समाचार

पूर्णपुष्टि, भाद्र २८ ।  उदयपुर जिल्लाको चौदण्डीगढी नगरपालिका ९ लालाभित्तेमा आज एक व्यक्तिको सिंचाईको पोखरीमा डुबेर मृत्यु भएको छ। स्थानीय वडा अध्यक्ष प्रकाश राउतका अनुसार अत्याधिक गर्मीका कारण पौडी खेल्न गएका अन्दाजी ६५ वर्षीय गोरेमान राईको दुर्घटनावश मृत्यु भएको हो। मृतक राई लगभग २५-३० वर्षदेखि भारतमा बस्दै आएका थिए र एक वर्ष अघि मात्र लालाभित्तेमा फर्केर आफ्ना दाजु सिताराम राईको घरमा बस्दै आएका थिए। स्थानीयका अनुसार राई अविवाहित थिए। घटनाको खबर पाउनासाथ इलाका प्रहरी कार्यालय बेल्टारबाट प्रहरी निरीक्षक बबिन राईको नेतृत्वमा टोली घटनास्थल पुगेको थियो। पोखरीबाट शव निकालेर पोस्टमार्टमका लागि नगर अस्पताल बेल्टार लैजाने तयारी भैरहेको प्रहरीले जनाएको छ ।...

देश महायात्रा, ऋतु आधारित संगठन परिचालन र स्थानीय तह केन्द्रित कार्यक्रम मार्फत जनतासँग नजिक हुने योजना उदयपुर, भदौ २४ । नेकपा माओवादी केन्द्रका नेता एवम् पूर्वमन्त्री सुदन किराँतीले नेपाली मौलिकतामा समाजवादी विचारको निर्माण र संगठन परिचालन सम्बन्धी सुझाव बैठकमा राख्नुभएके छ । पार्टीलाई जनताको नजिक लैजाने र नेपाली परिप्रेक्ष्यमा समाजवादी मोडेल विकास गर्ने महत्वाकांक्षी लक्ष्य अनुरुपकाे सुझाव उहाँकाे छ । विचार निर्माणका रणनीतिहरूस्थ देश महायात्रा : पार्टीका नेता किरातीले प्रस्तुत गरेको योजना अनुसार अध्यक्ष पुष्पकमल दाहाल (प्रचण्डु)को नेतृत्वमा देश महायात्रा सञ्चालन गरिनुपर्ने । यस यात्राको उद्देश्य नेपाली समाजको वर्तमान अवस्था र जनजीवनलाई नजिकबाट बुझ्नु रहेको छ । "यो महायात्राले हिमाल, पहाड र मधेशको संस्कृतिलाई मिहिन ढंगले बुझ्न मद्दत गर्नेछ । हामी जनताको दैनिक जीवन, उनीहरूका समस्या ...

पूर्णपुष्टि, भाद्र २४ ।  सिंगापुर प्रहरीको गोर्खा कन्टिन्जेन्टमा कार्यरत पाँच जना नेपालीलाई हुण्डी कारोबारमा संलग्न भएको आरोपमा जेल सजाय सुनाइएको छ। द स्ट्रेट्स टाइम्स पत्रिकाका अनुसार, दोषी ठहर भएका व्यक्तिहरूमा दिकबहादुर गुरुङ, गंगाप्रसाद राई, अशोककुमार थापा मगर, मिङ्मार शर्पा र सीताराम तामाङ रहेका छन्। उनीहरूमाथि १ लाखदेखि २८ लाख सिंगापुर डलरसम्म अवैध रूपमा नेपाल पठाएको आरोप लागेको थियो। सबैभन्दा बढी सजाय दिकबहादुर गुरुङलाई भएको छ, जसलाई १४ हप्ताको जेल सजाय सुनाइएको छ। अन्य दोषीहरूलाई ४ देखि १० हप्तासम्मको जेल सजाय तोकिएको छ। सिंगापुर प्रहरीले यी पाँच जनालाई अवैध कारोबारको आरोप लागेपछि फ्रन्टलाइन ड्यूटीबाट हटाएको थियो। जेल सजायपछि उनीहरूमाथि आन्तरिक कारबाही पनि सुरु हुने जनाइएको छ। यस प्रकरणमा अर्का एक नेपाली, प्रतीक थापा, माथि पनि अनुसन्धान भइरहेको छ। उनी हाल फरार रहेका छन्। अभियोजक...

पूर्णपुष्टि, भाद्र २४ । नेपाल पत्रकार महासंघका अध्यक्ष विपुल पोखरेलले आफ्नो पदबाट राजीनामा दिएका छन्। पोखरेलले वरिष्ठ उपाध्यक्ष रमेश विष्टलाई राजीनामा पत्र बुझाएको महासंघका एक पदाधिकारीले पुष्टि गरेका छन्। राजीनामाको मुख्य कारणमा महासंघको निर्वाचन दुई पटक तोकिए पनि हुन नसकेको र यससँग सम्बन्धित विभिन्न समस्याहरू रहेका छन्। पोखरेलले आफ्नो राजीनामा पत्रमा पुनः निर्वाचन कार्यतालिका ल्याउन नसक्नु, सदस्यता विवादका लागि बसेको बैठकबाट केही पदाधिकारी बाहिरिनु, र केही पदाधिकारीले उपस्थितिमा हस्ताक्षर नगर्नु जस्ता कारणहरू उल्लेख गरेका छन्। पोखरेलले राजीनामा पत्रमा लेखेका छन्, "सिंगो बैठकले सदस्यताको सूचिप्रति अपनत्व जनाउन आनाकानी गर्नुले अब हुने निर्वाचनप्रति पनि सर्वस्वीकार्यता हुने महसुस गरेन।" उनले यस्तो अवस्थामा निर्वाचन सम्पन्न गर्न आफू समर्थ नभएको बताएका छन्। साथै, पोखरेलले ...

पूर्णपुष्टि, भाद्र २४ ।  नेपाली सेनाको ४५ औं प्रधानसेनापतिको रूपमा अशोकराज सिग्देलले आज औपचारिक रूपमा कार्यभार सम्हाल्दैछन्। राष्ट्रपति एवम् नेपाली सेनाका परमाधिपति रामचन्द्र पौडेलले बिहान १० बजे सिग्देललाई दर्ज्यानी चिह्न प्रदान गर्ने कार्यक्रम रहेको छ। त्यसपछि सिग्देलले जंगी अड्डामा आएर आफ्नो कार्यभार सम्हाल्नेछन्। सिग्देलको नियुक्ति १२ भदौमा भएको थियो, जुन २४ भदौदेखि लागू हुने गरी गरिएको थियो। उनले निवर्तमान प्रधानसेनापति प्रभुराम शर्माको स्थान लिएका हुन्, जो २४ साउनदेखि बिदामा बसेका थिए। ३७ वर्षको सैनिक अनुभव बोकेका सिग्देल भैरहवाका स्थायी बासिन्दा हुन्। उनले रणनीतिक अध्ययनमा त्रिभुवन विश्वविद्यालय र चीनको राष्ट्रिय डिफेन्स युनिभर्सिटीबाट स्नातकोत्तर गरेका छन्। उनको अनुभवमा जंगी अड्डाको युद्धकार्य विभाग र व्यवस्था, नीति तथा योजना महानिर्देशनालयको नेतृत्व, प्रधानसेनापतिको सैनिक सचिव, ...

पूर्णपुष्टि, भाद्र २४ ।  उदयपुर जिल्लामा हजारौं राष्ट्रिय परिचयपत्त्र वितरण नभई थन्किएका छन्। जिल्ला प्रशासन कार्यालय उदयपुरको तथ्यांक अनुसार ३६,८०० भन्दा बढी परिचयपत्र अझै पनि कार्यालयमा थन्किएर रहेका छन्। उदयपुरका सहायक प्रमुख जिल्ला अधिकारी लक्ष्मीप्रसाद रेग्मीले दिएको जानकारी अनुसार हालसम्म केवल ७,०२८ जनाले मात्र आफ्नो परिचयपत्र बुझेका छन्। घुम्ती टोली र जिल्ला प्रशासन कार्यालय मार्फत परिचयपत्रको विवरण दर्ता गराइएको थियो। राष्ट्रिय परिचयपत्र विभागका कर्मचारी जीवन फुँयालका अनुसार २०८० बैशाखसम्म लिएको विवरण छापिएर आएको छ। कार्यालयले सम्बन्धित व्यक्तिहरूको मोबाइल नम्बरमा सन्देश पठाए पनि धेरैजना परिचयपत्र लिन नआएको जनाएको छ। यसको कारणमा परिचयपत्रको महत्व नबुझ्नु, मोबाइल नम्बर परिवर्तन हुनु, सम्बन्धित व्यक्तिको मृत्यु हुनु, देश बाहिर रहनु वा सन्देश नहेर्नु जस्ता कुराहरू हुन सक्ने फुँयालले...

पूर्णपुष्टि, भदौ २४  । रेडक्रस रौतामाई गाउँपालिका उपशाखाको अधिवेशन सम्पन्न भई नेतृत्व चयन भएको छ। अधिवेशनले दिपक कुमार राईको सभापतित्वमा ११ सदस्यीय उपशाखा समिति गठन गरेको छ। निर्वाचन अधिकृत मदन भुजेलका अनुसार, नवनिर्वाचित पदाधिकारीहरूमा धनकुमारी थापा मगर (महिला उपसभापति), कृष्ण बहादुर खत्री (सचिव), विरेन्द्र खड्का (कोषाध्यक्ष), रामकुमार लायो मगर (उपसचिव) र रुद्र बहादुर मगर (उपकोषाध्यक्ष) रहेका छन्। सदस्यहरूमा देवीमाया दाहाल, जितेन्द्र दक्त, प्रहलाद बहादुर खत्री, सुरेन्द्र राई र लाल बहादुर दाहाल चयन भएका छन्। रौतामाई गाउँपालिका अध्यक्ष बिरेन्द्र मगरको प्रमुख आतिथ्यतामा सम्पन्न अधिवेशनमा उपाध्यक्ष भुपिन्द्र थापा, संविधानसभा सदस्य बिमला एसके, नेपाल रेडक्रस सोसाइटी उदयपुर सभापति मदनराज कटुवाल लगायतको उपस्थिति रहेको थियो। रेडक्रस उदयपुरका जिल्ला सभापति मदनराज कटुवालका अनुसार स्थानीय तह स्तरी...

पूर्णपुष्टि, भदौ २४ ।  उदयपुर जिल्ला अस्पतालका मेडिकल सुपरिटेन्डेन्ट डा. ज्ञानेन्द्र कुमार झाको सरुवा भएपछि शनिबार एक कार्यक्रमको आयोजना गरी उनको बिदाई गरिएको छ। दुई वर्षअघि उदयपुर अस्पतालमा आएका हार्डजोर्नी तथा नशा रोग विशेषज्ञ सर्जन डा. झाले आफ्नो कार्यकालमा अस्पतालको संस्थागत सुधार र सेवा प्रवाहमा उल्लेखनीय योगदान पुर्‍याएका थिए। डा. झाको नेतृत्वमा उदयपुर जिल्ला अस्पतालले कोशी प्रदेशमा दुई पटक उत्कृष्ट अस्पतालको रूपमा पुरस्कार प्राप्त गरेको थियो। उनको कार्यकालमा अस्पतालमा रेडियोलोजिस्ट नियुक्ति, अप्रेशन सेवा, एसएनसियु सेवा, फिजियोथेरापी, डाइलासिस सेवा, बिशेषज्ञ सेवा लगायत थुप्रै नयाँ सेवाहरू सुरु गरिएको थियो। बिदाई समारोहमा त्रियुगा नगरपालिकाका मेयर बसन्त बस्नेतले डा. झालाई कुशल डाक्टर र प्रशासकको रूपमा प्रशंसा गर्दै उनको अभाव महसुस हुने बताए। स्वास्थ्य कार्यालय उदयपुरका खोप सुपरभाइजर...

पूर्णपुष्टि, भदौ २३ । अखिल नेपाल स्वतन्त्र विद्यार्थी युनियन (क्रान्तिकारी) को केन्द्रीय उपाध्यक्ष नरेश रेग्मी शर्माले आगामी २३ औं राष्ट्रिय सम्मेलनमा अध्यक्ष पदका लागि उम्मेदवारी घोषणा गरेका छन्। आज त्रियुगा जनता बहुमुखी क्याम्पस मोडिगताको स्व.वि.यु. भवनमा पत्रकार सम्मेलनमा बोल्दै रेग्मीले वर्तमान शैक्षिक व्यवस्थामा रहेका विसंगति र समस्याहरूलाई सम्बोधन गर्न विद्यार्थी आन्दोलनलाई पुनः परिभाषित गर्नुपर्ने आवश्यकता रहेको बताए। उनले भने, "हामीले समाजवादी शिक्षाको कुरा गरिरहेका छौं, तर व्यवहारमा त्यसलाई लागू गर्न सकिरहेका छैनौं।" रेग्मीले प्रमुख शैक्षिक चुनौतीहरूमा सामुदायिक विद्यालयहरूको गिर्दो स्तर, विश्वविद्यालय शिक्षाको गुणस्तर र प्राविधिक शिक्षाको अपर्याप्तता रहेको उल्लेख गरे। उनले भने, "हाम्रा विश्वविद्यालयहरू केवल प्रमाणपत्र वितरण केन्द्र जस्ता भएका छन्। हामीले शिक्षालाई रोजगारीसँग जो...

पूर्णपुष्टि, भदौ २३ । सप्तरीको सुरुङ्गा नगरपालिका वडा नं. २ रक्साहामा जनयुद्धका दुई प्रथम सहिदहरूको शालिक अनावरण हुने भएको छ। सोमबार दिउँसो ३ बजे पूर्व प्रधानमन्त्री तथा नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल (प्रचण्ड) ले जनयुद्धका प्रथम सहिद कमरेड दुर्गाराज पौडेल (सुरज) र उपेन्द्र बहादुर कोइराला (अर्जुन) को शालिक अनावरण गर्ने कार्यक्रम रहेको छ। नेकपा माओवादी केन्द्र सुरुङ्गा नगरपालिका सप्तरीले यस कार्यक्रमको आयोजना गरेको छ।  ...