Month: ५ वर्ष अगाडि

पूर्णपुष्टि, कार्तिक ३ उदयपुरमा प्रहरीलाई झुक्याएर सवारी क्षती बीमा दाबी गर्न रिपोर्ट लिन आएका एक जना पुरुष पक्राउ परेको छ । धनुषा जनकपुरधाम उपमहानगरपालिका–४ बस्ने ३१ वर्षीय श्याम कुमार साहलाई गल मिति देखाएर बीमा दाबी गर्ने उद्देश्यले प्रहरी रिपोर्ट लिन आएको अभियोगमा जिल्ला प्रहरी कार्यालय उदयपुरले पक्राउ गरेको हो । उनले घटना भएको २ दिन पछिको विवरण बनाई बीमा दाबीका लागि प्रमाणिकरण रिपोर्ट प्रहरी संग लिन आएको खुलेको छ । साहले बीमा दाबी गर्ने उद्देश्यले साउन १४ गतेको घटनालाई १६ गतेको घटना बनाई प्रहरी संग प्रमाणिकरण रिपोर्ट लिन आएको जिल्ला प्रहरी कार्यालय उदयपुरका प्रहरी नायव उपरीक्षक बेद प्रसाद गौतमले बताउनुभयो । उक्त घटना बारे प्रहरीले घटनास्थलमा पुगी अवलोकन तथा सो सम्बन्धको अन्य कुराहरुको अध्ययन , अनुसन्धान गर्दा १६ गतेको नभई १४ गतेको भएको पाईएको प्रहरीको भनाई छ ।पक्राउ परेका साहलाई...

पूर्णपुष्टि, कार्तिक ३ उदयपुरमा खोलाले बगाउँदा हुलाकका एक कर्मचारीको मृत्यु भएको छ । उदयपुरगढी गाउँपालिका ८ का ५९ बर्षिय कृष्ण बहादुर श्रेष्ठको खोलाले बगाएर मंगलबार मृत्यु भएको प्रहरीले जनाएको छ । जिल्ला प्रहरी कार्यालय उदयपुरका प्रहरी नायव उपरिक्षक वेद प्रसाद गौतमाका अनुसार श्रेष्ठ अतिरिक्त हुलाक कार्यालय नरेटारको (अतिरिक्क्त) पत्र बाहक कर्मचारी रहेको जनाएको छ । उनको नेपालटार बाट उदयपुरगढी गाउँपालिका महादेवस्थान घर फर्कने क्रममा अन्दाजी ६ बजेको समयमा खोला तर्ने क्रममा बगाएर मृत्यु भएको प्रहरी नायव उपरिक्षक गौतमले जानकारी दिए । उनको शव अन्दाजी खोलाले १ किमि बगाएर ढुँगाको चेपमा अड्काएको अवस्थामा फेला परेको थियो । शव फेला परेको खबर प्राप्त भएसँगै जिल्ला प्रहरी कार्यालयबाट अनुसन्धानको टोली खटी आवश्यक कानुनी प्रक्रिया पुरा गरी लाश पोष्टमार्टमका लागि जिल्ला अस्पताल लगिएको छ ।...

पूर्णपुष्टि, कार्तिक ३ लगातार परेको भारी वर्षाका कारण आएको बाढीले विराटनगर महानगरपालिकाका १९ वटा वडा जलमग्न भएको छ । केसलीया र सिंघिया खोलामा आएको बाढीले विराटनगरका पश्चिम दक्षीण क्षेत्र बढी डुबानमा परेका छन् । विराटनगर ९ र १० बाहेक अन्य वडा जलमग्न भएको हो । १९ वडामध्ये विराटनगर १,२,३,४,६,१२, १६ नम्बर वडा बढी प्रभावित भएको विराटनगर महानगरपालिकाका मेयर भीम पराजुलीले जानकारी दिनुभयो । मोरङमा केसलीया, सिंघीया, चिसाङ, बक्राहा र नुनसरी खोलामा आएको बाढी बस्तीमा पसेको थियो । बाढीबाट प्रभावित १५ जनाको उद्धार गरिएको जिल्ला प्रहरी कार्यालय मोरङमा प्रहरी उपरीक्षक जनार्दन जिसीले बताउनुभयो । मंगलबार राति विराटनगर १ बाट ६ जना र बुधबार बिहान ६ जनाको उद्धार गरिएको थियो । उनका अनुसार बाढीबाट विस्तापित भएकाहरूको विवरण संकलन भइरहेको छ । विराटनगर, कटहरी, उर्लाबारी, लेटाङ, रतुवामाई, सुनबर्सी नगरका खोला...

पूर्णपुष्टि, कार्तिक ३ उदयपुरमा मंलबार बिहानबाट निरन्तर परेको अबिरल वर्षाका कारण आएको खोलाबाढीले बगाउँदा एक पुरुषको ज्यान गएको छ । जिल्लाको त्रियुगा नगरपालिका–५ बिलाउने कोरिया खोलामा आएको बाढीले बगाउँदा सोही स्थानका ४० वर्षीय टुुकबहादुर खड्काको ज्यान गएको हो । खड्का हिजो बेलुकी खोला तरेर पल्लो गाउँ जान खोज्दा खोलाले बगाएको थियो । उनको खोजी गर्ने क्रममा प्रहरी टोली र स्थानीयले साँझ साढे ६ बजे १ किलोमिटर तल खोलाको बगरमा खड्का मृत फेला परेको जिल्ला प्रहरी कार्यालय उदयपुरले जनाएको छ । प्रहरीको टोली घटनास्थल पुगेर खड्काको शव सर्जमिन मुचुल्का गरेर परीक्षणका लागि जिल्ला अस्पताल गाईघाट ल्याइएको जिप्रका उदयपुरका प्रहरी नायब उपरीक्षक बेदप्रसाद गौतमले बताउनुभयो । घटनास्थल जिल्ला सदरमुकाम गाईघाटदेखि २५ किलोमिटर दक्षिण सप्तरी र उदयपुर जिल्लाको सिमानामा रहेको प्रहरीले बताएको छ ।...

पूर्णपुष्टि, कार्तिक ३ प्रदेश नं १ मा लगतारको बर्षा सँगैको बाढीपहिरोमा परि २२ जनाको मृत्यु भएको छ । प्रदेश नं १ को उदयपुर सहित बिभिन्न जिल्लाहरु इलाम, सुनसरी, पाँचथर धनकुटा लगायत पहाडी जिल्ला र तराई जिल्ला गरी बाढीपहिरोमा परी २२ जनाको मृत्यु भएको १ नम्बर प्रदेश प्रहरी कार्यालयका प्रमुख प्रहरी नायब महानिरीक्षक अरुणकुमार बिसीले जानकारी दिए । बिसीका अनुसार पहाडी जिल्लाहरुमा २० जना र तराईमा २ जनाको बाढी पहिरोमा परि ज्यान गएको हो । पहिरोमा परी धनकुटामा ६ जना, पाँचथरमा ६ जना, इलाममा ७ जना, सुनसरीमा २ जना र उदयपुरमा १ जनाको ज्यान गएको हो ।  ...

पूर्णपुष्टि, कार्तिक २ उदयपुरमा आगलागी बाट २१ ओटा बाख्रा सखाप भएको छ । सोमवार रौतामाई गाउँपालिका ६ भातेमा सुर्ज बहादुर राईको बाख्रा खोरमा आगलागी हुँदा २१ ओटा बाख्रा मरेको जिल्ला प्रहरी कार्यालय उदयपुरले जनाएको छ । आगलागी हुँदा १२ वटा माउ बाख्रा ३ ओटा बोका र ६ ओटा पाठापाठी गरी जम्मा २१ ओटा बाख्रा मरेको प्रहरीले जनाएको छ । आगो के कुन कारणले लग्यो भन्ने पत्ता लागेको छैन् । आगलागी बाट २ लाख २६ हजार बराबरको क्षती भएको उदयपुर प्रहरीका डिएसपी बेद प्रसाद गौतमले जानकारी दिए ।...

पूर्णपुष्टि, कार्तिक २ धरानमा पहिरोले बेपत्ता भएको दिदिभाई मृत अवस्थामा फेला परेको छ । आज परेको अबिरल बर्षाको कारण घर पुरिदा दुई  बच्चा बेपत्ता भएको थियो । उनिहरु एक परिवारका दिदिभाई हुन् । मृत्यु हुनेमा सुनसरी धरान उपमहानगरपालिका १३ नागेश्वर मार्ग बस्ने निसान राईको छोरी ८ बर्षीया निसु राई र छोरा ४ बर्षीय निहान राई रहेका छन् । आज दिउसो पौने २ बजे घरमाथीबाट पहिरो झरी उनको १ तले टिनको छाना भएको घर पुरिदा सो घर भित्र रहेका दुई जना बच्चा समेत पुरिएका थिए । घटनाको जानकारी पाए लगतै ईलाका प्रहरी कार्यालय धरानबाट उद्धारको लागी प्रहरी टोली खटि गएको थियो । उद्धारमा खटिएको प्रहरी टोलीले दिउसो साढे ३ बजे दुईजना बच्चालाई मृत अबस्थामा फेला पारेको हो । घटनाको बारेमा थप अनुसन्धान भईरहेको छ ।...

पूर्णपुष्टि, कार्तिक २ अबिरल बर्षाका कारण धरानमा पहिरोले घर पुरिदा २ जना बेपत्ता भएको छ । बेपत्ता हुनेमा एक बालक र एक बालिका रहेको छ । उनिहरु एक परिवारका दिदि भाई रहेको प्रहरीले जनाएको छ ।सुनसरी प्रहरीका अनुसार पहिरो खसेसँगै वेपत्ता हुनेमा ७ वर्षिया निसु राई र वर्ष ४ का निहान राई रहेका छन । उद्दार कार्यको लागि घटनास्थलमा थप टोली पठाइएको प्रहरीले जनाएको छ । जिल्ला प्रहरी कार्यालय सुनसरीका डिएसपी नरेन्द्र कुमार कार्कीका अनुसार पहिरोले धरान १३ को नागेश्वर मार्गमा रहेको निशान राईको घर पुरिएको हो । पहिरोसँगै राईका छोरा र छोरी वेपत्ता भएको उनले बताए । कार्कीले वेपत्ता भएकाहरु पुरिएको हुन सक्ने आशंकामा उद्दार कार्य जारी रहेको बताए । उनले निरन्तरको वर्षाका कारण उद्दारमा भने समस्या आएको बताए ।...

पूर्णपुष्टि, कार्तिक २ बिर्तामोड नगरपालिका ९ स्थित रिद्धीसिद्धी प्लाई फ्याक्ट्री छेउबाट प्रहरीले लागूऔषध ब्राउन सुगर सहित एक जना पक्राउ गरेको छ । पक्राउ पर्नेमा सोही स्थानका ३४ बर्षीय जगदिश ओली रहेका छन् । हिजो बेलुका ७ बजे प्रहरी चौकी बिर्ताबजारबाट खटिएको प्रहरी टोलीले उनलाई डिजिटल तराजु र ब्राउन सुगर ९ ग्राम सहित पक्राउ गरेको हो । पक्राउ परेका ओलीलाई ईलाका प्रहरी कार्यालय अनामनीबाट थप अनुसन्धान भईरहेको छ ।...

पूर्णपुष्टि, कार्तिक २ अबिरल बर्षाका कारण डोटीमा सेती नदिको पुललाई बाढीले छोएको छ । अत्यादिक बर्षाका कारण पानीको सतह ह्वातै बढे सँगै सेती नदिले पुल छोएको हो । बाढीले पुल छोएपछि आवत जावतमा रोक लगाएको छ । पुलमा आवतजावत बन्द गरिएपछि तराईबाट डोटीको सदरमुकाम सिलगढीलगायत छिमेकी जिल्ला अछाम तथा बाजुरा जानका लागि आएका दर्जनौं सवारी साधन पिपल्ला बजारमा रोकिएका छन् । बाढीको सतहले पुल छोएपछि आज बिहानैदेखि सो पुल भएर आउ–जाउ गर्न रोक लगाइएको इलाका प्रहरी कार्यालय दिपायलका प्रमुख तथा प्रहरी नायब निरीक्षक रुपसिंह थापाले जानकारी दिए । तीन दिनदेखिको लगातारको वर्षाका कारण नदीमा बहाव बढेपछि जिल्ला प्रशासन कार्यालयले सबै नागरिकलाई सुरक्षित स्थानमा रहन आग्रह गरेको छ । नदीमा पानीको बाहब बढ्दै गएको र वर्षा पनि नरोकिएकाले नदी आसपासका नागरिकलाई नदी क्षेत्रमा नजान तथा विशेष गरी रातिको समयमा सचेत रहन आग्रह गरिए...