समाचार

गाईघाट, फागुन १५ गते ।  आज सुनको भाउ तोलामा दुई सय रुपैयाँले बढेको छ । सुन बढेर बिहीबार तोलाको ७९ हजार सात सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको हो । हिजो  तोलामा पाँच सय रुपैयाँ घटेर सुन तोलाको ७९ हजार पाँच सय रुपैयाँ थियो । सुनको भाउ बढे पनि चाँदीको भाउ बिहीबार तोलामा ५ रुपैयाँ घटेर तोलाको नौ सय रुपैयाँमा कारोबार भईरहेको संघले जनाएको छ ।...

गाईघाट, फागुन १५ गते ।  आज सवै विदेशी मुद्राको भाउ घटेको छ । नेपाल राष्ट्रबैंकले बिहीबार अमेरिकी डलर १ कोे खरिददर १ सय १४ रुपैयाँ ३६ पैसा र बिक्रीदर १ सय १४ रुपैयाँ ९६ पैसा तोकेको छ । हिजो यसको एकको खरिददर १ सय १४ रुपैयाँ ७२ पैसा र बिक्रीदर १ सय १५ रुपैयाँ ३२ पैसा थियो । साउदी रियाल एकको खरिददर ३० रुपैयाँ ४८ पैसा र बिक्रीदर ३० रुपैयाँ ६४ पैसा तोकेको छ । हिजो बुधबार खरिददर ३० रुपैयाँ ५७ पैसा र बिक्रीदर ३० रुपैयाँ ७३ पैसा थियो । त्यस्तै कतारी रियाल १ को खरिददर ३१ रुपैयाँ ४० पैसा र बिक्रीदर ३१ रुपैयाँ ५७ पैसा तोकेको  छ । हिजो यसको १ को खरिददर ३१ रुपैयाँ ५१ पैसा र बिक्रीदर ३१ रुपैयाँ ६७ पैसा रहेको थियो । ओमानी रियाल १ को खरिददर २ सय ९९ रुपैयाँ ५२ पैसा पुगेको छ । हिजो यसको खरिददर ३ सय रुपैयाँ रहेको थियो । त्यस्तै यूएई दिर्हाम १ को खरिददर ३१ रुपैयाँ १४ पैसा र बिक्रीदर ३१ रुपैयाँ ३० पैसा...

गाईघाट, फागुन १५ गते ।  चीनको वुहानबाट फैलिएको कोरोना भाईरस (कोभिड १९) को संक्रमणबाट २८ सय चार जनाको मृत्यु भईसकेको छ । चीनमा मात्रै अहिलेसम्म ३२ हजार पाँच सय सात जना र चीनबाहिर तीन सय १० जनामा कोरोना संक्रमित उपचारपछि घर फर्किएका छन् । अहिलेसम्म ४८ देश वटा देशमा कोरोना भाईरसको संक्रमण फैलिसकेको छ । चिनमा मात्रै दुई हजार सात सय ४७ जनामा कोरोना भाईरसको संक्रमण फैलिएको छ भने ८२ हजार एक सय ६६ जनामा संक्रमण भएको पुष्टि भईसकेको छ । चीनपछि इरानमा सबै भन्दा धेरै १९, दक्षिण कोरियामा १३, इटालीमा १२, जापानमा सात, फ्रान्स र हङकङमा दुई–दुई तथा ताइवान र फिलिपिन्समा एक–एक जनाको ज्यान गएको छ ।...

गाईघाट, फागुन १५ गते । आजदेखि मौसम सुधार हुने मौसम पूर्वनुमान महाशाखाले जनाएको छ । विहिबार मध्य र पूर्वको पहाडी क्षेत्रमा पश्चिमी मौसम आशिंकदेखि सामान्य बदली भएपनि पानी नपर्ने महाशाखाले जनाएको हो । शनिबारदेखि देशभर मौसम बदली भइ केही ठाउँमा चट्याङसहित पानी पर्ने सम्भावना रहेको महाशाखाले जनाएको छ ।

गाईघाट, फागुन १५ गते ।  चिनबाट फैलिएको कोरोना भाईरस (कोभिड–१९) का संक्रमणको जोखिम मोलेर नेपाली क्रिकेट टिम थाईल्याण्ड जाने भएको छ । आगामी शनिबारदेखि सुरु हुने एसीसी पूर्वी क्षेत्रीय टी–२० क्रिकट प्रतियोगिताको लागि कोरोनाको जोखिम मोलेर नेपाली टोली विहिबार थाइल्याण्ड जाने भएको हो । उक्त प्रतियोगितामा चीन, भुटान र म्यानमारले सहभागिता नजनाउने निर्णय गरिसकेको छ । थाइल्याण्डमा ४० जनामा कोरोनाको संक्रमण पुष्टि भईसकेको छ भने २५ जनाको मृत्यु भईसकेको  विभिन्न सञ्चारमाध्यमहरुले जनाएको छ । नेपाली क्रिकेट टिमलाई कोरोनाबाट बच्न सावधानी अपनाउन नेपाल क्रिकेट संघ (क्यान) ले आग्रह गरेको द्ध भने खेल मैदान र होटेल भन्दा बाहिर नजान खेलाडीहरुलाई सुझाव दिनुभएको छ । शनिबारदेखि मार्च ६ सम्म संचालन हुने प्रतियोगितामा सहभागी हुन १४ जना खेलाडी, अफिसियल, फिजियोसहित १८ जना थाइल्याण्ड जाने भएको संघले जनाएको छ ।...

फागुन १५ गते ।  बरामद गरेको सुन बाँडिचुडी खाएको आरोपमा प्रहरी निरिक्षकसहित १६ जना प्रहरीलाई निम्बन गर्न अख्तियार दुरुपयोग अनुसन्धान आयोगले सिफारिस गरेको छ । सीमा प्रहरी चौकी टिमुरेका प्रहरी निरीक्षक खेमप्रसाद नेपालसहित १६ प्रहरी कर्मचारीलाई आयोगले निलम्बन गर्न सिफारिस गरेको हो । प्रहरीले गत पुस ११ गते नेपाल–चीन सिमाना केरुङबाट नेपाल आउँदै गरेको ना ६ ख ४९३२ नम्बरको कन्टेनरका चालक फुर्वा पासाङको साथबाट चार सय २२ ग्राम सुन बरामद गरेको थियो । उक्त सुन आवश्यक कानुनी प्रक्रियाका लागि सम्बन्धित निकायमा बुझाउनुपर्नेमा आपसमा बाँडफाँड गरी लिएको आरोपमा उनीहरुलाई निलम्बन गर्न प्रहरी प्रधान कार्यालयलाई सिफारिस गरेको आयोगले जनाएको छ । सई भोजबहादुर सेन वली, असई रामशरण कुमाल, हवलदारहरु रामशरण रिमाल, पुरुषोत्तम खत्री, रामकाजी लामा र गोपीबहादुर लो तामाङ र प्रहरी जवानहरु युवराज खरेल, शिवनारायण चौधरी...

पूर्णपुष्टि, फागुन १४ गते ।  कैलालीको धनगढीमा प्रथम सुदूरपश्चिम खाना महोत्सव–२०७६ सुरु भएको छ । होटल व्यवसायी संघ कैलालीको आयोजनामा ‘मौलिक परम्परा, संस्कृति र प्रकृति सुदूरपश्चिमको गहना पर्यटन प्रवद्र्धन गरी आर्थिक समृद्धि ल्याउने हाम्रो चाहना’ भन्ने मुल नाराका साथे खुला मञ्चमा महोत्सव सुरु भएको हो । विभिन्न जातजातिका पञ्चकन्या, पञ्चेबाजा, सुदुरपश्चिमको मौलिक बाजा नरसिंगा र प्रदेशका ९ जिल्लाका ९ वटा दीप प्रज्वलन गरेर खाना महोत्सवको उद्घाटन गरिएको थियो । सुदूरपश्चिमका विभिन्न समुदायका जातजातीका परम्परागत मौलीक खानाका परिकारहरु उनीहरुकै भेषभूषा, संस्कार र संस्कृति झल्किने गरी खुवाउने गरिरहेको होटेल व्यवसायी संघले जनाएको छ । प्रदेशका स्थानीय समुदायका खानाका मीठा परिकारमा गतानी डुब्का, रोट, माणा, निसौसे, बाबर, बटुक, ढिक्री, अन्डीभात, भुबुरे लगायतका परिकारहरुको स्वाद महोत्सवमा चाख्न...

तेह्रथुम, फाल्गुन १४ गते ।  तेह्रथुमको फेदापमा कुलो बनाउन गरएका टेकहादु लिम्बु मृत फेला परेको छ । फेदाप गाउँपालिका–२ निबासी ५७ बर्षीय लिम्बु पंचमी सल्लेरी सामुदायिक वनको कुलो मुनी मृत फेला परेका हो । मंगलवार बिहान ७ बजे कुलो बनाउन भनी गएका लिम्बु घर फर्केर नआएपछी खोजतलास गर्ने क्रममा बुधबार विहान कुलो भन्दा करिव एक सय मिटर तल मृत फेला परेको प्रहरीले जनाएको छ । घटनाको थप अनुसन्धान भईरहेको जिल्ला प्रहरी कार्यालय तेह्रथुमले जनाएको छ ।...

भोजपुर,  फागुन १४ गते ।  भोजपुर हतुवागढीको ठाडो खोलाले बगाएर एक युवाको मृत्यु भएको छ । हतुवागढी गाउँपालिका–६ निबासी २८ बर्षीय गौतम राईलाई खोलाले बगाएर मृत्यु भएको हो । मंगलवार ससुराली घर छिन्ताङमा श्रीमतीलाई छाडेर एक्लै घर फर्केका राई बेलुकासम्म घर नआएपछि खोजतलास गर्ने क्रममा बुधबार विहान खोलाको बगरमा ढुङ्गामा च्यापिएर मृत अवस्थामा फेला पारेको प्रहरीले जनाएको छ । घटनाको थप अनुसन्धान भईरहेको जिल्ला प्रहरी कार्यालय भोजपुरले जनाएको छ ।...

पूर्णपुष्टि, फागुन १४ गते ।  आज अहिलेसम्मकै बढी शेयर बजारमा कारोबार भएको छ । कारोबार बन्द हुँदासम्म ४ अर्ब १५ करोड, ४८ लाख, ८३ हजार ९२ रुपैयाँको कारोबार भएको हो । यसअघि गत आइतबार ३ अर्ब ६० करोड, ८५ लाख, २६ हजार ३ सय ५४ रुपैयाँको कारोबार भएको थियो । उक्त रेकड तोड्दै बुधबार ४ अर्ब १५ करोड, ४८ लाख, ८३ हजार ९२ रुपैयाँको कारोबार भएको हो । दिनभर ९९ लाख ६ हजार ९ सय ८९ कित्ता शेयर किनबेच भएको छ । रिसूचक करिब ५१ अंकले बढेर १५ सय ९६.१३ विन्दुमा पुगेर कारोबार बन्द भएको थियो । नेप्से परिसूचक आज ३ दशमलव ३ प्रतिशतले बढ्दा ‘क’ वर्गका कम्पनी कारोबार मापन गर्ने सेन्सेटिभ इन्डेक्स पनि २ दशमलव ९१ प्रतिशतले बढेको छ ।...