Author: पूर्णपुष्टि खबर

पूर्णपुष्टि, असार २६ । स्पेनले युरो २०२४ को फाइनलमा स्थान बनाएको छ। मंगलबार राति म्युनिखमा भएको सेमिफाइनल खेलमा स्पेनले फ्रान्सलाई २–१ गोल अन्तरले पराजित गर्‍यो। फ्रान्सले रान्डल कोलो माउनीको गोलमार्फत शुरुवाती अग्रता लिए पनि स्पेनले लामिन यामल र डानी ओल्मोको गोलको मद्दतले पुनरागमन गर्‍यो। फ्रान्सका लागी रान्डलले ९औं मिनेटमा गोल गर्दै टोलीलाई अग्रता दिलाएका थिए भने खेलको २१ औं मिनेटमा यामलले र २५ औं मिनेटमा डानीले गोल गर्दै स्पेनलाई फाईनलको यात्रा गराएको हो । १६ वर्ष ३६२ दिनको उमेरमा गोल गरेर यामलले युरोमा सबैभन्दा कम उमेरमा गोल गर्ने कीर्तिमान कायम गरे। अब स्पेनले फाइनलमा नेदरल्याण्ड्स र इंग्ल्याण्डबीचको विजेतासँग खेल्नेछ, जहाँ उनीहरूले चौथो पटक युरो च्याम्पियन बन्ने लक्ष्य राखेका छन्।...

पूर्णपुष्टि, असार २६ । उदयपुरको रौतामाई गाउँपालिका–७ छिन्ताङटोलमा एक महिला चट्याङका कारण घाइते भएकी छिन्। मंगलबार नारायण बलम्पाकी मगरकी श्रीमती हिरामाया बलम्पाकी मगर घर नजिकै परेको चट्याङका कारण बेहोस भएकी थिइन्। जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार २६ वर्षीया हिरामाया घर नजिकै परेको चट्याङका कारण बेहोस भएकी थिइन्। घटनामा बाहिरी चोटपटक नदेखिए पनि पीडितलाई तत्काल जिल्ला अस्पताल उदयपुरमा लगिएको डिएसपी चापागाईले बताए। त्यहाँ प्रारम्भिक उपचार पश्चात थप उपचारका लागि रातीको १२ बजे पीडितलाई विराटनगर पठाइएको र उपचार भईरहेको प्रहरीले जनाएको छ।...

पूर्णपुष्टि, २५ असार । प्रदेशका खानेपानी, सिंचाइ तथा उर्जा मन्त्री एकराज कार्की र उपसभामुख सिर्जना दनुवारले बरुवा खोलाले कटान गरेको स्थानमा निरिक्षण गरेको छ । सोमावार रातिदेखी परेको बर्षाका कारण ढिम्की स्थित बरुवा खोलाले कटान गरेका थिए । खोला कटान सँगै त्यस आसपासको बस्ती र स्थानीयहरुलाई जोखिम बढेको थियो । खोलाले बाँधमा क्षेती पुराएर बस्ती क्षेत्रमा कटान गर्दै आएका थिए । खोलाको जोखिम बढेपछि स्थानीयहरु त्रसित छन् । नेपाल प्रहरी, आर्मी र शसस्त्र प्रहरीले केहि रोकथाम गर्ने प्रयास गरेपनि दिगो सुरक्षा भने छैन । निरन्तर बर्षा आएर बाढी बढ्यो भने फेरी जोखिम सिर्जना हुने अवस्था छ । कटान निरिक्षण पश्चात मन्त्री राउतले जनताहरुको सुरक्षामा लागि पर्ने जनाए । बाँधलाई व्यवस्थापन र जनताको सुरक्षामा भुमिका प्रदेश सरकारले निभाउने उनले जनाए । बाढी प्रभावित क्षेत्रका जनताहरुलाई सुरक्षित हुने अनुरोध गर्दै सबै ...

पूर्णपुष्टि, २५ असार । बरुवा खोलाले ढिम्की मन्दीरको बाँध कटान गर्दा गाईघाट बजार खतरामा परेको छ । लगतारको बर्षाले सोमवार रातिदेखी बरुवाको ढिम्कीमा कटान सुरु गरेका थिए । उक्त कटान रोक्न हाल सुरक्षा फोर्स खटाईएको छ । नेपाल प्रहरी र शसस्त्र प्रहरी सहित त्रियुगा नगरपालिकाका मेशिन सहित स्रोत साधन खटाईएको छ । ढिम्कीको बाँध फुट्दा सिधै बाढी बजार पस्ने अवस्था छ । त्यस आसपासको बस्तीहरु त जोखिममा नै छ तर बजार क्षेत्र पनि यसको डरमा छ । बरुवा खोलाले ढिम्की हुँदै बस्ती तर्फ कटान गरिरहेको छ ।...

पूर्णपुष्टि, २५ असार । उदयपुरको त्रियुगा नगरपालिका १५ तोरीबारीमा पहिरोले पुरिएर घाईते एक जनाको मृत्यु भएको छ । घाईते तिन जना मध्ये हिरामायाको ८ बर्षिया छोरी पूर्णकला मगरको मृत्यु भएको स्थानीयले जनाएको छ । मृतकी मामा बिर बहादुर आलेले एकै घरका तिन जना पहिरोमा परेको बताए । घाईते भएका अन्य दुई जनालाई पनि उपचारमा पठाईएको छ भने नजिकका अन्य घरहरु पनि जोखिममा परेको छ ।...

पूर्णपुष्टि, असार २४ । विराट मेडिकल कलेज शिक्षण अस्पतालको मानसिक विभागमा कार्यरत पुरुष नर्सहरुले प्रभावकारी सेवा प्रदान गरिरहेका छन्। दैनिक ३० जना विरामी भर्ना हुने यस विभागमा स्वास्थ्य सहायक (एचए) कोर्ष गरेका पुरुष नर्सहरुले महिला नर्सहरुको अभावमा समेत उत्कृष्ट सेवा दिइरहेका छन्। निरजकुमार देव, विजय राजवंशी, मनोज मेहता, प्रशान्त ठाकुर, नितेशकुमार मेहता र सिकन्दर यादव लगायतका पुरुष नर्सहरु विरामीहरुको उपचार, औषधि व्यवस्थापन, रेकर्ड राख्ने, काउन्सेलिङ गर्ने जस्ता कार्यहरु धैर्यतापूर्वक गरिरहेका छन्। मानसिक रोगका विरामीहरुको उपचार जटिल र जोखिमपूर्ण हुने भएतापनि यी नर्सहरुले कुनै भेदभाव नगरी सबै प्रकारका बिरामीहरुको सेवा गरिरहेका छन्। विभागका रेसिडेन्सियल इन्चार्ज डा। शिर्षकदीप श्रेष्ठका अनुसार पुरुष नर्सहरुको सेवाले उपचार प्रभावकारी बन्दै गएको छ। नर्सहरुका अनुसार विरामी र कुरुवाहरुबाट ...

पूर्णपुष्टि, असार २४ । उदयपुरकी एक ब्रेन ट्युमर पीडित बालिकाको उपचारका लागि दक्षिण कोरियामा रहेका उदयपुरेहरुले आर्थिक सहयोग जुटाएका छन्। उदयपुरसेवा समाज दक्षिण कोरियाले रौतामाई गाउँपालिका–५, आँपटारको धोद्रे निवासी १२ वर्षीया निमिना राईको उपचारका लागि १ लाख १ हजार २ सय १७ रुपैयाँ सहयोग गरेको हो। निमिना हाल काठमाडौंको दिर्घायु अस्पतालमा उपचाररत छिन्। डाक्टरहरुले उनलाई भक्तपुर क्यान्सर अस्पतालमा निरन्तर किमोथेरापी गर्नुपर्ने सल्लाह दिएका छन्। परिवारको कमजोर आर्थिक अवस्थाका कारण उपचार खर्च जुटाउन कठिन भएपछि बालिका बचाउ अभियान मार्फत सहयोग संकलन अभियान सञ्चालन गरिएको छ। उदयपुर सेवा समाज दक्षिण कोरियाका सल्लाहकार गगन राईको अगुवाईमा सञ्चालित अभियानमा ३६ जना उदयपुरेहरुको सहभागिता रहेको संस्थाका महासचिव जीतन राईले जानकारी दिए। उदयपुर सेवा समाज दक्षिण कोरियाले कोरियामा बसोबास गर्ने उदयपुरेहरुब...

पूर्णपुष्टि, असार २४ । उदयपुरको बेलका नगरपालिका वडा नं. ३ सातपत्रेमा गिदेरी खोलाले बगाउँदा एक व्यक्तिको मृत्यु भएको छ। जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार मृतक ५० वर्षीय इन्द्र बहादुर बुढाथोकी हुन्। शनिबार बुढाथोकीलाई खोलाले बगाएको खबर प्राप्त हुनासाथ इलाका प्रहरी कार्यालय रामपुर ठोक्सिलाबाट तत्काल प्रहरी टोली परिचालन गरिएको थियो। खोजी कार्यमा खटिएको प्रहरी टोलीले आइतबार बुढाथोकीको शव फेला पारेको हो। प्रहरीले आवश्यक कानुनी प्रक्रिया पूरा गरेपछि मृतकको शव आफन्तलाई बुझाइएको डिएसपी चापागाईले जानकारी दिए। स्थानीय प्रशासनले वर्षायाममा खोला नजिक जाँदा सावधानी अपनाउन स्थानीयवासीलाई आग्रह गरेको छ।...

पूर्णपुष्टि, असार २४ । उदयपुरको रौतामाई गाउँपालिकामा एक दुःखद घटना घटेको छ। शनिबार अमृत खोलाले बगाउँदा ५ वर्षीय बालकको मृत्यु भएको प्रहरीले जानकारी दिएको छ। जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार, रौतामाई गाउँपालिका वडा नं ४ आपँटार निवासी नरेन्द्र राईका ५ वर्षीय छोरा राज राईलाई अमृत खोलाले बगाएको थियो। खोलाले बगाएको स्थानबाट करिब १०० मिटर तल बालकको शव मृत अवस्थामा फेला परेको डिएसपी चापागाईले बताए। घटनाको जानकारी पाउनासाथ अस्थायी प्रहरी पोष्ट रौतापोखरीबाट प्रहरी टोली घटनास्थलमा पुगेको थियो। प्रहरीले कानुनी प्रक्रिया पूरा गरी मृतक बालकको शव आफन्तलाई बुझाएको जनाएको छ। यस दुःखद घटनाले स्थानीय समुदायमा शोकको वातावरण छाएको छ। स्थानीय प्रशासनले वर्षायाममा खोला नाला नजिक जाँदा सावधानी अपनाउन र बालबालिकालाई विशेष निगरानीमा राख्न आग्रह गरेको छ।...