आर्थिक

काठमाण्डौँ, बैशाख ११ नेपाल विद्युत् प्राधिकरणले निर्माण सम्पन्न भएका निजी क्षेत्रका जलविद्युत् आयोजनाको बिजुलीलाई शीघ्र राष्ट्रिय प्रसारण लाइनमा जोड्न प्रयास सुरु गरेको छ । प्रसारण लाइन अभावमा लमजुङमा निर्माण सम्पन्न भएका आयोजनाको विद्युत् जोड्न नसकिएको भन्ने गुनासो सार्वजनिक भएपछि प्राधिकरणको उच्च व्यवस्थापनले दोर्दी र ङादी खोलामा निर्माणाधीन जलविद्युत् आयोजनाको विद्युत् प्रवाहका लागि निर्माणाधीन प्रसारण लाइनको स्थलगत निरीक्षण भ्रमण गर्दै निर्माण प्रगतिका बारेमा जानकारी लिएको छ । प्राधिकरणका कार्यकारी निर्देशक कुलमान घिसिङ नेतृत्वमा योजना अनुगमन तथा सूचनाप्रविधि निर्देशनालयका उपकार्यकारी निर्देशक प्रदीपकुमार थिके, प्रसारण लाइन निर्देशनालयका उपकार्यकारी निर्देशक दीर्घायुकुमार श्रेष्ठ, आयोजना व्यवस्थापन निर्देशनालयका प्रमुख तारा प्रधान, ग्रिड विकास विभागका निर्देशक दुर्गानन्द बडियत, ...

पूर्णपुष्टि, वैशाख ४ । त्रियुगा उद्याेग वाणिज्य संघ गाईघाटका अध्यक्ष रमेश रसाईली नेपाल उद्याेग वाणिज्य महासंघकाे वाणिज्य दिवस तथा साधारणसभामा आधिकारिक प्रतिनिधीकाे रुपमा भाग लिएर जिल्ला फर्किएका छन् । चैत्र २८ र २९ गते काठमाडाैमा सम्पन्न कार्यक्रममा संघकाे तर्फबाट मुख्य प्रतिनिधीकाे रुपमा सहभागी भएका हुन् । प्रतिनिधिकाे रुपमा प्रथम उपाध्यक्ष नवीन बस्नेत र सचिव रुपम अनुराग गुप्ता सहभागी थिए । महासंघ केन्द्रले आधिकारिकता दिईसकेकाे रसाईली नेतृत्वकाे संघले महासंघकाे सबैजसाे कार्यक्रमहरुमा भाग लिदै आएकाे छ भने त्रियुगा नगर क्षेत्रमा बजार, उद्याेग, व्यापारसंग सम्बन्धित कार्यक्रमहरु अगाडि बढाउदै आएकाे छ । हाल १० दिने कर सम्बन्धी तालिम सञ्चालन गरिरहेकाे संघले गाईघाट क्षेत्रमा विग्रेका सिसि क्यामेराहरु सञ्चालनकाे पहलमा जुटेकाे जनाएकाे छ । अध्यक्ष रसाईलीका अनुसार सिसि क्यामेरा मर्मत, सम्भारसमेत ...

काठमाण्डौँ, चैत २७ न्यादी जलविद्युत् आयोजनाको बिजुली राष्ट्रिय प्रसारण लाइनमा जोडिने भएको छ । निर्माण सम्पन्न गरेको करिब दुई महिना बित्दासमेत उत्पादित ३० मेगावाट बिजुली राष्ट्रिय प्रसारण लाइनमा जोडिन सकेको थिएन । मस्र्याङ्दी गाउँपालिका–६ ङादीखोलाबाट गत पुसमा विद्युत् उत्पादन गरिएको थियो । उक्त बिजुली खेर गइरहेको आयोजना कम्पनीका प्रमुख कार्यकारी अधिकृत उत्तम अमात्यले बताउनुभयो । आयोजनाको बिजुली २२० केभी मस्र्याङ्दी करिडोर प्रसारण लाइनअन्तर्गतको खुदी सवस्टेसनमा जोड्न नेपाल विद्युत् प्राधिकरणसँग सम्झौता भएको छ । प्राधिकरणसँग सम्झौता गरिएअनुसार प्रसारण लाइन बनाउन नसक्दा वैकल्पिक रुपमा ५० मेगावाटको माथिल्लो मस्र्याङ्दी ‘ए’ को भुलभुले–मस्र्याङ्दी प्रसारण लाइनमा जडान गर्न आयोजना अघि बढे पनि सहमति जुट्न नसक्दा उक्त आयोजनाको बिजुली राष्ट्रिय प्रसारण लाइनमा जोडिन नसकेको हो । प्राधिकरणसँग सहमत...

पूर्णपुष्टि, चैत १८ । “नेपाली ढाका कपडाको उत्पादन, नेपालीको पहिचान” भन्ने नाराका साथ उदयपुरको त्रियुगा नगरपालिका वडा नं. १३ को पहलबाट ढाका कपडाको सारी बनाउने तालिम सञ्चालन भएको छ । तालिमको उद्घाटन एक समारोहकाबीच आज वडा कार्यालयमा भयो । तालिमको उद्घाटन प्रदेश सांसद सुनिता चौधरीले गरिन् । संविधासभा सदस्य एवम् नेकपा एसकी केन्द्रिय सदस्य दुर्गा परियार लगायत विभिन्न नेता, नागरिक समाज, पत्रकार र वडाबासीको सहभागितामा तालिमको उद्घाटन भएको हो । वडाध्यक्ष पशुपती चौधरीका अनुसार आजबाट सञ्चालित तालिममा वडाका महिलाहरुलाई तालिमसंगै रोजगारकोसमेत ग्यारेण्टी गरिएको छ । १ नं. प्रदेश सांसद सुनिता चौधरीको प्रदेश निर्वाचन क्षेत्र पूर्वाधार अन्तर्गत पाँच लाख रुपैया लगानीमा ढाकाको सारी बनाउने विशेष तालिम सञ्चालन गरिएको हो । तालिममा १० जना महिला सहभागि छन् । उदयपुरमा ब्यवसायिकरुपले ढाका उद्योग सञ्चालन भइरहेको ...

काठमाडौँ, चैत १८ । सुनचाँदी बजारमा आज छापावाल सुनको मूल्य प्रतितोला रु ८०० ले बढेर रु ९९ हजार ७०० तोकिएको छ । पहेँलो धातु अघिल्लो दिन प्रतितोला रु ९८ हजार ९००मा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९९ हजार २०० छ । यसको मूल्य बिहीबार प्रतितोला रु ९८ हजार ४०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १०ले बढेर रु एक हजार ३६० पुगेको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस एक हजार ९३६ डलर आसपास कारोबार भइरहेको छ । रासस...

झापा, चैत २ । कोरोनाको सङ्क्रमणदर जिल्लामा शून्य भएसँगै कुरिलोको टुसाको बिक्रीदर घटेको छ । त्यसले कुरिलोखेती गर्ने किसान चिन्तित बनेका छन् । जिल्लामा २० भन्दा बढी किसानले कोरोना सुरु भएसँगै व्यावसायिक रुपमा कुरिलोको खेती सुरु गरेका थिए । त्यसबाट विगतमा मनग्य आम्दानी गरेका उनीहरु हाल बिक्री हुन छाडेपछि चिन्तित बनेका हुन् । दमक नगरपालिका–३ मा योङहाङ एग्रो फार्म प्रालिले दैनिक जसो ५० किलो बढी कुरिलोको टुसा उत्पादन गर्दै आएको छ । कोभिडको सङ्क्रमण घटेसँगै कुरिलोको टुसा बजारमा बिक्री हुन छाडेको प्रालिका सञ्चालक नारायण योङहाङले बताउनुभयो । “कोरोनाकालमा थोरै मान्छेले कुरिलोको महत्व बुझें र यसको प्रयोग गरे”, उहाँले भन्नुभयो, “अरु तरकारीको तुलनामा महँगो हुने र सर्वसाधारणले अझै पनि यसको गुण र महत्वका बारेमा राम्रो जानकारी नभएको कारण बिक्री हुन छाड्यो ।” योङहाङ र याम भण्डारीको संयुक्त लगानीमा १...

काठमाडौं, चैत २ । सुनचाँदी बजारमा आज छापावाल सुनको कारोबार मूल्य प्रतितोला रु ९९ हजार ३०० तोकिएको छ । अघिल्लो दिन प्रतितोला रु एक लाख ५०० मा कारोबार भएको सुन आज तोलामा रु एक हजार २०० ले घटेको हो । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९८ हजार ८०० तोकिएको छ । जसको मूल्य मङ्गलबार प्रतितोला रु एक लाख थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर एक हजार ३७० मा आएको महासङ्घले जनाएको छ । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९१६ डलर आसपास कारोबार भइरहेको छ । रासस...

उदयपुर, चैत १ । १ नं. प्रदेश कृषि विकास रणनीति तर्जुमाका लागि प्रदेश कृषि रणनीति सल्लाहकार समितिको सदस्यमा उदयपुरको एक गाउँपालिका अध्यक्ष पनि मनोनयनमा परेका छन् । लिम्चुङबुङ गाउँपालिकाका अध्यक्ष मेजरकुमार राई १ नं. प्रदेश मन्त्रीस्तरको निर्णयानुसार प्रदेश कृषि रणनीति सल्लाहकार समितिको सदस्यमा मनोनयन भएका हुन् । अध्यक्ष राईलाई फागुन ३० गते १ नं. प्रदेश मन्त्रीस्तरको निर्णयानुसार स्थानीय तहको तर्फबाट मनोनयन गरिएको हो । लिम्चुङबुङ स्थानीय सरकारले अध्यक्ष कृषि परियोजना सञ्चालन गरी कृषिका कामहरु अगाडि बढाईरहेको छ । सो परियोजना जिल्लाको आठ पालिका मध्ये एकमात्र पालिकाले सञ्चालनमा ल्याएको परियोजना हो । सम्भवतः देशभरकै पालिकाहरु मध्येको पहिलो पालिका रहेको छ । जिम्मेवारी पाएकोमा अध्यक्ष राईले खुसी ब्यक्त गरेका छन् । “प्रदेश कृषि विकास रणनीति तर्जुमाका लागि प्रदेश कृषि रणनीति सल्लाहकार समितिको सदस...

काठमाडौं, फागुन २६ । सुनचाँदी बजारमा आज छापावाल सुनको मूल्य प्रतितोला रु तीन हजार ५०० ले घटेर रु एक लाख दुई हजारमा आएको छ । बुधबार सुनको मूल्य नेपाली बजारमा हालसम्मकै उच्च हुँदै प्रतितोला रु एक लाख पाँच हजार ५०० मा कारोबार भएको थियोे । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु एक लाख एक हजार ५०० तोकिएको छ । यसको मूल्य बुधबार प्रतितोला रु एक लाख पाँच हजार थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ४५ले घटेर रु एक हजार ४०५ पुगेको महासङ्घले जनाएको छ । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने उतारचढावका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ९७८ डलर आसपास कारोबार भइरहेको छ । रासस...

काठमाडौं, फागुन २५ । सुनचाँदी बजारमा आज छापावाल सुनको मूल्य एकैदिन प्रतितोला रु दुई हजार ५०० ले बढेर रु एक लाख पाँच हजार ५०० पुगेको छ । केही दिन देखि बढिरहेको सुनको कारोबार मूल्य आज नेपाली बजारमा हालसम्मकै उच्च बिन्दुमा पुगेको हो । पहेँलो धातु अघिल्लो दिन प्रतितोला रु एक लाख तीन हजारमा कारोबार भएको थियोे । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु एक लाख पाँच हजार तोकिएको छ । जसको मूल्य मङ्गलबार प्रतितोला रु एक लाख दुई हजार ५०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ४०ले बढेर रु एक हजार ४५० पुगेको महासङ्घले जनाएको छ । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने उतारचढावका आधारमा यहाँ दैनिक कारोबार मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस दुई हजार ५० डलर ...