Breaking News 3

पूर्णपुष्टि, पुष २७ मोरङको धनपालथान गाउँपालिका–२ स्थितबाट लागुऔषध गाँजा सहित ३ जनालाई प्रहरीले पक्राउ गरेको छ । पक्राउ पर्नेमा धनपालथान–२ बरियाती टोलका ४० बर्षीय बसन्त पासवान, सुनसरी धरान–१६ का ३६ बर्षीय रविन राई र २९ बर्षीय वचन राई पक्राउ परेका छन् । आईतवार बेलुकी सवा ३ बजे बिशेष सुचनाको आधारमा प्रहरी चौकी अमाहीबरियातीबाट खटिएको प्रहरीको टोलीले उनिहरुको साथ बाट लागु औषध गाजाँ ३ केजी १०५ ग्राम, नगद २० हजार ५ सय रुपैया र प्रदेश १–०२०–०४५ प २६९९ नंम्बरको मोटरसाईकल बरामद गरेको हो । पक्राउ परेका तीनै जनालाई सम्मानित मोरङ जिल्ला अदालतबाट लागुऔषध कसूरमा म्याद थप गरी अनुसन्धान गरिरहेकोरहेको जिल्ला प्रहरी कार्यालय मोरङले जनाएको छ ।...

पूर्णपुष्टि, पुष २६ पछिल्लो समय नेपालमा पनि कोरोना संक्रमणदर बढ्न थालेपछि माघ ३ गतेबाट अनिर्वायरुपमा कोरोना विरुद्धको खोप लगाएको कार्ड बोक्नु पर्नेछ । सार्वजनिक स्थलमा प्रवेश गर्दा कोरोना खोप लगाएको कार्ड देखाउनुपर्ने छ । कोरोना संक्रमितको संख्या बढ्दै गएसँगै कोभिड–१९ संकट व्यवस्थापन समन्वय केन्द्र (सिसिएमसी) को आइतबारको बैठकले सरकारसमक्ष यस्तो सिफारिस गरेको हो । कोभिड १९ संकट व्यवस्थापन समन्वय केन्द्रकी प्रवक्ता सुनिता नेपालका अनुसार विभिन्न सार्वजनिक स्थलमा प्रवेश गर्दा खोप लगाएको पास देखाउनु पर्ने छ । कार्यालय, होटेल, सिनेमा हल, रंगशाला, हवाइ यात्रा गर्दा खोप लगाएको प्रमाण देखाएर मात्रै सेवा लिन पाउने छन् ।...

पूर्णपुष्टि, पुष २६ शिकार खेल्न गएको एक युवाको गोली लागेर ज्यान गएको छ । स्याङ्जाको जंगलमा पुष २० गते राति कालिजको शिकार गर्ने क्रममा गोली लागेर आँधिखोला गाउँपालिका–१ का कालिखर्कका २७ वर्षीय मनोज विकको ज्यान गएको हो । भरुवा बन्दुकको छर्रा लागेर विकको घटनास्थलमै मृत्यु भएको जिल्ला प्रहरी कार्यालय स्याङ्जाले जनाएको छ । घटनापछि फरार भएका ६ जनालाई आइतबार प्रहरीले पक्राउ गरेको छ । आँधिखोलाका भीमबहादुर सुनार, सोही ठाउँकै सुनिल विक, रेवत पौडेल र धनबहादुर विक समातिएका छन् । सोही ठाउँका गोविन्द अधिकारी र साजन कामीलाई बुटवल बसपार्कबाट पक्राउ गरिएको छ । उनीहरुलाई कर्तब्य ज्यान मुद्दामा म्याद थपेर अनुसन्धान अघि बढाइएको प्रहरीले जनाएको छ ।...

पूर्णपुष्टि, पुष २६ एक ७ वर्षीया बालिकालाई जबरजस्ती करणी गरेको अभियोगमा एक जना युवा पक्राउ परेको छ । मोरङको कानेपोखरी गाउँपालिका घर भएका ३४ वर्षीय धन बहादुर बिष्टलाई भोजपुर प्रहरीले पक्राउ गरेको हो । भोजपुर षडानन्द नगरपालिकास्थित खेतमा ती बालिकालाई बिहीबार धनबहादुरले जबरजस्ती करणी गरेको भन्ने उजुरीका आधारमा ईलाका प्रहरी कार्यालय दिङलाबाट खटिएको प्रहरीले उनलाई पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।...

पूर्णपुष्टि, पुष २६ उदयपुरको रौतामाई गाउँपालिकामा किशोरकिशोरीद्धारा बालविवाह न्युनिकरणका लागि स्थानिय सरोकारवालाहरुको ध्यानाकर्षण गराउन ज्ञापन पत्र बझाएका छन् । केहि वर्ष यता वर्षेनी दर्जन बढि बालविवाह हुँदै आईरहेको रौतामाई गाउँपालिका–७ मा ८५ जना किशोरकिशोरीले सो ध्यानकर्षण पत्र बुझाएका हुन् । किशोरकिशोरीले रौतामाई गाउँपालिका–७ मा तथा पालिका जनप्रतिनिधिहरु, वडा बाल अधिकार समितिका पदाधिकारीहरु,शिक्षक,बुद्धिजीवि र राजनैतिक दलका प्रतिनिकिहरुको उपस्थितिमा आफनो हस्ताक्षर सहितको ज्ञापन पत्र बुझाएको नमुना किशोरी समुहले जनाएको छ । ज्ञापन पत्र बुझ्दै वडा नम्बर ७ का अध्यक्ष उत्तर बहादुर मगरले यस वडामा बाल बिवाह जटिल समस्याको रुपमा देखिएकोले यसको न्युनिकरण गर्न घर”घरमा जागरण अभियान सञ्चालन गर्नुपर्ने बताउनुभयो ।उहाँले स्थानिय तहले यसको अगुवाई गर्नुपर्ने कुरामा जोड दिनुभयो । उहाँले ज्ञापन पत्र बु...

पूर्णपुष्टि, पुष २६ पछिल्लो केहि दिन यता छिमेकी राष्ट्र भारमा कोरोना संक्रमणदर तीब्र रुपमा बढ्न थालेपछि नेपालमा पनि संक्रमण बढ्ने थालेको छ । संक्रमण बढ्दै गएपछि सरकारले देशभरका विद्यालय माघ १५ गतेसम्म बन्द गर्ने भएको छ । कोरोनाको जोखिम बढ्न थालेपछि आइतबार बसेको कोभिड–१९ संकट व्यवस्थापन समन्वय केन्द्र (सीसीएमसीसी) को बैठकले यस्तो निर्णय गरेको हो । सीसीएमसीसीको बैठकले माघ १५ गतेसम्म हिउँदे विदा दिएर देशभरका आधारभूत र माध्यमिक विद्यालय बन्द गर्न आग्रह गरेको छ । त्यस्तै अभिभावकहरुलाई पनि बालबालिका विद्यालय नपठाउन आग्रह गर्ने निर्णय गरेको प्रवक्ता सुनीता नेपालले जानकारी दिनुभयो । बैठकले विद्यालय बन्द रहेको अवस्थामा पनि १२ देखि १७ वर्षसम्मका विद्यार्थी र १८ वर्षदेखि माथिका शिक्षक, कर्मचारी र अभिभावकलाई खोप लगाउन पनि आग्रह गरेको छ ।...

पूर्णपुष्टि, पुष २६ झापाको मेचीनगर नगरपालिका–१० स्थितबाट लागुऔषध ब्राउन सुगरसहित दुई जना पक्राउ परेका छन् । मेचीनगर–१० का ३२ वर्षीय बिक्रम प्रसाई र मेचीनगर–९ का ४४ वर्षीय संजय खडका पक्राउ परेका हुन् । हिजो बेलुका साढे ४ बजे इलाका प्रहरी कार्यालय धुलाबारीबाट खटिएको प्रहरी टोलीले बिक्रम राईको घरको भान्सा कोठा भित्र बसिरहेको अवस्थामा दुवै जनालाई लागुऔषध ब्राउन सुगर ५ ग्राम, डिजिटल तराजु १ थान, नगद १९ हजार ५ सय रुपैयाँसहित नियन्त्रणमा लिएको हो । पक्राउ परेका प्रसाई र खडकाको इलाका प्रहरी कार्यालय धुलाबारीबाट थप अनुसन्धान भईरहेको छ ।...

पूर्णपुष्टि, पुष २५ मोरङको बेलबारी नगरपालिका–१ पुरानो बेलबारीमा घर भत्काउने क्रममा पर्खालले किचेर एक जना मजदुरको ज्यान गएको छ । ऋषि साहको घरको पर्खाल भत्काउने क्रममा सुन्दरहरैचा नगरपालिका–१ का ४५ वर्षीय अशोक खवासको ज्यान गएको हो । घर भत्काउने क्रममा अचानक घरको पर्खालले किचिएर घाइते भएका खवासको उपचारका लागि विराटनगरस्थित नोबेल अस्पताल लग्ने क्रममा बाटोमै ज्यान गएको जिल्ला प्रहरी मोरङले जनाएको छ ।...

पूर्णपुष्टि, पुष २५ बलात्कारको घटना लुकाउन खोजेको अभियोगमा कैलालीबाट जनप्रतिधिसतिह पाँच जना पक्राउ परेका छन् । ७७ वर्षीया एक वृद्धामाथि भएको बलात्कारको घटनामा जनप्रतिनिधिले नै मिलापत्र गराएको खुलेको छ । सो घटनामा मुछिएको भन्दै प्रहरीले वडा सदस्यसहित पाँच जनालाई पक्राउ गरेको हो । जिल्लाको घोडाघोडी नगरपालिका–४ का ३० वर्षीय प्रकाश सुवेदी, घटना मिलापत्र गराउने वडा सदस्य लक्ष्मीरुद्र न्यौपाने, शिक्षक होमप्रसाद सुवेदी, पूर्ववडा सचिव यज्ञराज आचार्य र स्थानीय राजु भट्टराई पक्राउ परका हुन् । ७७ वर्षीया बृद्धामाथि बलात्कार भएको घटना मिलापत्र गराउने वडा सदस्यसहितका पाँच जनालाई पक्राउ गरेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) वेदप्रकाश जोशीले जानकारी दिनुभयो । प्रहरीका अनुसार कैलालीको घोडाघोडी नगरपालिका–४ मा गत मंसिर १५ गते स्थानीय ७७ वर्षीया वृद्धामाथि बलात्का...

पूर्णपुष्टि, पुष २५ सुनसरी ईटहरी उपमहानगरपालिका–४ भित्रि सडक खण्ड डिबिएम बेडिङ छेउमा मोटरसाईकल दुर्घटना हुँदा चालकको ज्यान गएको हो । झापा धुलाबारी घर भई हाल ईटहरी उपमहानगरपालिका–६ बस्ने २२ वर्षीय रोशन विश्वकर्माको मोटरसाईकल दुर्घटनामा ज्यान गएको हो । हिजो राती साढे ९ बजे पश्चिमबाट पुर्व तर्फ जादैँ गरेको मे १ प ५५९० नम्बरको मोटरसाईकल आफै अनियन्त्रित भई दुर्घटना हुँदा चालक रहेका विश्वकर्मा गम्भिर घाईते भएका थिए । उनको उपचारको लागी धरान घोपा पुर्याउन साथ ज्यान गएको अस्पतालले जनाएको छ । घटना सम्बन्धमा थप अनुसन्धान भईरहेको प्रहरीले जनाएको छ ।...