समाचार

पूर्णपुष्टि, असार २७ । गत असार २४ गतेदेखिको भारी वर्षाका कारण उदयपुरको त्रियुगा नगरपालिकामा विश्व बैंकको सहयोगमा निर्माणाधीन आधुनिक सडक परियोजना प्रभावित भएको छ। आशिष आशिर्वाद स्वामी नारायण जेभीका आयोजना साइड इन्चार्ज उमेश कुमार बुढाथोकीका अनुसार, वर्षाले गर्दा सडक निर्माण कार्य अवरुद्ध भएको छ। परियोजना अन्तर्गत विभिन्न छ स्थानमा विद्युतीकरण र नाली निर्माणको काम भइरहेको थियो । विद्युतीकरणतर्फ पोल गाड्ने र तार टाँग्ने काम चलिरहेको थियो, तर वर्षाले जमिन कमजोर बनाएपछि पोल गाड्न कठिनाइ भएको छ । त्यसैगरी, नाली निर्माणतर्फ सडकको दुवैतिर नाली बनाउने काम भइरहेको थियो, जुन नालीमा पानी जमेका कारण रोकिएको छ । यस अवरोधले स्थानीय मजदुरहरूको रोजगारीमा समेत असर परेको छ। साथै, पूर्व(पश्चिम बरुवा बसपार्कस्थित आयोजनाको क्याम्प डुबानमा परेको छ, जसले गर्दा निर्माण सामग्रीमा क्षति पुगेको र कर्मचारीहरूको बसो...

पूर्णपुष्टि, २६ असार । त्रियुगा नगरपालिका ९ राजावास स्थित हायसले ठक्कर दिँदा पैदल यात्री गम्भीर घाईते भएको छ । बुधबार बिहान ९ बजेको समयमा मदन भण्डारी लोक मार्ग स्थित गाईघाट बाट कटारी जाँदै गरेको बा ५ ख २२९८ नं को हायसले ठक्कर दिँदा गम्भीर घाईते भएको हो । त्रियुगा नगरपालिका ९ राजावासकै ८४ बर्षिया मन माया राउतलाई बाटो काट्दै गरेको अवस्थामा हायसले ठक्कर दिएका थिए । घाईते बृद्धाको सिटि अस्पताल बिराटनगरमा उपचारको लागि पठाईएको ट्राफिक प्रहरी उदयपुरले जनाएको छ । उनको टाउको र खुट्टामा चोट लागेको छ । ठक्कर दिने हायस चालक तेह्रथुम जिल्ला लालिगुरास नगरपालिका ९ का खड्ग बहादुर मगरलाइृ जिल्ला प्रहरी कार्यालय उदयपुरले नियन्त्रणमा लिएर अनुसन्धान गरिरहेको छ ।...

पूर्णपुष्टि, असार २६ । राष्ट्रिय स्वतन्त्र पार्टी (रास्वपा) मा ठूलो उथलपुथल मच्चिएको छ। पार्टीका महामन्त्री तथा प्रवक्ता डा. मुकुल ढकाललाई सबै पदबाट हटाइएको छ। मंगलबार बसेको केन्द्रीय समितिको बैठकले ढकाललाई महामन्त्री, प्रवक्ता र केन्द्रीय सदस्य पदबाट बर्खास्त गर्दै साधारण सदस्यमा सीमित गर्ने निर्णय गरेको हो। पार्टीका कार्यवाहक प्रवक्ता मनीष झाका अनुसार ढकालमाथि पार्टी सञ्चालन गर्न अक्षम, अनुशासनहीन, अराजनीतिक र अभद्र व्यवहार गरेको आरोप लगाइएको छ। यसअघि असार १९ मा उनलाई एक साताका लागि निलम्बन गरिएको थियो। यो कारबाहीको पृष्ठभूमिमा ढकालले सभापति रवि लामिछानेलाई बुझाएको समीक्षा यात्रा प्रतिवेदन रहेको देखिन्छ। उक्त प्रतिवेदनमा पार्टी र सभापतिको कार्यशैलीप्रति कडा आलोचना गरिएको थियो। ३८ जिल्लाको भ्रमणपछि तयार पारिएको यो प्रतिवेदनमा सभापति लामिछानेको व्यवहार, पार्टी सञ्चालन र विभिन्न मुद्दाहरूम...

पूर्णपुष्टि, असार २६ । वैदेशिक रोजगारीको बहानामा महिलालाई विदेश पठाएर बेचबिखन गर्ने एक जनालाई प्रहरीले पक्राउ गरेको छ। मानव बेचबिखन अनुसन्धान ब्युरोले सिन्धुपाल्चोकका ३२ वर्षीय ङेमा लामालाई पक्राउ गरी अनुसन्धान गरिरहेको छ। ब्युरोका प्रवक्ता एसपी गौतम मिश्रका अनुसार ङेमाले आफ्नी श्रीमतीसँग मिलेर महिलालाई कतार पठाउने र त्यहाँ बेच्ने गरेको खुलासा भएको छ। उनीहरूले नक्कली कागजात बनाई महिलालाई प्रलोभनमा पारेर कतार पठाउने गरेको पाइएको छ। एक पीडित महिलाको उदाहरण दिँदै मिश्रले भने, ‘गत कात्तिकमा एक महिलालाई ९५ हजार रुपैयाँ लिएर कतार पठाइएको थियो। त्यहाँ ङेमाकी श्रीमतीले ती महिलालाई ५ लाख रुपैयाँमा एक कुवेती नागरिकलाई बेचिन्।’ पीडित महिला तीन महिनापछि भागेर नेपाली दूतावास पुगेकी थिइन्। त्यहाँबाट उद्धार गरी स्वदेश फर्काइएपछि दिइएको उजुरीका आधारमा ङेमालाई पक्राउ गरिएको हो। ब्युरोले ङेमालाई मा...

पूर्णपुष्टि, असार २६ । कोशी प्रदेशका मुख्यमन्त्री हिक्मतकुमार कार्कीलाई तेह्रथुममा पहिचान पक्षधरले कालो झण्डा देखाएका छन्। बुधबार बिहान बसन्तपुरबाट म्यालुङतर्फ जाँदै गर्दा जिरिखिम्तीमा यो घटना भएको हो। प्रदेशको नाम पहिचानको आधारमा राख्न माग गर्दै आन्दोलनरत समूहले यसअघि सरकारसँग सहमति गरी आन्दोलनको स्वरूप परिवर्तन गरेको थियो। तर आज फेरि मुख्यमन्त्रीविरुद्ध प्रदर्शन गरेका छन्। जिल्ला प्रहरी कार्यालय तेह्रथुमका प्रमुख डीएसपी रञ्जनकुमार दाहालका अनुसार करिब १० देखि १२ जनाको समूहले कालो झण्डा देखाउन खोजेको थियो। प्रहरीले हस्तक्षेप गरेपछि प्रदर्शनकारी र प्रहरीबीच सामान्य धकेलाधकेल भएको थियो। गत वर्ष फागुन १७ मा कोशी प्रदेशको नामाकरण गरिएको थियो। तर पहिचान पक्षधर यस निर्णयप्रति असन्तुष्ट रहेको र पहिचानमा आधारित नामको माग गरिरहेका छन् ।...

पूर्णपुष्टि, असार २६ । साविक विजेता अर्जेन्टिना कोपा अमेरिका २०२४ को फाईनलमा प्रवेश गरेको छ । मेटलाइफ स्टेडियममा बुधबार बिहान भएको खेलमा अर्जेन्टिनाले क्यानडालाई २–० गोलले हराउँदै फाईनलमा स्थान बनाएको हो । अर्जेन्टिनाका लागी अल्भारेजले २१औं मिनेटमा रोड्रिगो डे पउलको पासमा गोल गर्दै अर्जेन्टिनालाई अग्रता दिलाएका थिए । त्यसपछि मेसीले ५१औं मिनेटमा एन्जो फर्नान्डेजको पासमा यस संस्करणको आफ्नो पहिलो गोल गरे। अर्जेन्टिना लगातार तेस्रो ठूलो प्रतियोगिता जित्ने लक्ष्यमा छ। २०२१ मा कोपा र २०२२ मा विश्वकप जितेको अर्जेन्टिनाले अब फाइनलमा कोलम्बिया र उरुग्वेबीचको खेलको विजेतासँग उपाधिका लागि खेल्नेछ। आफ्नो सातौं कोपा खेलिरहेका मेसीले यस प्रतियोगितामा अहिलेसम्म १३ गोल गरिसकेका छन्। उनी कोपा अमेरिकाको इतिहासमा सर्वाधिक गोलकर्ताको सूचीमा संयुक्त सातौं स्थानमा रहेका छन्।...

पूर्णपुष्टि, असार २६ । स्पेनले युरो २०२४ को फाइनलमा स्थान बनाएको छ। मंगलबार राति म्युनिखमा भएको सेमिफाइनल खेलमा स्पेनले फ्रान्सलाई २–१ गोल अन्तरले पराजित गर्‍यो। फ्रान्सले रान्डल कोलो माउनीको गोलमार्फत शुरुवाती अग्रता लिए पनि स्पेनले लामिन यामल र डानी ओल्मोको गोलको मद्दतले पुनरागमन गर्‍यो। फ्रान्सका लागी रान्डलले ९औं मिनेटमा गोल गर्दै टोलीलाई अग्रता दिलाएका थिए भने खेलको २१ औं मिनेटमा यामलले र २५ औं मिनेटमा डानीले गोल गर्दै स्पेनलाई फाईनलको यात्रा गराएको हो । १६ वर्ष ३६२ दिनको उमेरमा गोल गरेर यामलले युरोमा सबैभन्दा कम उमेरमा गोल गर्ने कीर्तिमान कायम गरे। अब स्पेनले फाइनलमा नेदरल्याण्ड्स र इंग्ल्याण्डबीचको विजेतासँग खेल्नेछ, जहाँ उनीहरूले चौथो पटक युरो च्याम्पियन बन्ने लक्ष्य राखेका छन्।...

पूर्णपुष्टि, असार २६ । उदयपुरको रौतामाई गाउँपालिका–७ छिन्ताङटोलमा एक महिला चट्याङका कारण घाइते भएकी छिन्। मंगलबार नारायण बलम्पाकी मगरकी श्रीमती हिरामाया बलम्पाकी मगर घर नजिकै परेको चट्याङका कारण बेहोस भएकी थिइन्। जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार २६ वर्षीया हिरामाया घर नजिकै परेको चट्याङका कारण बेहोस भएकी थिइन्। घटनामा बाहिरी चोटपटक नदेखिए पनि पीडितलाई तत्काल जिल्ला अस्पताल उदयपुरमा लगिएको डिएसपी चापागाईले बताए। त्यहाँ प्रारम्भिक उपचार पश्चात थप उपचारका लागि रातीको १२ बजे पीडितलाई विराटनगर पठाइएको र उपचार भईरहेको प्रहरीले जनाएको छ।...

पूर्णपुष्टि, २५ असार । प्रदेशका खानेपानी, सिंचाइ तथा उर्जा मन्त्री एकराज कार्की र उपसभामुख सिर्जना दनुवारले बरुवा खोलाले कटान गरेको स्थानमा निरिक्षण गरेको छ । सोमावार रातिदेखी परेको बर्षाका कारण ढिम्की स्थित बरुवा खोलाले कटान गरेका थिए । खोला कटान सँगै त्यस आसपासको बस्ती र स्थानीयहरुलाई जोखिम बढेको थियो । खोलाले बाँधमा क्षेती पुराएर बस्ती क्षेत्रमा कटान गर्दै आएका थिए । खोलाको जोखिम बढेपछि स्थानीयहरु त्रसित छन् । नेपाल प्रहरी, आर्मी र शसस्त्र प्रहरीले केहि रोकथाम गर्ने प्रयास गरेपनि दिगो सुरक्षा भने छैन । निरन्तर बर्षा आएर बाढी बढ्यो भने फेरी जोखिम सिर्जना हुने अवस्था छ । कटान निरिक्षण पश्चात मन्त्री राउतले जनताहरुको सुरक्षामा लागि पर्ने जनाए । बाँधलाई व्यवस्थापन र जनताको सुरक्षामा भुमिका प्रदेश सरकारले निभाउने उनले जनाए । बाढी प्रभावित क्षेत्रका जनताहरुलाई सुरक्षित हुने अनुरोध गर्दै सबै ...

पूर्णपुष्टि, २५ असार । बरुवा खोलाले ढिम्की मन्दीरको बाँध कटान गर्दा गाईघाट बजार खतरामा परेको छ । लगतारको बर्षाले सोमवार रातिदेखी बरुवाको ढिम्कीमा कटान सुरु गरेका थिए । उक्त कटान रोक्न हाल सुरक्षा फोर्स खटाईएको छ । नेपाल प्रहरी र शसस्त्र प्रहरी सहित त्रियुगा नगरपालिकाका मेशिन सहित स्रोत साधन खटाईएको छ । ढिम्कीको बाँध फुट्दा सिधै बाढी बजार पस्ने अवस्था छ । त्यस आसपासको बस्तीहरु त जोखिममा नै छ तर बजार क्षेत्र पनि यसको डरमा छ । बरुवा खोलाले ढिम्की हुँदै बस्ती तर्फ कटान गरिरहेको छ ।...