Breaking News 2

पूर्णपुष्टि, पुष २५ एमाले उदयपुरको आठौँ माहाधिवेशनको नेतृत्व चयन प्रक्रियामा बस्नेतले आफ्नो अध्यक्षको दावी ब्याक सारेको छ । बस्नेतले अध्यक्षको दावी बाट पछि सर्दै सचिवमा आफ्नो उम्मेदवारी घोषणा गरेको जनाएको छ । जिल्लामा पार्टी नेतृत्व गर्ने भन्दै बस्नेतले यस भन्दा पहिले अध्यक्षको लागि भनेर दावी घोषणा गरेको थियो । बिभिन्न संञ्चार माध्यमहरुका अनुसार अध्यक्षमा ४ जनाले दावी घोषणा गरेका थिए । बस्नेत सहित पार्टी सचिव परमेश्वर घिमिरे, कालु लामा र खड्ग परियारले अध्यक्षको लागि दावी रहेको जानकारी गराएका थिए । ४ मध्ये बस्नेतले भने सहमतिको प्रयासलाई सहयोग पुराउँदै पार्टीको सचिवमा वस्ने मनोसाय बनाएको जनाए । जिल्लाभरबाट सदरमुकाम आएका प्रतिनिधि र अग्रज नेतृत्वको आग्रह आफूले अध्यक्षको दाबी छाड्दै सचिवका लागि भएको बस्नेतले जानकारी दिए । ‘प्रतिनिधिको भवना र नेतृत्वको आग्रह अनुसार नै मैले सचिवका लागि उम...

पुर्णपुष्टि, पुष २४ सुनसरीको धरान उपमहानगरपालिका १४ पिण्डेश्वरिचौक स्थित एक घरबाट प्रतिबन्धित औषधी सहित एक जनालाई पक्राउ गरिएको छ । पक्राउ पर्नेमा सोही स्थानका २१ बर्षीय पारुहाङ राई रहेका छन् ।आज बेलुका साढे ३ बजे ईलाका प्रहरी कार्यालय धरान र अस्थाई प्रहरी पोष्ट धरानबाट खटिएको प्रहरी टोलीले उनको घरकोठाबाट ट्रामाडोल (५८९० ट्याव्लेट र इस्पास्पेन( ५५९० ट्याव्लेट प्रतिबन्धित औषधी फेला परेको थियो । पक्राउ परेका राईको थप अनुसन्धान भईरहेको ईलाका प्रहरी कार्यालय धरानले जनाएको छ ।...

पूर्णपुष्टि, पुष २३ लिभिङ टुगेदर बसेका एक जोडी युवा–युवती काठमाडौंको बौद्धस्थित एक घरको कोठाभित्र मृत अवस्थामा फेला परेका छन् । संखुवासभाका २५ वर्षीय अनिश जिमी र खोटाङकी २२ वर्षीया युसिना राई मृत अवस्थामा फेला परेका हुन् । गएराति काठमाडौं महानगरपालिका–६ बौद्धको राधाकृष्ण मन्दिरस्थित एक घरको कोठामा युवक र युवती मृत फेला परेको महानगरीय प्रहरी परिसर काठमाडौंले जनाएको छ । प्रहरीका अनुसार उनीहरू भिडिओ गेम पब्जीबाट नजिकिएका थिए । उनीहरू सँगै बस्न थालेको २०–२२ दिन मात्रै भएको प्रहरीले जनाएको छ । घटनामा कुनै तेस्रो व्यक्तिको संलग्नता छ कि छैन भन्ने अनुसन्धान भइरहेको छ । गएराति अनिश र युसिना दुबै मासु र चिउरा खाएर सुतेका थिए । आमाले बोलाउँदा उनीहरूले ढोका खोलेका थिएनन् । ढोका नखोलेपछि बहिनीको छोरालाई बोलाएर ढोका फोड्न लगाएका थिए । कोठाभित्र हेर्दा युसिना बेडमा मृत अवस्थामा फेला परेकी थिइन् । ...

पूर्णपुष्टि, पुष २३ त्रियुगा उद्योग बाणिज्य संघको कार्यवाहक अध्यक्ष रमेश रसाईलीले यहि पुष २६ र २७ गते हुन गईरहेको माहाधिवेशनलाई सफल बनाउ सम्पूर्ण उद्योग, व्यवसायी, व्यापारीहरुमा अनुरोध गर्नुभएको छ । रसाईलीले बिभिन्न बाधा अड्चन र समस्याका बावजुत पनि संघले यहि पुष अन्तिममै साधारण सभा तथा अधिवेशन सकाउने हिसावले काम गरिरहेको भन्दै सबैलाई अधिवेशनमा सहभागी भई सफल बनाउन अनुरोध गर्नुभयो । संघले साधारण सभा साथै अधिवेशन समेत गर्ने गरी कार्यक्रम अघि सारेको अध्यक्ष रसाईलीले जनाउनुभयो । उहाँले अबको संघ पहिलाको जस्तो अलपत्र नपर्ने र व्यपारी व्यवसायीहरुलाई नितिनियम बिहिन नबनाउने गरी अघि बढ्न साधारण सभा तथा अधिवेशन गर्न लागिएको जनाउनुभयो । साथै संघलाई चलायमान र मजबुद बनाउन साधारण सभा तथा अधिवेशन सँगै बिधिगत कार्यसमितिको समेत चयन गर्नु पर्ने भएकाले सबैको अमुल्य सहभागी तथा साथ सहयोगको आवश्यक ...

पूर्णपुष्टि, पुष २२ उदयपुरका दुई युवा प्रहरी जवानको नक्कली परीक्षार्थी बनेर परिक्षा दिन जाँदा धनकुटाबाट पक्राउ परेका छन् । सशस्त्र प्रहरी बलका लागि जवान पदको लिखित परीक्षा केन्द्रमा नक्कली परीक्षार्थी बनेर हलभित्र छिरेको अवस्थामा उनीहरु दुर्ब पक्राउ परेका हुन् । जिल्लाको धनकुटा बहुमुखी क्याम्पसमा लिखित परीक्षा चलीरहेको बेला तीन जना नक्कली परीक्षार्थी समातिएका थिए । तीमध्ये दुई जना भने उदयपुरका रहेको जिल्ला प्रहरी कार्यालय धनकुटाले जनाएको छ । धनकुटाका प्रहरी प्रवक्ता डीएसपी सुरज कार्कीका अनुसार शहिदभूमी गाउँपालिका–५ घर भएका २८ वर्षीय सौहार्द राई र उदयपुरको बेलका नगरपालिका– ७ का २२ वर्षीय योगेन्द्र राई र ३२ वर्षका निशान राईलाई नियन्त्रणमा लिइएको हो । जवान पदका लागि लिखित परीक्षामा परीक्षार्थीहरुको प्रवेश पत्र चेकजाँच गर्दा शंका लागेपछि भित्री रुपमा अनुसन्धान र निगरानी बढाइएको थियो । वा...

पूर्णपुष्टि, पुष २२ झापाको एक घरमा बुधबार लागेको आगो निभाउने क्रममा एक जनाको ज्यान गएको छ, भने १५ जना घाईते भएका छन् । जिल्लाको मेचीनगर नगरपालिका–७ पिपल चौक स्थित केशब पाठकको घरमा लाएको आगो निभाउने क्रममा सोही नगरपालिका वडा नं. ८ का ४५ वर्षीय सारद राजवंशीको ज्यान गएको हो । अन्य १५ जना भने घाईते भएका हुन् । हिजो राती साढे ९ बजे पाठकको टिनको छानो, चित्राको बेरा भएको १ तले कच्चि घरमा कोही नभएको अवस्थामा अचानक आगोलागी भएको थियो । आगो निभाउने क्रममा उक्त घरमा रहेको ग्यास सिलिण्डर पड्किदा राजबंशीसहित १६ जना घाईते भएका थिए । घाईते मध्ये राजबंशीको उपचारको लागी एन्जल मेडिकल धुलाबारी पुर्याउन साथ ज्यान गएको अस्पतालले जनाएको छ । अन्य घाईतेहरुको विभिन्न अस्पतालमा उपचार भईरहेको छ । उक्त आगो दमकल, प्रहरी र स्थानियको सहयोगमा राती साढे १० बजे पुर्ण रुपमा नियन्त्रणमा आईसकेको प्रहरीले जनाएको छ । आगो के ...

पूर्णपुष्टि, पुष २१ झापाको कचनकवल गाउँपालिका–५ बाट लागुऔषध ब्राउनसुगरसहित दुई जना पक्राउ परेका छन् । कचनकवल गाउँपालिका–७ का २४ वर्षीय बिनोद बस्नेत र १८ वर्षीय निखिल रेग्मी लागुऔषधसहित मंगलबार बेलुका ५ बजे पक्राउ परेका हुन् । उक्त गाउँपालिकाको फुटागंज क्षेत्रबाट लागुऔषध ब्राउनसुगरको ओसार पसार भईरहेको भन्ने बिशेष सूचनाका आधारमा प्रहरी चौकी पाठामारीबाट खटिएको प्रहरी टोलीले उनीहरुलाई ५ ग्राम ६० मिलिग्राम लागुऔषध ब्राउनसगुर पक्राउ गरेको छ । लागुऔषधसहित पक्राउ परेका दुबै जनाको सम्बन्धमा प्रहरीले थप अनुसन्धान गरिरहेको प्रहरीले जनाएको छ ।...

पूर्णपुष्टि, पुष २१ चिसो र सितलहरका कारण कठ्याङ्रिएर धनुषा र सप्तरीमा दुई जनाको मृत्यु भएको छ । पछिल्लो समय चिसो सँगै सितलहर बढेपछि बिभिन्न ठाउँहरुमा जनजिवन प्रभावितको अवस्था सिर्जना भएको छ । मृत्यु हुनेमा धनुषाको क्षिरेश्वरनाथ नगरपालिका(५ की ६० वर्षीया समुद्रीदेवी यादव र सप्तरीको महदेवा गाउँपालिका(४ का ६५ वर्षीय देवनारायण ठाकुर रहेका छन् । अत्यधिक चिसो र शीतलहरले जनजीवन कष्टकर बन्दै गएपछि धनुषाका चार स्थानीय तहले विद्यालयमा बिदा दिएका छन् । क्षिरेश्वरनाथ नगरपालिका, नगराइन नगरपालिका, मुखियापट्टी गाउँपालिका र लक्ष्मीनियाँ गाउँपालिकाले सूचना जारी गरी विद्यालय बन्द गरिएको जनाएका छन् । यादवको चिसोका कारण अवस्था नाजुक भएपछि उपचारको क्रममा हस्पिटलमै मृत्यु भएको हो । उनको जनकपुरधामस्थित प्रादेशिक अस्पतालमा उपचारका क्रममा मृत्यु भएको थियो भने ठाकुरको उपचारका लागि अस्पताल लैजान नपा...

पूर्णपुष्टि, पुष २० उदयपुरको चौदण्डीगढी नगरपालिका–९ को हडियामा नवनिर्मित जनता नमुना माध्यमिक विद्यालयको भवन शिलान्यास गरिएको छ । सोमबार करिब ७४ लाख ३६ हजार लागतमा निर्मित ६ कोठे भवनको एक कार्यक्रमका बिच प्रदेश १ का भौतिक पुर्वाधार बिकास मन्त्री हिमाल कार्कीद्धारा शिलान्यास गरिएको हो । कार्कीले अर्को एक भवनको समेत उद्घाटन गर्नुभएको छ । नमुना विद्यालय कार्यक्रम अन्तर्गत आउने बजेट मार्फत उक्त विद्यालयमा अहिले सम्म तीन वटा भवन निर्माण भई सकेका छन । कक्षा १ देखी १० सम्म अंग्रेजी माध्यमबाट समेत अध्ययन हुने जनता नमुना माविमा हाल ९ सय २५ जना विद्यार्थी अध्ययनरत रहेका छन । पञ्चबर्षे योजना अन्तर्गतको नमुना विद्यालय कार्यक्रम मार्फत हरेक वर्ष भौतिक तर्फ बजेट प्राप्त हुने नमुना मावि हडियाले जनाएको छ । नमुना विद्यालय कार्यक्रम अन्तर्गत प्राप्त रकमबाट विद्यालयले कम्प्युटर ल्याव, स्मार्ट टिचिङको ...

पूर्णपुष्टि, पुष २० उदयपुरको चौदण्डीगढी नगरपालिका बेल्टार नजिक सातधारेमा स्थापना भएको कोरोना अस्पतालमा संक्रमितको संख्या शुन्य भएपछि अस्पतालमा कार्यरत सम्पूर्ण कर्मचारीहरुलाई बिदाई गरिएको छ । जिल्लाको एक मात्र ‘उदयपुर कोभिड–१९ अस्पताल’ पछिल्लो समय अस्पतालमा भर्ना भएका सबै बिरामी निको भएर डिस्चार्ज भइसकेको र नयाँ पनि भर्ना नभएपछि सबै स्वास्थ्यकर्मी तथा कार्यरत कर्मचारीहरुलाई एकैपटक बिदा गरिएको हो । कोरोना अस्पताल झण्डै वर्षदिनपछि पूर्ण रुपमा कोरोनाको बिरामीरहित भएको छ । आइतबार नगरपालिकामा एक कार्यक्रम आयोजना गरी कोभिड महामारीको समय ज्यान जोखिममा पारेर बिरामीको सेवामा तल्लीन रहेका स्वास्थ्यकर्मीहरुलाई सम्मानसहित बिदाई गरिएको थियो । जिल्लामा कोरोना महामारीको संक्रमण बढेसँगै आठवटै पालिकाबाट आर्थिक संकलन गरी अस्पताल स्थापना गरिएको थियो । जसमा प्रदेश सरकारले समेत आर्थिक विनियोजना गरेको थियो ।...