समाचार

पूर्णपुष्टि, साउन २५ ।  संसदको सार्वजनिक लेखा समितिले चार वर्षअघि नै नेपाल विद्युत् प्राधिकरणका तत्कालीन कार्यकारी निर्देशक कुलमान घिसिङमाथि छानबिन गर्न अख्तियार दुरुपयोग अनुसन्धान आयोगलाई निर्देशन दिएको खुलासा भएको छ। समितिले २०७७ चैत २२ मा डेडिकेटेड र ट्रंक लाइन सम्बन्धमा राजस्व लापरबाही गरेको भन्दै छानबिनको निर्देशन दिएको थियो। डा. मिनेन्द्र रिजाल संयोजकत्वको उपसमितिले गरेको अध्ययनले घिसिङले नौ महिनासम्म महत्त्वपूर्ण प्रतिवेदन लुकाएको र नियम विपरीत छुट बिल काटेको निष्कर्ष निकालेको थियो। उपसमितिको अध्ययनले प्राधिकरणमा गम्भीर कमजोरीहरू फेला पारेको थियो। यसमा समयमा बिलिङ नगरेको, टीओडी मिटरको डेटा नियमित डाउनलोड नगरेको, र विद्युत् उपयोग गरेको समयावधिलाई वैज्ञानिक पुष्टि गर्न नसकेको जस्ता विषयहरू समावेश छन्। हालका समिति सभापति ऋषिकेश पोखरेलले यो विषयमा समिति गम्भीर रहेको र भए गरेका कामबारे...

पूर्णपुष्टि, साउन २५ । चीनले नोभेल अल्ट्रा हाइ स्पिड (यूएचएस) म्याग्लेभ यातायात प्रणालीको सफल परीक्षण गरेको छ। सान्जी प्रान्तमा गरिएको यस परीक्षणमा रेलले प्रतिघण्टा १००० किलोमिटरको गति हासिल गरेको छ। चीनको एरोस्पेस विज्ञान तथा उद्योग संस्थान लिमिटेडले साङ्जीसँग मिलेर गरेको यो परीक्षणमा रेलको नियन्त्रण प्रणाली, सस्पेन्सन र सुरक्षित रोक्ने प्रणाली सफल भएको चीनको सरकारी सञ्चार माध्यम सीजीटीएनले जनाएको छ । म्याग्लेभ प्रविधिमा आधारित यो रेल चुम्बकीय शक्तिद्वारा सञ्चालित हुन्छ। परीक्षणले लामो दूरीको यात्रा, मर्मत, कम हावाको चापमा प्रणालीको कार्यक्षमता र अन्य प्रमुख प्रविधिहरूको प्रदर्शनलाई पनि सफल देखाएको छ। यो प्रणाली भविष्यमा चीनका ठूला शहरहरू बीचको यातायातका लागि प्रयोग गर्न सकिने र यसले बेइजिङदेखि सांघाईसम्मको यात्रा लगभग डेढ घण्टामा पूरा गर्न सक्ने अनुमान गरिएको छ।...

पूर्णपुष्टि, साउन २५ । खोटाङ घर भएका एक पूरुष उदयपुरमा मृत अवस्थामा फेला परेका छन्। जिल्ला प्रहरी कार्यालय उदयपुरका अनुसार मृतक खोटाङको दिक्तेल रुपाकोट मझुवागढी नगरपालिका वडा नम्बर १५ बिजयखर्क बस्ने ४२ वर्षीय नविन ढुंगाना हुन्। उनको शव त्रियुगा नगरपालिका जलजलेस्थित उदयपुर सिमेन्ट उद्योगको मुल गेटपूर्व रहेको पिपलको रुखमा झुण्डिएको अवस्थामा फेला परेको जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चपागाईले जानकारी दिए। ढुंगाना केही वर्षयता परिवारसहित उदयपुरको त्रियुगा नगरपालिका वडा नम्बर ११ मा बसोबास गर्दै आएका थिए। मृतकको शव पोस्टमार्टमका लागि जिल्ला अस्पताल लगिएको उदयपुर डिएसपी चपागाईले बताए । घटनाको थप अनुसन्धान भइरहेको प्रहरीले जनाएको छ।...

पूर्णपुष्टि, साउन २५ । कोशी प्रदेशसभाका सभामुख अम्बरबहादुर बिष्टले ३०औं अन्तर्राष्ट्रिय आदिवासी दिवसको अवसरमा आदिवासीहरूको हकहित र समानताका लागि राज्यले लगानी गर्नुपर्ने आवश्यकता औंल्याएका छन्। सभामुख बिष्टले नेपाललाई बहुभाषिक, बहुजातीय र बहुसांस्कृतिक पहिचान भएको मुलुकको रूपमा चित्रण गर्दै आदिवासीहरूको पहिचान, रीतिरिवाज, कला, सभ्यता र भेषभूषालाई राष्ट्रिय सम्पत्तिको रूपमा व्याख्या गरे। उनले यी मौलिक पहिचानहरूको संरक्षण गर्नुपर्ने र भावी पुस्तालाई हस्तान्तरण गर्नुपर्ने कुरामा जोड दिए। बिष्टले आदिवासी समुदायका लागि सहज, सरल र विकसित समाज निर्माण गर्नु सबैको दायित्व भएको उल्लेख गर्दै आदिवासीका हक, अधिकार र पहिचानको रक्षाका लागि सबैमा प्रेरणा मिलोस् भन्ने शुभकामना व्यक्त गरे। यो दिवस संयुक्त राष्ट्र संघको आह्वानमा विश्वभरका आदिवासी जनजातिहरूले सन् १९९५ देखि अधिकारका लागि महान् अन्तर्राष्ट्र...

पूर्णपुष्टि, साउन २५ ।  काठमाडौं महानगरपालिकाको कार्यालय नजिकै सडक भासिँदा गएरातिदेखि आवागमन प्रभावित भएको छ। महानगरपालिकाको कार्यालय रहेको काठमाडौं प्लाजादेखि उत्तरतर्फको सडक भासिएको महानगर प्रहरीले जानकारी दिएको छ। भासिएको सडक दरबारमार्गलाई जोड्ने महत्त्वपूर्ण मार्ग हो। यो सडक टुकुचा खोलामाथि निर्माण गरिएको थियो। प्रहरीका अनुसार सडक भासिएपछि हिजो रातिदेखि नै उक्त बाटो पूर्ण रूपमा बन्द गरिएको छ।...

पूर्णपुष्टि, साउन २५ ।  भारतीय राज्य सिक्किममा शुक्रबार बिहान ४.४ रेक्टर स्केलको भूकम्प गएको छ। भारतीय राष्ट्रिय भूकम्प विज्ञान केन्द्रका अनुसार भूकम्पको केन्द्रबिन्दु सिक्किमको सोरेङ आसपास रहेको थियो। स्थानीय समयअनुसार शुक्रबार बिहान ६ बजेर ५७ मिनेटमा गएको यस भूकम्पको उद्गम बिन्दुको गहिराइ १० किलोमिटर रहेको जनाइएको छ। भूकम्पको धक्का सिक्किमका साथै दार्जीलिङ र पश्चिम बंगालका केही जिल्लाहरूमा महसुस गरिएको स्थानीय सञ्चारमाध्यमहरूले उल्लेख गरेका छन्। भूकम्पको धक्का धक्का सिक्किम, दार्जीलिङसहित पश्चिम बंगालका केही जिल्ला र नेपालको पूर्वी भेगमा समेत महसुस गरिएको थियो ।...

पूर्णपुष्टि, साउन २५ ।  जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर मनसुनी वायुको प्रभाव रहेको छ। मनसुनको न्यून चापीय रेखा नेपालभन्दा दक्षिण सरदरकै स्थानमा रहेको छ। आज बिहानदेखि नै देशभर आंशिकदेखि साधारणतया बदली रहेको छ। गण्डकी, लुम्बिनी, कर्णाली र सुदूरपश्चिम प्रदेशका केही स्थानमा तथा अन्य प्रदेशका एक-दुई स्थानमा हल्कादेखि मध्यम वर्षा भइरहेको छ। दिउँसो देशभर आंशिकदेखि साधारणतया बदली रहने अनुमान छ। कोशी, वाग्मती, गण्डकी, लुम्बिनी, कर्णाली र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ। राति पनि देशभर आंशिकदेखि साधारणतया बदली रहने छ। कोशी, वाग्मती, गण्डकी र लुम्बिनी प्रदेशका केही स्थानमा तथा बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको ...

पूर्णपुष्टि, साउन २५ । उदयपुरको कटारी नगरपालिकामा आज (शुक्रबार) अगष्ट ९ तारिख ३०औं विश्व आदिवासी दिवस धुमधामका साथ मनाइने भएको छ। नेपाल आदिवासी जनजाति महासंघ नगर समन्वय परिषद कटारीले यस अवसरमा विशेष कार्यक्रमको आयोजना गरेको छ। परिषदका अध्यक्ष डिकबहादुर श्रेष्ठका अनुसार दिवसको अवसरमा विभिन्न जातजातिहरुको झाँकीसहित नगर परिक्रमा गरिनेछ। त्यसपछि महासंघको हलमा शुभकामना आदान-प्रदान कार्यक्रम हुनेछ। यस वर्षको दिवस "संविधान प्रदत्त अधिकार आदिवासीहरुको विशेष क्षेत्र र स्वायत्त क्षेत्र कार्यान्वयन गर" र "प्रदेश र स्थानीय तहको सरकारी कामकाजको भाषामा आदिवासी जनजातिको भाषा लागू गर" भन्ने नाराका साथ मनाइँदैछ। परिषदका सचिव राजिव तामाङले कार्यक्रमको तयारी पूरा भएको जानकारी दिनुभयो। आयोजकले आदिवासी जनजातिहरुलाई आफ्नो हक अधिकारका बारेमा सचेत हुन कार्यक्रममा सहभागी हुन आग्रह गरेको छ। उदयपुरको ताप्ली गाउँ...

पूर्णपुष्टि, साउन २५ । बंगलादेशमा नोबेल पुरस्कार विजेता मुहम्मद युनुसको नेतृत्वमा अन्तरिम सरकार गठन भएको छ। युनुसले बिहीबार राति अन्तरिम सरकारको प्रमुख सल्लाहकारको रूपमा शपथ लिएका छन्। युनुसले १७ सदस्यीय मन्त्रिपरिषद् गठन गरेका छन्, जसमा भेदभावविरोधी विद्यार्थी आन्दोलनका दुई नेता नासिद इस्लाम र आसिफ महमूद तथा पूर्व ब्रिगेडियर जनरल एम सखावत हुसेन समावेश छन्। सरकारी रोजगारीमा रहेको कोटाविरुद्ध विद्यार्थीहरूले थालेको आन्दोलन चर्किएपछि तत्कालीन प्रधानमन्त्री शेख हसिनाले २१ गते राजीनामा दिएर देश छोडेपछि, सेना प्रमुखले अन्तरिम सरकार बनाउने घोषणा गरेका थिए। विद्यार्थी नेताहरूले सेनाको नेतृत्वमा सरकार स्वीकार नगर्ने बताउँदै युनुसको नाम अगाडि सारेका थिए। राष्ट्रपति मोहम्मद शहाबुद्दीनले सर्वपक्षीय छलफलपछि संसद भंग गर्नुका साथै युनुसलाई अन्तरिम सरकार बनाउने जिम्मेवारी दिएका थिए।...

पूर्णपुष्टि, साउन २५ ।  सार्वजनिक खरिद अनुगमन कार्यालयले दुई दर्जन निर्माण कम्पनीहरुलाई कालोसूचीमा राखेको छ। यी कम्पनीहरुमा भारतको देहरादूनस्थित भारत कन्स्ट्रक्सन प्रमुख रहेको छ। सडक विभाग अन्तर्गतको गाईघाट दिक्तेल सडक योजना उदयपुरको सिफारिसमा भारत कन्स्ट्रक्सनलाई तीन वर्षका लागि कालोसूचीमा राखिएको हो। राजीव गर्ग यस कम्पनीका मुख्य व्यक्ति हुन्। कालोसूचीमा परेका अन्य कम्पनीहरुमा सिद्धि साई प्रकाश कन्स्ट्रक्सन प्रालि, देवनारायण पवनरमैनाचुलीरखम्पाचे जेभी, एडभेन्चर कन्स्ट्रक्सन प्रालि, जयबागेश्वर माता कन्स्ट्रक्सन प्रालि, बराह निर्माण सेवा र सुवास निर्माण सेवा लगायत रहेका छन्। काम सन्तोषजनक नभएमा कम्पनीहरु कालोसूचीमा पर्ने गर्दछन्। कालोसूचीमा परेका कम्पनीहरुले सो अवधिभर सार्वजनिक निकायको कुनै पनि खरिद कारबाहीमा भाग लिन पाउँदैनन्।...