स्वास्थ्य

पूर्णपुष्टि, असार ३१ नेपालमा आज थप १ सय १६ जनामा केरोना संक्रमण पुष्टि भएका छन् । योसँगै नेपालमा कोराना सङ्क्रमितको सङ्ख्या १७ हजार एक सय ७७ पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो २४ घण्टामा ६ सय ९७ जना कोरोना सङ्क्रमित उपचारपछि निको भएर डिस्चार्ज भएका छन् योसँगै निको हुनेको संख्या ११ हजार २५ पुगेको छ । नेपालमा अहिलेसम्म कुल सङ्क्रमितको ६४.२५ प्रतिशत सङ्क्रमित निको भएका छन् । अहिले नेपालमा ६ हजार एक सय १४ जना सक्रिय सङ्क्रमित उपचाररत रहेका छन् ।...

पूर्णपुष्टि, असार ३१ उदयपुरमा थप १४ जना कोरोना संक्रमित उपचारपछि निको भएका छन् । चौदण्डिगढी नगरपालिका–६ बेल्टारको कोभिड–१९ अस्पतालको आईसोलेशनमा उपचाररत मध्ये १४ जना निको भएका हुन् । जिल्लाका विभिन्न गाउँपालिकाका संक्रमित विभिन्न मितिमा आईसोलेशनमा भर्ना भएकाहरु मध्ये ३ वर्षीय बालिकासहति १४ जना डिस्चार्ज भएको जनाईएको छ । उनीहरुको पछिल्लो स्वाव परिक्षणमा रिपोर्ट नेगेटिभ आएपछि अस्पतालबाट डिस्चार्ज गरिएको जनाईएको छ । अहिले आईसोलेशनमा एक महिलासहित ८ जना विरामी उपचाररत रहेको बुझिएको छ । उनीहरुको स्वास्थ्य अवस्था सामान्य रहेको अस्पतालले जनाएको छ ।...

पूर्णपुष्टि, असार ३० नेपालमा आज थप १ सय १६ जनामा कोरोना संक्रमण पुष्टि भएको छ । योसँगै नेपालमा संक्रमितको संख्या १७ हजार ६१ पुगेको छ । पछिल्लो चौबीस घण्टामा ४ हजार ३ सय ६१ जनाको कोरोना परीक्षणका लागि नमूना सङ्कलन गरिएको छ । अहिले आईसोलेशनमा ६ हजार ६ सय ९५ जना रहेको स्वास्थ्य तथा जनसंख्या मन्त्रालयले जनाएको छ । आज ३४ जना निको भएर डिस्चार्ज भएका छन् । योसँगै निको हुनेको संख्या १० हजार ३ सय २८ पुगेको छ ।...

पूर्णपुष्टि, असार ३० कोरोना भाइरस विरुद्ध निर्णायक काम गर्न नसके भयानक अवस्था आउन सक्ने विश्व स्वास्थ्य संगठन (डब्ल्यूएचओ)ले चेतावनी दिएको छ । विभिन्न देश गलत दिशामा अघि बढिरहेको भन्दै कोरोना भाइरस विरुद्ध निर्णायक काम गर्न नसके भयानक अवस्था आउन सक्ने संगठनका निर्देशक डाक्टर टेड्रोज अद्हानोम गेब्रिसियसले चेतावनी दिनुभएको हो । उहाँले नेताहरुका मिश्रित सन्देशले विभिन्न देशका नागरिक अलमलमा परेका पनि दावी गर्नुभयो । कोरोना भाइरस शत्रुका रुपमा भए पनि विभिन्न देशका सरकार र सर्वसाधारणले गरेको हेलचेक्राईंले यो नदेखाएको भन्दै उहाँले चिन्ता व्यक्त गर्नुभयो । यस्तै सावधानी नअपनाइएका देशमा कोरोनाको सङ्क्रमण बढिरहेको पनि बताउनुभयो । कोरोना फैलिन नदिन व्यक्तिगत दूरी, हात धोइरहनु र मास्क लगाउनु अनिवार्य भए पनि धेरै देशका सरकार र नागरिकले यसलाई बेवास्ता गरेको उहाँले बताउनुभयो । अमेरिकी देशहरु ...

पूर्णपुष्टि, असार २९ नेपालमा आज थप १ सय ४४ जनामा कोरोना संक्रमण पुष्टि भएका छन् । योसँगै नेपालमा संक्रमितको संख्या १६ हजार ९ सय ४५ पुगेको स्वास्थ्य तथा जनसङ्ख्या मन्त्रालयको जनाएको छ । त्यस्तै आज थप १ हजार ७ सय ५ जना उपचारपछि निको भएका छन् । योसँगै उपचारपछि निको हुनेको संख्या १० हजार २ सय ९४  पुगेको छ ।

पूर्णपुष्टि, असार २९ दाङका ४० जनामा सिकलसेल पोजेटिभ देखिएको छ । दङ्गीशरण गाउँपालिकाका दुई वटा वडाका ४० जनामा सिकलसेल पोेजिटिभ देखिएको हो । दिगापा–४ र ५ मा गरी २ सय ४१ जनामा गरिएको परीक्षणमा ४० जनामा सिकलसेल पाजिटिभ देखिएको पालिकाले जनाएको छ । योसँगै दङ्गीशरणमा सिकलसेल पोजिटिभ हुनेको सङ्ख्या १ सय १८ पुगेको छ । गाउँपालिकाका ७ सय १५ जना थारु समुदायका नागरिकको स्वास्थ्य परीक्षण गरिएको थियो । आज पालिकाको १ र २ नम्बर वडामा परीक्षण हुने जनाईएको छ । मुख्यमन्त्री ग्रामीण विकास कार्यक्रमअर्न्तगत थारु समुदायको स्वास्थ्य परीक्षणलाई प्राथमिकता दिँदै सिकलसेल एनिमिया स्वास्थ्य शिविर सञ्चालन हुँदै आएको छ ।...

पूर्णपुष्टि, असार २९ विश्वमा एकै दिन २ लाख ३० हजार ३ सय ७० जना भन्दा बढीमा कोरोना भाइरसको सङ्क्रमण पुष्टि भएको छ । यसअघि २ लाख २८ हजार १ सय ८६ जनामा सङ्क्रमण पुष्टि भएको थियो । अमेरिका तथा दक्षिण पूर्वी एसियाली देशमा सङ्क्रमण तीव्र हुँदा दैनिक थपिने सङ्क्रमितको संख्या धेरै भएको विश्व स्वास्थ्य संगठनले जनाएको छ । हिजो अमेरिकामा १ लाख ४२ हजार, दक्षिण पूर्वी एसियामा ३३ हजार, यूरोपमा १८ हजार, अफ्रिकामा १७ हजार तथा पूर्वी भूमध्यसागरमा १५ हजार भन्दा बढी सङ्क्रमित थपिएका छन् । हिजो विश्वभर कोभिड–१९ बाट ५ हजार २ सय ८५ जनाको मृत्यु भएकोमा अधिकांश उत्तर तथा दक्षिण अमेरिकी देशका रहेको संगठनले जनाएको छ । विश्वभर सङ्क्रमितको सख्या १ करोड ३० लाखभन्दा धेरै पुगेको संगठनले जनाएको छ ।...

पूर्णपुष्टि, असार २९ इङ्गल्याण्डको केन्टका १ सय ४ वर्षे महिलाले घरमै बसेर कोरोनाबाट मुक्त भएकी छिन् । ग्रेस ग्रिनउड नामकी ती महिला विगत तीन सातादेखि ओछ्यानबाट उठ्न सक्दैनथिन् । उनलाई सास फेर्न पनि गाह्रो भएको थियो । तर उनलाई कोरोना संक्रमणको उपचार गर्न अस्पताल जानु परेन । अहिले उनी पूर्णरुपमा ठीक भएकी छन् । उनले जीवनमा धेरै कष्ट व्यहोरेकी छन् । आफ्नो जीवनको अधिकतम समय उनले बिरामीहरुको सेवामा बिताएकी छन् । त्यसैले पनि उनमा चुनौतीहरुको सामना गर्ने हिम्मत छ । ग्रेसको जन्म म्यानमार (बर्मा)मा भएको थियो । उनले भारतमा नर्सको रुपमा केही समय काम गरेकी थिइन् । त्यसपछि लामो समुद्री यात्रा तय गर्दै उनी सन् १९४६ मा इङ्गल्याण्ड गइन् । लण्डनमा मेकअप आर्टिस्टको रुपमा काम गर्ने उनकी नातिनी क्रिस्टल अपोलोनिया भन्छिन्, ‘केही हप्ता अगाडि उहाँ बिरामी हुनुभयो । डाक्टरहरुले उहाँको स्वास्थ्य अवस्था...

पूर्णपुष्टि, असार २९ १ न. प्रदेशबाट एकै दिन ३३ जना कोरोना मुक्त भएका छन् । कोरोना भाइरस (कोभिड–१९) सङ्क्रमणपछि मोरङ सुन्दरहरैंचास्थित पूर्वाञ्चल विश्वविद्यालय मेडिकल कलेजको कोभिड आइसोलेसनमा उपचाररत ३३ जना निको भएर सोमबार डिस्चार्ज भएका हुन् । अस्पतालमा उपचाररत १८ देखि ५६ वर्ष उमेर समूहका उनीहरूमा पछिल्लो दोस्रो पीसीआर परीक्षणमा कोरोना नेगेटिभ देखिएपछि डिस्चार्ज गरिएको अस्पतालले जनाएको छ । मोरङका ५ जना, झापाका २० जना, सुनसरी २ जना, ताप्लेजुङका १ जना, सङ्खुवासभाका ३ जना र खोटााङका २ जना डिस्चार्ज भएका छन् । उनीहरूको डिस्चार्जपछि ४२ जना उपचाररत बाँकी रहेको अस्पतालले जनाएको छ । अहिलेसम्म २ सय २७ जना उपचारपछि निको भएर डिस्चार्ज भइसकेका छन् । त्यहाँ भर्ना गरिएकामध्ये हालसम्म छ जनालाई बीपी प्रतिष्ठान धरान र कोशीको कोभिड–१९ उपचार केन्द्र विराटनगरमा रेफर गरिएको थियो । रेफर गरिएकाहरू समे...

पूर्णपुष्टि, असार २७ नेपालमा कोरोना सङ्क्रमणबाट थप ३ जनाको मृत्यु भएको छ । योसँगै नेपालमा मृत्यु हुनेको संख्या ३८ पुगेको हो । काठमाण्डौका २ जना र सिन्धुपाल्चोकका एक पुरुषको मृत्यु भएको स्वास्थ्य तथा जनसङ्ख्या मन्त्रालयले जनाएको छ । काठमाण्डौ महानगरपालिका–१० शङ्खमुलका ६० वर्षीय पुरुषको असार २६ गते मृत्यु भएको थियो । फोक्सोमा पानी जमेको र मिर्गाैला रोगको कारण असार १६ गते पाटन अस्पताल भर्ना भएको ती पुरुषमा १७ गते स्वाब संकलन गरी परीक्षण गर्दा कोरोना पोजेटिभ देखिएको थियो । त्यस्तै काठमाण्डौकै गोकर्णेश्वर नगरपालिका–४ का ५४ वर्षीय पुरुषको काठमाण्डौ मेडिकल कलेजमा उपचारको क्रममा मृत्यु भएको मन्त्रालयले जनाएको छ । मिर्गाैलाका बिरामी ती पुरुषको २५ गते निधन भएको थियो । असार १९ गते ती पुरुष अस्पताल भर्ना भएका थिए । २१ गते स्वाब नमुना सङ्कलन गरी परीक्षण गर्दा कोरोना पुष्टि भएको थियो । त्यस्...