समाचार

पुर्णपुष्टि सम्बादाता बेलका/मंसिर २४ गते ।  हजार भन्दा बढि बिरुवा रोपेर  “एक सिपाही एक फलफूल विरुवाको अभियान” को थालनि नेपालि सेनाले बेलकामा सुरवाट गरेको छ । नेपाली सेनाले मंगलबार बेलका नगरपालिका–८ सोमबारेमा नगरसँगको सहकार्यमा एक हजार एभोकाडो र सिन्कौलीको बिरुवा रोपेको हो ।नेपालिहरुले सिरानी मुनि सुन राखेर नुन खोजिरहेको पुर्ब रक्षा सचीव देबेन्द्र सिटौलाले बताए । सिटौलाले भने ‘नेपाली सेनाले राष्ट्रिय तथा अन्तरास्ट्रिय क्षेत्रमा सधै देशको नाम उच्च राखेको छ । सेनाले थालेको बृक्षारोपण अभियान देशको लागि एउटा महत्वपूर्ण काम हो ।’“हरियो वन नेपाल धन” भन्ने नेपालिहरुको मुल नाराको साथ १ न.प्रदेशमा एक लाख बिरुवा वृक्षारोपण गर्ने पुर्बी पृतनापति इटहरीका उपरथी अनन्त कार्कीले बताए । नेपाली सेनाले नेपाल र नेपालीको समृद्धिको लागि सधै काम गर्ने उनले बताए । नगरलाई हरित नगरी बनाउनका लागि वृक्षारोपण गर...

राजेन्द्र दुष्ट बेल्टार/मंसिर २४ गते । चौदण्डिगढी दोस्रो मेयर रनिङ शिल्ड कपको उपाधी वडा न. ७ ले चुमेको छ । गत सालको प्रथम मेयर रनिङ शिल्ड कपको उपाधी पनि वडा न. ७ ले नै चुमेको हो । चौनपा–१० हडियाको फुलबारी खेल मैदानमा गत मंसिर १५ देखि दोस्रो मेयर कप सुरु भएको थियो । फाईनल खेलमा हडियालाई (पेनाल्टि सुट आउट)मा ३–२ गोलको अन्तरले ७ नं. वडाले उपात्री चुमेको आयोजकले जनाएको छ । निर्धारित समयसम्म दुवै टिमबाट २÷२ गोल भई खेल बरावरीमा टुङ्गीएपछि खेल पेनाल्टिमा परिणत भएकोे थियो । खेलमा प्रथम विजेता र उप विजेतालाई नगर प्रमुख खगेन्द्र राई र उप प्रमुख रिताकुमारी चौधरीले नगद ५० र २५ हजार रुपैया सहित ट्रफि र प्रमाण पत्रले पुरस्कृत गर्नु भएको थियो ।...

मंसिर २४ गते । जापान फाउन्डेसनले लिएको भाषा परीक्षामा नेपालको नतिजा सवै भन्दा कमजो देखिएको छ । नेपाली युवालाई रोजगारीको अवसर दिने उद्देश्यले लिईएको परिक्षामा सहभागी पाँच राष्ट्रमध्ये कमजोर देखिएको हो । गत कात्तिकमा लिइएको आधारभूत जापानी भाषा परीक्षामा एकै समूहमा परीक्षा दिएका मंगोलिया, इन्डोनेसिया, कम्बोडिया र फिलिपिन्सपछि सबभन्दा कमजोर नतिजा नेपालको देखिएको छ । जापान फाउन्डेसनले प्रकाशित गरेको नतिजा तालिकामा नेपालबाट ४९७ जनाले परीक्षा दिएकोमा ५६ जनामात्र उत्तीर्ण भएका थिए । सो अतिजाअनुसार सबैभन्दा बढी मंगोलियाबाट ६१ प्रतिशत र नेपालबाट ११ प्रतिशतमात्र उत्तीर्ण भएका थिए । स्ट्यान्डर्ड डेभिएसनमा भने नेपाल तेस्रो भएको परीक्षाको व्यवस्थापन गर्दै आएको जापान फाउन्डेसनले जानएको छ । यो समाचार आजको कारोबार दैनिकमा छापिएको छ ।...

मंसिर २३ गते नेपालकी गौरिका सिंहले १३औँ दक्षिण एसियाली खेलकुद (साग) मा चौथो स्वर्ण जित्दै नयाँ कीर्तिमानी कायम बनाएकी छिन् । सातदोबाटोमा भएको एक सय मिटर फ्रीस्टाइलमा गौरिकाले स्वर्ण जितिन् । निर्धारित दुरी ५८.१३ सेकेण्डमा पूरा गरिन् । उनले भारतीय शिवांगी शर्मालाई पराजित गर्दै स्वर्ण जितिकी हुन् । आइतबार भएको एउटै सागमा तीन स्वर्ण जित्दै गौरिकाले कीर्तिमान बनाएकी थिइन् । सोमबार थप एक स्वर्ण जित्दै दीपक विष्टसँगको कीर्तिमान बराबरी गरेकी छिन् । विष्टले आठौँदेखि एघारौँ सागमा चार स्वर्ण जितेका थिए । गौरिका ३५ वर्षे सागको इतिहासमा एउटै सागमा चार स्वर्ण जित्ने पहिलो खेलाडी बनेकी छिन् । यसअघि उनले ४ सय मिटर फ्रीस्टाइल, २ सय मिटर ब्यास्ट्रोक र २ सय मिटर रिलेमा स्वर्ण जितेकी थिइन् । त्यस्तै गौरिकाले १ सय मिटर ब्याकस्ट्रोकमा रजत र ४ बाई १ सय मिटर फ्रीस्टाइल रिलेमा कांस्य हात पारेकी थिइ...

उदयपुर, मंसिर २३ गते ।  जबरजस्ती बलात्कार गरी फरार रहेको अभियुक्त पक्राउ परेको छ । २०६८ सालमा जबरजस्ति बलात्कार गरेर फरार रहेको रामबहादुर विकलाई सोमबार प्रहरीले पक्राउ गरेको हो । त्रियुगा नगरपालिका–१३ बरुवा खोला निबासी एक युवतीलाई जबरजस्ति करणी गरी फरार रहेको त्रिनपा–३ निबासी रिठे कामीको छोरा ३७ वर्षीय विकलाई निरन्तर खोजतलासको क्रममा त्रिनपा–१३ बाट दिउँसो करिब १२ बजे पक्राउ गरेको प्रहरीले जनाएको छ । जबरजस्ति करणी गरी लुकिछिपी बस्दै आएका विकलाई पक्राउ गरी जिल्ला अदालतमा फैसला कार्यान्वयन गराउन पठाएको जिल्ला प्रहरी कार्यालय उदयपुरले जनाएको छ ।  ...

मंसिर २३ गते ।  आज कुवेती दिनार, ओमानी रियाल र कोरियन वनको भाउ बढेको छ भने अमेरिकी डलरसहित अरु विदेशी मुद्राको भाउ स्थिर रहेको छ । सोमबार नेपाल राष्ट्र बैंकले १ अमेरिकी डलरको खरिददर १ सय १३ रुपैयाँ ६१ पैसा र बिक्रीदर १ सय १४ रुपैयाँ २१ पैसा तोकेको छ । त्यस्तै साउदी रियाल एकको खरिददर ३० रुपैयाँ ३० पैसा र बिक्रीदर ३० रुपैयाँ ४६ पैसा रहेको छ । कतारी रियाल १ को खरिददर ३१ रुपैयाँ २० पैसा र बिक्रीदर ३१ रुपैयाँ ३६ पैसा रहेको छ भने ओमानी रियाल १ को खरिददर २ सय ९६ रुपैयाँ ८६ पैसा रहेको छ । हिजो आइतबार खरिददर २ सय ९५ रुपैयाँ ९६ पैसा रहेको थियो । यूएई दिर्हाम १ को खरिददर ३० रुपैयाँ ९३ पैसा र बिक्रीदर ३१ रुपैयाँ ०९ पैसा छ  भने मलेसियन रिंगिट एकको खरिददर २७ रुपैयाँ ३१ पैसा र बिक्रीदर २७ रुपैयाँ ४६ पैसा तोकेको छ । त्यस्तै कोरियन वन १ सयको खरिददर ९ रुपैयाँ ५८ पैसा र बिक्रीदर ९ रुपैयाँ ६३ पैसा...

मंसिर २३ गते । यूएई जाने दुई श्रमिकसँग बढी रकम लिने एअरपोर्टको रसुवा ओभरसिजमा वैदेशिक रोजगार विभागले छापा मारेको छ । ओेभरसिजले श्रमिकसँग पैसा मागेको सूचनाको आधारमा छापा मार्दा दुई श्रमिकबाट लिएको एक लाख २५ हजार रुपैयाँ बरामद गरेको विभागले जनाएको छ । यूएईको तमायाज इम्प्लोइमेन्ट सर्भिसमा विल्डिङ लेबरका लागि महिनाको ८ सय दिर्हाम तलब पाउने भन्दै रसुवा ओभरसिजले प्रतिव्यक्ति एक लाख २५ हजार रुपैयाँ मागेपछि सुरेन्द्र रानामगर ,बालकृष्ण गरंजामगर, समिर गरंजामगर, शन्तबहादुर गरंजामगर र योगबहादुर गुरमछानले विभागमा निवेदन दर्ता गराएका थिए । विभागको टोली म्यानपावर कार्यालय पुग्दा एजेण्ट जितबहादुर बम्जनले योगबहादुर गुरमछानबाट ७० हजार र शन्तबहादुर जर्गा मगरबाट एक लाख १० हजार बुझिसकेका तथा बाँकी तीन जनासँग रकम लिने तयारी रहेको अवस्थामा फेला पारेको जनाएको छ । एजेण्ट बम्जनले यसअघि नै तीन जनासँग ३५ ...

मंसिर २३ गते ।  घुस लिनेमा सवै भन्दा बढी ईन्जिनियर रहेको एक तथ्याङकले देखाएको छ । अख्तियार दुरुपयोग अनुसन्धान आयोगले पछिल्ला ६ महिनाको तथ्याङ्क हेर्दा सवै भन्दा बढी ईन्जिनियर रहेको देखिएको हो । उक्त अवधिमा घुससहित १ सय ४० जनालाई नियन्त्रणमा लिई अदालतमा मुद्दा दर्ता गरेको छ । घुससहित नियन्त्रणमा लिएकाबाट अख्तियारले १ करोड ३७ लाख ७० हजार ४ सय ६० रुपैयाँ जफत गरेको छ । गत साउन महिनाको तथ्यांक हेर्दा अख्तियारको १९ वटा अप्रेसनमा १० जना इन्जिनियर फन्दामा परेको थियो । त्यस्तै भदौमा आठ जना इन्जिनियरलाई नक्कली शैक्षिक योग्यता प्रमाणपत्रदेखि घुस रकमसहित पक्राउ गरेको थियो । यो समाचार आजको राजधानी दैनिकमा छापिएको छ । ...

उदयपुर, मंसिर २२ गते ।  त्रियुगाको मोतिगडामा एक बालकलाई कुट पिट गरी फरार रहेको प्रतिबादी पक्राउ परेको छ । त्रियुगा नगरपालिका–३ निबासी २० वर्षीय खेमराज राई पक्राउ परेको हो । गत मंसिर १५ गते मोतिगडा क्याम्पसमा त्रिनपा–१० निबासी १७ वर्षीय दिनेश तामाङलाई कुटपिट गरी भिडियो बनाएर सामाजिक संजालमा आतंकित बनाएमो फरार रहेको राई आईतबार दिउँसो १ः०० बजे पक्राउ परेको प्रहरीले जनाएको छ । पक्राउ परेको राईलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरको मुद्दामा आवश्यक अनुसन्धान भईरहेको जिल्ला प्रहरी कार्यालय उदयपुरले जनाएको छ ।...

राजेन्द्र दुष्ट बेल्टार/मंसिर २२ गते ।  चौदण्डीगढी नगरपालिका–९ अजगरामा खानेपानीको शिलान्यास भएको छ । नगर प्रमुख खगेन्द्र राई र नगर उप–प्रमुख रिताकुमारी चौधरीद्धारा संयुक्तरुपमा  शिलान्यास भएको हो । चालु आर्थिक वर्ष नगरले ८ लाख रुपैयाँ बजेट विनियोजन गरेपछि खानेपानीको शिलान्यास भएको हो ।  स्थानीयलाई खानेपानीको सहज बनाउनका लागि खुदि खोलामा मुहान रहनेछ । जिल्ला खानेपानी तथा सरसफाई कार्यालय उदयपुरले एउटा (ईन्टेक) बनाई दिने र ५ किमिसम्म पाईप खरीद गरिदिएर स्थानीयलाई खानेपानीको सुविधा उपलब्ध गराउने नगरप्रमुख राईले बताउनुभयो । उक्त खानेपानी स्थानीय टोलविकास समितिका अध्यक्ष टिकाराम भट्टराई र खानेपानी उपभोक्ता समितिका अध्यक्ष पवन कार्की लगायत स्थानीय वुद्धिजिबी सरोकारवालाहरुको सक्रियतामा खानेपानी व्यवस्थित हुन लागेकोे  अध्यक्ष कार्कीले बताउनुभयो । बालमुखी आधारभूत विद्यालयका विद्यार्थी...