Month: ५ वर्ष अगाडि

पूर्णपुष्टि, पौष २८ भोजपुर जिल्लाको अरुण गाउँपालिका–३ प्याउलीस्थित म¥याङ् डाँडामा किराँत, हिन्दु र वौद्घ धर्मका तीन छुट्टा–छुट्टै संरचनाको शिलान्यास भएको छ । धार्मिक सहिष्णुता कायम राख्न एकै स्थानमा तीन वटै धर्मका धर्मगुरुहरुले शास्त्रीय विधिबाट शिलान्यास भएको हो । स्थानीय तोरण कार्कीले निशुल्क रुपमा दिनुभएको करिब २० रोपनी जग्गामा अरुण वहुउद्देश्य आध्यात्मिक परिषद्ले मन्दिरहरुसँगै अतिथि गृहको पनि शिलन्यास गरेको छ । भक्तजनका लागि अतिथि गृह, सबै धर्मका सङ्ग्राहलय, ध्यान केन्द्र र धार्मिक ज्ञान लिन आउने विद्यार्थीहरुका लागि छात्राबास लगायतका संरचना बन्ने प्रतिष्ठानले जनाएको छ । आगामि १० बर्ष भित्र निर्माण कार्य सम्पत्र गर्ने लक्ष्यका साथ ९२ करोड ९८ लाख १२ हजार ९५४ रुपैया बराबरको डिपीआर तयार गरिएको प्रतिष्ठानका अध्यक्ष चुडामणि दाहालले जानकारी दिनुभयो । विराट महायज्ञ तथा अरुण संस...

पूणपुष्टि, पौष २८ साँढेको आक्रमणबाट सप्तरीममा एक जना वृद्धाको मृत्यु भएको छ । छिन्नमस्ता गाउँपालिका–२ बस्ने ८० वर्षीया दुर्गीदेवी साहलाई साँढेले हान्दा मृत्यु भएको हो । आफ्नै घर अगाडि बाटोमा हिंडिरहेको अवस्थामा सार्वजनिक रुपमा छाडिएको साँढेले पछाडिबाट आक्रमण गर्दा साह गम्भीर घाइते भएको जिल्ला प्रहरी कार्यालय सप्तरीले जनाएको छ । उनलाई उपचारका लागि जिल्ला सदरमुकाम राजविराजतर्फ ल्याउने क्रममा बाटोमै मृत्यु भएको प्रहरीले जनाएको छ ।...

पूर्णपुष्टि,पुष २८ आज सुनको भाउ बढेको छ । आज सुनको भाउ तोलामा ६ सय रुपैयाँले बढेर र ९२ हजार ८ सय पुगेको नेपाल सुन चाँदी व्यवसायी महासंघले जनाएको छ । सोमबार छापावल सुनको भाउ ९२ हजार २ सयमा कारोबार भएको थियो । यसैगरी आज चाँदीको भाउ पनि बढेको छ । चाँदीको भाउ प्रतितोला २० रुपैयाँले बढेर १२५० रुपैयाँ कायम भएको महासंघले जनाएको छ ।...

पूर्णपुष्टि, पौष २८ झापाको दमक नगरपालिका–स्थित भुटानी शरणार्थी शिविरमा भएको आगलागिमा परेर एक वृद्घको मृत्यु भएको छ । सोमवार साँझ शरणार्थी शिविर सेक्टर नम्बर डी–४, हट नम्बर ३२५ मा आगलागी हुँदा ६० बर्षीय दशमान राईको जलेर मुत्यु भएको हो । बाँसले बारेको एक तले छाप्रोमा सुतिरहेका राईको घटनास्थलमानै मृत्यु भएको जिल्ला प्रहरी कार्यालय झापाले जनाएको छ । मृतक राई प्यारालाइसिसका बिरामी समेत रहेका थिए । आगलागीका कारण ३ लाख रुपैयाँ बराबरको सुनचाँदीका गर–गहना र ८ लाख रुपैया बराबरको खाद्यान्न तथा लत्ताकपडा जलेर नष्ट भएकोे छ । नेपाल प्रहरी, सशस्त्र प्रहरी, स्थानीय र दमकलको सहयोगमा करिब एक घण्टापछि आगो निभाइएको थियो । आगलागीका कारण खुलेको छैन । आगो लाग्नुको कारण पत्ता लगाउन थप अनुसन्धान भईरहेको जिल्ला प्रहरी कार्यालय झापाले जनाएको छ ।...

पूर्णपुष्टि, पुस २७ गते ।  पत्रकारहरुका लागि नेपाल सरकारको सूचना तथा प्रशारण विभागबाट जारी गर्दै आएको प्रेस प्रतिनिधि कार्ड उदयपुरमा जिल्लाबाटै उपलब्ध गराउने काम थालनी भएको छ । आज पहिलोपटक जिल्लाका दुई पत्रकारको प्रेस प्रतिनिधि कार्ड अर्थात पत्रकार परिचय पत्र नविकरणको काम जिल्ला हुलाक कार्यालयले गरेको छ । गत मंसिर २६ गते विभागले परिपत्र गर्दै जिल्ला हुलाकलाई कामको लागि अधिकार प्रत्यायोजन गरेको थियो । प्रेस प्रतिनिधि कार्ड नयाँ तथा नविकरण गर्नका साथै अनलाईन पत्रिका दर्ता तथा नविकरणसमेतका लागि जिल्लाबाटै काम गर्नसक्ने अधिकार प्रत्यायोजन भएको छ । सोही अनुसार सबै पत्रकारहरुलाई सूचित गरिएको थियो । जिल्लामा आएको यो सेवा पहिलोपटक पत्रकार हरिकुमार राई र भोटराज राईले लिएका छन् । उहाँहरुले जिल्ला हुलाकबाटै आप्mना पत्रकार परिचय पत्रको नविकरणको काम गराएको हुलाक अधिकृत हरिलाल खत्रीले बताउनुभयो...

पूर्णपुष्टि,पुष २७ “सीजनको बेला त लोकल तरकारी नै बेच्छु, अरु बेला पाउँदैन अनि बाहिरबाट आउने तरकारी बेच्छु” त्रियुगा नगरपालिका –१२ डि.एम.गेटका तरकारी व्यापारी राज कुमार साह भन्नुहुन्छ । साह विगत केहि बर्षदेखि गाईघाट स्थित सगरमाथा कृषि बजारमा निरन्तर तरकारी व्यापार गर्दै आइरहनु भएको छ । हाल गाईघाटको साकेला टोलबाट तरकारी खरिद गरी बजारमा विक्रि गर्ने साह बर्षाको समयमा भने बाहिरी जिल्लाहरुबाट आयात गरिएको तरकारी बेच्न बाध्य हुन्छन् । मौसमी तरकारी मात्र स्थानीय क्षेत्रमा उत्पादन हुने हुँदा अन्य मौसममा बाहिरी जिल्लाहरुबाट तरकारी आयात गर्नुपर्ने अवस्था छ । व्यापारी साह भन्नुहुन्छ,“ग्राहकले प्रायः स्थानीय तरकारी नै खोज्छन् तर के गर्ने लोकल तरकारी धेरै हुँदैन”। साहका अनुसार कतिपय ग्राहकलाई स्थानीय तरकारी भनी झुक्क्याएर पनि केहि व्यापारीहरुले बाहिरको तरकारी बेच्ने गर्छन् । त्यसैगरी त्रियुगा न...

पूर्णपुष्टि,पुष २७ आजकाल सामान्य बोलचालीमा पनि धेरै मानिसहरुको मुखबाट ‘टेन्सन’, ‘स्ट्रेस’ र ‘डिप्रेसन’ जस्ता नकरात्मक शब्द बारम्बार सुनिन्छ । प्रश्न उठ्न सक्छ हाम्रो जिन्दगीमा साँच्चै यति धेरै तनाव छ त ?साँच्चै नै यस्ता कुनै समस्या छन् भने पनि के यसबाट छुटकारा पाउन सकिँदैन ? मावन जीवनमा दुख,पीडा, तनाव,उदासी यी सब मानसिक विकार हुन् । जसले मानिसलाई कहिले राम्रो गर्दैन । हामी जब मानसिक रुपमै कमजोर हुन्छौं, शारीरिक रुपमा पनि हामी तन्दुरुस्त र सक्षम रहन सक्दैनौ । हामी सबैले सामान्य जिन्दगीलाई किन यति धेरै जटिल बनाइरहेका छौं भनेर एकपटक शान्त दिमागले सोच्नुपर्ने बेला आएको छ । मनमा शान्ती पाउन सबैभन्दा सजिलो छ, यसको लागि नकरात्मक विचारबाट टाढा रहेमा मात्रै पुग्छ । हामीले आफ्नो शव्दकोषबाट ‘तनाव’ शब्दलाई सँधैको लागि बाहिर निकाल्नु पर्छ किनभने आजकाल आफूभन्दा ठूलाको कुरा सुनेर घरमा साना बच...

पूर्णपुष्टि, पौष २७ उदयपुरमा समता स्कुलको भवन सिल्यान्यास भएको छ । स्कुलले आफ्नै विद्यालय भवनमा विद्यार्थीहरुलाई पठनपाठन गराउने भन्दै भवन निर्माण गर्ने भएको हो । गाईघाटमा संञ्चालीत समता स्कुलको भवन सिल्यान्यास त्रियुगा नगरपालिका ११ शिवालयटोलमा भएको छ । हाल सम्म भाडामा संञ्चालित रहेको सो विद्यालयले २२ कट्ठा जमिन निजमा लिएर भवन निर्माण गर्ने भएको हो । भवनको सिल्यान्यास त्रियुगा नगरपालिकाका मेयर बलदेव चौधरीले गर्नुभयो । समता स्कुलले गाईघाटमा हाल ४ कक्षा सम्म पठनपाठन गराईरहेका छन् । विद्यालयको आफ्नो भवन नहँुदा पठनपाठन सहज नभएको भन्दै आफ्नै भवनमा विद्यालय संञ्चालन गर्न लागिएको समता स्कुलको प्रिन्सिपल लक्ष्मी राईले बताउनुभयो । भवन निर्माण सँगै कक्षाहरु थप्न पनि पनि थप सहज हुने उहाँले बताउनुभयो । प्रत्येक बर्ष कक्षा थप्दै विद्यार्थीहरुलाई पढाउने व्यवस्था गर्दै आएको पनि प्रिन्सिपल...

पूर्णपुष्टि,पुष २७  सप्तरीमा वडा अध्यक्षको मिलेमतोमै २० वर्ष देखी बसोबास गर्दै आएका तीन दलित परिवारको घर डोजर लगाएर भत्काइएको छ । तिलाठी कोइलाडी गाउँपालिका–८ का धनपैत राम, सिताराम राम, रामधिन राम लगायतका पाँच घर भत्काइएको हो । वडाअध्यक्ष लक्ष्मी खङ्गको मिलेमतोमा घर भत्काइएको आरोप पीडितहरुको छ । अहिलेसम्म स्थलगत अवलोकनमा समेत वडाअध्यक्ष नआएको उनिहरुले गुनासो गरेका छन् । वडाअध्यक्ष खङ्गले भने घर भत्काएको समयमा आफुलाई कुनै जानकारी नभएको बताउनुभयो । सोहि गाउँपालिकाका ६ नम्बर वडाका अध्यक्ष गुलाव सिंहका अनुसार सुमन महतो९मलेठिया० ले जग्गाको मुद्दा अदालतबाट जितेकोले घर भत्काएका हुन् । त्यहाँ ऐलानी जग्गा समेत भएकाले घर सर्जमिन गराएर भत्काइएको बताइएको छ । स्थानीयहरुले महतो र वडा अध्यक्ष खंङ्गको मिलोमतोमा षडयन्त्र गरी दलित बिपन्न परिवारलाई झुक्क्याएर सर्जमिन गराएर घर भत्काएको आरोप लगाएक...

पूर्णपुष्टि,पुष २७ मोरङका दुई छुट्टाछुट्टै स्थानबाट लागुऔषध ब्राउसुगर सहित ४ जना पक्राउ परेका छन् । बिशेष सूचनाको आधारमा लागुऔषध नियन्त्रण ब्युरो बिराटनगरबाट खटिएको प्रहरी टोलीले बिराटनगर महानगरपालिका–१० बाट २ जना तथा ईलाका प्रहरी कार्यालय उर्लावारीबाट खटिएको प्रहरी टोलीले २ जनालाई पक्राउ गरेको हो । लागुऔषध नियन्त्रण ब्युरो बिराटनगरबाट खटिएको प्रहरी टोलीले आईतवार बेलुका साँढे ६ बजे ४ ग्राम ४९० मिलिग्राम लागुऔषध ब्राउनसुगर सहित हनुमाननगर कंकालिनी नगरपालिका–६ का २२ बर्षीय धर्मेन्द्र रजक र भारतिय नागरीक २२ बर्षीय मोहम्बद अफरोजलाई पक्राउ गरेको हो । यसैगरी ईलाका प्रहरी कार्यालय उर्लावारीबाट खटिएको प्रहरी टोलीले आईतवार बेलुका साँढे ७ बजे रतुवामाई नगरपालिका–१० का २७ बर्षीय धजिन्द्र भट्टराई र मिक्लाजुङ गाउँपालिका–३ की २० बर्षीया कबिता लिम्बुलाई १४ ग्राम लागूऔषध ब्राउनसुगर सहित पक्राउ गरेक...