Breaking News 2

पूर्णपुष्टि, कार्तिक ३० दाइको हत्या गरेको अभियोगमा भाइ पक्राउ परेको छ । इलामको सुन्दकपुरमा भाईले आफ्नै दाइको हत्या गरेका छन् । गाउँपालिका–१ चाँपगैरीका ३० वर्षे चक्र मुखियाले सोमबार साँझ करिब पौने ७ बजे ३५ वर्षीय दाजू इच्छा मुखियाको धारिलो हतियार प्रहार गरी हत्या गरेको जिल्ला प्रहरी कार्यालय इलामले जनाएको छ । हिजो काका मान बहादुर मुखियाको घरमा बसी मादक पदार्थ सेवन गरी सामान्य बिबाद हुंदा उनले दाइलाई चक्कु प्रहार गर्दा घटनास्थलमानै मृत्यु भएको थियो । घटनाको जानकारी पाए लगतै प्रहरी चौकी बन्दुके र अस्थाई प्रहरी चौकी बिप्लाटेबाट प्रहरी टोली खटि गई चक्कुसहित चक्र मुखियालाई पक्राउ गरेको छ । घटना सम्बन्धमा जिल्ला प्रहरी कार्यालय ईलामले थप अनुसन्धान गरिरहेको छ ।...

पूर्णपुष्टि, कार्तिक ३० दुई वडा सदस्य काम सम्पन्न भएको सिफारिस गरिदिएबापत घुस लिएको अभियोगमा सर्लाहीबाट पक्राउ परेका छन् । जिल्लाको ईश्वरपुर नगरपालिका–११ का वडा सदस्यहरू सोनलाल साह र उमेश रायलाई घुस रकमसहित अख्तियार दुरुपयोग अनुसन्धान आयोग कार्यालय बर्दिबासबाट खटेको टोलीले सोमवार पक्राउ गरेको हो । दुवै वडा सदस्यलाई एक लाख ५० हजार रुपैयाँ घुस रकमसहित पक्राउ परेका हुन् । ढलानसम्बन्धी काम सम्पन्न गरेपछि उपभोक्ता समितिलाई कार्य सम्पन्न सिफारिस गरिदिएबापत घुस लिन लागेको भन्ने सूचनाको आधारमा उनीहरूलाई पक्राउ गरिएको अख्तियार दुरुपयोग अनुसन्धान आयोगले जनाएको छ ।...

पूर्णपुष्टि, कार्तिक ३० गएराती मुगुको गमगढी बजारमा भिषण आगलागी भएको छ । आगलागिमा परी बजारमा रहेको करिब १७ ओटा घर खरानी भएको छ । बजारमा आगलागी भएपछि अन्य ठाउँ फैलिन र थप क्षती हुन बाट बचाउन एउटा घरै भत्काएर आगो नियन्त्रणमा लिइएको प्रदेश प्रहरी कार्यालयका प्रवक्ता एसपी माधव श्रेष्ठले बताए । राति १२ः३० बजे देखि सुरु भएको आगलागी घरै भत्काएर नियन्त्रणमा लिनु परेको एसपी श्रेष्ठले बताए । एसपी श्रेष्ठका अनुसार आगलागीबाट १७ घर र तीन वटा घुम्ती जलेको तथा एउटा घर आगो फैलिन नदिन भत्काइएको छ । एउटा घरमा बालेर राखेको दियोबाट आगो फैलिएको अनुमान गरिएको छ । प्रहरी, नेपाली सेना, स्थानीयको सहयोगमा आगो नियन्त्रणमा लिना सफल भएको एसपी श्रेष्ठको भनाई छ ।उहाँले आगलागीबाट कति क्षति भएको छ भनेर विवरण संकलन गर्न थालिएको जानकारी दिनुभयो ।...

 पूर्णपुष्टि, कार्तिक २९ नेकपा एकीकृत समाजवादीका अध्यक्ष माधवकुमार नेपालले कृषि क्षेत्रमा गुणात्मक परिवर्तनको आवश्यकता रहेको बताएका छन । आज काठमाडौंमा आयोजित अखिल नेपाल किसान महासंघ राष्ट्रिय समितिको घोषणा तथा सपथग्रहण समारोहलाई सम्बोधन गर्दै अध्यक्ष नेपालले कृषि क्षेत्रको रुपान्तरणको निम्ति प्राथमिकता हुनुपर्ने बताएका हुन । कृषि क्षेत्रको आधुनिकीकरण, व्यवसायीकरण र यान्त्रिकीकरण गर्न सकेमा अर्थतन्त्रमा आमुल परिवर्तन हुने अध्यक्ष नेपालको भनाइ छ । बाइट माधवकुमार नेपाल, अध्यक्ष, नेकपा एकीकृत समाजवादी अध्यक्ष नेपालले कम्युनिष्ट पार्टीहरु किसानको मुक्तिको लागि बनेको भन्दै किसान आन्दोलन उठाउनको लागि वामपन्थी शक्तिहरुको भूमिका महत्वपूर्ण हुने बताए उनले किसानको हित र कल्याण गर्नु नै आफूहरुको राजनीतिको मूल विषय भएको उल्लेख गरे । अध्यक्ष नेपालले सुकुम्बासीहरुको समस्या समाधानमा सरकारले ध्यान पु¥याउनु...

पूर्णपुष्टि, कार्तिक २९ एक परिवारका दुई जना नाबालकको विषका कारण ज्यान गएको छ । रौतहटको देवाही गोनाही नगरपालिका–५ टिकुलियाका सञ्जय मुखियाका ५ वर्षीय छोरा आकाश र ४ वर्षीय छोरा विकासको विषका कारण ज्यान गएको हो । ती बालकहरुलाई सुरुमा उपचारका लागि गरुडा लगिएको थियो तर स्वास्थ्यमा सुधार नआएपछि थप उपचारका लागि वीरगञ्ज लग्दै गर्दा बाटोमै ज्यान गएको प्रहरीले जनाएको छ । दुवै बालकहरुलाई रिसिवीका कारण गाउँकै स्थानीयले विष खुवाई हत्या गरेको परिवारजनको आरोप छ । यस घटनालाई शंकास्पद भन्दै गम्भीर अनुसन्धान गरिरहेका जिल्ला प्रहरी कार्यालय रौटहटले जनाएको छ ।...

पूर्णपुष्टि, कार्तिक २९ ओखलढुंगामा आईतबार भएको जिप दुर्घटनामा परी तीन जनाले ज्यान गुमाएको छ भने १३ जना घाईते भएको छ । जिल्ला प्रहरी कार्यालय ओखलढुंगाका प्रहरी नायब उपरीक्षक गोविन्दराज काफ्लेका अनुसार जिप दुर्घटनामा परी ३ जनाको घटनास्थलमै मृत्यु भएको छ । सुनकोशी गाउँपालिका ९ काँडेभञ्याङ नजिकै आज बिहान ७ः३० बजेतिर जिप दुर्घटनामा परेको हो । दुर्घटनामा १३ जना घाइते छन् ।‘घाइतेमध्ये चार जनाको अवस्था गम्भीर छ । घाईतेहरुलाई हेलिकप्टर मार्फत काठमाण्डौँ ल्याउने तयारी भईरहेको छ ।...

पूर्णपुष्टि, कार्तिक २८ । नेकपा एमाले उदयपुरमा राम्रो प्रभाव छ भन्ने भान देखाउने भागवत राउत महाधिवेशन प्रतिनिधि निर्वाचनमा पराजित ब्यहोरेका छन् । उनले १ हजार ८६९ खसेको मतमा छ सय मत पनि पाउन नसकेपछि पराजित ब्यहोरेका हुन् । उनले ५९४ मत पाए । खुल्लातर्फ २४ जना उम्मेदवार मध्ये ६ जना विजयी हुँदा जिल्ला सचिवालय सदस्य रहेका राउत विजयीको लिष्टमा पर्न सकेनन् । उनको निकट मत अंक ६२४ प्राप्त गर्ने कालु लामा विजयी भएका छन् । एमाले उदयपुरको राजनीतिको पुरानो नेता मणीराज उपाध्याय पौडेल पनि पराजित भएका छन् । १५ वर्ष पार्टी सचिव चलाएका पुराना नेता पौडेलले १५९ मत मात्र प्राप्त गरेका छन् । सबैभन्दा बढि मत बेलका नगरपालिकाका मेयर दुर्गाकुमार थापा स्वस्तीले १०८६ पाएका छन् । दोस्रो मत परमेश्वर घिमिरेले ९२२, तेस्रो मत एमाले जिल्ला अध्यक्ष इश्वरमणी राउतले ७८६ मत पाएका छन् । प्रदेश सांसद विमल कार्कीले चौथो मत ७...

पूर्णपुष्टि, कार्तिक २८ सडक अलपत्र पारेको भन्दै आन्दोलनमा उत्रेका दोलखाका ७ पत्रकारलाई प्रहरीले पक्राउ गरेको छ । उनीहरुलाई लामो साँघु–जिरी सडक सुधार आयोजनाका कार्यालयबाट प्रहरीले पक्राउ गरेको हो । दोलखालाई राजधानीसँग जोड्ने मुडे चरिकोट सडक अलपत्र पारेको भन्दै पत्रकारहरु नै आन्दोलनमा उत्रेका थिए । पक्राउन पर्नेमा पत्रकार महासंघ केन्द्रीय सदस्य रमेश खतिवडा, पत्रकार महासंघका पूर्व केन्द्रीय सदस्य चिरञ्जीवी मास्के, पत्रकारहरु गोकर्ण भण्डारी, श्याम खतिवडा, सिर्जन घिमिरे, राजन बस्नेत, अर्जुन कार्की छन् । पक्राउ परेका उनीहरुलाई जिल्ला प्रहरी कार्यालय दोलखामा राखिएको पत्रकार राजन बस्नेतले बताए । ६ वर्ष अघि ठेक्का लागेको यो सडक ठेकेदारको लापरवाही र सरकारी पक्षको बेवास्ताका कारण अलपत्र परेको छ ।  ...

पूर्णपुष्टि, कार्तिक २८ उदयपुरको बैंकलाईबाट लागुऔषध गाँजासतिह दुई जना पक्राउ परेका छन् । जिल्लाको त्रियुगा नगरपालिका–१० का ३५ वर्षीय पेशस घिमिरे र सोही नगरपालिका–१२ का २१ वर्षीय बिष्णु साह पक्राउ हुन् । हिजो दिउँसो पौने ३ बजे जिल्ला प्रहरी कार्यालय उदयपुरबाट खटिएको प्रहरी टोलीले त्रियुगा नगरपालिका–११ बैंकलाईनबाट घिमिरे र साहलाई लागूऔषध नाईट्राभेट २ सय २५ ट्याब्लेट र १ सय ग्राम गाँजासहित पक्राउ गरेको हो । पक्राउ परेका दुवै जना माथि थप अनुसन्धान भईरहेको जिल्ला प्रहरी कार्यालय उदयपुरका डिएसपी बेद प्रसाद गौतमले बताउनुभयो ।...

पूर्णपुष्टि, कार्तिक २७ काठमाण्डौँ बाट ५ लाख नगद सहित ८ जना जुहाडेलाई प्रहरीले पक्राउ गरेको छ । स्थानीय नवराज पौडेलको तरकारी लगाउने जग्गामा टहरा बनाई बसेको स्थानमा पैसाको हारजित हुने गरी कौडा खेलिरहेको अवस्थामा उनीहरुलाई पक्राउ गरिएको महानगरीय प्रहरी परिसरका प्रहरी उपरीक्षक रमेशकुमार बस्नेतले जानकारी दिए । उनिहरुलाई काठमाडौँको गैरीगाउँस्थित जुवाको खालबाट पाँच लाख रुपैयाँसहित आठ जनालाई प्रहरीले पक्राउ गरिएको प्रहरी उपरीक्षक बस्नेतले जानकारी दिए । कौडा खेलिरहेको छ भन्ने विशेष सूचनाका आधारमा महानगरीय प्रहरी वृत बौद्धबाट परिचालित प्रहरी टोलीले शुक्रबार राति उनीहरुलाई पक्राउ गरेको हो । कौडाको खालबाट पाँच लाख ११ हजार ५०० नगद रुपैयाँसमेत बरामद गरिएको परिसरले शनिबार एक विज्ञप्ति जारी गरी जनाएको छ ।  ...