Month: ५ वर्ष अगाडि

पूर्णपुष्टि, भदौ ६ दुई मोटरसाईकल एकआपसमा ठोक्किएर आगो लाग्दा ३ जनाको ज्यान गएको छ । पूर्वबाट पश्चिम जाँदै गरेको प्रदेश २–०३–००२ प ५३३५ र बिपरित दिशाबाट आउँदै गरेको बा ६५ प २७५६ नम्बरको मोटरसाइकल ठोक्किदा दुवै मोटरसाइकलका चालक र सवार १ महिलासहित ३ जनाको घटनास्थलमै मृत्यु भएको हो ।मृत्यु हुनेमा प्रदेश २–०३–००२ प ५३३५ नम्बरको मोटसाइकलका चालक बाराको निजगढ नगरपालिका ९ का १६ वर्षीय विकास साह र मोटरसाइकलको पछाडि सवार उनकी फूपू पर्साको बहुदरमाई नगरपालिका–४ डकैला बहुअरीकी ३५ वर्षीय सुनैना देवी साह रहेकी छन् । यस्तै बा ६५ प २७५६ नम्बरको मोटरसाइकल चालक नुवाकोटको घुङताङ–३ का ४० वर्षीय टुलुराज तामाङको पनि घटनास्थलमै मृत्यु भएको बाराका प्रहरी प्रवक्ता प्रहरी नायव उपरीक्षक गौतम मिश्रले जानकारी दिए । उक्त घटना बाराको जितपुरसीमारा उमहानगरपालिका १६ टाँगीयावस्तिस्थित पूर्वपश्चिम लोकमार्गको सडकमा शनि...

पूर्णपुष्टि, भदौ ६ उदयपुरमा केहि समय अघि टिकटक बनाउने क्रममा ज्यान गुमाएको एक व्यक्तिको श्रीमतीले पनि ज्यान गुमाएकी छिन् । त्रियुगा नगरपालिका स्थित देउरीका ७६ बर्षिय बृद्ध डिल्लीशेर राईको टिकटक बनाउँदै गर्दा पोखरीमा डुवेर मृत्यु भएको थियो । श्रीमानको मृत्यु पश्चात सोकमा बेहोस बनेकी ७९ बर्षिया पत्नी कन्या कुमारी राईको पनि मृत्यु भएको हो । कन्या कुमारीको बिराटनगर स्थित बिराटनरसिंङ होममा उपचारको क्रममा मृत्यु भएको परिवारले जनाएको छ ।खोटाङको दिप्रुङ चुईचुम्मा गाउँपालिका ४ स्थायी घर भएका बृद्ध केहि बर्षयता देखि देउरीमा घर बनाएर बसोवास गर्दै आईरहेका थिए । गर्मि छल्न घरबाट ८ बर्षिय बालक सँगै पोखरी हिडेको बृद्धले बालकलाई भिडियो खिच्न भन्दै पोखरीमा छिरेका थिए । पौडी खेल्दा आफ्नो ‘भिडियो खिच्नू’ भन्दै उनले बालकलाई मोवाई भिडियो रेकर्ड अन गरी हातमा दिएर छिरेको उनि डुवेको डुवेकै भए । हाँसहरु पनि पौ...

पूर्णपुष्टि, भदौ ६ खोटाङको हलेसी तुवाचुङ नगरपालिका–७ महादेवस्थानमा रहेको हलेसीबजारबाट २९ हजारभन्दा बढीको म्याद गुज्रीएको खाद्य सामग्री जफत गरेर नष्ट गरिएको छ । जिल्ला प्रशासन कार्यालय खोटाङ, घरेलु तथा साना उद्योग कार्यालय, हलेसी तुवाचुङ नगरपालिका र ईलाका प्रहरी कार्यालय हलेसीको संयुक्त टोलीले शुक्रबार गरेको अनुगमनका क्रममा म्याद गुज्रीएको  बिस्कुट, चाउचाउ, पेप्सी, दाल, आँटा, पापड, ग्लुकोज, मसला, कुरमुरे, मसला लगायतका सामग्री जफत गरेको हो । बजारका खाद्य तथा किराना पसलबाट २९ हाजर ४९० रुपैयाँ मूल्यको म्याद जुग्रीएको सामग्री नष्ट गरिएको छ । कोभिड–१९ को महामारीकाबिचमा हुनसक्ने कालोबजारी, मूल्यवृद्धि, कृत्रि अभाव लगायतका विषयलाई लक्षित गर्दै अनुगमन गरिएको प्रशासनले जनाएको छ । अनुगमन टोलीले व्यवसायीलाई म्याद नाघेका खाद्यबस्तु बिक्रीवितरण नगर्न, दर्ता नगरिएका पसललाई तत्काल दर्ता गरेर मात्र व...

पूर्णपुष्टि, भदौ ६ बहुविवाह र ठगाी गरेको अभियोगमा जनकपुरबाट प्रहरीले एक जना युवकलाई पक्राउ गरेको छ । वीरगञ्ज महानगरपालिका–११ घर भएका २६ वर्षीय विकास कुमार शाहलाई प्रहरीले पक्राउ गरेको हो । विकास र उनी कान्छी पत्नी मनिला कुमारी दासलाई पक्राउ गरिएको जिल्ला प्रहरी कार्यालय धनुषाका प्रवक्ता (डिएसपी) जीतेन्द्र कुमार बस्नेतले बताउनुभयो । जनकपुर उप–महानगरपालिका–४ स्थित मुरली चोकबाट पक्राउ परेका शाह दम्पतीमाथि प्रहरीले अनुसन्धान गरिरहेको छ । प्रहरीका अनुसार प्रारम्भिक अनुसन्धानबाट विकास बैंकिङ्ग कसुर र ठगीमा पनि संलग्न रहेको खुल्न आएको छ । शाहले सरकारी र गैरसरकारी संस्थाहरुमा ‘आवश्यक सामान सप्लाई गर्छु’ भनेर महङ्गो मूल्य पर्ने इलेक्ट्रोनिक सामान उधारोमा लिएर ठग्ने गरेको डिएसपी बस्नेतले बताउनुभयो । सामान किनेपछि पसल सञ्चालकलाई ‘खातामा पैसा छ’ भनेर उनले चेक दिन्थे । तर, चेक साट्नुअघि नै खात...

पूर्णपुष्टि, भदौ ६ गाईघाटमा शनिवार भएको मोटरसाईकल दुर्घटनामा परि एक जनाको ज्यान गएको छ । दुर्घटनामा परी त्रियुगा नगरपालिका ३ का ३२ बर्षिय शान्ति राम राईको मृत्यु भएको हो । प्रदेश १–०५–००१ प ३७१४ नम्बरको राई सवार मोटरसाईकल गाईघाट स्थित त्रियुगा पुल नजिकै लच्काहाको पोलमा ठोक्किदा दुर्घटना हुन पुगेको थियो ।दुर्घटनामा परी घाईते राईको उपचारका लागि जिल्ला हस्पिटल पुराए पनि साढे ६ बजे डाक्टरले मृत घोषणा गरेका थिए । घाईते राईलाई दुर्घटना स्थलबाट तत्कालै प्रहरी र स्थानीयको सहयोगमा हस्पिटल पुराइएको थियो ।  दुर्घटनाको कारण मादक पदार्थ सेवन गरी सवारी चलाएकाले नियन्त्रण बाहीर जाँदा घटना भएको हुनसक्ने अनुमान गरिएको छ ।  ...

पूर्णपुष्टि, भदौ ४ नेपालको ख्याती प्राप्त हाँस्य कलकार सम्भु थापाको निधन भएको छ । हल्का रमाईलोमा लगायत बिभिन्न टेलिसिरियलमा अभिनय गर्दै आएका थापाको कोरोना संक्रमण बाट निधन भएको हो । थापाले केहि चलचित्रमा समेत अभिनय गरेका थिए । ५५ बर्षिय थापाको पाटन अस्पतालमा शनिबार बिहान निधन भएको हो । थापालाई तीन साता अगाडि कोरोना संक्रमण पुष्टि भएको थियो । थापा ३ दशक लामो समय देखि कलकारीता क्षेत्रमै सक्रिय भई स्थापित कलकारको पहिचान बनाएको कलाकारको रुपमा चिनिन्छन् । थापाले थुप्रै टेलिसिरियल तथा केही चलचित्रमा अभिनय गरेका छन् । मह संचारको ‘आमा’, ‘मदनबहादुर हरिबहादुर’लगायतका टेलिसिरियलमा अभिनय गरेका थापाले राजेश हमाल, गौरी मल्ललगायतको अभिनय रहेको ‘आफ्नो बिरानो’ चलचित्र निर्माणसमेत गरेका थिए । पछिल्लो समय प्रशारण हुँदै आएका धेरै टेलिसिरियलमा उनले अभिनय गर्दै आएका थिए । ‘मेरी बास्सै’, ‘भद्रगोल’, ‘...

पूर्णपुष्टि, भदौ ४ मोरङमा दुई बिचौलीया प्रहरीको फन्दामा परेको छ ।  विराटनगरमा विचौलीयाको कार्य गरी सर्वसाधारण नागरिकलाई दुख हैरानी दिने दुई जनालाई प्रहरीले पक्राउ गरेको छ । पक्राउ पर्नेमा विराटनगर महानगरपालिका ८ अमरटोल १८ बर्षीय प्रधुम्न राय र २३ बर्षीय आनन्द कुमार साह रहेका छन् । उनिहरुले विराटनगर महानगरपालिका अन्तर्गत विभिन्न अस्पतालहरूमा उपचार गराउन आएका विरामी तथा विरामीका आफन्तहरूलाई  डर त्रास देखाउँदै आफवाह फैलाउने कार्या गरेको प्रहरीले जनाएको छ ।हस्पिटलमा आएका विरामी तथा आफन्तहरुलाई यहाँ डक्टर राम्रो छैन, यो अस्पतालमा कोरोना धेरै छ । उपचार राम्रो छैन भन्ने जस्ता अफवाह फैलाई विरामी तथा आफन्तहरूलाई झुक्याउँदै आफ्नो सम्पर्कमा भएको अस्पताल वा क्लिनिकमा उपचारको लागी प्रेरित गर्ने गरेको पाइएको हो । बिभिन्न डर त्रास देखाउँदै आफ्नो सम्पर्कमा भएको फार्मेसीमा औषधी किन्न वाध्य गराउने ...

पूर्णपुष्टि, भदौ ४ झापा बिर्तामोड नगरपालिका ९ देवकोटा चौकबाट लागूऔषध ब्राउन सुगर सहित दुई जनालाई पक्राउ गरिएको छ । पक्राउ पर्नेमा झापा बिर्तामोड नगरपालिका ८ का २० बर्षीय गोपाल बिश्वकर्मा र ईलाम माई नगरपालिका ६ घर भई हाल बिर्तामोड नगरापालिका ८ स्थितमा  फार्मेसी संचालन गरी बस्ने २० बर्षीय भिष्म वुढाथोकी रहेका छन् ।  हिजो बेलुका साढे ४ बजे बिशेष सुचनाको आधारमा ईलाका प्रहरी कार्यालय अनारमनीबाट खटिएको प्रहरी टोलीले उनिहरुलाई ब्राउन सुगर ५ ग्राम ५१० मिलिग्राम सहित प्रकाउ गरिएको हो । पक्राउ परेका दुवैजना उपर थप अनुसन्धान भईरहेको छ ।  ...

पूर्णपुष्टि, भदौ ३ होटलमा खाजा खाईरहेको अवस्थामा भिडियो खिचेर युट्युवमा लगाउने ३ जना युट्युवरलाई प्रहरीले पक्राउ गरेको छ । खाजा खान बसेका व्यक्तिको भिडियो खिचेर ‘बिर्तामोड काण्ड’ भनी युट्युब लगायतका सामाजिक सञ्जालमा सार्वजनिक गर्ने ३ जनालाई प्रहरीले शुक्रबार पक्राउ गरेको हो । चरित्र हत्या गरेको भन्दै युट्युबरविरुद्ध प्रहरीमा उजुरी परेपछि उनीहरु पक्राउ परेका हुन् ।पीडितले बिर्तामोडको होटल जंगल भ्यु चारआलीका सञ्चालक हेमराज भट्टराई, सोही ठाउँका स्नुकर पूल सञ्चालक सुवास कार्की, युट्युबरहरु खगेन्द्र घिमिरे र भाष्कर श्रेष्ठ तथा सामाजिक सञ्जालमा भिडियो अपलोड गर्ने कल्पना थापा बस्नेत र चन्दा प्रसाईं पोखरेल गरी ६ जनाविरुद्ध इलाका प्रहरी कार्यालय अनारमनीमा उजुरी दर्ता गराएका थिए ।मंगलबार राति बिर्तामोडको सिमाना होटलको कोठाभित्र बसेर खाजा खाइरहेका दुई महिला र एक पुरुषको भिडियो खिचेर सार्वजनिक ग...

पूर्णपुष्टि, भदौ ४ वितेको २४ घण्टामा नेपालमा थप ३ हजार ४२ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ५३० पीसीआर परीक्षण गर्दा २ हजार ७९ र ७ हजार १२४ नमुनाको एन्टिजेन परीक्षण गर्दा ९६३ जना गरी ३ हजार ४२ जनामा संक्रमण पुष्टि भएको हो । आज थपिएकासहित नेपालमा संक्रमितको संख्या ८ लाख २३ हजार ६४७ जना पुगेको छ । वितेको २४ घण्टामा २ हजार २४४ जना निको भएसँगै कोरोना मुक्त हुनेको संख्या ६ लाख ९३ हजार ५४३ जना पुगेको मन्त्रालयले जनाएको छ । त्यस्तै, वितेको २४ घण्टामा थप २६ जना संक्रमितको ज्यान गएसँगै कोरोनबाट ज्यान गुमाउनेको संख्या १० हजार ४५५ जना पुगेको छ । मन्त्रालयका अनुसार देशभर रहेका सक्रिय संक्रमितमध्ये ३६ हजार ९२२ जना होम आइसोलेसनमा रहेका छन् । यस्तै, संस्थागत आइसोलेसनमा ३ हजार ३८७ जनामध्ये ७१४ जनाको आईसीयू र १७१ जनाको भेन्टिलेटरमा ...