समाचार

भदौ ५ गते । सरकारले निजी मिडियालाई दिने सरकारी विज्ञापन नियन्त्रण गर्न सक्ने व्यावस्था गरेको छ । प्रनिधिसभाको विकास तथा प्रविधि समितिले विज्ञापन बोर्डलाई असीमित अधिकार दिएर विज्ञापन नियन्त्रण गर्न सक्ने व्यवस्था गरेको हो । बुधबार समितिले पारित गरेको विज्ञापन नियमन गर्ने सम्बन्धमा व्यवस्था गर्न बनेको विधेयक अनुसार विज्ञापन बोर्डमा सरकाले नियुक्त गरेका प्रतिनिधि रहने व्यावस्था गरिएको छ । त्यसले सञ्चारमाध्यममा प्रकाशन तथा प्रशारण हुने विज्ञापनलाई अंकुश लगाउन सक्ने देखिएको छ । विधेयकको दफा ३६ मा रहेको व्यवस्थाले ऐन कार्यान्वयनका लागि बोर्डले आवश्यक मापदण्ड निर्धारण गर्न सक्नेछ । नेपाल पत्रकार महासंघका पूर्वअध्यक्ष तारानाथ दाहालले भने बोर्डले नयाँ मापदण्ड ल्याएर सरकारी मिडियालाई मात्रै विज्ञापन दिने निर्णय गर्न सक्ने पनि सक्छ । यो समाचार आजको नागरिक दैनिकमा छापिएको छ ।  ...

भदौ ४ गते ।  नेपाल र म्यानमार हिमालयन –२ रुट कार्यान्वयनका लागि सहमत भएका छन् । दुवै देशका नागरिक उड्डयन प्राधिकरण प्रमुखहरुबीच बुधबार भएको छलफलले सहमति भएको हो । नेपालमा जारी एसिया प्रशान्त क्षेत्रका नागरिक उड्डयन प्राधिकरणका महानिर्देशकहरुको सम्मेलनका लागि म्यानमारको टोली काठमाडौं आएबो अवसर पारी म्यानमार र नेपाली टोलीबीच द्विपक्षीय छलफल गरेको थियो । महाकाली–काठमाडौं–बागडोग्रा, गुहाटी, सिलचर, इम्फाल, मुनमिङ हुँदै हङकङसम्मको हिमालयन–२ रुटका लागी नेपालले अन्तर्रा्ष्ट्रिय नागरिक उड्डयन संगठन (आइकाओ)मै प्रस्ताव गरिसकेको छ । चिन, भारत र म्यानमार रहेकोमा भारतले रुट कार्यान्वयन गर्न सहमति दिइसकेको छ । चीन यसमा सकारात्मक रहेपनि म्यानमारले सञ्चार प्रणालीको तयारी नभएको भन्दै यस रुटमा अनुमति दिन आनाकानी रेको थियो ।...

भदौ ४ गते ।  चालु आर्थीक वर्षको पहिलो महिनामै सरकारले बजेट रकमान्तर गर्न सुरु गरेको छ । दुर्ई वटा कार्यक्रमका लागि गत साउनमा ५७ लाख ६५ हजार १ सय ८७ रुपैयाँ बजेट रकमान्तर गरिएको हो । प्रधानमन्त्री तथा मन्त्रिपरिषद्को कार्यालयका नाममा  १० लाख रुपैयाँ रकमान्तर गरिएको छ । कार्यालयको भैपरी आउने खर्चबाट साधारण प्रशासनमा रकमान्तर गरी १० लाख रुपैयाँ खर्च गरिएको अर्थ मन्त्रालयले जनाएको छ । भूमि व्यवस्था, सहकारी तथा गरिबी निवारण मन्त्रालयले साउन महिनामा ४७ लाख ६५ हजार रुपैयाँ रकमान्तर निकासा गरेको छ । ६ असारमा सरकारले गठन गरेको सरकारी, सार्वजनिक र गुठी जग्गा संरक्षण सम्बन्धी जाँचबुझ आयोगका लागि सो रकम रकमान्तर गरिएको हो । सरकारले एक महिनाको अवधिमा विभिन्न व्यक्तिलाई १६ लाख २१ हजार रुपैयाँ नगद बाँडेको छ । भुटानी मानव अधिकारवादी नेता टेकनाथ रिजालसहित १२ जनालाई ३ लाख ६६ हजार ६ सय १२ रुपैयाँ...

भदौ  ४ गते ।  नेपाल–भारत संयुक्त आयोगको बैठक काठमाण्डौमा सुरु भएको छ । होटल याक एण्ड यतीमा बुधबारदेखि बैठक सुरु भएको हो । नेपालको परराष्ट्रमन्त्री प्रदीपकुमार ज्ञवाली र भारतका विदेश मामिला मन्त्री सुब्रमन्यम जयशंकरको अध्यक्षतामा बैठक सुरु भएको थियो । विहिबारसम्म संचालन हुने बैठकमा नेपाल र भारतबीचका विभिन्न विषयमा छलफल हुनेछ ।  ...

भदौ ४ गते ।  काठमाण्डौ उपत्यकामा ५५ जना डेंगु संक्रमित विरामी फेला परेका छन् । धरानबाट फैलाएको डेँगु नियन्त्रण बाहिर गएर उपत्यमा समेत डेँगु संक्रमित फेला परेको हो । उपत्यकाको १० वटा अस्पतालमा आएका मध्ये ५५ जनामा डेंगु संक्रमढ देखिएको इपिमिडियोलोजी तथा रोग नियन्त्रण महाशाखाले जनाएको छ । महाशाखाले संकलन गरेका २३ वटा अस्पताल उक्त संख्यामा संक्रमित भेटिएको जनाईएको छ । गत वर्ष पनि उपत्यकामा यसै समयमा १६ जनालाई डेंगु देखिएको चिकित्सकहरुले जनाएको छ । देशभर ८ सय ११ जना संक्रमित भएका थिए ।  बालबालिका, जेष्ठ नागरिक र रोग प्रतिरोधात्मक क्षमता कम भएका मानिसहरु शतर्क रहन चिकित्सकहरुले जनाएको छ ।...

भदौ ४ गते । पूर्व–पश्चिम रेलमार्ग अन्तरगत मध्य खण्डको विस्तृत परियोजना प्रतिबेदन (डिपिआर) अझै बनेको छैन । विद्युतिय रेलमार्गका निजगढ–हेटौडा–भरतुर खण्डको डिपिआरका लागि अझै कम्पनी समेत छनोट नभएको छैन । यस खण्डको दुरी करिब १ सय ३६ किलोमिटर रहनेछ । पथलैयाबाट हैटौंडा हुँदै  नवलपरासीको चोरमारामा जोडिने रेलमार्गको सम्भाव्यता अध्ययन ०७४ सालमै सकिएको थियो । त्यसपछि डीपीआरका लागि कम्पनी छनोटको प्रक्रिया अघि बढे पनि अझै टुंगो लाग्न नसकेको हो । विभागले २०७५ असोज १६ गते कम्पनी छनोट गर्न टेन्डर आह्वान गरेको थियो । टेन्डर आह्वानपछि ६ वटा कम्पनी सर्ट लिस्टमा परेको विभागले जनाएको छ । उक्त कम्पनीहरुको प्राविधिक प्रस्ताव मूल्यांकनमा विभागले ढिलाइ गरेपछि डीपीआरमा ढिलाई भएको हो । उक्त रेलमार्ग बाहेक अरु रेलमार्गका खण्डहरुको डीपीआर बनिसकेको छ । चाडै कम्पनी छनोट गरेर काम जिम्मा लगाउने विभागले जनाएको छ ।...

भदौ ४ गते । ब्राजिलको रिओ दि जेनेरोमा एक यात्रुवाहक बस अपहरण गर्ने व्यक्तिका सुरक्षा बारबारीमा मृत्य भएको जनाईएको छ । तीन घण्टादेखि बसलाई कब्जामा लिने व्यक्तिलाई मारिदिएको सेना प्रहरीले जनाएको हो । प्रहरीले ट्विटरमा एकजना निसानेबाजले बस अपहरणकर्तालाई मारिदिएपछि बन्धक बनाइएका व्यक्तिहरू रिहा भएको जनाएको छ । अपहरणकारीले बसको ढोका छेउमा एकजना बन्धकको टाउकोमा हतियार तेर्साएर उभिएको अवस्थामा निसानेबाजले गोली चलाएको स्थानीय सैनिक प्रहरीका एकजना प्रवक्ताले जनाएको छ । अपहरणकारीले प्रयोग गरेको बन्दुक नक्कली भएको खुलेको छ । यस अघि नै बसका ६ जना यात्रुहरू रिहा भईसकेका थिए । रिओलाई अर्को शहर नितेरोइसँग जोड्ने पुलको बीचमा बस रोकिएको थियो ।...

भदौ ४ गते । स्थानीय तहमा असार १० भित्र नै चालु आर्थिक वर्षको बजेट ल्याउनु पर्ने कानुनी व्यावस्था भएपनि २६ वटा स्थानीय तह बजेट विहिन भएको छ । बजेटविहिन भएका नगर र गाउँपालिकाको सभामा अझै बजेट पेश गरेका छैनन् । स्थानीय सरकार सञ्चालन ऐन, २०७४ को दफा ७१ को उपदफा १ तथा अन्तरसरकार वित्त व्यवस्था ऐन, २०७४ को दफा २१ को उपदफा ३ ले गाउँ कार्यपालिका र नगर कार्यपालिकाले चालु आवको लागि असार १० गतेभित्र राजस्व र व्ययको अनुमान सम्बन्धित गाउँ र नगर सभामा पेश गरी स्वीकृत भएपछि मात्रै खर्च गर्नु पर्ने काकनुनी व्यावस्था छ । तर २६ वटा स्थानीय तहले कानुन विपरितका कार्य गर्दै आएको पाईएको छ । प्रदेश नं १ र कर्णाली प्रदेशका सबै स्थानीय तहले बजेट ल्याईसकेको छ । दुई वटा प्रदेश भन्दा बाँकी प्रदेशका केही स्थानीय तहहरुले अझै बजेट ल्यान नसकेका हुन् । यो समाचार कारोबार दैनिकमा छापिएको छ ।...

भदौ ३ गते ।  विरगन्जमा सवारी चालक अनुमतिपत्र (लाईसेन्स) बनाई दिने प्रलोभनमा पैसा लिने ४ जना पक्राउ परेका छन् । सेवाग्राहीसँग रकम लिएको आरोपमा वीरगञ्ज यातायात व्यवस्था कार्यालय परिसरबाट मंगलबार पक्राउ परेको हो । हेटौंडा उपमहानगरपालिका – ५ पिप्ले निबासी ४१ बर्षीय समर्थन न्यौपाने, बिन्दवासिनी गाउँपालिका– ३ ईटियाही निबासी २८ बर्षीय राजकुमार साह, ४ मधुवन निबासी २८ बर्षीय अमलेशप्रसाद साह र प्रसौनी गाउँपालिका – ३ नौतन निबासी ३१ बर्षीय सतरोवन प्रसाद साह पक्राउ परेको प्रहरीले जनाएको छ । पक्राउ परेकाहरुको साथबाट नगद ८२ हजार रुपैयाँ बरामद गरेको प्रहरीले जनाएको छ । लाइसेन्स बनाई दिन्छु भन्दै सेवाग्राहीसँग पैसा लिने गरेको गुनासोको आधारमा प्रहरीले पक्राउ गरेको प्रहरीले जनाएको छ । पक्राउ परेकाहरु माथि थप अनुसन्धान भईरहेको प्रहरीले जनाएको छ ।...

डिएन चौधरी उदयपुर/भदौ ३ गते । त्रियुगाको राजाबासमा विधुत ट्रान्सर्फमर जल्दा तीन दिनदेखि गाउँ अन्धाकार भएको छ ।  त्रियुगा नगरपालीका– ९ केहि गाउँहरु अन्धकार भएको हो । विद्युतको ट्रन्सफर्मर जल्दा नवउदयटोल, चौकरीवारी, पाखाटोल र सखुवनी लगायत गाउँका करिब २ हजार उपभोक्ता विजुली बिहिन भएको स्थानियबासीहरुले बताएका छन् । विजुली अरुद्ध भएपछि खाद्यन्न मिल र सामुदायिक रेडीयो नै बन्द भएको छ । गर्मी मौसममा तीन दिनदेखि गाउँलेहरु गार्मी सहनु परेको छ भने अन्धकारमा बस्न बाध्य भएको स्थानिय भेषराज राउतले बताए । विजुली नहुदा विद्युतिय सामाग्री मोवाइल, टर्च लाइट, रेडियो लगायका उपरकाण चार्ज गर्न नपाएको राउतले वताए । एसईईको पुरकपरीक्षा चलिहरको बेला विद्यार्थीहरुले पठनपाठन गर्न नपाएको र सुत्केरी आमाहरुलाई पनि समस्या भएको राउतले बताए । बिजुली वत्ति अबद्ध भएपछि रेडियो उदयपुरको प्रसारण सेवा प्रभावित भएक...