Month: ५ वर्ष अगाडि

पूर्णपुष्टि,फागुन ११   एक बर्षीया शिशुको हत्या आरोपमा आमाबाबुसहित ५ जनालाई प्रहरीले पक्राउ गरेको छ । रुपन्देहीको मायादेवी गाउँपालिका–३ हरहरवास्थित घरबाटै शिशुकी आमा २१ वर्षकी प्रेमा यादव, उनका ससुरा ५५ वर्षीय बुद्धिराम यादव, सासु ४५ वर्षीया राजमती यादव, श्रीमान् २२ वर्षीय राजकुमार यादव र साथी लुम्बिनी सांस्कृतिक नगरपालिकाका २६ वर्षीय प्रदीप चौधरीलाई प्रहरीले पक्राउ गरेको हो । शिशुको मृत्युपछि आत्महत्या गर्ने प्रयास गरेकी प्रेमालाई उनकी नन्दले डोरी काटेर बचाएको जिल्ला प्रहरी कार्यालय रुपन्देहीले जनाएको छ । शिशुको शव आफन्तले खोलामा गाडेको खबर पाएपछि प्रहरी उक्त स्थलमा पुगेको थियो । शिशुको शवलाई गाडेको ठाउँबाट प्रहरीले निकालेको छ । प्रहरीका अनुसार बालिकाको घाँटीमा डोरीको दाग देखिएपछि शव पोष्टमार्टमका लागि भैरहवास्थित भीम अस्पतालमा पठाइएको छ । घटना बारेमा थप अनुसन्धान भइरहेको प्...

पूर्णपुष्टि,फागुन ११ जिल्ला अदालत मोरङ परिसरबाट दुई जना थुनुवा फरार भएका छन् । प्रहरीले लागुऔषध मुद्दामा म्याद थपका लागि लगेका दुई जना थुनुवा अदालतबाट म्याद थप भइसकेपछि अदालत परिसरबाट फरार भएका हुन् । मोरङको कटहरी गाउँपालिका–४ निबासी ३७ वर्षीय मुुराज भनिने मनराज शेख र झापाको बिर्तामोड नगरपालिका–५ निबासी २० वर्षीय प्रकाश चौधरीलाई लागूऔषधसहित प्रहरीले पक्राउ गरेको थियो । अदालतबाट पाँच दिनको म्याद थप भएपछि हतकडीसहित उनीहरु भागेको प्रहरीले जनाएको छ । म्याद थपपछि खाजा खाने भनेपछि हातको एउटा हतकडी प्रहरीले खोलिदिएको थियो । हतकडी खुलेपछि सोमबार दिउँसो करिब साढे ३ बजे उनीहरु फरार भएको प्रहरीले जनाएको छ । खोजी गर्दा फेला नपरेपछि म्याद थप्न लिएर गएको प्रहरी टोलीले साँझ ६ बजेतिर जिल्ला प्रहरी कार्यालय मोरङमा जानकारी गराएको प्रहरीले जनाएको छ । फरार भएका थुनुवाको खोजी तीव्र पारेको प्रहरीले ...

पूर्णपुष्टि,फागुन ११  पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईको स्वास्थमा समस्या भएपछि अस्पताल भर्ना भएका छन् । भट्टराई दिल्लीस्थित यकृत एवं पित्त विज्ञान संस्थानमा आज विहान ९ बजे भर्ना भएको भट्टराईको सचिवालयले जनाएको छ । सचिवालयका अनुसार आज दिनभर भट्टराईलाई अस्पतालमा राखी आवश्यक सबै परीक्षण गरिनेछ । भट्टराई केही दिनअघि पत्नी हिसिलासहित उपचारका लागि नयाँ दिल्ली गएका थिए । उनी लामो समयदेखि पेट सम्बन्धी समस्याबाट पीडित छन् ।...

पूर्णपुष्टि,फागुन ११ आज सुनको मूल्यमा वृद्धी भएको छ । आज सुन तोलामा १ हजार १ सय रुपैयाँले वृद्धी भएको हो । हिजो सुन तोलामा ८९ हजार रुपैयाँमा कारोवार भएको थियो भने आज सुनको मूल्य प्रतितोला ९० हजार १ सय रुपैयाँ कायम भएको नेपाल सुनचाँदी व्यावसायी महासंघले जनाएको छ । त्यसैगरी चाँदीको मूल्य पनि आज वृद्धी भएको छ । आज चाँदी तोलामा २५ रुपैयाँले बढेर १३ सय ६० रूपैयाँ कायम भएको महासंघले जनाएको छ । हिजो चाँदी तोलामा १३ सय ३५ रुपैयाँ थियो ।...

पूर्णपुष्टि,फागुन ११  कञ्चनपुरको एक महिलालाई आफ्नै श्रीमान्को हत्या गरेको आरोपमा प्रहरीले पक्राउ गरेको छ । बेलौरी नगरपालिका–६ भुरकोटकी २८ वर्षीया वसन्ती चौधरीले ३० वर्षीय श्रीमान् ओमकुमार चौधरीको आज बिहान फरुवा प्रहार गरी हत्या गरेको आरोपमा पक्राउ गरेको हो । बिहान ५ बजे जानकारी पाए लगतै प्रहरी टोली घटना स्थल पुगेको थियो । घटना स्थलमा पुग्दा ओमकुमारको टाउकोमा चोट लागेको अवस्थामा शव घरभित्रै फेला परेको प्रहरीले जनाएको छ । वसन्तीले घरायसी विवादमा फरुवा प्रहार गरेको जिल्ला प्रहरी कार्यालय कञ्चनपुरले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि,फागुन ११ सिरहाको कर्जन्हा नगरपालिका–४ बस्तिपुरमा बस दुर्घटना हुँदा १३ जना घाइते भएका छन् । घाइतेमध्ये दुई जनाको अवस्था गम्भीर रहेको छ प्रहरीले जनाएको छ । घाइतेहरुको फुलकुमारी महतो मेमोरियल अस्पताल कर्जन्हामा उपचार भइरहेको छ । बिग्रिएर सडकमा रोकीराखेको ना ६ ख ११ १० नम्बरको ट्रकमा लहानबाट ढल्केबरतर्फ आउँदै गरेको ना ५ ख ८९८ नम्बरको हिजो राती १२ बजे ठोक्किएको थियो । ट्रक चालक फरार रहेकाले खोजी भइरहेको जिल्ला प्रहरी कार्यालय सिरहाले जनाएको छ ।...

पूर्णपुष्टि,फागुन ११ उदयपुरको बेलका नगरपालिका–३ रातापानी स्थित एक घरमा आग्जनी भएको छ । स्थानीय सुुमित्रा खत्रीको घरमा हिजो आग्जनी हुँदा करिब १५ लाख क्षति भएको हो । खत्रीको ७ बर्षीय छोरा रोसन खत्रीले लाईटर खेलाउने क्रममा घर नजिकै रहेको परालको कुन्युमा आगो सल्कीएको थियो । उक्त सल्कीएको आगोले खत्रीको टिनको छानो भएको २ तले घर, गाई गोठ, बाख्राको खोरमा आग्जनी भएको थियो । आग्जनी हँुदा घरमा रहेको भाडावर्तन, लत्ताकपडा,अन्नपात, नगद, आधा तोला सुन, महत्वपुर्ण काजपत्र, एउटा खसी, एउटा बाख्रा, पुर्ण रुपमा जली नष्ट भएको इलाका प्रहरी  कार्यालय रामपुर ठोक्सिलाले जनाएको छ । आगोलाई नेपाल प्रहरी, सशस्त्र प्रहरी र स्थानीयको सहयोगमा पूर्णरुपमा १ घण्टापछि नियन्त्रणमा लिएको थियो । आगलागीबाट मानवीय क्षती भने नभएको प्रहरीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।...

पूर्णपुष्टि, फागुन ११  निर्वाचन आयोगले करिब २५ करोड रुपैयाँ बराबरको चुनावको सामग्री किन्न प्रक्रिया अघि बढाएको छ । आयोगले चुनावका लागि आवश्यक पर्ने ३६ प्रकारका सामग्रीमध्ये २१ प्रकारका सामग्री किन्नका लागि आज बोलपत्र आह्वान गरेको हो । आउँदो वैशाख १७ र २७ गतेका लागि तोकिएको मध्यावधि चुनावका लागि आयोगले सामग्री खरिद प्रक्रिया अघि बढाएको छ । बोलपत्रदाताहरुले आजदेखि १७ गतेभित्र बोलपत्र फारम खरिद गरिसक्नुपर्ने र १८ गते दिउँसो १२ बजेसम्म सिलबन्दी बोलपत्र आयोगमा दर्ता गरिसक्नुपर्ने आयोगले जनाएको  छ । छपाइसम्बन्धी मतपेटिका स्टिकर र परिचयपत्र, पोलबुक र कार्डहरु, सुरक्षण सिल र रबर म्याट, रबर र पित्तलको स्वस्तिक छाप, नउड्ने मसीको मार्कर, छेकाबार, स्ट्याम प्याड र मसी, जेलपेन, मार्करपेन, पञ्चिङ मेसिनलगायत सामग्रीका लागि बोलपत्र आह्वान गरिएको हो ।...

पूर्णपुष्टि,  फागुन ११ नासाले अन्तरिक्ष यान पर्सिभिअरन्स रोभर मंगल ग्रहमा अवतरण गर्दै गरेको भिडियो सार्वजनिक गरेको छ । अमेरिकी अन्तरिक्ष सम्बन्धी निकाय नासाले अन्तरिक्ष यान पर्सिभिअरन्स रोभर मङ्गल ग्रहमा अवतरण गर्दै गरेको एउटा भिडियो सार्वजनिक गरेको हो । गत हप्ता मङ्गल ग्रहमा पर्सिभिअरन्स रोभर अवतरण गर्दाको अन्तिम क्षणलाई भिडियोमा देखाइएको छ । भिडियोमा रोबोटका चक्काले मङ्गल ग्रहको सतहमा टेक्दासम्मको दृश्य समेटिएको अन्तराष्ट्रिय संचारमाध्यमले जनाएको छ । अन्तरिक्ष यान पर्सिभिअरन्सलाई रकेटले झुलाउँदै जेजेरो क्रेटर नाम दिइएको मङ्गल ग्रहको सतहमा राखेको थियो । नासाले यानमा क्यामेराहरू बाँधेर पठाइएको थियो । सात वटा क्यामेरा यानको अवतरणको रेकर्डिङका लागि मात्रै राखिएको थियो । एक हजार किलोग्राम तौल भएको उच्च प्रविधियुक्त रोबोटमा सातवटा उपकरण, कयौँ क्यामेरा, माइक्रोफोन र एउटा ठूलो खन्ने ...

पूर्णपुष्टि, फागुन ११  म्यानमारमा सैन्य 'कू’ को विरोधमा अहिलेसम्मकै ठूलो प्रदर्शन भएको अन्तर्राष्ट्रिय सञ्चारमाध्यमहरुले जनाएका छन् । आन्दोलनलाई सशक्त बनाउन आमहड्तालको आह्वान गरिएको छ । आमहड्तालसँगै व्यापार र व्यवसाय बन्द गरि श्रमिकहरु सडकमा आएका छन् । सरकारी र निजी क्षेत्रका केही कर्मचारीले काम छोडेर यसअघि नै नागरिक अवज्ञा थालिसकेको जनाइएको छ । म्यानमारको सेनाले भने प्रदर्शनमा उत्रिए जे पनि हुन सक्ने चेतावनी दिएपनि सेनाको चेतावनीको अवज्ञा गर्दै प्रदर्शनकारीहरु प्रदर्शनमा लागेका हुन् । यसअघि प्रदर्शनका क्रममा प्रहरीको गोली लागेर दुई जनाको मृत्यु भएको थियो । गतको फेब्रुअरी १ मा सेनाले सत्ता हत्याएपछि म्यानमारमा विरोधका कार्यक्रमहरु भइरहेका छन् । प्रदर्शनकारीहरुले नेतृ आङ सान सुकीको जननिर्वाचित सरकारको पूनर्बहाली र सूकीलगायत पक्राउ परेका नेताहरुको रिहाइको माग गरेका छन् । चुनाव...