समाचार

पूर्णपुष्टि, असोज १२ ।  सप्तकोशी नदीमा पानीको बहाव उच्च स्तरमा पुगेको छ । आज दिउँसो प्रतिसेकेन्ड ५ लाख ७ हजार ६ सय ९५ क्युसेक पानीको बहाव मापन गरिएको छ । यसका कारण सप्तकोशी ब्यारेजका सबै ५६ वटै ढोका खोलिएका छन् । जोखिम बढेसँगै ब्यारेजको दुवैतर्फ रातो बत्ती बालेर खतराको संकेत दिइएको छ । पूर्वी र पश्चिमी तटीय क्षेत्रका बासिन्दाहरू त्रसित छन् । भारतको बिहार सरकारले पनि आफ्ना नागरिकलाई सतर्क रहन आग्रह गरेको छ । बिहार सरकारले शनिबार मध्याह्नसम्म वीरपुरस्थित कोशी ब्यारेजमा ६ लाख ८१ हजार क्युसेक जलप्रवाह हुने अनुमान गरेको छ । यस्तो अवस्थामा ठूलो क्षतिको सम्भावना रहेको चेतावनी दिइएको छ । नेपालतर्फ पश्चिम तटबन्ध कटान हुने जोखिम बढेको छ ।...

पूर्णपुष्टि, असोज १२ । मकवानपुरको इन्द्रसरोबर गाउँपालिकामा रहेको बत्सलादेवी माविमा फुटबल प्रशिक्षण लिइरहेका ६ बालक बाढीमा बेपत्ता भएका छन्। शनिबार बिहान कुलेखानी जलाशय खोलिएपछि आएको बाढीले विद्यालय नजिकैको खोलामा पानीको सतह बढेको थियो । विद्यालयका अध्यक्ष तथा एकेडेमीका संयोजक सुभाषचन्द्र ठकुरीका अनुसार, बालकहरूलाई सुरक्षित स्थानमा सार्ने क्रममा माथिबाट आएको लेदोसहितको पहिरोले ६ जना बेपत्ता भएका हुन् । एन्फाद्वारा सञ्चालित उक्त एकेडेमीमा कुल ४० जना बालक थिए, जसमध्ये ३४ जना सुरक्षित रहेका छन् । मकवानपुरका एसपी सीताराम रिजालले घटनाको पुष्टि गर्दै बाढी पहिरोका कारण प्रहरी टोली घटनास्थल पुग्न नसकेको जानकारी दिए । उद्धार कार्य र थप विवरण संकलन गर्न प्रयास भइरहेको प्रहरीले जनाएको छ ।...

पूर्णपुष्टि, असोज १२ ।  कोशी प्रदेशमा अविरल वर्षाका कारण आएको बाढी र पहिरोले जनजीवन अस्तव्यस्त बनेको छ । प्रहरीका अनुसार यस प्राकृतिक प्रकोपमा परी हालसम्म पाँच जनाको मृत्यु भएको छ भने नौ जना बेपत्ता भएका छन् । कोशी प्रदेश प्रहरी कार्यालयका प्रवक्ता एसएसपी भीम दाहालले पाँचथरमा चार र धनकुटामा एक जनाको मृत्यु भएको जानकारी दिए । पाँचथरमा पहिरोले घर पुरिँदा आमा-छोरीसहित तीन जनाको मृत्यु भएको छ भने एक जना फुरुङ्गा हाइड्रो पावरमा कार्यरत कर्मचारीको मृत्यु भएको छ । धनकुटाको पाख्रीबास नगरपालिकामा पहिरोले घर पुरिँदा आमा-छोरीको मृत्यु भएको छ । यसैगरी, पाँचथरमा चार जना, झापामा तीन जना, इलाममा एक जना र मोरङमा एक जना गरी कुल नौ जना बेपत्ता भएका छन् । प्रहरीले बेपत्ता व्यक्तिहरूको खोजी कार्य जारी राखेको जनाएको छ ।...

पूर्णपुष्टि, असोज ११ । मोरङको केराबारी गाउँपालिका-८ स्थित खदम खोलाबाट अवैधरूपमा नदीजन्य पदार्थ उत्खनन् गरिरहेका १५ वटा ट्र्याक्टरलाई प्रहरीले नियन्त्रणमा लिएको छ । कोशी प्रदेश प्रहरी कार्यालय बिराटनगरका अनुसार असोज १० गते बेलुका ६ बजे इलाका प्रहरी कार्यालय केराबारीबाट खटिएको टोलीले यी ट्र्याक्टरहरूलाई ढुंगा उत्खनन् गरिरहेको अवस्थामा पक्राउ गरेको हो । नियन्त्रणमा लिइएका ट्र्याक्टरहरूमा को.२ त ८३४६, को.२ त ९९२७, को.२ त ७५५४, को.१ त ५३८०, को.२ त २०३२, को.२ त ७९१२, को.२ त ७८९७, को.२ त ६९४०, को.२ त ८३१९, को.१ त ४५८३, को.१ त ८७२२, प्र.१-०२-००३ त २७१२, प्र.१-०२-००३ त १८८१, प्र.१-०२-००३ त २८३९ र प्र.१-०२-००३ त ०७८७ रहेको छ  । प्रहरीले नियन्त्रणमा लिएका सबै ट्र्याक्टरहरूलाई आवश्यक कारबाहीका लागि केराबारी गाउँपालिकाको कार्यालयमा बुझाएको छ ।...

पूर्णपुष्टि, ११ असोज । कारागारकै कर्मचारीले महिला कैदीवन्दीमाथी बलत्कार गरेको आरोप लगाउँदै जिल्ला प्रहरी कार्यालय उदयपुरमा जाहेरी परेको छ । जाहेरीअनुसार बलात्कारमा आरोपी सिराहा राजविराज नगरपालिका– ८ का ३५ वर्षीय चन्दन भनिने चन्द्रनारायण यादव हुन् । उनले महिला कैदीबन्दीलाई कारागार कार्यालयको प्रशासनिक भवनस्थित बिजुलीघरभित्र लगी ५ माघ ०८० को अपराह्न ४ः३० बजे बलात्कार गरेको पीडितको जाहेरीमा उल्लेख छ । बलात्कारमा संलग्न चन्दन सप्तरीस्थित कागागार कार्यालयमा १७ वर्षदेखि कार्यालय सहयोगीका रूपमा काम गर्दै आएका छन् । कर्तव्य ज्यान, ज्यान मार्ने उद्योग र आत्महत्या दुरुत्साहन कसुरमा जन्मकैद भुक्तान गरिरहेकी महिलालाई कारागारकै कर्मचारीले बलात्कार गरेको जाहेरी जिल्ला प्रहरी कार्यालय उदयपुरमा परेको हो । उक्त घटनालाई ढाकछोप र पोल खुल्ने डरले पीडितलाई सप्तरी, सिराहा र उदयपुर लगायत बिभिन्न ठाउँको का...

पूर्णपुष्टि, ११ असोज । त्रियुगा नगरपालिका १६ र १५ पहाडी वडामा पर्छ । यस वडामा भौगोलिक असहजताका कारण जनताहरुलाई चाहेजति सुविधा दिन चुनौती छ । तर त्रियुगा गनरपालिका वडा नं १६ को पहल कदमीमा वडाकै बिकट मानिने रातापानीलाई बरुवा डहर सित जोडाउन सफल भएको छ । वडाको निकै अग्लो बिकट ठाउँमा निर्माण भएको झोलुङ्गे पुलले त्यहाँका स्थानीयहरुलाई आवतजावतमा सहज भएपछि उनिहरु खुसि छन् । बिहिबार निर्माण भएको पुललाई त्रियुगा नगर प्रमुख बसन्त बस्नेतले उद्घाटन गर्दै औपचारिक संञ्चालनमा ल्याएको हो । वडा अध्यक्ष मान वहादुर राईका अनुसार उक्त पुलले १६ नं को रातापानी, सिम्ले, आहाले लगायतका स्थानबाट सहजै १५ नं वरुवा डहर लगाएतको गाउँ सम्म पुगन सहज बनाएको छ । बरुवा खोला रातापानी बरुवा डहर झोलुङ्गे पुलले आसपासको स्थानीयवासीलाई मात्रै हैन १६ र १५ नं वडालाई समेत सहज जोडेको अध्यक्ष राईले जनाए ।...

पूर्णपुष्टि, ११ असोज । त्रियुगा नगरपालिका १५ स्थित कुभिण्डेमा भव्य भलिवल प्रतियोगिता आयोजना हुने भएको छ । जनकल्याण सामुदायिक वन उपभोक्त समिति त्रियुगा नगरपालिका १५ कुभिण्डेको आयोजनामा प्रतियोगिता हुन लागेको हो । प्रतियोगिता यहि असोज २१ गतेबाट असोज २३ सम्म हुने आयोजकले जनाएको छ । हिन्दुहरुको महान चाड बिजय दशमीको अवसरमा “स्वास्थ्यको लागि खेलकुद राष्ट्रको लागि खेलकुद” भन्ने नारालाई जोड्दै खेल आयोजना गर्न लागेको प्रतियोगितका सम्पर्क व्यक्ती केबल मगरले जनाए । मगरका अनुसार खुल्ला वडा स्तरीय पुरुष भलिवल प्रतियोगिता हुन लागेको हो । मगरले उक्त खेलमा उपस्थित हुन खेलप्रमेमी, खेलाडी तथा स्थानीयहरुलाई आह्वान गरेको छ । खेलमा प्रथम हुने टिमलाई ६६,६६६ नगद, शिल्ड, मेडल र प्रमाण पत्र प्रदान गरिने छ भने दोस्रो हुने टिमलाई नगद रु ३३,३३३ रुपयाँ, शिल्ड, मेडल र प्रमाण पत्र प्रदान गरिनुका साथै तेस्रो हुने टिम...

पूर्णपुष्टि, असोज ११ । अत्यधिक वर्षाका कारण नेपालका १४ वर्षा मापन केन्द्रमा चेतावनीको तह पार भएको छ । जल तथा मौसम विज्ञान विभागका अनुसार, यी केन्द्रहरू मुख्यतया कोशी प्रदेशमा अवस्थित छन् । मोरङ, झापा, उदयपुर र इलाम जिल्लाका साथै मधेश प्रदेशको सप्तरी र लुम्बिनीको पाल्पामा पनि अत्यधिक वर्षा भएको छ । सप्तरी र मोरङका केही स्थानहरूमा वर्षाले खतराको तहसम्म पुगेको छ । झापा जिल्लाका विभिन्न स्थानहरूमा पनि वर्षा खतराको तहमा पुगेको छ । २४ घण्टाको अवधिमा झापाको चन्द्रगढी विमानस्थलमा सबैभन्दा बढी २३२.२ मिलिमिटर वर्षा मापन गरिएको छ । मौसम पूर्वानुमान महाशाखाले आगामी २४ घण्टामा देशभर मनसुन सक्रिय रहने जनाएको छ । कोशी, मधेश, बागमती, गण्डकी र लुम्बिनी प्रदेशका केही स्थानहरूमा भारी वर्षाको सम्भावना रहेको छ । यसले गर्दा बाढी, पहिरो र डुबानको जोखिम बढेको छ । जोखिम बढेपछि सरकारले आज असोज ११ र भोलि १२ गते दु...

पूर्णपुष्टि, असाेज ११ । "खेलकुद केवल शारिरीक अभ्यास मात्र हाेईन, यसले मानसिक अनुशासन, धैर्यता र साहस सिकाउछ" भन्ने नेल्सन मण्डेलाकाे भनाईलाई आत्मसाथ गर्दै ६९ ओैं प्रहरी दिवसमा ब्याडमिन्टन प्रतियाेगिता आयाेजना भएकाेछ । जिल्ला प्रहरी कार्यालयकाे आयाेजना, ब्याडमिन्टन संघ उदयपुरकाे सहयाेगमा खेलकुद समिति उदयपुर (<span;>बाेक्से) स्थित कबर्डहलमा प्रतियाेगिता आजबाट सञ्चालन भएकाे छ । दुईदिनसम्म सञ्चालन हुने प्रतियाेगितामा ए ग्रेडतर्फ १६ जाेडा र बी ग्रेडतर्फ ६४ जाेडा प्रतिष्पर्धि छन् । प्रतियाेगिताकाे उद्घाटन त्रियुगा नगरपालिका उपमेयर महेश्वरी राईले गर्नुभयाे । उद्घाटनमा जिल्ला न्यायाधिस हरिशचन्द्र ईङ्नाम, प्रमुख जिल्ला अधिकारी हरिप्रसाद घिमिरे, सहायक प्रजिअ लक्ष्मी प्रसाद रेग्मी, सुरक्षा प्रमुखहरु नेपाली सेना पशुपतिप्रसाद गण बाेक्सेका गणपती प्रमुख सेनानी शिवप्रसाद वाग्ले, जिल्ला प्रहरी प...