Breaking News 3

पूर्णपुष्टि, कार्तिक १७ मोरङ धनपालथान गाऊपालिका ३ मोरीयापुल स्थितमा बसको ठक्करबाट साईकल यात्रीको मृत्यु भएको छ । मृत्यु हुनेमा साईकल पछाडी सवार रंगेली नगरपालिका ३ की २८ बर्षीय रेखा पासवान रहेकी छन् । आज दिउसो साढे २ बजे रंगेली बिराटनगर सडक खण्डमा पश्चिम बाट पुर्व तर्फ जादै गरेको प्र १–०४–००१ख ००२२ नम्बरको बसले बिपरित दिशाबाट आउदै गरेको साईकललाई ठक्कर दिँदा साईकलमा सवार रेखा पासवान र उनकै श्रीमान् ३१ बर्षीय उमेश पासवान घाईते भएका थिए । घटनाको जानकारी पाए लगतै अस्थाई प्रहरी चौकी बेतौनाको प्रहरी टोलीले दुवै घाईतेलाई उपचारको लागी रंगेली अस्पताल पठाईएकोमा रेखाको अस्पताल पुर्‍याउन साथ मृत्यु भएको थियो भने उमेशको सोही अस्पतालमानै उपचार भईरहेको छ । दुर्घटना गराउने बस प्रहरीको नियन्त्रणमा छ भने चालक फरार रहेकोले खोजतालस भईरहेको ईलाका प्रहरी कार्यालय रंगेलीले जनाएको छ ।...

पूर्णपुष्टि,कार्तिक १७ सुनसरीमा ज्यान मार्ने उद्योग मुद्धाका फरार प्रतिबादी पक्राउ परेको छ । जिल्लाको धरान उमहानगरपालिका–११ का २५ वर्षीय सन्तोष राईलाई पक्राउ गरी आज अदालतमा बुझाईएको हो । ज्यान मार्ने उद्योग मुद्धामा सुनसरी जिल्ला अदालतबाट मिति २०७६ फागुन १५ गतेको सजाय निर्धारण फैसला आदेशले १ वर्ष ६ महिना कैद भई लगत नं. ९४२० मा कैद बेरुजु रहि असुल गर्न बाँकी रहेका थियो । राईलाई १ नं प्रदेश प्रहरी कार्यालय, आर आई टी बाट खटिएको प्रहरी टोलीले खोजतलास गर्ने क्रममा गाउँघरमा नै लुकिछिपी बसेको अबस्थामा गत १५ गते राईलाई पक्राउ गर्न सफल भएको थियो । पक्राउ परेका राईलाई हिजो जिल्ला अदालतबाट कैद भुक्तानको लागी कारागार चलान गरिएको छ ।...

पूर्णपुष्टि, कार्तिक १७ लक्ष्मीपूजाको एक दिन अगाडी सुनचाँदीको मूल्यमा गिरावट आएको छ । आज सुनको मूल्यमा प्रतितोला ५ सय रुपैयाँले सस्तिएको नेपाल सुनचाँदी व्यवसायी महासंघले जनाएको छ । हिजो ९२ हजार रुपैयाँमा कारोबार भएको सुनको मूल्य ९१ हजार ५ सय रुपैयाँमा झरेको छ । त्यसैगरी, चाँदीको मूल्यमा पनि गिरावट आएको छ । चाँदी तोलामा २५ रुपैयाँले सस्तिएको छ । चाँदीको प्रतितोला कारोबार मूल्य आज एक हजार २ सय २५ रुपैयाँ तोकिएको छ । हिजो एक हजार २ सय ५० रुपैयाँ तोलामा चाँदीको कारोबार भएको महासंघले जनाएको छ ।...

पूर्णपुष्टि, कार्तिक १६ तेह्रथुममा आज बिहान भएको ट्रक दुर्घटनामा परी चालकको ज्यान गएको छ, भने सह–चालक घाइते भएका छन् । जिल्लाको फेदाप गाउँपालिका–२ भित्री सडक खण्डमा ओसीडाँडा देखी सदरमकुकाम म्याङलुङ तर्फ जाँदै गरेको बागमती प्रदेश ०१–००६ ख २७७० नम्बरको ट्रक आफै अनियन्त्रित भई सडकबाट अन्दाजी १०० मिटर तल खसेर दुर्घटना भएको थियो । ट्रक चालक काभ्रेपलान्चोकका २७ वर्षीय रोहित अधिकारी र सह–चालक २४ वर्षीय सुदिप राई घाईते भएका थिए । घाईतेहरुलाई उपचारको लागी जिल्ला अस्पताल म्याङलुङ पठाईएकोमा उपचारको क्रममा चालक अधिकारीको ज्यान गएको तथा सह–चालकको उपचार भईरहेको जिल्ला प्रहरी कार्यालय तेह्रथुमले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि, कार्तिक १५ स्रोत नखुलेको साढे आठ लाख रुपैयाँसहित कैलालीबाट तीन जना पक्रांउ परेको छ । धनगढी बसपार्कमा रहेको होटल अमन प्लाजाबाट ८ लाख ६९ हजार रुपैयाँसहित तीन जनालाई पक्राउ गरेको जिल्ला प्रहरी कार्यालय कैलालीले जनाएको छ । बझाङको मष्टा गाउँपालिका–१ कोटदेबलका २२ वर्षीय मुकेश खड्का,१८ वर्षीय किरण खड्का र २४ वर्षीय नारायण खड्कालाई प्रहरीले पक्राउ गरेको हो । उनीहरुलाई विशेष सूचनाका आधारमा सुदूरपश्चिम प्रदेश अनुसन्धान समूह (आरआईटी) र जिल्ला प्रहरी कार्यालयबाट खटिएको टोलीले पक्राउ गरेको हो । उनीहरूको साथबाट तीन हजार दुई सय भारतीय रूपैयाँ, ३४ ग्राम ३६० मिलिग्राम सुनका गरगहना र ७३७ ग्राम ७८० मिलिग्राम बराबरका चाँदीका विभिन्न गरगहन पनि बरामद गरिएको प्रहरीले जनाएको छ । नगद र गरगहनासहित पक्राउ परेका उनीहरूलाई आवश्यक कारवाहीका लागि राजश्व अनुसन्धान कार्यालय कोहलपुर पठाइएको प्रहरीले जनाए...

पूर्णपुष्टि, कार्तिक १५ यही आउन लागेको कार्तिक २० गते पर्न गएको भाइटीकाको उत्तम साइत सार्वजनीक भएको छ । नेपाल पञ्चाङ्ग निर्णायक विकास समितिका अनुसार भाइटीकाको उत्तम साइत ११ बजेर २ मिनेटको रहेको छ । विकास समितिका सदस्य सचिव सूर्यप्रसाद ढुंगेलले यस वर्षको भाइटीकाको साइत यही कात्तिक २० गते बिहान ११ बजेर २ मिनेटमा रहेको जानकारी दिनुभएको छ ।...

पूर्णपुष्टि,कार्तिक १५ प्रहरीले विराटनगरबाट चाँदीका बनाएका गरगहनासहित एक जनालाई नियन्त्रणमा लिएको छ । विराटनगर महानगरपालिका–१५ का ४५ वर्षीय बलराम सिंहलाई चाँदीका गहनासहित प्रहरीले नियन्त्रणमा लिएको हो । उनको साथबाट प्रहरीले दुई किलोग्रामजति चाँदीबाट बनाइएका औँठी, विभिन्न देवीदेवताका आकृति र सिक्काजस्तो देखिने वस्तुहरु बरामद गरेको छ । सशस्त्र प्रहरी बल मोरङका प्रमुख एसपी तीर्थ पौडेलका अनुसार सिंहलाई विराटनगर भन्सार कार्यालयको २ नम्बर ढाटबाट नियन्त्रणमा लिइएको हो । चाँदीबाट बनेका वस्तुलाई बेल्ट (पेटी)ले शरीरमा बाँधेर ल्याउँदै गर्दा उनलाई पक्राउ गरेर आवश्यक अनुसन्धानका लागि इलाका प्रहरी कार्यालय रानीको जिम्मा लगाइएको पौडेलले बताउनुभयो । उनका अनुसार बरामद भएको धातु चाँदी हो कि हैन भनेर थप प्रमाणित गर्नका लागि प्रक्रिया अघि बढाइएको छ ।...

पूर्णपुष्टि, कार्तिक १५ मोरङको एक खोलामा अचम्म खालको माछा फेला परेको छ । हाल सम्म सायदै खोलाहरुमा फेला नपरेको अनौठो प्रजातिको माछा मोरङ स्थित लोहन्द्रा खोलामा फेला परेको हो । धनपालथान गाउँपालिकाको दादरबेरियास्थित खोलामा अनौठो प्रजातिको माछा भेटिएपछि अचम्मित भएको छ । मोरङ डिभिजन वन कार्यालयका अधिकृत परमेश्वर पासवानका अनुसार अमेरिकाको रैथाने प्रजातिमा पर्ने यो माछा नेपालमा सहजै नपाईने बताए । कसरी यो माछा नेपालमा भेटियो भन्नेबारे अध्ययन थालिएको उनको भनाइ छ । उनले नयाँ प्रजातिको माछा मोरङमा पहिलो र नेपालमा भने दोस्रो पटक भेटिएको बताए । अमेरिकाको रैथाने माछा ‘सकरमाउथ क्याट फिस’ पहिलो पटक मोरङमा फेला परेको हो । वैज्ञानिक नाम ‘हाइपोस्टोमस प्लेस्कोटोमस’ रहेको यो माछा नेपालमा दोस्रो पटक फेला परेको पासवानले बताए । पहिलो पटक सन् २०१८ मे १२ मा धनुषाका हेमनारायण यादवको पोखरीमा भेटिएको थियो ...

पूर्णपुष्टि, कार्तिक १४ जंगली हात्तीवको आक्रमणबाट पर्सामा एक जनाको अकालमै मृत्यु भएको छ । जिल्लाको मकवानपुर मनहरी गाउँपालिका–५ बस्ने अन्दाजी ५५ वर्षीय सोमबहादुर राईको हात्तीको आक्रमणबाट मृत्यु भएको हो । पर्साको पटेर्वासुगौली गाउँपालिका–१ शीतलपुरस्थित खोलाको बगरमा उनलाई हात्तीले आक्रमण गरेको थियो । कात्तिक १२ गते राति १२ बजे उनलाई जंगली हात्तीले आक्रमण गरे पनि प्रहरीले ढिलो सूचना पाएको थियो । घटनास्थल मुचुल्कापछि शव पोष्टमार्टमका लागि वीरगञ्ज स्थित नारायणी अस्पतालमा पठाइएको जिल्ला प्रहरी कार्यालय पर्साले जनाएको छ ।...

पूर्णपुष्टि, कार्तिक १४ राष्ट्रिय जनगणना २०७८ को तयारी अन्तिम चरणमा पुगेको छ । केन्दीय तथ्यांक विभागका अनुसार घरघरमा गएर विरण संकलन गर्ने गणकका लागि शनिबारबाट अन्तिम चरणको तालिम शुरु भएको छ । ७७ वटै जिल्लाका ३४९ वटा जनगणना कार्यालयले गणकका लागि अन्तिम चरणको तालिम शुरु गरेको विभागले जनाएको छ । देशभर जनगणना कात्तिक २५ बाट शुरु हुनेछ । जनगणनाको काम मंसिर ९ गते पूरा हुनेछ । कुल ३९ हजार गणक देशैभर खटिनेछन् । गणकका लागि तालिम १३ कात्तिकबाट १६ कात्तिकसम्म चल्नेछ । ट्याब प्रयोग हुने काठमाडौंमा भने १७ गतेसम्म गणकको तालिम चल्ने विभागले जानकारी गराएको छ । तालिममा जनगणना क्षेत्रको पहिचान, सही तथ्यांक ल्याउन गणकले अपनाउनु पर्ने सावधानी, उत्तरदातासँग गर्नुपर्ने व्यवहार, तथ्यांकको गोपनीयता कायम राख्ने विषयमा जानकारी गराइने भएको छ । गणकको सानो गल्तीले तथ्यांकको विश्वसनीयतामा प्रश्न उठ्न सक्ने भन्दै ग...