Breaking News 2

पूर्णपुष्टि, चैत २९ गते । सालको काठसहित प्रहरीले चार जनालाई नियन्त्रणमा लिएको छ । जिल्ला प्रहरी कार्यालय सुर्खेतले सोमबार वीरेन्द्रनगर नगरपालिका सुर्खेत बाङ्गेसिमलबाट सालको काठ बरामद गरेको छ । पश्चिम सुर्खेतको पञ्चपुरी नगरपालिकाको सालकोट स्वास्थ्यचौकी भवनका पुरानो सालको काठ सल्यानको सल्लीबजार लैजाँदै गर्दा वीरेन्द्रनगरको बाङ्गेसिमल जाँच चौकीबाट प्रहरी टोलीले सो काठ बरामद गरेको हो । काठसँगै चार जना व्यक्तिलाई नियन्त्रणमा लिएको जिल्ला प्रहरी कार्यालय सुर्खेतका सूचना अधिकारी एवं प्रहरी नायब उपरीक्षक रामप्रसाद घर्तीले बताए । उनले पञ्चपुरी नगरपालिका–८ सुर्खेत का २० वर्षीय चालक तोरण विक, २१ वर्षीय प्रेम विक, भेरीगङ्गा नगरपालिका–९ सुर्खेत का ३९ वर्षीय रामजी गुप्ता र सोही नगरपालिाका–६ का ३५ वर्षीय कुलवीर विक पक्राउ परेको घर्तीले बताए । उनका अनुसार गुप्ताले व्यक्तिगत प्रयोजनका लागि भे १ ख १२४२ नं...

पूर्णपुष्टि, चैत २९ गते । मोटरसाइकल दुर्घटनामा परी चार महिने शिशुको मृत्यु भएको छ, भने दुई जना घाईते भएका छन् । भक्तपुरको नलिञ्चोकमा साँगाबाट जगातीतर्फ आउदै गरेको बाग्मती प्रदेश ०२–०२१ प ६७६२ नम्बरको मोटरसाइकल आफैं अनियन्त्रित भई दुर्घटना भएको थियो । दुर्घटनामा काभ्रेपलाञ्चोक पाँचखाल नगरपालिका–१ का बुद्ध तामाङ र सुस्मिता तामाङकी चार महिलाकी छारी लोसाङ डोल्लमाको मृत्यु भएको हो । दुर्घटनामा घाइते भएको शिशुलाई सिद्धि स्मृति अस्पताल प्राथमिक उपचार पश्चात थप उपचारको लागि न्युरो अस्पताल लगेकोमा उपचारको क्रममा मृत्यु भएको महानगरीय प्रहरी परिसर भक्तपुरले जनाएको छ । दुर्घटनामा तीनै जना घाइते भएको बुद्ध र सुस्मिता उपचार पछि डिस्चार्ज भइसकेको अस्पतालले जनाएको छ ।...

काठमाण्डौँ, चैत २९ वीरगञ्ज भन्सार कार्यालयबाट इन्धनका आयातमा उलेख्य वृद्धि भएको छ । देशकै प्रमुख व्यापारिक नाका सो भन्सारबाट गत आर्थिक वर्ष आठ महिनाका तुलनामा चालु आवको सोही अवधिमा वीरगञ्ज नाका प्रयोग गरी रु ५६ अर्ब ७० करोड ६३ लाखभन्दा बढी मूल्यको रु १० लाख ९७ हजार २९६ किलोलिटर बढी इन्धन आयात भएको हो । आव २०७७÷७८ को साउनदेखि फागुनसम्ममा रु ५६ अर्ब ४४ करोड २३ लाखको नौ लाख ४१ हजार ५५७ किलोलिटर डिजल, पेट्रोल, मट्टितेल, हवाई इन्धन र एक लाख ६६ हजार ७९७ मेट्रिक टन खाना पकाउने एलपिजी ग्यास आयातको तुलनामा चालु आवको सोही अवधिमा रु एक खर्ब १३ अर्ब १४ करोड ८७ लाख मूल्यको २० लाख ३८ हजार ८५३ किलोलिटर इन्धन र एक लाख ८७ हजार ४५६ मेट्रिक टन ग्यास आयात भएको सो कार्यालयले जनाएको छ । यो समीक्षा अवधिको तुलनामा चालु आवको सोही अवधिमा १००.४६ प्रतिशत बढी मूल्यको ११६।५४ प्रतिशत इन्धन बढी आयात भएको हो । को...

झापा, चैत २८ गते । धुलाबारी–भद्रपुर जोड्ने सडक निर्माणकार्य बजेट अभावमा एक किलोमिटर मात्र कालोपत्र भएको छ । आर्थिक वर्ष २०७९ असार मसान्तसम्म निर्माण सम्पन्न गर्ने गरी निर्माण कम्पनीसँगको ठेक्का सम्झौता भए पनि बजेट अभावमा हाल मेचीनगर नगरपालिका–१० को खयरडाँगीस्थित भेटवाल चोकबाट मेचीनगर–१५ को शिवालय मन्दिर छेउसम्मको सडक मात्र कालोपत्र भएको हो । भद्रपुर धुलाबारी खण्डको लागत मूल्य अभिवृद्धि करसहित प्रदेश नं १ को सरकारको कूल रु २५ करोड ३२ लाख ८४ हजारमा हिम्डुङ एण्ड थोकर सरोज जेभीलाई ठेक्कामा दिइएको थियो । निर्माण कम्पनीले सम्झौताको तीन वर्षको अवधिमा एक किलोमिटर सडक मात्र कालोपत्र गर्न सकेको पूर्वाधार विकास कार्यालय झापाका प्रमुख रमेशकुमार श्रेष्ठले बताउनुभयो । उहाँले बजेट अभावमा जति काम हुनुपर्ने हो त्यति हुन नसकेको बताउनुभयो । “प्रदेश सरकारले समयमा बजेट नपठाउँदा काममा ढिलाइ भइरहेको छ”...

पूर्णपुष्टि, चैत २८ गते । हँसियाले हानेर कैलालीमा एक महिलाले आफ्नै श्रीमानको हत्या गरेको छ । जिल्लाको मोहन्याल गाउँपालिका–१ की ३२ वर्षीया फूमा थापामगरले ४३ वर्षीय श्रीमान नारायण थापामगरको हँसियाले हानेर हत्या गरेको जिल्ला प्रहरी कार्यालय कैलालीले जनाएको छ । ‘सोमबार बिहान इलाका प्रहरी कार्यालय पण्डौनमा मैले श्रीमानको हत्या गरे भन्दै फूमा स्वयंम् उपस्थित भएपछि घटनाबारे थाहा भएको हो,’ प्रवक्ता प्रहरी नायव उपरीक्षक (डीएसपी) वेदप्रकाश जोशीले भने, ‘घटनाको अनुसन्धानका लागि इलाका प्रहरी कार्यालय लम्कीबाट प्रहरी निरीक्षक लोकेन्द्र गुरुको नेतृत्वमा टोली पठाइएको छ ।’ फूमाले प्रहरीलाई बताएअनुसार विगतदेखि नै उनीहरुबीच विवाद हुने गरेको थियो । घटनाको थप विवरण अनुसन्धानबाट मात्र खुल्ने प्रहरी नायब उपरीक्षक जोशीले बताए ।...

पूर्णपुष्टि, चैत २८ गते । जङ्गली च्याउ खाएर तनहुँमा एक जनाको ज्यान गएको छ । च्याउ खाएर बिरामी भएको म्याग्दे गाउँपालिका–३ धयरेकी ४७ वर्षीया सुनिमाया थापाको ज्यान गएको जिल्ला प्रहरी कार्यालय तनहुँले जनाएको छ । यही चैत १८ गते जङ्गलमा च्याउ खोज्न गई घरमा ल्याएर खानासँग तरकारीको रुपमा खाँदा बिरामी भएकी उनको आइतबार नयाँ मेडिकल कलेज चितवनमा ज्यान गएको हो । च्याउ खाएर बिरामी उनलाई दमौली अस्पतालमा उपचारपश्चात् थप उपचारका लागि चितवन पठाइएकामा उपचारको क्रममा ज्यान गएको प्रहरीले जनाएको छ । च्याउ खाँदा दश जना बिरामी भएका थिए ।...

पूर्णपुष्टि, चैत २७ गते । सडक दुर्घटनामा परी दुई जनाको ज्यान गएको छ । दाङको घोराही–९ कटुकीदेखि नारायणपुरतर्फ आउँदै गरेको रा १ प ८३८६ नम्बरको मोटरसाइकल घोराही–८ वन गाउँमा दुर्घटनामा परेको हो । दुर्घटनामा गम्भीर घाइते घोराही–१७ गुलरियाकी ३४ वर्षीया प्रमिला हमालको उपचारको क्रममा राप्ती स्वास्थ्य विज्ञान प्रतिष्ठानमा गएराति ज्यान गएको प्रहरीले जनाएको छ । सोही घटनामा मृतकका छोरा १९ वर्षीय रोहित र १६ वर्षीया छोरी सविना घाइते भएका छन् । दुवैजनाको राप्ती स्वास्थ्य विज्ञान प्रतिष्ठानमा उपचार भइरहेको छ । त्यसैगरी, घोराही–तुलसीपुर सडक खण्डमा युपी ४२ विपी २४०१ भारतीय नम्बर प्लेटको ट्रकले ठक्कर दिँदा तुलसीपुर–१७ का ८ वर्षीय योगेश बस्नेतको ज्यान गएको छ । ठक्करबाट गम्भीर घाइते उनको उपचारका लागि भारतको लखनउ लैजाने क्रममा ज्यान गएको जिल्ला ट्राफिक प्रहरी कार्यालयले जनाएको छ । ट्रक चालक प्रहरीको नियन्त्र...

काठमाण्डौँ, चैत २७ नेपाली सेनाले सशस्त्र प्रहरी बल नेपाललाई पाँच हजार ९० थान हतियार तथा एम्युनिशन उपलब्ध गराएको छ । सैनिक मुख्यालय जङ्गी अड्डामा आज आयोजित समारोहमा प्रधानसेनापति प्रभुराम शर्माले इन्सास राइफल ५०० नाल र लाइट सपोर्ट वेपन ९एलएसडब्लु० ९० नाल एवं सोको एम्युनिशनसहित सामग्री सशस्त्र प्रहरी बलका महानिरीक्षक शैलेन्द्र खनाललाई हस्तान्तरण गर्नुभएको हो । सशस्त्रलाई तालिम, विशिष्ट र अति विशिष्ट व्यक्तिको सुरक्षा, कार्यालय सुरक्षा तथा ठूला कार्यक्रम सञ्चालनका लागि ती हतियार उपलब्ध गराइएको सैनिक जनसम्पर्क तथा सूचना निर्देशनालयले जनाएको छ ।मन्त्रिपरिषद्को यही चैत २४ गते बसेको बैठकमा सेनाद्वारा सहयोगस्वरुप सशस्त्र प्रहरीलाई इन्सास राइफल नौ हजार नाल र एलएसडब्लु एक हजार ६०० नाल हतियार उपलब्ध गराउने निर्णय भएको थियो । सोहीअनुरुप सेनाले आज ती हतियार हस्तान्तरण गरेको र बाँकी हतियार तथा एम...

पूर्णपुष्टि, चैत्र २७ उदयपुरमा रौनियार युवा समिति गठन भएको छ । शुरेस गुप्ताको नेतृत्वमा ११ सदस्यीय समिति गठन भएको हो । शनिवार गाईघाट स्थित रौनियार युवा समिति गठन गरिएको अध्यक्ष सुरेश गुप्ताले जनाए । गुप्ता सँगै उपाध्यक्ष अजय गुप्ता, सचीव आदर्श गुप्ता, सहसचिव रन्जन गुप्ता रहेको छ भने राहुल गुप्ता सदस्य, मुकेश गुप्ता सदस्य, अमर रौनियार, सदस्य, रोहित गुप्ता, सदस्य, पृन्स गुप्ता सदस्य, सागर रौनियार सदस्य शंकर रौनियार सदस्यगरी ११ जना समितिमा रहेको छ । रौनियार समुदायलाई सक्षम र उर्जाशिल बनाउने भन्द समिति गठन गरिएको हो । यस समितिले आफ्नो समुदायलाई सचेत गराउने र समाजमा माथी उठ्न प्रयात्न गर्ने जनाईएको छ ।...

पूर्णपुष्टि, चैत २७ गते । उदयपुरको त्रियुगा नगरपालिकामा करिब ११ हजारले लालपुर्जा पाउने भएको छ । लामो समयदेखि समस्या रहेका भूमिहिन दलिद, सुकुम्बासी र अव्यवस्थित बसोबास भएका करिब ११ हजार परिवारलाई लालपुर्जा वितरण गर्न लागिएको हो । त्रियुगा नगरपालिकामा परेको निवेदनको आधारमा उनीहरुको नापी गरिएको थियो । निवेदनको ६० प्रतिशत बढीको जग्गा नाप जाँच भईसकेको छ भने बाँकी वडाहरुमा काम धमाधम भइरहेको छ । त्रियुगा नगरपालिकामा दलित भूमिहिन २ हजार ४१ परिवार, भूमिहिन सुकुम्बासी ३ हजार ३ सय ३१ परिवार र अन्य अव्यवस्थित १४ हजार ३ सय ८० गरी १९ हजार ७ सय ५२ परिवारले लालपुर्जाको लागि निवेदन दिएको हो । त्रियुगा नगरपालिका–१ मा एक हजार ९ सय ८२ परिवार, त्रियुगा नगरपालिका–२ मा १ हजार ४ सय ७१ परिवार, त्रियुगा नगरपालिका ३ मा २ हजार ९ सय २८ परिवार, त्रियुगा नगरपालिका ६ मा २ हजार १ सय ४३ परिवार, त्रियुगा नगरपालिका १२ मा...