Breaking News 3

पूर्णपुष्टि, माघ ७ बैँकिङ् कसुर मुद्धाका फरार प्रतिवादी पक्राउ परेको छ । सुनसरी धरान उपमहा नगरपालिका–४ पाचकन्या का ३२ वर्षीय बिशाल राई पक्राउ परेको हो । प्रतिवादी बिशाल राई भएको बैँकिङ् कसुर मुद्धामा सम्मानित उच्च अदालत विराटनगरको २०७८ बैशाख १६ गतेको सजाय निर्धारण फैसला आदेशले क्रमशः १ बर्ष ६ महिना कैद र ३ लाख ५० हजार ७ सय ८३ रुपैया ३३ पैसा जरिवाना तोकिएको थियो । कैद तथा जरिवाना बेरुजु रहि असुल गर्न बाँकी रहेका राईलाई १ नं प्रदेश प्रहरी कार्यालय, आरआईटीबाट खटिएको प्रहरी टोलीले खोजतलास गर्दैजाँदा गाउँघरमा नै लुकिछिपी बसेको अबस्थामा हिजो पक्राउ गरेको थियो । पक्राउ परेकाराईलाई आज सम्मानित सुनसरी जिल्ला अदालतमा दाखिला गरेको तथा सम्मानित अदालतबाट कैद भुक्तानको लागी कारागार चलान गरिएको छ ।...

पूर्णपुष्टि, माघ ६ बिहिबार देखि हिमपात तथा बर्षाको संम्भावना रहेको मौसम भोली बाटै सुधार हुने जल तथा मौसम विज्ञान विभागले जनाएको छ। पश्चिमी वायुको प्रभावले देशको अधिकांश स्थानमा आंशिकदेखि सामान्य बदली रही केही हल्का वर्षा र हिमपात भइरेहको अवस्थामा शुक्रबार देखी मौसम खुल्ने बिभागले जनाए । विभागले आगामी २४ घण्टाको लागि चेतावनी तथा परामर्श जारी गर्दै देशको पहाडी भू(भागका केही स्थानमा हल्का वर्षाको साथै देशका उच्च पहाडी तथा हिमाली भू(भागका केही स्थानमा हल्का हिमपातको सम्भावना रहेको जनाए। पश्चिमी प्रभावले पहाडी भेगका थोरै स्थानमा हल्का वर्षा र उच्च पहाडी तथा हिमाली भू(भागका केही स्थानमा हल्का हिमपातको सम्भावना रहेको विभागका वरिष्ठ मौसमविद् वरुण पौडेलले बताए । सो मौसमी प्रणाली भोलिदेखि कमजोर हुँदै जाने भएकाले शुक्रबारबाट मौसममा सुधार हुनेछु, उनले भने। भोलि देशभर आंशिकदेखि सामान्...

पूर्णपुष्टि, माघ ६ मानसिक सन्तुलन गुमाएकी एक महिलाले आफ्नै श्रीमानको हत्या गरेकी छन् । रोल्पाको सुनछहरी गाउँपालिका–६ फगाम झिरवाङकी ४१ वर्षीया मीना पुनले ४५ वर्षीय पति काले पुनको हँसिया र ढुङ्गा प्रहार गरी हत्या गरेकी हुन् । मानसिक सन्तुलन ठीक नभएकी मीनाले पति काले गोठमा सुतिरहेको अवस्थामा एक्कासि हँसिया र ढुङ्गा प्रहार गरेको बताइएको छ । पत्नी मीनाले पति कालेको हत्या गरेको खबर पाएलगत्तै इलाका प्रहरी कार्यालय जेल्वाङको प्रहरी टोली घटनास्थल पुगी अभियुक्त मीनालाई नियन्त्रणमा लिएको हो । घटनामा संलग्न मीनालाई जिल्ला अदालतमा म्याद थप गरी अनुसन्धान कार्य भइरहेको जिल्ला प्रहरी कार्यालयका रोल्पाले जनाएको छ । अभियुक्त मिनालाई इलाका प्रहरी कार्यालय सुलिचौरको हिरासतमा राखिएको छ ।...

पूर्णपुष्टि, माघ ६ ताप्लेजुङको मेरिङदिन गाउँपालिका–३ मा आज दिउँसो भएको ट्याक्टर दुर्घटनामा परी एक जनाको ज्यान गएको छ । मेरिङदिन गाउँपालिका–१ का ४५ वर्षीय च्याम्जु भन्ने निमा शेर्पाको घटनास्थलमा नै ज्यान गएको हो । ताप्लेजुङको साँवाबाट दोभान तर्फ आउँदै गरेको मे १ त ७४६१ नम्बरको ट्याक्टर दिउँसो सवा १ बजे दोभान साँवा सडक खण्डको खाम्लुङमा आफै अनियन्त्रीत भई सडकबाट अन्दाजी १ सया ५० मिटर तल खसेर दुर्घटना भएको थियो । सोही ट्याक्टरमा सवार च्याम्जुको दुघटनमा ज्यान गएको छ, भने ट्याक्टरका चालक र सह–चालक घाईते भई उपचारको लागी जिल्ला अस्पताल ताप्लेजुङ पठाएको तथा अन्य थप अनुसन्धान भईरहेको जिल्ला प्रहरी कार्यालय ताप्लेजुङले जनाएको छ ।...

पूर्णपुष्टि, माघ ६ एक २५ वर्षीया युवतीको शव आँपको बगैँचामा फेला परेको छ । धनुषाको धनषाधाम नगरपालिका–६ स्थित मालटोलमा अवस्थित आँपको बगैँचामा सो युवतीको हत्या भएको अवस्थामा शव फेला परेको हो । युवतीको शव टाउको फुटेको र रगतले लतपतिएको अवस्थामा फेला परेको जिल्ला प्रहरी कार्यालय धनुषाका प्रहरी प्रवक्ता तथा प्रहरी नायव उपरीक्षक दिपक रायले जानकारी दिनुभयो । प्रहरीका अनुसार युवतीको पहिचान खुलिसकेको छैन । ती युवतीको शवको प्रकृति हेर्दा बलात्कार गरेर हत्या गरेको हुन सक्ने आशंका धनुषा प्रहरीले गरेको छ । घटना बारे थप अनुसन्धान अगाडि बढाएको प्रवक्ता रायले बताउनुभयो ।...

पूर्णपुष्टि, माघ ६ पछिल्लो केही समय यता उदयपुरमा पनि कोरोना संक्रमितको संख्यामा बृद्धी हुन थालेसंगै जिल्लाको कोभिड अस्पताल पुन सञ्चानमा आएको छ । माघ २ गते देखि नयाँ कोरोना संक्रमित बिरामी भर्ना हुन थालेपछि जिल्लाको चौदण्डीगढी नगरपालिका–६ सातधारे स्थित खाली भएको उदयपुर कोभिड अस्पताल पुन सञ्चालनमा आएको हो । जिल्ला स्वास्थ्य कार्यालय उदयपुरको बुधवारको तथ्याङक अनुसार पछिल्लो समय २ सय १९ जनाको परिक्षण गरिएकोमा १ सय ४३ जनामा संक्रमण पुष्टि भएको छ ।...

पूर्णपुष्टि, माघ २ बैंक खाता नभइ वृद्धभत्ता नदिने भएपछि खाता खोेल्न हिँडेकी ६० वर्षीया एक वृद्धाको बीच बाटोमै ज्यान गएको छ । कालीकोट जिल्लाको पलाँता–३ पनेराकी टिउकी बमको बैंक जाने क्रममा बाटैमा ज्यान गएको हो । पालिकाले बैंक खाता नभइ वृद्धभत्ता नदिने भनेपछि बम खाता खोल्नको लागि करिब १० किलोमिटर टाढाको थिर्पु जादैँ थिइन् । सोही क्रममा वृद्धाको ज्यान गएको हो । १० किलोमिटर हिडेर खाता खोल्न जानु पर्ने भएपछि उनी बिहानै घरबाट हिडेकी थिइन् । वृद्धावस्था र शारीरिक रुपमा पनि अस्वस्थ हुँदाहुँदै उनी घरबाट निस्केको स्थानीयले बताएका छन् । उनी पलाँताको थिर्पुमा रहेको नबिल बैंकमा खाता खोल्न हिडेकी थिइन् ।  ...

पूर्णपुष्टि, माघ २ एकै परिवारका चारजना मृत अवस्थामा भेटिएका छन् । सुर्खेतको वीरेन्द्रनगर नगरपालिका–१० बुदबुदेमा एकै परिवारका चार जना मृत अवस्थामा भेटिएको हो । शिवालय गाउँपालिका ४, जाजरकोटकी ३५ वर्षीया कल्पा बुढासँगै उनका ९ वर्षीय छोरा निरज बुढा, अर्का ८ वर्षीय छोरा चिरञ्जिवी बुढा र कल्पाका दाइ मानबहादुर बुढाका छोरा पाँच वर्षीय सोमराज बुढा मृत अवस्थामा भेटिएका हुन् । मृतक कल्पाका श्रीमान कृष्ण बुढा जाजरकोटमा मेडिकल चलाउँदै आएका छन् । वीरेन्द्रनगरमा ७७ वर्षीय ससुरा वीरबहादुर बुढासँगै कल्पा, दुई छोरा र भदै बस्दै आएको प्रहरीले जनाएको छ । शुक्रबार बेलुका चारैजना खाना खाएर एउटै कोठामा सुतेका थिए । ससुरा बिहानै पूजाआजाका लागि मन्दिर गएर अराह्न चार बजे फर्किंदा कोही पनि उठेको नदेखेपछि शनिबार बेलुका ६ बजे प्रहरीलाई खबर गरेका थिए । उनीहरू कोठामा भित्रबाट चुक्कुल लगाएर खाटमा सुतेको अवस्थामा मृत ...

पूर्णपुष्टि, माघ २ आजदेखि नेपाल सरकारले कोरोना विरुद्धको बुस्टर डोज खोप दिने भएको छ । स्वास्थ्य तथा जनसंख्या मन्त्रालयले शुक्रबार प्रदेशका स्वास्थ्य निर्देशनालय र जिल्ला स्वास्थ्य कार्यालयहरुलाई पत्र लेखेर अग्रपंक्तिमा खटिनेहरुलाई माघ २ गतेदेखि बस्टर डोज लगाउन थालिएको हो । त्यसैगरी, ६० वर्षमाथिका ज्येष्ठ नागरिकलाई माघ १४ गतेदेखि बुस्टर डोज खोप दिन आग्रह गरेको थियो । सोही अनुसार आजदेखि पहिलो चरणमा अस्पताल तथा स्वास्थ्य संस्थामा काम गर्ने स्वास्थ्यकर्मी र कर्मचारी, सबै सुरक्षाकर्मी, सञ्चारकर्मी, सार्वजनिक फोहर संकलक, सरसफाइकर्मी, एम्बुलेन्स तथा शव वाहन चालक, महिला स्वास्थ्य स्वयंसेविका, त्रिभुवन अन्तर्राष्ट्रिय विमानस्थलमा खटिने कर्मचारीहरुले बुस्टर डोज पाउनेछन् । यस्तै सरकारी कार्यालय, सामुदायिक सेवा प्रवाह गर्ने संघ संस्था, बैंकिङ सेवा, सार्वजनिक यातायातका चालक तथा सहचालकलाई पनि बुस्...

पूर्णपुष्टि, माघ २ कोभिड १९ को कारण भएको लकडाउनले सबैलाई नोक्सानी मात्र गर्यो भन्ने होइन, बरु त्यसको सदुपयोग गर्न जान्नेहरुलाई फाईदा पुगेको छ । त्यसको एक उदाहरण हो कलाकार गोपाल कृतिको दम्पत्ती । उदयपुरको त्रियुगा नगरपालिका–१२ का कृति रङ्गकर्मी हुनुहुन्छ । उहाँको परिवारमै कलाकारीता छाएको छ । कृति नाटक तथा अभिनयमा निपुण हुनुहुन्छ । उहाँकी श्रीमती नमु न्यौपाने नृत्यमा, ठूलीछोरी गायन, नृत्यमा र कान्छिछोरी अभिनय र नृत्यमा अब्बल हुनुहुन्छ । आफैमा सिमित यी कलाहरु लकडाउनपछि सबै माझ छाएको छ । सधै केही न केही सिर्जनशिल काम गर्नुपर्ने वा कार्यक्रममा सहभागि हुनुपर्ने परिवार लकडाउनले घरमै खुम्चिनु पर्दाको पिडा निकै तितो थियो । २०७६ सालको पहिलो लडकाउनमा घरमै खुम्चिएर रहेको कृति परिवारले २०७७ को दोस्रो लकडाउनलाई भने भरपुर सदुपयोग गर्यो । कतै केही गर्न नपाउने, घरमै बसिराखेको अवस्थामा कृतिले टिकटक एका...