समाचार

पूर्णपुष्टि, साउन २ । उदयपुरको कटारी नगरपालिका–७ रिस्कुस्थित खुलालडाँडाबाट ४९ केजी गाँजासहित तीन जनालाई प्रहरीले पक्राउ गरेको छ । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार पक्राउ पर्नेहरूमा ताप्ली गाउँपालिका–१ का ३१ वर्षीय शम्भु राई, २८ वर्षीय आशिष भुजेल र एक अन्य व्यक्ति (परिवर्तित नाम गाईघाट ४९) रहेका छन्। उनीहरूले गाँजालाई तीन वटा बोरामा राखेर ओसारपसार गर्दै गरेको अवस्थामा मंगलबार प्रहरी टोलीले पक्राउ गरेको डिएसपी चापागाईले बताए । पक्राउ परेकाहरूलाई उदयपुर जिल्ला अदालतबाट म्याद थप गरी थप अनुसन्धान भइरहेको प्रहरीले जनाएको छ।...

पूर्णपुष्टि, साउन १ । उदयपुर प्रवासी सेवा समाज, दोहा कतारले त्रियुगा नगरपालिकामा निर्माणाधीन मन्दिरलाई आर्थिक सहयोग गरेको छ। संस्थाका अध्यक्ष कमल वाग्लेको उपस्थितिमा शुक्रबार भएको मासिक बैठकले यो निर्णय गरेको हो। बैठकले उदयपुरको त्रियुगा नगरपालिका वडा नं. १० र ११ मा बन्दै गरेको नयाँ मन्दिरलाई ११,१११ रुपैयाँ सहयोग गर्ने निर्णय गरेको छ। संस्थाका सचिव संजीव कटुवालका अनुसार यस सहयोगको फलस्वरूप मन्दिरको शिलान्यासमा संस्थाको नाम लेखिने जानकारी दिएका छन्।...

पूर्णपुष्टि, साउन १ । सर्वोच्च अदालतले काठमाडौं उपत्यकाको नदी किनारका सरकारी जग्गामा बसोबास गरिरहेका सुकुम्बासीहरूलाई विभिन्न विकल्प दिएर हटाउन आदेश दिएको छ। न्यायाधीश डा. आनन्दमोहन भट्टराई र विनोद शर्माको इजलासले ३ पुस २०८० मा गरेको फैसलाको पूर्णपाठ हालै सार्वजनिक भएको छ। फैसलामा वास्तविक सुकुम्बासीको पहिचान गरी स्थानान्तरणका लागि इचंगुनारायणमा बनेको आवासमा स्थानान्तरण गर्ने विकल्प दिइएको छ। यदि उक्त सुविधाले नपुग्ने भए आवश्यक संख्यामा अन्यत्र आवासको व्यवस्था गर्ने वा ती स्थानमा जान नचाहने वास्तविक सुकुम्बासीलाई तत्काल राहतका रूपमा पैसा दिएर भए पनि अतिक्रमण हटाउन आदेश दिइएको छ। अदालतले नदी किनारका सुकुम्बासी हटाउँदा पहिलो चरणमा बाढीको जोखिममा रहेका घर टहरा हटाउने र त्यसपछि नदी किनार र सडकबीचको हरियाली क्षेत्र ओगटेर बसेकाहरूलाई हटाउन निर्देशन दिएको छ। यो काम गर्न काठमाडौं उपत्यकाभित्...

पूर्णपुष्टि, साउन १ । चितवनको सिमलतालमा शुक्रबार भएको बस दुर्घटनामा बेपत्ता भएका यात्रु र बसको खोजीका लागि उच्च प्रविधिको 'सोनार क्यामरा' प्रयोग गरिएको छ। सशस्त्र प्रहरी बलको विशेष टोलीले सोमबारदेखि यो प्रविधि प्रयोग गरेर खोजी कार्य तीव्र पारेको छ। सशस्त्र प्रहरीका एसपी जनक पुरीका अनुसार यो नयाँ सोनार क्यामराले तीन सय मिटर गहिराइसम्मको वस्तुको आकार र आकृतिको सूचना दिन सक्छ। यसले पानीमुनि रहेका वस्तुहरूको स्पष्ट संकेत दिने भएकोले खोजी कार्यमा ठूलो सहयोग पुग्ने अपेक्षा गरिएको छ। उद्धार टोलीले मोटरबोटमा रहेर घटनास्थलदेखि तलतिर खोजी गरिरहेको छ। पानीको बहाव उच्च र धमिलो भए पनि सोनार क्यामराको कार्यक्षमतामा असर नपर्ने बताइएको छ। टोलीले घटनास्थलबाट ५० किलोमिटर तलसम्म खोजी गर्ने योजना बनाएको छ। दुर्घटनामा दुई वटा बस र ६५ जना यात्रु बेपत्ता भएका थिए। हाल सम्म १५ जनाको शव फेला परिसकेको छ भने अन्य...

पूर्णपुष्टि, साउन १ । प्रधानमन्त्री केपी शर्मा ओलीले आफ्नो नेतृत्वको वर्तमान सरकारले सबै क्षेत्रमा सकारात्मक परिणाम ल्याउने प्रतिबद्धता व्यक्त गरेका छन्। मंगलबार बालुवाटारस्थित सरकारी निवासमा आयोजित एक कार्यक्रममा बोल्दै प्रधानमन्त्री ओलीले भ्रष्टाचार नियन्त्रण, विकास निर्माण, र जनतालाई राहत दिने विषयमा सरकारले ठोस काम गर्ने बताए। "नेपाली जनतामा जुन विश्वास जागेको छ, आशा र भरोसा जागेको छ, त्यसमा मेरो ध्यान गएको छ," प्रधानमन्त्री ओलीले भने। उनले कठिनाइमा परेका जनताको हित, सुशासन र विकासका लागि सरकार प्रतिबद्ध रहेको उल्लेख गर्दै सबैलाई आश्वस्त हुन आग्रह गरे। प्राकृतिक विपत्तिबाट भएको क्षतिलाई सरकारले गम्भीरतापूर्वक लिएको र आवश्यक राहत व्यवस्था मिलाउने काम अघि बढाइएको जानकारी दिँदै प्रधानमन्त्रीले नयाँ सरकार गठन भएपछि देशभर आशा र भरोसाको वातावरण सिर्जना भएको दाबी गरे। प्रधानमन्त्री ओलीले आ...

पूर्णपुष्टि, असार १ ।  केपी शर्मा ओली नेतृत्वको नयाँ सरकारले पहिलो दिनमै मन्त्रिपरिषद्लाई पूर्णता दिएको छ। प्रधानमन्त्री ओलीसहित २२ जना मन्त्रीले एकैसाथ शपथ लिएका छन्। यस मन्त्रिपरिषद्मा कांग्रेस र एमालेका साथै जसपा र लोसपा पनि सहभागी छन्। नवगठित मन्त्रिपरिषद्मा दुई उपप्रधानमन्त्री छन् - कांग्रेसका प्रकाशमान सिंह–सहरी विकास) र एमालेका विष्णु पौडेल (अर्थ)। अन्य प्रमुख मन्त्रीहरूमा कांग्रेसबाट रमेश लेखक (गृह), आरजु राणा (परराष्ट्र), प्रदीप पौडेल (स्वास्थ्य), र एमालेबाट मनवीर राई (रक्षा), पृथ्वी सुब्बा गुरुङ (सञ्चार) रहेका छन्। तर, २२ सदस्यीय मन्त्रिपरिषद्मा महिला र दलित समुदायको प्रतिनिधित्व न्यून भएको भन्दै आलोचना भइरहेको छ। केवल दुई जना महिला मन्त्री - कांग्रेसकी आरजु राणा र एमालेकी विद्या भट्टराईको नियुक्तिले समावेशिताको प्रश्न उठाएको छ। त्यसैगरी, दलित समुदायबाट कुनै प्रतिनिधित्व नभएकोल...

पूर्णपुष्टि, साउन १ । कोशी प्रदेशका मुख्यमन्त्री हिक्मतकुमार कार्की र माओवादी केन्द्र कोशी प्रदेश संसदीय दलका नेता इन्द्रबहादुर आङ्बोबीच आइतबार साँझ भएको छलफलले प्रदेश सरकारको भविष्यबारे अन्योल कायमै राखेको छ। केन्द्रमा नयाँ गठबन्धन बनेपछि प्रदेश सरकारमा माओवादी मन्त्रीहरूको भविष्यबारे चर्चा भए पनि ठोस निर्णय भएको छैन। मुख्यमन्त्री कार्कीले तत्काल माओवादी मन्त्रीहरूलाई नहटाउने इच्छा राखेको स्रोतले जनाएको छ। विगतमा गरिएको प्रतिबद्धता र संवैधानिक जटिलताका कारण मुख्यमन्त्री कार्की दुविधामा परेको बुझिएको छ। उनी संविधानको धारा १६८ (५) लाई दोस्रो पटक प्रयोग गरी मुख्यमन्त्री बनेका हुन्, जसले गर्दा अदालतबाट प्रदेश सभा विघटन हुने चिन्ता छ। केन्द्रमा एमाले र कांग्रेसबीच कोशी प्रदेशमा वर्तमान सरकारलाई निरन्तरता दिने सहमति भएको बताइएको छ। यसले गर्दा कांग्रेसलाई समेट्नुपर्ने बाध्यता मुख्यमन्त्री ...

पूर्णपुष्टि, साउन १ । चितवनको भरतपुर महानगरपालिका–२९ अन्तर्गत नारायणगढ–मुग्लिन सडकको सिमलतालमा गत असार २८ गते बिहान भएको भीषण बस दुर्घटनामा १५ जनाको शव फेला परेको छ। सशस्त्र प्रहरी बलका अनुसार मृतकमध्ये आठ जनाको सनाखत भएको छ। सनाखत भएका व्यक्तिहरूमा तीन भारतीय नागरिक रहेका छन्। भारतको बिहार सीतामणिका २८ वर्षीय ऋषिपल साह, पश्चिम चम्पारण बेतिया थानाका ३० वर्षीय जयप्रकाश ठाकुर र बेतिया मझेलिया थानाका ३० वर्षीय सजाद अन्सारीको शव पहिचान भएको छ। नेपाली नागरिकहरूमा चितवनको माडी–१ का २२ वर्षीय विकास परियार, सर्लाहीको वरथहवा–३ का १९ वर्षीय रमितकुशर माझी, भरतपुर महानगरपालिका–२२ पटहानीका २३ वर्षीय सुदीप विक, बाराको विश्रामपुर–६ का ४३ वर्षीय परमानन्द पण्डित र रौतहटका १७ वर्षीय फिरोज राहुप मियाँको शव पहिचान गरिएको छ। दुर्घटनामा परेका दुई बस मध्ये एउटा वीरगञ्जबाट काठमाडौँ आउँदै गरेको बागमति प्रदेश...

पूर्णपुष्टि, साउन १ । काठमाडौं महानगरपालिकाले भद्रकाली मन्दिर परिसरका राणाकालीन सत्तलहरूलाई नेवारी शैलीमा पुनर्निर्माण गर्ने निर्णय गरेपछि विवाद उत्पन्न भएको छ। महानगरपालिकाका उपमेयर सुनिता डंगोलले २७ असारमा सत्तल पुनर्निर्माणको शिलान्यास गरेकी छन्। महानगरले तुल्सी अम्बुजा जेभीलाई ३६ करोडमा ठेक्का दिएर अहिलेको राणाकालीन सत्तल भत्काउने काम सुरु गरेको छ। तर यो निर्णयको स्थानीय बासिन्दा, गुठीयारहरु, पुरातत्वविद्, संरक्षण अभियन्ता र पुरातत्व विभागले विरोध गरेका छन्। पुरातत्व विभागले महानगरपालिकाबाट प्रस्ताव भएको नेवारी शैलीमा सत्तल निर्माण गर्न अनुमति नदिएको जनाएको छ। विभागका अनुसार यो राणाकालीन निओ(क्लासिक शैलीमै पुनर्निर्माण हुनुपर्छ। मेयर बालेन शाहले भने फेसबुकमा लेख्दै स्थानीय र पुरातत्व विभागको विरोधका बाबजुद नेवारी शैलीमै सत्तल बनाउने अडान राखेका छन्। उनले यो सुरुवात भएको र परम्परा...

पूर्णपुष्टि, साउन १ । नेपालमा फेरि एकपटक संविधानको चीरहरण र राजनीतिक अस्थिरताको खतरा बढेको विश्लेषकहरूले चेतावनी दिएका छन्। हालै गठित नयाँ सरकार संविधानको स्पष्ट व्यवस्थालाई उल्लंघन गरेर बनेको आरोप लागेको छ। संविधानविद् तथा राजनीतिक विश्लेषक एक जनाले भने, ‘संविधानको धारा ७६(३) अनुसार दुई वा दुईभन्दा बढी दलको समर्थनमा बनेको सरकारले विश्वासको मत लिन असफल भएमा संसदको ठूलो दलको नेतालाई प्रधानमन्त्री नियुक्त गर्नुपर्ने व्यवस्था छ। तर यसपटक त्यसो नगरी दुई ठूला दलको सम्झौताका आधारमा सरकार गठन गरिएको छ।’ उनले थपे, ‘यसअघि पनि संसद विघटन, संवैधानिक नियुक्तिमा अनियमितता जस्ता घटनाहरू भएका थिए। अहिले पनि संविधान संशोधनको नाममा समावेशिता, संघीयता, धर्मनिरपेक्षता जस्ता संवैधानिक मूल्यमाथि प्रहार हुनसक्ने आशंका छ।’ राजनीतिक विश्लेषक अर्का एक जनाले भने, ‘पटक–पटक सरकार परिवर्तन र गठबन्धन फेरबदलले राज...