मोरङ, असार १०
मोरङको बिराटनगर महानगरपालिका–१६ दरैयाबाट लागुऔषध कोरेक्स सहित १ जना पक्राउ परेको छ ।
ईलाका प्रहरी कार्यालय मोरङबाट खटिएको प्रहरी टोलीले मंगलवार राती १२ बजे स्थानीय १९ बर्षीय सुधिर पासवानलाई २२ बोतल लागुऔषध कोरेक्स सहित पक्राउ गरेको हो ।
पक्राउ परेका पासवानको सम्बन्धमा थप अनुसन्धान भईरहेको ईप्रकाले जनाएको छ ।...
पूर्णपुष्टि, असार १०
रौतहटबाट १० वर्ष पहिला यात्रु बोकेको बसमा बम विस्फोट गराएको आरोपमा दुई जना पक्राउ परेका छन् । जिल्ला प्रहरी कार्यालय रौतहटले इशनाथ नगरपालिका रामपुरखापका शेख गुलाम सरवर र दिलीपकुमार साहलाई पक्राउ गरेको प्रहरीले जनाएको छ ।
दुवै जना विरुद्ध ज्यान मार्ने उद्योग तथा विष्फोटक पदार्थ सम्बन्धी मुद्दा छ । २०६७ साल चैत्र ११ गते गौरबाट चन्द्रनिगाहपुरतर्फ जाँदै गरेको ना २ ख ५७२१ नम्बरको यात्रुबाहक बसमा विष्फोट हुँदा १३ जना घाइते भएका थिए ।
विष्फोटको जिम्मा तत्कालीन भूमिगत समूह तराई जनतान्त्रिक मुक्ति मोर्चाले लिएको थियो ।...
पूर्णपुष्टि, असार १०
आज राष्ट्रपति विद्यादेवी भण्डारीले पूर्वप्रधानमन्त्री र संसदमा प्रतिनिधित्व गर्ने राजनीतिक दलका प्रमुख नेताहरूसँग छलफल गर्दै हुनुहुन्छ ।
समसामयिक विषयमा छलफल गर्न नेताहरूलाई बेलुकी ५ बजे शितल निवास बोलाइएको हो ।
राष्ट्रपतिले कोरोना महामारीको अवस्था, नागरिकता विधेयकलगायत समसामयिक विषयमा दलका नेताहरूसँग कुराकानी गर्न लाग्नुभएको राष्ट्रपति कार्यालयले जनाएको छ ।...
पूर्णपुष्टि, असार १०
आज सुनको भाउ बढेको छ । सुनको तोलामा ५ सय रुपैयाँ बढेर ९१ हजार १ सय रुपैयाँ पुगेको हो ।
हिजो सुन तोलामा ९० हजार ६ सय रुपैयाँमा कारोबार भएको थियो ।
त्यस्तै चाँदीको भाउ तोलाको ९ सय ४५ रुपैयाँ कायम भएको छ । हिजो तोलाको ९ सय ४० रुपैयाँमा कारोबार भएको चाँदीको भाउ आज तोलामा ५ रुपैयाँ बढेको नेपाल सुनचाँदी व्यवसायी महासंघले जनाएको छ ।...
पूर्णपुष्टि, असार १०
कर्णाली स्वास्थ्य विज्ञान प्रतिष्ठान शिक्षण अस्पतालमा कार्यरत ४ जना स्वास्थ्यकर्मी र कर्मचारीमा कोरोना संक्रमण पुष्टि भएपछि अस्पताल सिल गरिएको छ ।
फरक–फरक डिपार्टमेन्टमा काम गर्ने ४ जना कर्मचारीहरुमा कोरोना संक्रमण पुष्टि भएकाले अस्पताल सिल गरिएको कर्णाली प्रतिष्ठानका अस्पतालले जनाएको छ ।
हिजो राति आएको नतिजा उक्त स्वास्थ्यकर्मी र कर्मचारीमा पोजेटिभ देखिएपछि पदाधिकारी बैठक बसेर अस्पताल सिल गर्ने निर्णय गरिएको हो । प्रतिष्ठानका शिक्षाध्यक्ष डा. निरेश थापा, रजिष्ट्रार विश्वराज काफ्ले, निर्देशक रावल सहित प्रतिष्ठानका कोभिड नियन्त्रण अभियानमा लागेका उच्चस्तरका स्वास्थ्यकर्मी र कर्मचारीहरुको बैठकले अस्पतालको ओपीडी सेवा बन्द गर्ने निर्णय गरेको हो ।
ती कर्मचारीहरुको कोरोना रिपोर्ट पोजेटिभ आएपछि उनीहरुलाई आईसोलेसनमा राखिएको प्रतिष्ठानले जनाएको छ । यस्तै एकजना बुटवल...
पूर्णपुष्टि, असार १०
मलेसियाबाट ७ हजार ३ सय ४१ जनाले घर फर्कन आफ्नो विवरण टिपाएको त्यहा रहेको नेपाली दुताबासले जनाएको छ ।
भिसाको अवधि सकिएका, कामबिहीन भएका, कोरोनाबाट प्रभावित, गर्भवती, बिरामी लगायत सरकारले तोकेको प्राथमिकतामा पर्ने ७ हजार ३४१ जनाको सूची दूतावासले सार्वजनिक गरेको हो ।
मलेसियाबाट २ उडानमार्फत त्यहाँ समस्यामा परेका केही नेपाली फर्किएका छन् । मलेसियामा पहिले दूतावासमा आफ्नो विवरण टिपाउनेलाई पनि दूतावासले फेरि विवरण भर्न लगाएको थियो ।
दूतावासले सार्वजनिक गरेको तथ्याँक अनुसार अधिकांश श्रम र भिसा सकिएर स्वदेश फर्कन खोज्नेहरु रहेका छन् ।
मलेसियाबाट फर्कनेलाई मलेसियाको अध्यागमन कार्यालयले चेकआउट मेमो वा बिदाको पत्र मध्ये एक खोज्ने गरेको दूतावासले जनाएको छ । रोजगारी भिसामा मलेसिया गएका तथा भिसाको अवधि सकिएकाहरुलाई स्वदेश फर्किन चेक आउट मेमो आवश्यक पर्दछ ।
चेक आउट ...
पूर्णपुष्टि, असार १० ।
उदयपुरमा प्रहरीको नेतृत्व सम्हाल्न आउनुभएका एसपी भिमबहादुर दाहालले अप*राध, काला*बजारी, लागू*औषध, चोरी*निकासी, हिं*सा जस्ता कुरामा सुन्य सहनसिलता अपनाउने उद्घोष गर्नुभएको छ । लागू औषध जिल्लाको प्रमुख समस्याको रुपमा देखिएकाले नियन्त्रणमा विशेष पहल गर्ने पनि बताउनुभएको छ । को*रोनाको उच्च जोखिमलाई मध्येनजर गर्दै नियन्त्रणका लागि प्रभावकारी कदम चाल्ने बताउनुभएको छ ।
एसपीकाे उद्घाेष (भिडियाेका लागि यहाँ क्लिक गर्नुहाेस् )
जिल्लाको नयाँ एसपी दाहालले आज पत्रकारहरुसंगको भेटघाटमा प्रहरीलाई आर्थिक प्रलोभनमा पर्न र कसैलाई पार्नसम्म नदिने बचन पनि दिनुभयो । विगतको दुई कार्यकालका उदयपुर प्रहरी नेतृत्व आर्थिक प्रलोभन आरोपमुक्त रहेको प्रशंगमा उहाँले त्यसलाई निरन्तरता दिने बचन दिनुभएको थियो । पछिल्लो दुई प्रहरी नेतृत्वहरुमा एपपी चन्द्रदेव राई र त्यसपछि बिरबहादुर बुढामगर हुन् ...
पूणर्पुष्टि, असार १०,
यो बर्ष आँप धेरै फलेपछि बजार भाउ सस्तो भएको छ । आँपले बजार नपाउँदा बजारमा आँप सस्तोमा बिक्रि गर्नु परेको व्यापारीहरु बताउँछन् । प्रतिकेजी ४०/५० रूपैयामा विक्री छ । विक्री नहुदा अझ सस्ताे हुने अवस्था पनि छ ।
पूर्णपुष्टि, असार १०
विश्वमा कोरोना संक्रमित मध्ये ५० लाखभन्दा बढी उपचारपछि निको भएका छन् । ५० लाख ४१ हजार ७ सय भन्दा बढी उपचारपछि निको भएको वर्लडओमिटरले जनाएको छ ।
अहिले विश्वमा कोरोना संक्रमितको संख्या ९३ लाख ५० हजार ७ सयमा सङ्क्रमण पुष्टि भएको हो । उक्र संक्रमित मध्ये ४ लाख ७९ हजारको मृत्यु भएको छ ।
कोरोनाबाट अमेरिकामा २४ लाख २४ हजार संक्रमित भएका छन् भने १० लाख २० हजार उपचारपछि निको भएका छन् । उक्त संक्रमित मध्ये १ लाख २३ हजार भन्दा बढी मृत्यु भएको छ ।
भारतमा कोरोनाबाट ४ लाख ५६ हजार सङ्क्रमित भैसकेका छन् । त्यहाँ २ लाख ५८ हजार बढी निको भएका छन् । १४ हजार ४ सय ८३ जनाको मृत्यु भएकोे छ ।...
पूर्णपुष्टि, असार १०
सर्लाहीको एक नगरपालिकाका लेखा अधिकृत र लेखापाल घुससहित पक्राउ परेका छन् ।
हरिपुर नगर कार्यपालिकाको कार्यालयका लेखा अधिकृत भुपेन्द्र कुमार सिंह र लेखापाल रन्जित कुमार राय यादवलाई अख्तियार दुरुपयोग अनुसन्धान आयोगको टोलीले चार हजार रुपैयाँसहित पक्राउ गरेको हो ।
विज्ञान प्रकाशन बापतको भुक्तानी दिने क्रममा सेवाग्राहीसँग घुस माग गरिरहेको सूचना एवम् उजुरीका आधारमा बर्दिवासबाट खटिएको अख्तियारको टोलीले उनीहरुलाई पक्राउ गरेको अख्तियार दुरुपयोग अनुसन्धान आयोगले जनाएको छ ।
घुस लिइसकेको अवस्थामा उनीहरुलाई कार्यालय भवन भित्रैबाट पक्राउ गरिएको र थप अनुसन्धान भईरहेकोे जनाईएको छ ।...
