Month: ५ वर्ष अगाडि

पूर्णपुष्टि, भदौ ९ मोरङको बिराटनगर महानगपालिका–१५ स्थित १ नम्बर ढाँटबाट लागूऔषधसहित एक जनालाई प्रहरीले पक्राउ गरेको छ । सुनसरी धरान–६ का २० वर्षीय निखिल रायलाई प्रहरीले लागूऔषधसहित पक्राउ गरेको हो । हिजो बेलुका साढे ४ बजे लागूऔषध नियन्त्रण व्यूरो बिराटनगरबाट खटिएको प्रहरी टोलीले उनलाई लागूऔषध लुपिजेसिक १५ एम्पुल, डाईजाल्याब १५ एम्पुल, एभिल १४ एम्पुल र फेनारगन १५ एम्पुलसहित पक्राउ गरेको थियो । पक्राउ परेका रायलाई ईलाका प्रहरी कार्यालय रानीबाट थप अनुसन्धान भईरहेको जिल्ला प्रहरी कार्यालय मोरङले जनाएको छ ।...

पूर्णपुष्टि, भदौ ९ पत्रकार हुँ भन्दै ठगाी गरेको अभियोगमा दुई जना युवा पक्राउ परेको छ । जिल्ला प्रहरी कार्यालय सुर्खेतका प्रवक्ता एवम डिएसपी रामप्रसाद घर्तीका अनुसार धर्मेन्द्र शाही र राजेन्द्र विकलाई ठगी अभियोगमा पक्राउ गरिएको हो । प्रहरीका अनुसार पक्राउ परेको शाही र विकले आफुहरु एक टेलिभिजनको सुर्खेत संवाददाता हो भनेर परिचय दिएको खुल्न आएको छ । घर्तीले पक्राउ परेका दुवै जनामाथि ठगी मुद्दा चलिरहेको बताउनुभयो । ठगी मुद्दामा पाँच दिनको म्याद थपेर अनुसन्धान भइरहेको डिएसपी घर्तीले जानकारी दिनुभयोे ।...

पूर्णपुष्टि, भदौ ९ सोलुखुम्बुमा खोला तर्ने क्रममा एक जना नगर प्रहरी बेपत्ता भएको छ । मङ्गलबार दिउँसो सोलुदूधकुण्ड नगरपालिका–२ मोपुङको वासाखोला तर्ने क्रममा मोटरसाईकलसहित बगाउँदा नगर प्रहरी दावा तेन्जी शेर्पा बेपत्ता भएको हो । सोही नगरपालिका–८ केरुङ घर भएका २२ वर्षीय शेर्पा प्रदेश–३–१०२००८ प ३१५३ नम्बरको मोटरसाईकलमा सल्लेरीबाट मोपुङ हिँडेको बुझिएको जिल्ला प्रहरी कार्यालयका प्रहरी नायब उपरीक्षक कवित कटवालले जानकारी दिनुभयो । खोलाबाट मोटरसाइकल भेटिए पनि शेर्पा अझैसम्म बेपत्ता रहेको प्रहरीले जनाएको छ । उनको खोजीका लागि ठूलो सङ्ख्यामा जनपथ प्रहरीसहित स्थानीय जनप्रतिनिधि, नगर प्रहरी, स्थानीयवासी सक्रिय भए पनि खोला बढेकाले समस्या भएको कटवालको भनाई रहेको छ । गत वर्ष पनि सोही खोला तर्ने क्रममा एक पुरुषलाई बगाएकोे वडाध्यक्ष मिङमार दोर्जी शेर्पाले बताउनुभयो ।...

महिलाको लागि आउने बजेट केवल टाठाबाठा महिलासम्म मात्र जसोतसो पुगेको अवस्थामा अब त्यहासम्म होेईन गाउँगाउँका महिला तथा घरभित्र र मेलापातमा अल्झिएका महिला सामु पुग्नुपर्छ । यदि तेसो हो भने महिलाजागरुक स्वयम भै आफ्नो हक अधिकारको लागि आफै खोज्न थाल्छन् ।  - निश्चलता कार्की (लेखक) जहाँ महिलाको  सम्मान हुन्छ त्यहां देवताको वास हुन्छ,अर्थात देवता पनि खुसी हुन्छन । उक्त भनाई हाम्रा वेद, पुराण लगायतका धर्म ग्रन्थहरुबाट प्रस्ट हुन्छ । आधा धर्ती ढाकेका महिलाको समाजमा उत्थान हुनुपर्दछ । महिला र पूरुष एक सिक्काका दुई पाटा हुन् भने समाज र विकासका परिपुरक पनि हुन् । अझ भन्नुपर्दा घरमा एउटी महिला वा आमा शिक्षित हुँदा सम्पूर्ण परिवार नै शिक्षित हुन्छन् । यसरी परिवार शिक्षित र सक्षम भए गाउँ, समाज, राष्ट्र हुदै बिश्व जगत नै शिक्षित सक्षम र संमृद्ध हुनसक्छ । एक महिलाको भूमिकाले घर निर्माणदेखि राष्ट्र निर्...

पूर्णपुष्टि, भदौ ८ । घाँस काट्न गएका स्थानीयलाई डिउटीमा खटिएको सेनाबाट कुटपिट भएकोे भन्दै स्थानीयले विरोध जनाएका छन् । उदयपुरको त्रियुगा नगरपालिका ३ भुल्केका स्थानीयबासीले गाउँ नजिकैको रहेको १८ नं. वाहिनीको गेटमा आज बेलुका धर्ना दिदै विरोध जनाएका हुन् । भुल्केको स्थानीय आज घाँसकाट्न गएको अवस्थामा कुटपिट भएको स्थानीयको भनाइ छ । स्थानीय ४० वर्षिय पुरुष मोहम्मदमाथि कुटपिट गरी घाइते बनाएको र अन्य केही महिलाहरुमाथिसमेत हातपात भएको आरोप स्थानीयले लगाएका छन् । वाहिनीले भने जबरजस्ती सेनाको सुरक्षाघेराभित्र केही स्थानीय घाँस काट्न पसेपछि सम्झाइबुझाइ पठाउन खोज्दा अटेर गरेको र सामान्य बल प्रयोग गर्नु परेको जनाएको छ । त्यस क्रममा कसैमाथि कुटपिट भने नभएको जनाएको छ । विहिनीपति मधुकर कार्कीले सेनाको सुरक्षा घेराभित्र पस्न संवेदनशील कुरा भएकाले सम्झाइ बुझाइ पठाउने काम भएको बताउनुभयो । यसैबीच ब...

सिएम रिमाल, हेटौंडा (मकवानपुर) काे एक सफल र सक्षम शिक्षक हुनुहुन्छ । शिक्षामा  पुस्तकालय र वालसाहित्यकाे विशेष महत्व रहन्छ भन्नुहुने उहाँ असल विद्यार्थी र सफल शिक्षक तथा अभिभावककाे बारेमा पनि महत्वपूर्ण धारणा राख्नुहुन्छ । शिक्षक रिमालसंग वालसाहित्यकार सम्पादक यशु श्रेष्ठले गर्नुभएकाे संवाद प्रस्तुत छ ।  विद्यालयमा पुस्तकालयको महंत्व किन र कसरी छ ? -पुस्तक खहरे हो भने पुस्तकालय सागर हो  । कक्षालाई पात भन्न सकिएला, पुस्तकालय ज्ञानको वृक्ष हो  । माथिका दुई वाक्यबाट नै पुस्तकालयको महत्त्व स्पष्ट हुन्छ । पुस्तकालयको महत्वलाई सूक्ष्म तरिकाले केलाउने हो भने यो ज्ञानको समुद्र तथा आफूले खोजेका अनि रोजेका कुराहरुको परीक्षण गरी गन्तव्यमा पुग्ने स्थल हो  । शैक्षिक अध्ययन तथा जीवन सिकाउने माध्यम नै पुस्तकालय हो  । यहाँ आफ्नो ज्ञान र सिपको क्षेत्रलाई बढाई जीवन जिउने आधार मात्र स्थापित गर्दैन कि समा...

पूर्णपुष्टि, भदौ ८ जयपृथ्वीबहादुर सिंहलाई हामी राष्ट्रिय शिक्षाका जनक, शिक्षा क्षेत्रका अग्रणी व्यक्तित्व, शिक्षासेवी, बालसाहित्यका सूत्रधार, एक मानवतावादी व्यक्तिको रूपमा चिन्दछौँ । उनको योगदान नेपाली समाजका लागि अतुलनीय छ । बेलायतीहरू भन्दथे, ‘जयपृथ्वीबहादुर दोस्रा बुद्ध हुन् ।’ आफ्ना राजकाज छाडेर, सारा सम्पत्ती जनताका नाममा गरिदिई सम्पूर्ण जीवन नै मानवता र शिक्षाका लागि समर्पण गर्ने एक महान् मानव हुन् जयपृथ्वीबहादुर । बालबालिकाहरुलाई कसरी असल शिक्षा दिन सकिन्छ ? कसरी पाठशालाहरुको स्थापना गर्न सकिन्छ ? पाठशालाका लागि आवश्यक पुस्तकहरु कसरी लेख्न र प्रकाशनसमेत गर्न सकिन्छ भनेर सोच्ने मात्र होइन, कार्यान्वयन नै गर्ने एक दूरदर्शी शिक्षासेवी तथा बालपुस्तकहरुका सर्जक बझाङी राजा जयपृथ्वीबहादुरको १४५ औँ जन्मजयन्ती प्रारम्भिक बालसाहित्य र जयपृथ्वीबहादुर सिंह” परिचर्चा गरी मनाइएको छ । नेपाल ...

पूर्णपुष्टि, भदौ ८ उदयपुरमा आज (मंलबार) थप १२ जनामा कोरोना भाइरसको संक्रमण पुष्टि भएको छ । जिल्ला स्वास्थ्य कार्यालय उदयपुरका अनुसार ६ महिला र ६ पुरुष गरी १२ जनामा संक्रमण पुष्टि भएको हो । योसँगै जिल्लामा कुल संक्रमितको संख्या ३ हजार ३६७ जना पुगेको छ । स्वास्थ्य कार्यालयका अनुसार थपिएका संक्रमितहरु सबै त्रियुगा नगरपालिकाका रहेका छन् । कोरोना जितेर थप १४ जना घर फर्किएसँगै जिल्लामा कोरोना मुक्त हुनेको कुल संख्या १ हजार ४३१ महिला र १ हजार ६९१ पुरुष गरी ३ हजार १२२ जना पुगेको छ । जिल्लामा कुल सक्रिय संक्रमित ९२ महिला र १०१ पुरुष गरी १९३ जना रहेको जिल्ला स्वास्थ्य कार्यालयले जनाएको छ । उदयपुरमा अहिले सम्म कोरोनबाट १६ महिला र ३६ पुरुष गरी ५२ जनाको ज्यान गएको छ ।...

पूर्णपुष्टि, भदौ ८ उदयपुरमा कोरोना भाइरस विरुद्धको पहिलो मात्राका भेरोसेल खोप लगाएका व्यक्तिहरुलाई दोस्रो डोज खोप भदौ १० गतेबाट आठै पालिकमा लगाउन सुरु गरिने निर्णय भएको छ । जिल्ला स्वास्थ्य कार्यालय उदयपुरका अनुसार आज बसेको बैठकले यस्तो निर्णय गरेको हो । २०७८ साल असार र साउनमा कोरोना विरुद्धको पहिलो डोज भेरोसेल खोप लगाएको लक्षित वर्गलाई साविककै खोपकेन्द्रहरुबाट दोस्रो डोज खोप सञ्चालन गरिने जिल्ला स्वास्थ्य कार्यालय प्रमुख मोहन प्रसाद सूवेदीले बताउनुभयो । सूवेदीका अनुसार सबै पालिकाहरुमा यही भदौ १० गते देखि २१ गते सम्म खोप लगाउने कार्य सञ्चालन हुने छ । त्रियुगा नगरपालिकामा त्रियुगा नगरपालिकाको भवन र अन्तर्गतका स्वास्थ्य चौकीहरुमा भदौ १० र ११ गते खोप लगाइने छ । त्यस्तै, उदयपुर अस्पतालमा पनि १० र ११ गते नै खोप लगाउने कार्य रहेको छ । चौदण्डीगढी र बेलका नगरपालिका अन्तर्गतका स्वास्थ...

पूर्णपुष्टि, भदौ ८ सुनसरीको इटहरी उपमहानगरपालिका–२० स्थित पानीपिया नजिकै सोमबार भएको सवारी दुर्घटनामा एक जनाको ज्यान गएको छ । विराटनगर–१४ का वर्षीय सफल राजवंशीको सो दुर्घटनामा ज्यान गएको हो । कोशी राजमार्गअन्तर्गत रानीबाट इटहरीतर्फ आउँदै गरेको प्रदेश १–०२–०००१–६–८४४५ नम्बरको ट्याङ्करले नम्बर नखुलेको मोटरसाइकललाई ठक्कर दिएको थियो । ट्याङकरको ठक्करबाट सफल र अविनाश राजवंशी घाइते भएको सुनसरीका प्रहरी नायब उपरीक्षक नरेन्द्र कुमार कार्कीले जानकारी दिनुभयो । घाइते भएको दुवैलाई उपचारका लागि बीपी कोइराला स्वास्थ्य विज्ञान प्रतिष्ठान धरान लगिएकोमा उपचारकै क्रममा सफलको मृत्यु भएको अस्पतालले जनाएको छ । अविनाशको उपचार भइरहेको जिल्ला प्रहरी कार्यालय सुनसरीले जनाएको छ । ठक्करबाट मोटरसाइकल पूर्ण रूपले जलेर नष्ट भएको प्रहरीले जनाएको छ । मोटरसाइकल पूर्ण रूपले नष्ट भएका कारणले गाडीको नम्बर खुल्न नसक...