन्टिना लगातार तेस्रो ठूलो प्रतियोगिता जित्ने लक्ष्यमा छ। २०२१ मा कोपा र २०२२ मा विश्वकप जितेको अर्जेन्टिनाले अब फाइनलमा कोलम्बिया र उरुग्वेबीचको खेलको विजेतासँग उपाधिका लागि खेल्नेछ। आफ्नो सातौं कोपा खेलिरहेका मेसीले यस प्रतियोगितामा अहिलेसम्म १३ गोल गरिसकेका छन्। उनी कोपा अमेरिकाको इतिहासमा सर्वाधिक गोलकर्ताको सूचीमा संयुक्त सातौं स्थानमा रहेका छन्।...