Breaking News 2

१९ जेठ, २०८३ । उदयपुर सुदन किराँती अहिलेको नेपाली राजनीतिमा श्रम संस्कृती पार्टीका बरिष्ठ नेता हुन् । उनी नेपालको राजनीतिमा सक्रिय रूपमा संलग्न एक चर्चित नेता हुन् । उनी विशेषगरी पूर्वी नेपालको जनआन्दोलन, सामाजिक न्याय, समावेशीता तथा वामपन्थी राजनीतिक विचारधाराका पक्षधरका रूपमा परिचित छन्। उनी विभिन्न राजनीतिक आन्दोलन तथा संगठनात्मक गतिविधिमार्फत राष्ट्रिय राजनीतिमा स्थापित भएका हुन्। राजनीतिक जीवन सुदन किराँती लामो समयदेखि वामपन्थी राजनीतिमा सक्रिय रहँदै आएका छन्। उनी नेपाल कम्युनिष्ट पार्टी (माओवादी केन्द्र) का प्रभावशाली नेता हुदै प्रगतिशील लोकतान्त्रिक पार्टीबाट हाल हर्कराज साम्पाङ नेतृत्वको श्रम स‌स्कृती पार्टीमा छन् । पार्टीभित्र संगठन निर्माण, जनसम्पर्क विस्तार तथा वैचारिक बहसमा उनको सक्रिय भूमिका रहेको छ। उनले विभिन्न निर्वाचनहरूमा भाग लिँदै जनप्रतिनिधिका रूपमा समेत काम गरेका ...

पूर्णपुष्टि संवाददाता १९ जेठ, २०८३  । उदयपुर उदयपुरको त्रियुगा नगरपालिका–१२ बुद्धचोकस्थित भित्री सडकखण्डमा गएको मध्यराति मोटरसाइकल दुर्घटनामा एक जनाको मृत्यु भएको छ भने अर्का एक जना गम्भीर घाइते भएका छन् । राति करिब १२ः०५ बजे जनप्रेमी स्कुलबाट बुद्धचोकतर्फ जाँदै गरेको स ९ प ८२५३ नम्बरको मोटरसाइकल अनियन्त्रित भई इट्टाको पर्खालमा ठोक्किँदा दुर्घटना भएको हो । दुर्घटनामा मोटरसाइकल चालक त्रियुगा नगरपालिका–१२ निवासी २४ वर्षीय हेमन्त सदा गम्भीर घाइते भएका थिए । उनलाई तत्काल उपचारका लागि जिल्ला अस्पताल उदयपुर पुर्‍याइएको भए पनि उपचारकै क्रममा राति १२ः५० बजे चिकित्सकले मृत घोषणा गरेका थिए। मोटरसाइकलमा पछाडि सवार त्रियुगा नगरपालिका–१२ सोनापुरका १८ वर्षीय राकेश सदा पनि दुर्घटनामा गम्भीर घाइते भएका छन्। उनको शरीरका विभिन्न भागमा चोट लागेको प्रहरीले जनाएको छ। जिल्ला अस्पताल उदयपुरमा प्रारम्भिक उप...

पूर्णपुष्टि सम्बाददाता १८ जेठ, २०८३ । उदयपुर मदनभण्डारी राजमार्गको उदयपुरखण्डमा एक महिनाअघिदेखि सञ्चालन गरिएको सडक सुरक्षा अभियानले दुर्घटना न्यूनिकरणमा आएको छ । अत्याधिक दुर्घटना भई धनजनको ठूलो क्षती भएपछि जिल्ला ट्राफिक कार्यालय उदयपुरसंगको समन्वयमा नागरिकतहबाट थालिएको अभियानले दुर्घटना न्यूनिकरणमा आएको जिल्ला ट्राफिक कार्यालय उदयपुरका इन्चार्ज प्रहरी निरीक्षक दानबहादुर मिरिङचिङले बताए । “सडक सुरक्षा अभियान चलाइसकेपछि दुर्घटनामा धेरै नै न्यूनिकरण भएको छ । सवारी साधन दुर्घटना न्युनिकरणमा चालिनुपर्ने यो एउटा राम्रो कदम हो । सराहनीय छ” उहाँले भन्नुभयो “दुर्घटनाको प्रमुख कारण तिब्रगति हो । यो अभियानले तिब्रगति कम गराएर दुर्घटना न्यूनिकरण गराएको छ ।” गत वैशाख २२ देखि सुरु अभियान पश्चात दुर्घटनाको संख्या ट्राफिक ग्राफमा घट्दो छ । अभियानपश्चातको एक महिनामा चारपाङग्रे सवारीसाधन पाँचवटा र म...

पूर्णपुष्टि, उदयपुर । जेठ १४ । नजिकिँदै गरेको वर्षायामलाई मध्यनजर गर्दै मनसुनजन्य विपद् व्यवस्थापन तथा उद्धार कार्यलाई प्रभावकारी बनाउने उद्देश्यले उदयपुर जिल्लामा “अभ्यास मनसुन–६” सम्पन्न गरिएको छ। श्री पशुपति प्रसाद गणको संयोजकत्वमा सञ्चालन गरिएको उक्त अभ्यासमा श्री नं. १८ बाहिनी अड्डा, जिल्ला प्रहरी कार्यालय उदयपुर, सशस्त्र प्रहरी बल नेपाल नं. ५ गण उदयपुर, जिल्ला रेडक्रस सोसाइटी उदयपुर, विपद् प्रतिकार्यसँग आबद्ध विभिन्न सरकारी तथा गैरसरकारी निकाय तथा राष्ट्रिय सेवादलका विद्यार्थीहरुको सहभागिता रहेको थियो । अभ्यास मिति २०८३ जेठ ११ गतेदेखि १३ गतेसम्म सञ्चालन गरिएको जनाइएको छ । अभ्यासको सुरुवात पशुपति प्रसाद गण, पिपलटार ब्यारेक उदयपुरमा भएको थियो। कार्यक्रममा सहायक प्रमुख जिल्ला अधिकारी विक्रम प्रसाद पाण्डेको उपस्थितिमा विपद् विषयगत क्षेत्रका प्रमुखहरु, सुरक्षा निकायका प्रमुखहरु तथा विष...

पूर्णपुष्टि/चौतारा (सिन्धुपाल्चोक), जेठ १४ । नेपाल पत्रकार महासंघ सिन्धुपाल्चोक शाखाले कान्तिपुर टेलिभिजनमा कार्यरत पत्रकार रुपक कोइरालालाई यस वर्षको “दुर्गाप्रसाद श्रेष्ठ स्मृति पत्रकारिता पुरस्कार” प्रदान गरेको छ । महासंघको साधारणसभाको अवसरमा चौतारामा आयोजित विशेष कार्यक्रममा जिल्लाका विभिन्न पत्रकार तथा सञ्चारकर्मीलाई विभिन्न विधाका पुरस्कार तथा सम्मान प्रदान गरिएको हो । यसैक्रममा पवित्रकुमार खड्कालाई “सिन्धु पत्रकारिता सम्मान” तथा “राम केशी स्मृति पत्रकारिता सम्मान” बाट होमनाथ कट्टेल ‘किशोर’ र ज्ञानेन्द्र प्रसाद तिमल्सिना सम्मानित भएका छन् । त्यस्तै, कञ्चन ज्ञानेन्द्र स्मृति पुरस्कारबाट दिनेश दुलाल, रामप्रसाद घिमिरे स्मृति पत्रकार पुरस्कारबाट जगन्नाथ दुलाल, कृष्णमाया घिमिरे स्मृति पुरस्कारबाट शर्मिला ठकुरी, नानीराम नेपाल स्मृति क्रियाशील युवा पत्रकारिता पुरस्कारबाट चित्र मिजार, जुग...

पूर्णपुष्टि/गाईघाट, जेठ १३ । चौधदेखि महिना तलब नपाएका उदयपुर सिमेन्ट उद्योग लिमिटेडका कर्मचारी तथा मजदुरहरूले उद्योगमा दैनिक धर्ना दिइरहेका छन् । रोकिएको तलब तथा सञ्चयकोष, नागरिक लगानी कोष र बीमा रकम तत्काल उपलब्ध गराउन माग गरेका उनीहरूले गत तीन दिनदेखि धर्ना दिइरहेका हुन् । पहिलो दिन एक घण्टा, दोस्रो दिन दुई घण्टा र आज तीन घण्टा धर्ना दिएका छन् । चारदिन अघि पत्रकार सम्मेलन आयोजना गरी प्रेस नोट जारी गर्दै माग पुरा नभए धर्ना लगायतका आन्दोलन गर्ने जनाएका थिए । सम्पूर्ण मजदुर संघर्ष समिति गठन गरी आन्दोलित बनेका छन् । नेपाल सरकारको पूर्ण स्वामित्वमा रहेको उदयपुर सिमेन्ट उद्योग लिमिटेडले २०७९ माघदेखि व्यावसायिक उत्पादन सुरु गरे पनि पछिल्ला तीन वर्षदेखि न्यून उत्पादन गर्दै आएको जनाएको छ। उद्योगको कमजोर व्यवस्थापनका कारण उद्योग डुब्दै गएको हो । उद्योगले कर्मचारी मजदुरहरूको १४ महिनाको तलब ज्य...

पूर्णपुष्टि/ उदयपुर, जेठ ११ । उदयपुर–सुनसरी सीमामा ठूलो परिमाणमा गाँजा बरामद उदयपुर र सुनसरीको सीमावर्ती क्षेत्रमा प्रहरीले ठूलो परिमाणमा प्रतिबन्धित लागूऔषध गाँजा बरामद गरेको छ। विशेष सूचनाका आधारमा नेपाल प्रहरी र सशस्त्र प्रहरीको संयुक्त टोलीले खोजतलास गर्दा करिब ४७५ केजी गाँजा फेला परेको हो। आज बिहान करिब ११ः४० बजे सुनसरीको बराहक्षेत्र नगरपालिका–६ र उदयपुरको बेलका नगरपालिका–८ अन्तर्गत कोशी नदीपारि टप्पु क्षेत्रमा रहेको जंगलभित्र गाँजा लुकाइराखिएको अवस्थामा फेला परेको प्रहरीले जनाएको छ। नेपाल विपद् व्यवस्थापन बेस चतरा सुनसरीबाट सशस्त्र प्रहरी निरीक्षक मेघराज राउतको कमाण्डमा ५ जना तथा नेपाल सुरक्षा बेस रामपुर उदयपुरबाट सशस्त्र प्रहरी निरीक्षक राज विक्रम खड्काको कमाण्डमा ५ जना डीएम टोलीसहित गरी १० जनाको संयुक्त टोली उक्त क्षेत्रमा पुगेको थियो। टोलीले टप्पु क्षेत्रमा खोजतलास गर्ने क्रम...

पूर्णपुष्टि/मोतिगडा, जेठ ११ । उदयपुरको त्रियुगा नगरपालिका–३ मोतिगडा स्थित पुलचौकखोलामा माओवादी मजदुर पार्टीले काठे पुल निर्माण गरेको छ । एक लाख २० ह‌जार बराबरको लागतमा बनेको पुलको लम्बाई ९ मिटर रहेको छ । पार्टीले ५० हजार र ७० हजार बरावरको जन श्रमदानवाट पुल निमार्ण भएको पार्टीका केन्द्रीय महासचिव हिमालसिंह राईले बताए । पार्टीकी प्रमिला तामाङ्ग‌को अध्यक्षतामा एक समारोहकाबीच पुलको उद्घाटन हालै गरिएको थियो । समारोहमा केन्द्रीय प्रबक्ता जगत कटुवाल लगायत नेताहरु प्रदिप तामाङ र आयुष ठकुरी लगायतका वक्ताले सम्बोधन गरेका थिए । कार्यक्रमको सञ्चालन मनिषा ठकुरीले गरेकी थिइन् । पुल निर्माणबाट आवतजावतमा सहजता भएको स्थानीयले बताएका छन् । बर्षातमा पानी बग्ने र भेलबाढीका कारण स्थानीयलाइ समस्या पर्ने गरेकाे थियाे ।...

पूर्णपुष्टि, उदयपुर/जेष्ठ १० गते । उदयपुरमा नियमित रुपमा संञ्चालन गरिँदै आएको राष्ट्रपति रनिङ शिल्ड प्रतियोगिता यो बर्ष भने अन्योल बनेको छ । जिल्ला खेलकुद विकास समिति उदयपुरले प्रत्येक बर्षहरुमा संञ्चालन गरिँदै आएको उक्त प्रतियोगिता यो बर्ष भने अन्योल बनेको हो । जिल्ला खेलकुद विकास समिति उदयपुरका कार्यालयका प्रमुख प्रकाश राम राईका अनुसार प्रदेश खेलकुद विकास बोर्डले समयमा प्रतियोगिताको मिति निर्धारण परिपत्र पठाउन ढिलाईका कारण प्रतियोगिता संञ्चालन गर्न नसकिएको बताउनुभयो । राईले प्रदेशले प्रतियोगिताको मिति निर्धारण परिपत्र सँगै बजेट पनि निकाशा नहँदा प्रतियोगिता अलमलमा परेको बताउनुभयो । शिक्षा तथा खेलकुद मन्त्रालय राष्ट्रिय खेलकुद परिषद् केन्द्रको तर्फबाट २० देखी २२ गते सम्म प्रतियोगिताको मिति तोकेर परिपत्र आईसक्दा प्रदेशले भने कुनै पनि निर्धारण मिति हाल सम्म पठाउन सकेको अवस्था छैन् । प्रमुख ...