Month: ६ वर्ष अगाडि

पूर्णपुष्टि, जेठ ११ गते ।  चीनबाट नेपालको राजधानी काठमाण्डौँसम्म कार्गो सेवा सुरु भएको छ । उत्तरपश्चिम प्रान्त शाङ्सीको राजधानी सहरबाट नेपालका लागि कार्गो सेवा सुरु भएको हो । शुक्रबार सियानबाट पीभीसी पाइप, ग्राउटिङ पाइप, कपडा, जुत्ता र प्रिन्टरहरू बोकेको कार्गो सहितको रेल तिब्बत स्वायत्त प्रान्तको सिगात्से प्रस्थान गरेको छ । सिगात्सेबाट कार्गोका सामानहरू ट्रकमा हालेर काठमाण्डौं ल्याइने द चाइना रेलवे सियान ग्रुप कम्पनी लिमिटेडले जनाएको छ । यस रेल शाङसीबाट नेपालमात्र नभई समग्र दक्षिण एसियाको लागि नै पहिलो सडक रेल कार्गो ट्रान्सपोर्ट सेवा हो । रेल सेवा सञ्चालन र संयोजन द चाइना रेल–वे सियान ग्रुप कम्पनी लिमिटेड र चाइना रेल–वे कन्टेनर ट्रान्सपोर्ट कम्पनी लिमिटेडले संयुक्त रुपमा गरेको छ । यो कार्गो काठमाण्डौं आइपुग्न ८ दिन लाग्ने छ । अहिले पनि सिगात्सेसम्म नेपालका लागि चीनका अन्य केह...

पूर्णपुष्टि, जेष्ठ, ११ जनकपुर अस्पतालबाट एक जना कोरोना संक्रमित झ्याल फोडेर फरार भएका छन् ।  प्रादेशिक अस्पताल, जनकपुरको आइसोलेसनबाट आइतबार ४० बर्षिय कोरोना संक्रमित फरार भएको हो । संक्रमित अस्पतालबाट भागेपछि जनकपुर क्षेत्रमा त्रास फैलिएको छ । आइसोलेसन कक्षबाट भागेका संक्रमित सर्लाहीका पुरुष हुन् । उनको खोजी कार्य भइरहेको २ नं प्रदेश प्रहरीले जनाएको छ । ’संक्रमितको मानसिक स्थिति ठिक नभएकाले उनले पटक(पटक भाग्ने प्रयास गरिरहेको अस्पतालले जनाएको छ । यही क्रममा शनिबार मात्रै उनले अस्पतालको सीसीटीभी क्यामेरा नै फुटाएका थिए । आज बिहान भने उनी झ्याल फोडेरै भागेका भागेको अस्पतालले बताए । अस्पतालका अनुसार यसअघि पनि उनले पटक(पटक अस्पतालको आइसोलेसनबाट भाग्ने प्रयास गरेका थिए ।...

पूर्णपुष्टि, जेठ ११ गते ।  कुवेतमा थप तीन महिना अस्थायी आवासीय भिसाको म्याद बढाउन सकिने भएको छ । मे ३१ तारिखसम्म अस्थायी आवासीय भिसाको म्याद भएका नेपालीसहित विदेशी नागरिकले  आफ्नो स्पोन्सरमार्फत तीन कुवेती दिनार शुल्क तिरेर भिसाको म्याद थप गर्न सकिने जनाईएको छ । यस भन्दा पहिले कुवेत भित्र रहेका र फेब्रअरी २९ सम्म आवासीय भिसा सकिएकाहरुको मे ३१ अर्थात तीन महिनाको लागि भिसाको म्याद स्वतः थप हुने निर्णय भएको थियो । मे ३१ मा यो समय सकिने भएकाले अब ३ कुवेती दिनार शुल्क तिरेर भिसाको म्याद थप्न सकिने भएको हो । कुवेतमा रहेको नेपाली दूतावासका अनुसार म्याद थप गर्नको लागि आफ्नो स्पोन्सर (रोजगारदाता) सँग सम्पर्क गर्ने र https://eres.moi.gov.kw/individual/ar/auth/login  यस वेबसाइटमा गइ  रजिष्टर नगरेका स्पोन्सरले रजिष्टर गर्नुपर्ने हुन्छ । पहिले रजिष्टर भइसकेका स्पोन्सरले लगइन मात्र गरे पुग्छ । ...

पूर्णपुष्टि, जेठ ११ गते ।  काठमाण्डौको एक प्रहरी विटमा कर्यारत प्रहरी निरिक्षक (असई) मृत फेला परेको छ । प्रहरी बिट, स्वयम्भूमा कार्यरत असई विष्णु कार्कीको शव कन्चटमा गोली लागेको अवस्थामा भेटिएको महानगरीय प्रहरी वृत्तले जनाएको छ । कार्की प्रहरी बिटमै सुत्ने गरेको र गोली लागेर ज्यान गएको अवस्थामा आज बिहान उनलाई भेटिएको प्रहरीले जनाएको छ ।...

पूर्णपुष्टि, जेठ ११ गते ।  काठमाण्डौको टोखामा मोटरसाइकल दुर्घटना हुँदा दुई जनाको मृत्यु भएको छ । दुर्घटनामा टोखा नगरपालिका–१ झोरका २४ वर्षीय मनोज दुलाल र २० वर्षीय पासाङ तामाङको मृत्यु भएको हो भने तीन जना घाइते भएका छन् । टोखाको पन्चेटारमा एकआपसमा दुई वटा मोटरसाइकल ठोक्किदा दुई जनाको मृत्यु भएको प्रहरीले जनाएको छ । बा ९१ प ११८८ र बा ८५ प ५६६ नम्बरको मोटरसाइकल ठोक्किएर उछिट्टिदा प्रदेश ३ ०२ ००१ प २२०० नम्बरको मोटरसाइकललाई पनि ठक्कर दिएको प्रहरीले जनाएको छ । घाइते तीनै जनाको ग्रीनसिटी अस्पताल टोखामा उपचार भैरहेको प्रहरीले जनाएको छ ।...

पूर्णपुष्टि, जेठ ११ गते ।  कोरोना भाईरसबाट कतारमा करिब ७ हजार नेपाली संक्रमित भएका छन् । गैरआवासीय नेपाली संघ (एनआरएनए) अन्तर्गतको स्वास्थ्य समितिले संकलन गरेको तथ्यांकले कतारमा मात्रै ६ हजार ९ सय ११ जना नेपाली संक्रमित भएको देखाएको हो । अघिल्लो हप्ता २ हजार ५ सय नेपाली संक्रमित भएकोमा कतारमा थप ४४ सय ११ जनामा संक्रमण देखिएको एनआरएनएको स्वास्थ्य समितिको तथ्याङ्कले देखाएको छ । त्यस्तै नेपालीका मुख्य श्रम गन्तव्यमध्येका अर्को देश यूएईमा ५ सय नेपाली संक्रमित भएका छन् । यस्तै साउदीमा १३ सय ६४, बहराइनमा ३ सय ३१, कुवेतमा ८४, मलेसियामा ५५ जना नेपालीमा संक्रमण देखिएको तथ्याङ्कले देखाएको छ । अहिलेसम्म यूएईमा कोरोनाको कारण १८ नजा नेपालीको मृत्यु भएको छ । यस्तै साउदीमा ७, बहराइनमा १, स्वीडेनमा १, कतारमा १ र कुवेतमा १ जना नेपालीको मृत्यु भएको समितिले जनाएको छ ।...

पूर्णपुष्टि, जेठ ११ गते ।  रुकुमपश्चिम चौरजहारीमा गाउँलेको कुटाईबाट नवराज विकको मृत्यु भएको छ । चौरजहारी नगरपालिका–८ सोतीमा गाउँलेहरुको कुटाइबाट जाजरकोटको भेरी नगरपालिका–४ रानागाउँका नवराज विकको मृत्यु भएको हो । मृतक विकसँगै गएका ६ जना युवा अझै बेपत्ता रहेको प्रहरीले जनाएको छ । १२ जना युवालाई प्रहरीले नियन्त्रणमा लिएको छ । मृतक विक र सोतीकी एक युवतीबीच प्रेम रहेको थियो । उनी प्रेमिकाको आग्रहमा नवराजले १९ जना युवा जाजरकोटबाट शनिबार बेलुकी सोती लिएर गएका थिए । केटाहरु आएको जनाकारी युवतीकी आमाले थाहा पाएर गाउँमा हल्ला गरेपछि गाउँहरुले युवालाई कुटपिट गर्दा विकको मृत्यु भएको प्रहरीले जनाएको छ । गाउँहरुले लखेट्दा अन्य ६ युवा बेपत्ता रहेको प्रहरीले जनाएको छ । विकसँग प्रेम रहेको थाहा पाएपछि युवतीका आफन्तले विवाह हुन नदिन चौरजहारी प्रहरी कार्यालयमा केही समयअघि उजुरीसमेत दिएको थियो । ...

पूर्णपुष्टि, जेठ ११ गते ।  विश्वका विभिन्न देशमा कोरोना भाईरस (कोभिड–१९) को संक्रमित ५४ लाख नाघेको छ । अहिलेसम्म विश्वमा ५४ लाख ४ हजार भन्दा बढीमा संक्रमण पुष्टि भएईसकेको छ । उक्त संक्रमितमध्ये २२ लाख ४७ हजार २ सय ३४ जना उपचारपछि निको भएको वल्डओमिटरले जनाएको छ । अहिलेसम्म संक्रमणका कारण ३ लाख ४३ हजारभन्दा बढी मृत्यु भएको जनाईएको छ । अमेरिकामा मात्रै १६ लाख ६६ हजार भन्दा बढीमा संक्रमण पुष्टि भएको छ भने साढे ९८ हजार भन्दा बढीको मृत्यु भईसकेको छ । पछिल्लो २४ घण्टामा भारतमा साढे  ६ हजारभन्दा बढी थप नयाँ कोरोना संक्रमित थपिएसँगै १ लाख ३१ हजार ४ सय २३ जनामा संक्रमण पुष्टि भएको छ । अहिलेसम्म भारतमा ३ हजार ८ सय ६८ जनाको मृत्यु भईसकेको छ ।...

संखुवासभा, जेष्ठ ११ गते । संखुवासभाको खाँदवारीमा जंगली च्याउ खाँदा एक जेष्ठनागरिक विरामी परेको छ । खाँदबारी नगरपालिका–२ खोरियाटोल निबासी ७२ बर्षीया निरमया विक जंगली च्याउ खाएर बिरामी भएकी हुन्् । आफ्नै बारीमा उम्रिएको च्याउ शनिवार दिउँसो पकाएर  खाँदा जेष्ठनागरिक बि.क. बिरामी भएकी प्रहरीले जनाएको छ । विकको जिल्ला अस्पताल खाँदवारीमा उपचार भईरहेको जनाईएको छ ।...

सुनसरी, जेष्ठ ११ गते । सुनसरीको धरानबाट लागुऔषधसहित तीन जना पक्राउ परेका छन् । धरान उप–महानगरपालिका–१३ बाट  ब्राउनसुगर र लागुऔषध ट्याब्लेट सहित समिया लिम्बु, मन्दिम मगर र घनश्याम राई पक्राउ परेका हुन् । धरान–१३ को एक घरबाट लागुऔषध बेचबिखन भईरहेको भन्ने गोप्य सूचनाको आधारमा ईलाका प्रहरी कार्यालय धरानबाट खटिएको प्रहरी टोलीले धरान–१३ की २६ बर्षीया लिम्बु, धरान–१३ का२९ बर्षीय मगर र धरान–१५ का ४३ बर्षीय राईलाई ३ ग्राम ब्राउनसुगर, १ सय ५० ट्याबलेट नाईट्रोजन र ८३ हजार रुपैयाँ सहित शनिवार राती करिब ९ बजे पक्राउ गरेको प्रहरीले जनाएको हो । पक्राउ परेका तिनै जनाको सम्बन्धमा थप अनुसन्धान भईरहेको ईप्रका धरानले जनाएको छ ।...