Month: ११ महिना अगाडि

पूर्णपुष्टि/उदयपुर, भदौ २६ । जिल्ला प्रशासन कार्यालय उदयपुरले दोस्रो दिन आज कर्फ्यु जारी भएको छ । आज साँझ ७ः०० बजेदेखि भोली विहान ५:०० बजेसम्म कर्फ्यु जारी गरेको हो । हिजो त्रियुगा, कटारी, चौदण्डीगढी नगरपालिकामा मात्र कर्फ्यु क्षेत्र तोकिएकोमा आज बेलका नगरपालिका थपिएको हो । जिल्लामा विभिन्न स्थानमा हुन सक्ने प्रदर्शन, जुलुस, हुलदंगा आदिका कारण धनजनको क्षती हुन सक्ने अवस्थालाई मध्येनजर गर्दै जिल्ला सुरक्षा समितिको आजको बैंठकको निर्णय बमोजिम कफ्यु जारी भएको हो । जिल्लाको तीन मुख्य स्थानमा कर्फ्यु तोकिएको छ । सदरमुकाम गाईघाट क्षेत्रको पूर्वमा त्रियुगा नगरपालिका १३ फुलजोर, पश्चिममा त्रिनपा ७ चुहाडे, उत्तरमा त्रिनपा १० चप्पन बरुवापुल र दक्षिणमा त्रिनपा ६ जलजले तोकिएको छ । यसचार सिमाभित्र कुनै पनि भेला, जुलुस, प्रदर्शन, बैंठक गर्न नपाउने गरी कफ्यु जारी भएको छ । त्यसैगरी कटारी नगरपालिका क्षेत...

पूर्णपुष्टि/उदयपुर, भदौ २६ । जिल्ला अदालत उदयपुरले आज एक सुचना जारी गर्दै नियमित मुद्दाका सुनुवाई तथा अन्य निवेदन लिन स्थगित रहेको जनाएको छ । अदालतका निमित्त श्रेष्तेदार डिल्लीरमण तामाङद्वारा हस्ताक्षरित सुचनाले आज र भोली (भदौ २६ र २७ गते) नयाँ निवेदन र नियमित मुद्दाका सम्पूर्ण सुनुवाई स्थगित भएको जनाएको हो । बन्दीप्रत्याक्षीकरण निवेदन सुनुवाई, मुलुकी फौजदारी कार्यविधि संहिता २०७४ को दफा ९ बमोजिम पक्राउ पूर्जी जारी गर्न अनुमती प्रदान गर्ने र जरुरी पक्राउ स्विकृती, म्याद थप र थुनचेक सम्बन्धी कार्य भने हुने जनाइएको छ । यस बाहेकका अदालतका अन्य कार्य सम्पादन तथा जिम्मेवारीमा पर्ने कार्य दुईदिन स्थगित रहेको जनाइएको छ । अदालतको आजको फुलकोर्टको निर्णायानुसार सुचनामार्फत जानकारी दिइएको हो ।...

पूर्णपुष्टि, भदौ २६ । भ्रष्टाचार र सामाजिक सञ्जालमाथिको प्रतिबन्धविरुद्ध आन्दोलनमा उत्रिएका जेनजी प्रदर्शनका क्रममा मृत्यु हुनेको संख्या ३४ पुगेको छ  । स्वास्थ्य तथा जनसंख्या मन्त्रालयले आज सार्वजनिक गरेको विवरण अनुसार देशभरका विभिन्न अस्पतालहरूबाट प्राप्त तथ्यांक अनुसार ३४ जनाको मृत्यु भएको हो । काठमाडौंको सिभिल अस्पतालमा ६ जना, राष्ट्रिय ट्रमा सेन्टरमा ८ जना, भेरी अस्पतालमा ५ जना, एभरेष्ट अस्पतालमा ३ जना, फ्रन्टलाइन अस्पतालमा ३ जना, केएमसी अस्पतालमा २ जना, बि।पि। कोइराला स्वास्थ्य विज्ञान प्रतिष्ठानमा २ जना, बयोधा अस्पतालमा २ जना, त्रिवि शिक्षण अस्पताल, बिर्तासिटी अस्पताल र बिएनसी अस्पतालमा एक–एक जनाको मृत्यु भएको छ । त्यस्तै, देशभर विभिन्न अस्पतालमा १ हजार ३६८ जना घाइते उपचाररत छन् । जसमध्ये ३२१ जना अस्पतालमा उपचाररत छन् । हालसम्म ९४९ जना डिस्चार्ज भएका छन् ।...

पूर्णपुष्टि, भदौ २६ । उदयपुरमा आज बिहिबार बिहान ६ बजेदेखि साँझ ६ बजेसम्म निषेधज्ञा जारी गरिएको छ । प्रमुख जिल्ला अधिकारी प्रेमप्रसाद लुइँटेलले शान्ति सुरक्षा कायम राख्न यो आदेश जारी गर्नुभएको हो । स्थानीय प्रशासन ऐन संशोधनसहित २०२८ को दफा ६ (३) क बमोजिम जारी निषेधज्ञाको आदेशमा निषेधज्ञा भएको क्षेत्र र समयमा ५ जनाभन्दा बढी मानिसहरू एकठाउँमा भेला हुन नपाउने भनिएको छ । जिल्लाका विभिन्न स्थानहरूमा हुनसक्ने प्रदर्शन, जुलुस र हुलदङ्गाजस्ता गतिविधिका कारण प्रतिकूल अवस्था सिर्जना हुनसक्ने र शान्ति सुरक्षामा खलल पुग्नसक्ने परिस्थितिलाई दृष्टिगत गरी निषेधज्ञा जारी गरिएको छ । निषेधज्ञाको अवधिभर यस आदेशको अवज्ञा गर्ने वा आदेशको पालना गराउने कार्यमा अवरोध गर्ने जुनसुकै व्यक्तिलाई प्रचलित कानुनबमोजिम कडा कारबाही गरिने चेतावनी समेत दिइएको छ । उदयपुरमा बुधबार बेलुका ५ बजेदेखि बिहिबार बिहान ६ बजेसम्म...

पूर्णपुष्टि, २६ भदौ । त्रियुगाको बाढीमा फसेका एक बृद्धलाई सशस्त्र प्रहरी वल नं ५ गण हेक्वाले उद्धार गरेको छ । त्रियुगा नगरपालिका १२ का ५८ बर्षिय महेन्द्र शर्मालाई शसस्त्र प्रहरीले सकुशल उद्धार गरेको हो । बिहिबार बिहान त्रियुगा पुल मुनी बसिरको अवस्थामा एक्कासी बाढी आएपछि बृद्ध बाढीमै फसेका थिए । बाढीमा फसेको भन्ने सूचना पछि सशस्त्र प्रहरी बल ५ नं हेडक्वाटरका शसस्त्र प्रहरी निरिक्षक राज विक्रम खड्काको टोली तत्काल घटना स्थल तर्फ पुगेका थिए । वरी परि बाढी बिचमा फसिरहेका शर्माको डोरी बाट सकुशल उद्धार गरेको खड्काले जनाए । तत्काल उदद्धारले शर्मालाई जोखिमबाट मुक्त गर्दै ज्यान बचाउन सकेको निरिक्षक खड्कोका भनाई छ ।...

पूर्णपुष्टि/उदयपुर, भदौ २५ जिल्ला प्रशासन कार्यालय उदयपुरका प्रमुख जिल्ला अधिकारी प्रेमप्रसाद लुइटेलले अहिले पाँच बजेदेखि भोली विहान ६ बजेसम्मका लागि कर्फ्यु आदेश जारी गरेका छन् । जिल्लामा विभिन्न स्थानमा हुन सक्ने प्रदर्शन, जुलुस, हुलदंगा आदिका कारण धनजनको क्षती हुन सक्ने अवस्थालाई मध्येनजर गर्दै जिल्ला सुरक्षा समितिको आजको बैंठकको निर्णय बमोजिम कफ्यु जारी भएको हो । जिल्लाको तीन मुख्य स्थानमा कर्फ्यु तोकिएको छ । सदरमुकाम गाईघाट क्षेत्रको पूर्वमा त्रियुगा नगरपालिका १३ फुलजोर, पश्चिममा त्रिनपा ७ चुहाडे, उत्तरमा त्रिनपा १० चप्पन बरुवापुल र दक्षिणमा त्रिनपा ६ जलजले तोकिएको छ । यसचार सिमाभित्र कुनै पनि भेला, जुलुस, प्रदर्शन, बैंठक गर्न नपाउने गरी कफ्यु जारी भएको छ । त्यसैगरी कटारी नगरपालिका क्षेत्रको पूर्वमा कटारी नपा ५ डाङडुङखोलापुल, पश्चिममा कटारी नपा ४ ककुरखोलापुल, उत्तरमा कटारी नपा ४ म...

पूर्णपुष्टि/उदयपुर, भदौ २५ । हिजो जेनजी प्रदर्शनले अस्तब्यस्त बनेको उदयपुर आज शान्त छ । विशेषगरी सदरमुकाम गाईघाट अस्तब्यस्त बनेको थियो । यहाँस्थित सरकारी कार्यालय र पार्टी कार्यालयहरुमा तोडफोड तथा आगजनी भएको थियो । चौकमा शालिक तोडफोड हुनुका साथै दुईपांग्रे सवारी साधनमा आगजनी भएको थियो । आज विहानैदेखि जेन्जी समुहको नाममा कुनै पनि गतिविधि नभएको प्रहरीले जनाएको छ ।...

पूर्णपुष्टि/उदयपुर, भदौ २५ । गएराती १० बजेदेखि नेपाली सेना शान्ति सुरक्षाका लागि सडकमा खटिएका छन् । गाईघाट बजार र जिल्लाको सबै क्षेत्रमा सेनाको पैदल तथा सवारीसाधनबाट गस्ती भइरहेको छ । सेना परिचालनसंगै जेनजी प्रदर्शन रोकिएको छ । नेपाली सेनाले आज दिनभर निषेधाज्ञ देशभर लागु गरेको छ भने भरै ५ बजेदेखि भोली विहान ६ बजेसम्म कफ्यू आदेश जारी गरेको छ । निषेधाज्ञको बेला हुलहुज्जत, प्रदर्शन, विरोध, र्याली, भेला गर्नु हुदैन । निषेधाज्ञको अवज्ञा नगर्न नेपाली सेनाले माइकिङमार्फत अनुरोध गरिरहेको छ । स्थानीय प्रशासनसमेतले सुचना जारी गरी निषेधाज्ञ र कफ्युको पालना गर्न अनुरोध गरेको छ । आज सामान्य अवस्थामा उयदपुरको जनजीवन चलेको छ । विहान बन्द रहेपनि दिउसोदेखि बजार पसलहरु खुलेका छन् । यातायात चलेका छन् ।...

पूर्णपुष्टि/उदयपुर, भदौ २५ । उदयपुरका प्रमुख जिल्ला अधिकारी प्रेमप्रसाद लुइटेलले निषेधाज्ञ र कफ्युको पूर्ण पालना गर्न सबैलाई अनुरोध गर्नुभएको छ । आज एक सुचना जारी गर्दै शान्ति ब्यवस्था कायम गर्न हाल जारी भएको निषेधाज्ञ र कफ्युको पूर्ण पालना सबैले गरिदिन अनुरोध गर्नुभएको हो । गएराती १० बजेबाट नेपाली सेना लगायत जिल्लाका सबै सुरक्षा निकायहरु आप्mनो प्रमुख जिम्मेवारी नेपाल र नेपालीको सुरक्षाको लागि स्थिति नियन्त्रण गर्न खटि सकेको कुरा अवगत गराउदै उहाँले आज बेलुका ५ बजेसम्म देशभर निशेधाज्ञ रहेको र त्यसपछि भोली विहान ६ बजेसम्म कफ्यु आदेश जारी भएको उहाँले बताउनुभयो । एम्बुलेन्स, सब वाहन, दमकल, स्वास्थ्य र सुरक्षाकर्मीका सवारी साधन भने सञ्चालन हुने जनाइएको छ । आवतजावतका लागि अति जरुरी अवस्था परेमा नजिकको सुरक्षा निकायसंग समन्वय गर्नसकिने उहाँले बताउनुभयो । यसबेला प्रदर्शन, तोडफोड, लुटपाट, आगज...

पूर्णपुष्टि, २५ भदौ । जिल्ला प्रशासन कार्यालय उदयपुरले पछिल्लो देशको परिघटनालाई लिएर शान्ति सुरक्षा कायम गर्न आवश्यक रहेको जनाएको छ । विसम परिस्थितिलाई निर्मल गर्ण सेनाको सुरक्षालाई पालना गर्न आह्वान गरिएको छ । अत्यावश्यक सेवा बाहेक अन्य काम कार्वाहीमा तत्काल नलाग्न प्रशासनको आग्रह छ । निषेधञा र कर्फ्युलाई समय सम्मै पालना गरी शान्ति कायम गर्न भनिएको छ । अब उप्रन्त आन्दोलनको नाममा चोरी डकैती, लुटपाट तोडफोड र आगजानी जस्ता कार्य गर्न गराउन नपाईने भनिएको छ ।...