Month: ५ वर्ष अगाडि

पूर्णपुष्टि, असोज ३० ससुरालीबाट दशैंको टिका थापेर घर फर्कने क्रममा भीरबाट लडेर एक जनाको ज्यान गएको छ । खोटाङको दिक्तेल रुपाकोट मझुवागढी नगरपालिका–३ बाम्राङस्थित ससुराली घरमा टिका लगाएर घर फर्कने क्रममा संखुवासभाको चैनपुर नगरपालिका–८ चैनपुरका ४९ वर्षीय लेखबहादुर राउतको ज्यान गएको हो । राउतको शुक्रबार बाम्राङकै नंग्रेखोलामा भीरबाट करिब ५० मिटर तल खसेर ज्यान गएको जिल्ला प्रहरी कार्यालय खोटाङका डिएसपी उमेश लम्सालले बताउनुभयो । मादक पदार्थ सेवन गरेका कारण राउत लडेको अनुमान गरिएको छ । राउतको शवलाई पोष्टमार्टमका लागि जिल्ला अस्पताल दिक्तेल पु¥याइएको प्रहरीले जनाएको छ । घटनाका विषयमा अनुसन्धान अघि बढाइएको डिएसपी लम्सालले जानकारी दिनुभयो ।...

पूर्णपुष्टि, असोज ३० उदयपुरमा एक युवकले तीन जनामाथि खुकुरी प्रहार गरेको छ । चौदण्डीगढी नगरपालिका–१० खैराह झोडाका मनी कुमार राईले परिवारका तीन सदस्यमाथि खुकुरी प्रहार गरेको छ । घरेलु मदिरा सेवन गरी राईले आफ्नै आमा, दिदि र भेनालाई खुकुरी प्रहार गरी घाईते बनाएको हो । घटनामा आफ्नै आमासहित दिदी गीता पाण्डे (राई), भेना राजकुमार पाण्डे घाइते भएका छन् । मध्यरात पारिवारिक कलह बढेपछि राईले खुकुरी प्रहार गरेको प्रहरीले जनाएको छ । स्थिती असामान्य बनेपछि परिवारकै सदस्यले प्रहरीलाई खबर गरेको इलाका प्रहरी कार्यालय बेल्टारले जनाएको छ । खबर पाएलगतै पुगेको प्रहरी टोलीले घटनास्थलबाटै घाइतेहरुको उद्धार गरेको थियो । घाइते हुने आमालाई हातमा चोट लागेको छ । त्यस्तै भेना पाण्डेलाई पाखुरामा चोटा लागेको छ भने दिदी गीताको मुख र हातलगायतको ठाउँमा निलडाम देखिएको छ । घटनास्थलमा पुग्दा प्रहरी देखेपछि राई जङ्गलतिर...

पूर्णपुष्टि, असोज २९ । हिन्दुहरुको महान्पर्व दशैं आज ठूलाबडाबाट टिका आशिर्वाद थापेर मनाइएयो । घरघरमा टिका जमरा लगाउदै ठूलाबडाको आशिर्वाद थापिएको हो । आफन्त, नातागोतासंग भेटघाटसमेत हुने गर्दछ । छोरीचेलीहरु कोशेली पात बोकेर माइतीमा बुवाआमा, दाजुभाउजुबाट टिका थाप्ने गर्दछन् । मिठो खाने र राम्रो लाउने पर्वको रुपमा पनि मानिन्छ यो पर्व । राम्रो लुगामा ठाटिदै निधारमा टिका, शिरमा जमरा सिउरेर हिड्ने गरिन्छ । टिका पूर्ण अर्थात पाँचदिनसम्म लगाउने चलन छ ।...

-सुष्मा राई दशैंकाे इतिहास छ छुट्टै दर्शन छ बेग्लै महिमा छ आफ्नै रौनक छ । *** दशैंका थुप्रै कथा छन् अनगिन्ती व्यथा छन् भिन्ना भिन्नै कथन छन् प्रथक पृथक बिचार छन् आ-आफ्नै अनुभव र अनुभूति छन् । *** दशैं कसैलाई दशा रे कसैलाई अवसर रे कसैलाई व्यर्थको चाड रे कसैलाई जीवन जीउँने आधार रे । *** दशैं मेरो लागि थकाइ मार्ने चौतारी हो जमघट गर्ने अवसर पनि हो सम्बन्ध नवीकरणको माध्यम हो मिलन-सहिष्णुता प्रहसन गर्ने मञ्च हो सार्थक जीवन जीउँन उर्जा भर्ने थलो हो । *** (more…)...

पूर्णपुष्टि, असोज २८ । लिम्चुङबुङ जिरोदेखि हिरोको अवस्थामा आइपुगेको सो पालिकाका अध्यक्ष मेजरकुमार राईको दावी छ । हिजो विकास, शिक्षा, स्वास्थ्य आदिको हिसावले अन्धकारमय रहेको पालिका आज उज्यालो बन्नुका साथै विकास पूर्वाधारको हिसावले अगाडी बढेको उनको भनाई छ । उनले शिक्षा, स्वास्थ्य, कृषि, पर्यटनमा उल्लेखनीय सफलताको वयान गरेका छन् । सडक, विजुली, संचार, खानेपानी, इन्टरनेट र भौतिक पूर्वाधारहरु निर्माण भएको मात्र हैन एम्रेष्ट भ्यूटप, लिम्चुङबुङ–सोलु बैकल्पिक राजमार्ग, सुनकोशी लिफ्टिङ खानेपानी आयोजनाले सम्भावनै सम्भावना जन्माएको बखान गरेका छन् । पूर्णपुष्टि संवादमा अध्यक्ष राईले लिम्चुङबुङको बहुआयामीक थुप्रै सफलताहरुको स–विस्तार राखेका छन् ।  -संवादको पूराअंश हेर्न  भिडियोको लिंकमा जानुहोला । https://youtu.be/UV9-8PzsXII...

पूर्णपुष्टि, असोज २७ मासुको विषयलाई लिएर विवाद हुँदा सल्यानमा बाबुले छोराको हत्या गरेका छन् । बन्गाड कुपिण्डे नगरपालिका–१० माझकाँडाका ५५ वर्षीया नीमबहादुर कवरले खुर्पा प्रहार गरेर ३३ वर्षीय छोरा रुपलाल कवरको हत्या गरेका हुन् । मंगलबार दिउँसो बाबुछोराबीच मासुको विषयमा सामान्य विवाद भएको र राति करिब १० बजे नीमबहादुरले घरमै छोराको हत्या गरेको जिल्ला प्रहरी कार्यालय सल्यानले जनाएको छ । बाबुको खुर्पा प्रहारबाट रुपलालको घटनास्थलमै मृत्यु भएको हो । मंगलबार दिउँसो राँगा काटेका बेला बाबु नीमबहादुरले आफूलाई कम मासु दिएको भन्दै रुपलालसँग झगडा गरेका थिए । राती रुपलाल मदिरा सेवन गरी बाबुको घरमा गएका बेला धारिलो हतियार प्रयोग गरी हत्या भएको प्रहरीले जनाएको छ । प्रहरीका अनुसार नीमबहादुरले गल्ती स्वीकारी सकेका छन् । उनलाई प्रहरीले नियन्त्रणमा लिएको छ ।...

पूर्णपुष्टि, असोज २७ झापाको बिर्तामोडमा एक जना मासु व्यापारीको हत्या भएको छ । बिर्तामोड–५ स्थित महानन्द चोकमा मासु पसल गर्दै आएका अर्जुनधारा–६ का अन्दाजी ५० वर्षीय इन्द्रबहादुर मगरको गएराति हत्या भएको हो । मगरको मासु पसल भित्र हत्या भएको इलाका प्रहरी कार्यालय अनारमनीका प्रमुख प्रहरी नायब उपरीक्षक सन्तोष आचार्यले बताउनुभयो । आचार्यका अनुसार मगरको गर्धनमा धारिलो हतियारको चोट रहेको बताउनुभयो । प्रहरीका अनुसार उनको शरिरका अन्य भागमा पनि चोट रहेको छ । घटनाबारे जानकारी पाउनसाथ राति १० बजेनै प्रहरी घटना स्थलमा पुगेको थियो । शव पोष्टमार्टमका लागि बिपी कोइराला स्वास्थ्य विज्ञान प्रतिष्ठान धरान पठाइएको प्रहरीले जनाएको छ । हत्यामा संलग्नको खोजी भइरहेको जिल्ला प्रहरी कार्यालय झापाले जनाएको छ ।...

पूर्णपुष्टि, असोज २७ दशैंको रमाइलो गर्न पिङ हाल्ने क्रममा लडेर मकवानपुरमा एक जनाको ज्यान गएको छ । भीमफेदी गाउँपालिका–६ मान्डुमा लिंगेपिङ हाल्ने क्रममा लडेर ५३ वर्षीय प्रेम लामाको अकालमै ज्यान गएको हो । पिङ हाल्ने क्रममा लडेर गम्भीर घाइते भएका लामाको उपचारका क्रममा हेटौंडा अस्पतालमा ज्यान गएको जिल्ला प्रहरी कार्यालय मकवानपुरले जनाएको छ । प्रहरीका अनुसार पिङको लठ्ठा बाँध्ने क्रममा लामा खसेका थिए । लडेर गम्भीर घाइते भएका लामालाई हेटौंडा अस्पतालमा लगिएता पनि बचाउन नसकिएको प्रहरीले जनाएको छ ।...

पूर्णपुष्टि, असोज २७ महोत्तरीमा सवारी दुर्घटना हुँदा दुई जनाको ज्यान गएको छ । महोत्तरीको बर्दिबास नगरपालिका–४ मा दुई ओटा मोटरसाइकल आपसमा ठोक्किदा सर्लाहीको ईश्वरपुर नगरपालिका–१ का २८ वर्षीय विजय कुमार महतो र महोत्तरीको बर्दिबास नगरपालिका–३ गौरीडाँडाका २७ वर्षीय सुरज तामाङको ज्यान गएको हो । महतोको शुभ स्वस्तिक अस्पताल बर्दिबासमा र तामाङको रामजानकी अस्पतालमा ज्यान गएको अस्पतालले जनाएको प्रहरीले बताएको छ । विपरीत दिशाबाट जाँदै गरेका प्रदेश २–०१–००२ प ०५९७ र ज १२ प २९ ६१ नम्बरको मोटरसाइकल हिजो बेलुकी सवा ७ बजे आपसमा ठोक्किएका थिए । दुर्घटनामा घाइते भएका एक जनाको राम जानकी अस्पतालमा उपचार भइरहेको जिल्ला प्रहरी कार्यालय महोत्तरीले जनाएको छ ।...

पूर्णपुष्टि, असोज २७ उदयपुरमा दशैंको मुखमा फुलपातिको दिन मंगलबार अटो दुर्घटना भएको छ । रौतापोखरीबाट फर्कदै गरेको प्र १–०५००१ ह ०१२० नम्बरको अटो आफै अनियन्त्रीत हुँदा दुर्घटना भएको हो । दिउँसो ३ बजेको समयमा जिल्लाको त्रियुगा नगरपालिकाअन्तर्गत रौता–गाईघाट सडक खण्डको हुँबास र रानीबाँस बीचको टर्निङमा अटो पल्टीदा दुई जना घाईते भएका छन् । घाईतेमध्ये एक जनाको टाउँको र अर्कोलाई दाँया हातमा चोट लागेको प्रहरी चौकी साउने खाँबुका इन्चार्ज नरबहादुर खत्रीले जानकारी दिनुभयो । हुँबासदेखि केही किलोमिटर तल १५ नम्बर टर्निङमा अटो सडकदेखि अनियन्त्रीत भई तीन कान्ला मुनी खसेको चौकी इन्चार्ज खत्रीले बताउनुभयो । घटना भएको आधा घण्टापछि मात्र खबर आएकाले प्रहरी जाँदा जाँदै घटनास्थलबाट स्थानीयले तत्काल अस्पताल पठाइसकेकाले घाइतेहरुको पहिचान नखुलेको बताइएको छ । स्रोतका अनुसार उनीहरुलाई बोलेरोमा राखेर जिल्ला अस्पत...