Month: ५ वर्ष अगाडि

पूर्णपुष्टि, फागुन १४ दक्षिण एसिया फाउन्डेसनले दशवटा लोक कथाका चित्रपुस्तकलाई अर्चुअल माध्यमबाट लोकार्पण गरेको छ । समुदायमा रहेका लोककथाहरूलाई विभिन्न सर्जकहरूद्वारा सङ्कलन गरि बालबालिकाको पठन मैत्री चित्रपुस्तकहरू तयार गरी सोमबार लोकार्पण गरिएको हो । कोरोना भाईरसको कारण भर्चुअल रूपमै लोककथा संकलन कार्यशाला भएको थियो भने भर्चुुअल रूपमै लोक कथाको लोकार्पण कार्यक्रम गर्नु परेको कार्यक्रमका संयोजक अनुराधाले बताउनुभयो । उहाँले भन्नुभयो, “यो नयाँ अनुभव भयो । कार्यशालादेखि डिजिटल पुस्तक प्रकाशनसम्म भर्चुअल रूपमा नै गरियो । यो सफलताले उत्साहित तुल्याएको छ ।” फाउन्डेसनको लेट्स रिड एउटा डिजिटल पुस्तकालय हो । यसमा धेरै भाषा र देशका विभिन्न बालपुस्तकहरू पढ्न पाइन्छन् । बालबालिकाले आफ्नै भाषा, परिवेश, विषय र पात्रहरू भएका सिर्जना गरिएको छ । लोकार्पित दश लोककथाका बालपुस्तक पनि एकै पटक विश्व...

पूर्णपुष्टि, फागुन १४  काठमाण्डौको दक्षिणकालीमा टिप्परको ठक्करबाट एक जनाको मृत्यु भएको छ । दक्षिणकाली नगरपालिका–६ मा टिप्परको ठक्करबाट एक जनाको मृत्यु भएको हो । हिजो बेलुका सवा सात बजे नाम्चेखानीबाट फर्पिङका लागि छुटेको बा २ क ४५५३ नम्बरको टिप्परको ठक्करबाट मकवानपुर भीमफेदी गाउँपालिका–८ का ३५ वर्ष सन्तलाल लुम्बाको मृत्यु भएको प्रहरीले जनाएको छ । टिप्परको ठक्करबाट घाईते भएका लुम्बाको गतराति पौने ९ बजे नेपाल मेडिसिटी अस्पतलामा उपचारको क्रममा मृत्यु भएको प्रहरीले जनाएको छ । टिप्पर चालकलाई नियन्त्रणमा लिएको प्रहरीले जनाएको छ ।...

पूर्णपुष्टि, फागुन १४  रुसका राष्ट्रपति भ्लादिमिर पुटिनका विरोधी नेता एलेक्सी नाभाल्नीलाई मस्कोको जेलबाट निकालेर अज्ञात ठाउँमा लगिएको छ । राष्ट्रपति पुटनका विरोधी तथा भ्रष्टाचार विरोधी नेता नाभाल्नीलाई मस्कोको जेलबाट निकालेर कहाँ लगिएको हो भन्ने कुराको जानकारी सरकारले नदिएको उनका सहयोगीहरुलाई उद्धृत गर्दै अन्तराष्ट्रिय संचारमाध्यले जनाएको छ । नेता नाभाल्नीलाई अर्को कुनै जेलमा लगिएको अनुमान गरिएको छ । यसै महिनाको सुरुवातमा अदालतले नाभाल्नीलाई भ्रष्टाचार मुद्दामा जेल पठाउने फैसला गरेको थियो । यसलाई राजनीतिक रुपमा प्रेरित भनिएको जनाईएको छ । रुसको एक अदालतले उनलाई तीन वर्षको कैद सजायँ सुनाएको थियो । युरोपेली युनियनका नेताहरुले नाभाल्नीसँग रुसी सरकारले गरेको व्यवहारको निन्दा गर्दै तत्काल रिहाइको माग गरेको जनाईएको छ ।...

पूर्णपुष्टि, फागुन १३ बिभिन्न १० उत्कृष्ट सेवा सुविधामा आधारित न्यु मोडलको अटो रिक्सा गाईघाटमा लंन्च भएको छ । बिहिबार गाईघाट स्थित कालिका अटो लिंकले बजाज कम्पनीको न्यु मोडल BAJAJ RE Bs6 लंन्च गरेको हो । अन्य अटोहरु भन्दा बिल्कुलै फरक र मजबुद रहेको र नेपाली बजारमा बढ्दो माग भईरहेको यस अटो गाईघाटमै पनि लंन्च गरिएको कालिका अटो लिंक गाईघाटका प्रोपाईटर सुनिल ठाकुरले बताउनुभयो । नेपालका लागि बजाज अटो लिमिटेड, भारतको आधिकारिक बितरक गोल्छा ग्रुप अन्तर्गतको हंसराज हुलासचन्द एन्ड कम्पनीले नयाँ बाजाज तीनपाङ्ग्रे अटो नेपालमा ल्यएको ठाकुरले बताउनुभयो । बिहिबार नेपाली बजारका सबै डिलरहरुमा यसको लंन्च गरिएको र विक्रि वितरण सुरु गरिएको प्रोपाईटर ठाकुले बताउनुभयो । कालिका अटो लिंक गाईघाटको आधिकारिक डिलरमा व्यवसायी, यातायातका कर्मचारी, ट्राफिक प्रहरी, इन्स्योरेन्सका प्रतिनिधि, बैँक मेनेजर र अटो व...

पूर्णपुष्टि, फागन १३ उदयपुरमा ‘प्रथम त्रियुगा नगर खेलकुद महोत्सव २०७७’ हुने भएको छ । जिल्लामै पहिलो पटक यहि फागुन २१ गतेदेखि २९ गतेसम्म प्रथम त्रियुगा नगर खेलकुद महोत्सव २०७७ हुने भएको हो । “खेलकुद हाम्रो शान, स्थानीय खेलाडी उत्पादनमा हाम्रो अभियन” भन्ने मुल नाराको साथ त्रियुगा नगर युवा तथा खेलकुद विकास समितिको आयोजना तथा सम्बन्धित प्रतियोगीताका संघको समन्वय तथा सहयोग र त्रियुगा नगरपालिकाको संयोजनमा महोत्सवको आयोजना गरिएको छ । उक्त महोत्सवको विहिबार पत्रकार सम्मेलन गर्दै सार्वजकिन गरेको हो । नगरभित्र रहेको १६ वटै वडाबाट दक्ष खेलाडी उत्पादन गर्ने उद्देश्यले प्रथम त्रियुगा नगर खेलकुद महोत्सवको आयोजना गरिएको आयोजकले जनाएको छ । खेलकुद महोत्सवमा फुटबल, भलिबल, क्रिकेट, ब्याडमिन्टन, साईक्लिङ, कराते, बक्सिङ र तेक्वोन्दो प्रतियोगीता हुने त्रियुगा नगर युवा तथा खेलकुद विकास समितिको कार्यालय ...

पूर्णपुष्टि, फागुन १३ उपहार पर्यो भन्दै ठगी गर्ने तीन जना पक्राउ परेका छन् । उपहार परेको भन्दै ठगी गरेको अभियोगमा काठमाडौं महानगरपालिका–६ बस्ने पर्सा पोखरिया नगरपालिका–७ घर भएका २६ वर्षीय दिपक कुमार दुबे लगायत ३ जना पक्राउ परेका हुन् । उनीहरुले विभिन्न मितिमा उपहार पर्यो भनी प्रलोभनमा पारी पीडितलाई आइएमई मार्फत पैसा पठाउन लगाई ठगी गर्दै हिँडेको भन्ने सूचनाको आधारमा महानगरीय प्रहरी वृत्त बौद्धबाट खटिएको प्रहरीले काठमाडौं महानगरपालिका–६ याङरिमा हिलसिटीबाट नगद ५३ हजार रुपैयाँ सहित पक्राउ गरेको प्रहरीले जनाएको छ । यस सम्बन्धमा थप अनुसन्धान गरिरहेको प्रहरीले जनाइएको  छ ।...

पूर्णपुष्टि, फागुन १३ घुस लिएको आरोपमा सशस्त्र प्रहरीका सशस्त्र प्रहरी निरिक्षक (ईन्स्पेक्टर)सहित दुई जना पक्राउ परेका छन् । ५० हजार रुपैयाँ घुस लिएको आरोपमा रुपन्देहीको गैडहवामा कार्यरत सशस्त्र प्रहरीका इन्स्पेक्टर सशस्त्र प्रहरी नायव निरीक्षक राजेश पासी बिहीबार पक्राउ परेका हुन् । सेवाग्राहीसँग ५० हजार रुपैयाँ घुस लिइसकेको अवस्थामा दुवै जनालाई नियन्त्रणमा लिएको बुटवलस्थित अख्तियार दुरुपयोग अनुसन्धान आयोगको कार्यालयले जनाएको छ । काठ फर्निचर उद्योग सञ्चालनमा सहजीकरण गरिदिने प्रयोजनका लागि सेवाग्राहीसँग उक्त रकम घुस लिइसकेको अवस्थामा गैडहवा–३ बाट नियन्त्रण्मा लिएर थप अनुसन्धान अघि बढाइएको कार्यालयले जनाएको छ ।...

पूर्णपुष्टि, फागुन १३ विश्वमा कोरोना भाइरसको सङ्क्रमणबाट मृत्यु हुनेको सङ्ख्या २५ लाख नाघेको छ । अहिलेसम्म कोरोनाबाट २५ लाख ८ हजारभन्दा धेरैको मृत्यु भएको वर्ल्डओमिटरले जनाएको छ । विश्वमा ११ करोड ३१ लाखभन्दा धेरैलाई कोरोना भाइरसको सङ्क्रमण भएको छ । यसमध्ये आठ करोड ८७ लाखभन्दा धेरै निको भएका छन् । सवैभन्दा बढी अमेरिका प्रभावित छ  । त्यहाँ  कोरोनाबाट सबैभन्दा धेरै पाँच लाख १८ हजारभन्दा धेरैको ज्यान गएको छ । त्यस्तै, अमेरिकामा दुई करोड ८९ लाखभन्दा धेरैलाई सङ्क्रमण भएको छ । यस्तै, भारतमा एक करोड १०  लाखभन्दा धेरै सङ्क्रमित हुँदा एक लाख ५६ हजारभन्दा धेरैको मृत्यु भएको छ ।...

खोटाङ, फागुन–१३ खोटाङको रावा खोलामा माछा मार्ने क्रममा करेन्ट लागेर एक जनाको मृत्यु भएको छ ।  साकेला गाँउपालिका–४ मात्तिमका ३७ बर्षीय निरकुमार चाम्लिङ राईको माछा मार्ने क्रममा करेन्ट लागेर मृत्यु भएको हो । रावाबेसी गाँउपालिका–१ को रावा खोलामा राईले करेन्ट लगाएर माछा मार्ने क्रममा बुधवार दिउसो साढे १ बजे अचानक करेन्ट आफैलाई लागेर घटनास्थलमानै मृत्यु भएको जिल्ला प्रहरी कार्यालय खोटाङले जनाएको छ ।...

पूर्णपुष्टि,फागुन १३ सुनसरी बराहक्षेत्रमा बोलेको ठक्करबाट एक जना मोटरसाईकल यात्रीको मृत्यु भएको छ । बराहक्षेत्र नगरपालिका–५ का २५ बर्षीय डिगन गुरुङको बोलेरो गाडीको ठक्करबाट मृत्यु भएको हो । बराहक्षेत्र नगरपालिका –५ भरोलमा दक्षिण तर्फ जाँदै गरेको को १ ज ३७६१ नम्बरको बोलेरो गाडीले विपरित दिशाबाट आउदै गरेको ना ३९ प ५०७६ नम्बरको मोटरसाईकललाई हिजोराती करिब पौने १२ बजे ठक्कर दिँदा मोटसाईकलमा सवार स्थानीय २६ वर्षीय कृष्णकुमार राजधामी र २५ बर्षीय डिगन गुरुङ गम्भिर घाईते भएको प्रहरीले जनाएको छ । बोलेरोको ठक्करबाट घाईते भएको गुरुङको घोपा धरानमा उपचारको क्रममा राती पौने १ बजे मृत्यु भएको प्रहरीले जनाएको छ । अर्का घाईते राजधामीको सोही अस्पतालमा उपचार भईरहेको ईलाका प्रहरी कार्यालय महेन्द्रनगर सुनसरीले जनाएको छ । ठक्कर दिने बोलेरो र चालक प्रहरीको नियन्त्रणमा रहेको ईप्रकाले जनाएको छ ।...